🔥🔞"في أحضان عزرائيل"🔞🔥(الجزء الثاني)

الحلقة 254

ﺍﻧﺎ : ﻳﺎﺧﻲ ﺷﻨﻌﻤﻞ ﻣﺎ ﻋﻨﺪﻱ ﺣﺘﻰ ﺭﻭﺏ ﻣﻨﺎﺳﺒﺔ
ﺭﺍﺿﻴﺔ : ﻣﺰﺍﻝ ﺍﻟﺤﺎﻝ ... ﺑﺮﺍ ﺍﺷﺮﻱ ﺗﻮﺍ
ﺍﻧﺎ : ﺑﺎﺵ ﻧﻠﻘﺎ ﺯﻋﻤﺔ
ﺭﺍﺿﻴﺔ : ﺷﻮﻑ ﻓﻲ ﺍﻟﺒﻮﺗﻴﻜﺎﺕ ﺍﻟﻜﺒﺎﺭ ﻟﻲ ﻫﻮﻧﻲ ﺑﺎﺯ ﺗﻠﻘﺎ
ﺍﻧﺎ : ﺑﺎﻫﻲ ﺣﻀﺮ ﺭﻭﺣﻚ ﺑﺎﺵ ﺗﻤﺸﻲ ﻣﻌﺎﻳﺎ ﻳﺎ ﺍﺣﻠﻰ ﺭﺍﺿﻴﺔ ﺑﺎﻟﺪﻧﻴﺎ
ﺭﺍﺿﻴﺔ : ﺍﻧﺎ ﻧﻤﺸﻲ ﻣﻌﺎﻙ
ﺍﻧﺎ : ﻣﻤﻢ ﻓﻲ ﻣﻘﺎﻡ ﺍﻣﻲ ﺭﺍﻙ ... ﻭ ﻧﺤﺒﻚ ﺗﻌﺎﻭﻧﻲ ﻧﺨﺘﺎﺭ ﺭﻭﺑﺔ
ﺭﺍﺿﻴﺔ : ﺑﺎﻫﻲ ﻋﺰﻳﺰﺗﻲ
ﺑﺪﻟﺖ ﺩﺑﺸﻲ ... ﻛﻠﻴﺖ ﺑﺎﻟﺰﺭﺑﺔ ... ﻭ ﺧﺮﺟﺖ ... ﺭﻛﺒﺖ ﻓﻲ ﺍﻟﻜﺮﻫﺒﺔ ... ﺩﻭﺏ ﺧﺎﻟﻄﺖ ﻋﻠﻴﺎ ﺧﺎﻟﺘﻲ ﺭﺍﺿﻴﺔ ... ﻃﺮﺕ ﺑﻴﻬﺎ ... ﺩﺭﺕ ﺍﻟﻮﺗﻴﻜﺎﺕ ﺍﻟﻜﻞ ... ﻟﻴﻦ ﻟﻘﻴﺖ ﺑﻮﺗﻴﻚ ﺳﺒﻴﺴﻴﺎﻝ ﻟﻠﺤﻔﻼﺕ ﻫﺬﻭﻣﺎ ... ﺧﻠﻴﺖ ﻟﻲ ﺗﺨﺪﻡ ﻏﺎﺩﻱ ﺗﻌﺎﻭﻧﻲ ... ﻋﻤﻠﺖ ﺟﻮ ﻣﻊ ﺧﺎﻟﺘﻲ ﺭﺍﺿﻴﺔ ... ﺍﺻﻼ ﻣﻦ ﺍﻛﺎﻛﺎ ﻟﻴﻠﺔ ﻟﻲ ﺷﻔﺘﻮ ﻓﻴﻬﺎ ... ﻣﻌﺎﺩﺵ ﺧﺮﺟﺖ ﻣﻦ ﺑﻴﺘﻲ ﺟﻤﻠﺔ ... ﺣﺘﻰ ﻣﻦ ﺍﻟﻤﺎﻛﻠﺔ ﺟﻴﺒﻬﺎﻟﻲ ﻟﺒﻴﺘﻲ ... ﻧﻔﺴﻴﺘﻲ ﺗﻌﺒﺖ ﺑﺮﺷﺎ ... ﺭﺟﻌﺖ ﻟﻠﻴﻤﺎﺕ ﻟﻲ ﻛﻨﺖ ﻧﺤﺲ ﺭﻭﺣﻲ ﻓﻴﻬﻢ ﻭﺣﺪﻱ ... ﺣﺘﻰ ﻫﻮ ﻣﻦ ﺍﻛﺎ ﻧﻬﺎﺭ ﻣﻌﺎﺩﺵ ﻛﻠﻤﻨﻲ ﻭ ﻻ ﺩﺍﺭ ﺑﻴﺎ ... ﺍﺻﻼ ﺑﺎﺯ ﺍﺭﺗﺎﺣﺖ ﻭ ﺭﺟﻌﺘﻠﻮ ... ﺍﺻﻼ ﻛﻼﻣﻬﺎ ﻃﻠﻊ ﺻﺤﻴﺢ ﻓﻲ ﺍﻻﺧﻴﺮ ﺑﺎﺵ ﻳﺮﺟﻌﻠﻬﺎ ... ﺷﺮﻳﺖ ﺍﻟﺮﻭﺏ ﻟﻲ ﺣﺒﻴﺘﻬﺎ ﻛﺎﻧﻬﺎ ﻣﻔﺼﻠﺔ ﻋﻠﻴﺎ ... ﻭ ﺷﺮﻳﺖ ﻛﻠﺸﻲ ﻳﺨﺺ ﺍﻟﺤﻔﻠﺔ ... ﻣﺨﻤﻤﺘﺶ ﺟﻤﻠﺔ ﻻﻧﺎ ﺑﺎﺵ ﻧﺘﻠﻘﺎﻩ ... ﻭ ﻻ ﺑﺎﺵ ﻧﻐﺰﻟﻮ ... ﺍﻟﻠﻴﻠﺔ ﻧﺤﺐ ﻧﻜﻮﻥ ﺍﻧﺎ ﻛﻬﻮ .. ﺳﻮﺍﺭ ﻭ ﻻ ﺩﻧﻴﺰ ﻣﻨﻌﺮﻓﺶ ... ﺍﻣﺎ ﻧﺤﺐ ﻧﺘﺤﺮﺭ .. ﻧﺘﺤﺮﺭ ﻣﻦ ﺍﻟﻜﻞ ﺍﻟﻘﻴﻮﺩ ﻟﻲ ﻛﺎﻧﺖ ﺭﺍﺑﻄﺘﻨﻲ ... ﻧﺤﺐ ﻧﻀﺤﻚ ﻭ ﻧﻨﺴﺎ ﻫﻤﻮﻣﻲ ﺍﻟﻜﻞ ... ﻧﺤﺐ ﺍﻟﻠﻴﻠﺔ ﺗﻜﻮﻥ ﻣﻠﻜﻲ ... ﻧﺤﺐ ﻧﺤﺘﻔﻞ ﺑﻌﻴﺪ ﻣﻴﻼﺩﻱ ﺍﻟﻠﻲ ﻣﺎ ﻳﻌﺮﻑ ﺑﻴﻪ ﺣﺪ ﻏﻴﺮﻱ ... ﻋﻴﺪ ﻣﻴﻼﺩ ﺳﻮﺍﺭ ... ﺍﻟﻴﻮﻡ ﻫﺬﺍ ﻛﺎﻥ ﺩﻳﻤﺎ ﻳﻜﻮﻥ ﻣﻤﻴﺰ ﻋﻨﺪﻱ ﺑﻜﺪﻭﺍﺕ ﺻﻐﻴﺮﺓ ﻣﻦ ﻋﻨﺪ ﺍﻣﻲ ﻭ ﻋﻤﺎﺩ ... ﻭ ﺍﻟﻌﻄﺎﺭ ﺍﻟﻠﻲ ﺑﺤﺬﺍﻧﺎ ... ﺍﻣﺎ ﺍﻟﻠﻴﻠﺔ ﻧﺤﺐ ﻧﺬﻛﺮﻫﺎ ﺑﺘﺎﺭﻳﺦ ﻣﻴﻼﺩﻱ ... ﻧﺤﺐ ﻧﺨﻠﻲ ﺣﺎﺟﺎﺕ ﺑﺎﻫﻴﺔ ﻟﻴﺎ ... ﻓﻲ ﻭﺳﻂ ﺍﻟﻮﺳﺦ ﻟﻲ ﻋﺎﻳﺸﺔ ﻓﻴﻪ ﺗﻮﺍ
ﺯﻳﺎﺩ ﻳﺤﻜﻲ :
ﻭﺍﻗﻒ ﻣﻊ ﻣﻴﺮﺍﻝ ﻓﻲ ﻭﺳﻂ ﺍﻟﺼﺎﻟﺔ ... ﻭﺻﻠﺖ ﻟﻠﻜﺎﺳﺔ ﺍﻟﺜﺎﻧﻴﺔ ... ﻧﺤﺲ ﻓﻲ ﺭﻭﺣﻲ ﻋﻠﻰ ﺍﻋﺼﺎﺑﻲ ... ﺍﺻﻼ ﻣﻦ ﺍﺳﺒﻮﻉ ﻭ ﺍﻧﺎ ﺩﺍﺧﻞ ﺑﻌﻀﻲ ... ﺑﺨﻼﻑ ﺍﻟﺨﺪﻣﺔ ... ﺗﻔﻜﻴﺮﻱ ﺍﻟﻜﻞ ﺑﻘﺎ ﻋﻨﺪﻫﺎ ... ﺗﻮﺣﺸﺘﻬﺎ ﺍﻟﻔﺮﺧﺔ ... ﻣﻦ ﺍﺳﺒﻮﻉ ﻣﺸﻔﺘﻬﺎﺵ ﻭ ﻣﺴﻤﻌﺘﺶ ﺻﻮﺗﻬﺎ ... ﺣﺘﻰ ﻣﻴﺮﺍﻝ ﻟﻲ ﻛﻞ ﻣﺮﺓ ﺗﺒﺪﺍ ﺑﺤﺬﺍﻳﺎ ﻧﺘﻠﻔﻬﺎ ... ﺣﺘﻰ ﺍﻻﺭ ﻟﻲ ﻋﺪﺍﺕ ﻓﻴﻬﺎ ﻳﻮﻣﻴﻦ ﻛﻬﻮ ... ﺧﻼﺕ ﻓﻴﻬﺎ ﺭﻳﺤﺘﻬﺎ ... ﻓﻲ ﻓﺮﺷﻲ ... ﻭ ﺑﻴﺠﺎﻣﺘﻬﺎ ﻟﻲ ﺧﻼﺗﻬﺎ ﻋﺎﻟﺴﺮﻳﺮ ... ﺳﺎﻋﺎﺕ ﻧﺤﺲ ﺭﻭﺣﻲ ﻫﺒﻠﺖ ﺑﻴﻬﺎ ... ﺳﺖ ﺷﻬﻮﺭ ﺑﺮﻙ ... ﺳﺖ ﺷﻬﻮﺭ ﻣﻦ ﻭﻗﺖ ﻋﺮﻓﺘﻬﺎ ... ﺍﻣﺎ ﺑﺪﻟﺖ ﺷﻲ ﺩﺍﺧﻠﻲ ... ﺣﺮﻛﺖ ﺍﺣﺴﺎﺱ ﺟﺪﻳﺪ ﻣﻨﻌﺮﻓﻮﺵ ﻣﻦ ﻗﺒﻞ ... ﺣﺘﻰ ﻣﻴﺮﺍﻝ ﻟﻲ ﻣﻦ ﺳﻨﻴﻦ ﻧﻌﺮﻓﻬﺎ ... ﻭ ﻋﺸﺖ ﻣﻌﺎﻫﺎ ﻛﻠﺸﻲ ﻣﻮﺻﻠﺘﺶ ﺣﺮﻛﺖ ﻓﻴﺎ ﺷﻌﻮﺭ ﻫﺬﺍ ... ﺍﺻﻼ ﻟﺘﻮﺍ ﻣﺴﺘﻐﺮﺏ ﻛﻴﻒ ﻧﺠﻤﺖ ﻧﺸﺪ ﺭﻭﺣﻲ ﻋﻼﻫﺎ ﻟﺘﻮﺍ ﻭ ﻣﻜﻠﻤﺘﻬﺎﺵ ... ﺣﺘﻰ ﺷﻮﻓﻮﺭ ﻗﺎﻝ ﻟﻤﻌﺎﺩﺵ ﺧﺮﺟﺖ ﻣﻦ ﺩﺍﺭ ﺟﻤﻠﺔ ... ﺍﻟﺤﺎﺟﺔ ﻟﻲ ﺭﻳﺤﺘﻨﻲ ﻭ ﻗﻠﻘﺘﻨﻲ ﻓﺮﺩ ﻭﻗﺖ ... ﻧﻌﺮﻑ ﻟﻨﻔﺴﻴﺘﻬﺎ ﺑﺎﺵ ﺗﺘﻌﺐ ﻏﺎﺩﻱ ... ﻧﻌﺮﻓﻬﺎ ﺑﺎﻟﻘﺪﺍ ... ﺗﻲ ﺯﺡ ﻧﺨﺪﻡ ﻭ ﻣﺨﻲ ﻣﻌﺎﻫﺎ ... ﻧﻮﺻﻞ ﻧﻜﻠﻤﻬﺎ ﻭ ﻧﺮﺟﻊ ﻟﺘﺎﻟﻲ ... ﻧﺤﺐ ﻧﺨﻠﻴﻬﺎ ﺗﻔﻬﻢ ﺷﻤﻌﻨﻰ ﻭﺍﺣﺪ ﻳﻘﻠﻘﻬﺎ ... ﺗﻲ ﺍﻟﻔﺮﺧﺔ ﺟﺎﺑﺘﻠﻲ ﺍﻟﺤﺎﻛﻢ ﺟﻤﻠﺔ ... ﺗﻲ ﺍﻟﺮﺟﺎﻝ ﻭ ﻣﻌﻤﻠﻮﻫﺎﺵ ... ﺗﻲ ﺣﺘﻰ ﻓﻲ ﺍﻟﺤﻔﻠﺔ ... ﺑﻘﺎ ﺗﺮﻛﻴﺰﻱ ﻣﻌﺎﻫﺎ ... ﻓﻘﺖ ﻣﻦ ﺳﺮﺣﺘﻲ ... ﻛﻴﻒ ﺷﻔﺖ ﺍﺩﻡ ﺩﺍﺧﻞ ... ﺷﺎﺩ ﻭﺣﺪﺓ ﻓﻲ ﻳﺪﻭ ﺍﺣﺴﻦ ﺷﻲ ﺣﺎﻃﺔ ﻣﺎﺳﻚ ... ﻧﺪﺭﺍ ﺷﻜﻮﻥ ﻣﻨﻬﻢ ... ﻗﺮﺏ ﻣﻨﻲ ﺻﺎﻓﺤﺘﻮ ﻭ ﺣﻀﻨﺘﻮ ﻓﺮﺩ ﻭﻗﺖ ﻧﺤﻜﻲ