🔥🔞"في أحضان عزرائيل"🔞🔥(الجزء الثاني)

الحلقة,368

ﻭﺍﻗﻒ ﺑﺤﺬﺍ ﺍﻟﺒﻼﺭ ... ﻧﺸﻮﻑ ﻣﻌﺎﻫﺎ ... ﺭﺍﻗﺪﺓ ﻭ ﻣﺶ ﺣﺎﺳﺔ ﻋﻠﻰ ﺷﻲ ... ﺍﻟﻤﻨﻈﺮ ﻫﺬﺍ ﺑﺎﻟﻈﺒﻂ ﺭﺟﻌﻨﻲ ﺳﻨﻴﻦ ﻟﺘﺎﻟﻲ ... ﺳﻜﺮﺕ ﻋﻴﻨﻴﺎ ﺑﺎﻟﻘﺎﻭﻱ ... ﺯﻋﻤﺔ ﺷﻜﺎﻥ ﺻﺎﺭ ﻛﺎﻥ ﻟﺤﻘﺖ ﻋﻼﻫﺎ ... ﻣﺴﺘﺤﻴﻞ ﻛﻨﺖ ﻧﺨﺴﺮﻫﺎ ﺳﺎﻋﺘﻬﺎ ... ﻣﺰﻟﺖ ﻧﺤﺲ ﺑﺒﺪﻧﻬﺎ ﻭ ﻫﻲ ﺑﻴﻦ ﻳﺪﻳﺎ ... ﻣﺰﺍﻝ ﻛﻼﻣﻬﺎ ﺗﺎﻟﻲ ﻳﺘﻌﺎﻭﺩ ﻓﻲ ﻭﺫﻧﻲ "... ﻭ ﻭﺻﻠﻨﺎ ﻝ ﻟﻨﻬﺎﻳﺔ ... ﺍ ﺍﻧﺎ ﺑﺎﺵ ﻧﻤﺸﻲ "..." ﻻﺍﺍ ﻣﺴﺘﺤﻴﻞ ﺣﻨﺎﺍﺍﻥ ﺍﻣﺎﻧﻚ ... ﻋﻴﺶ ﺣﺒﻲ ﺍﺗﺤﻤﻞ ... ﻛﺎﻥ ﺗﺤﺒﻨﻲ ﺷﻮﻳﺔ ﺑﺮﻙ ﺍﺗﺤﻤﻞ ﻋﻠﻰ ﺧﺎﻃﺮﻱ " ﺭ ﺭﺩ ﺑﺎﻟﻚ ﺗﻨﺴﺎﻧﻲ "..." ﻻﺍﺍ ﺍﺗﺤﻤﻞ ﻧﻌﺮﻓﻚ ﻗﻮﻳﺔ ... ﺍﻣﺎﺍﻧﻚ ﻣﺘﻤﺸﻴﺶ ..." ﻫﺰﺕ ﻳﺪﻫﺎ ﻛﻠﻬﺎ ﺩﻡ ... ﺣﻄﺘﻬﺎ ﻋﻠﻰ ﺧﺪﻱ ﻭ ﻛﻤﻠﺖ ﺗﺤﻜﻲ "... ﺍ ﺍﺩﻓﻦ ﺍ ﺍﻻﻭﻝ ﻭ ﻭﺍﺣﺮﻕ ﺛﺎﻧﻲ ﻛﺎﻥ ﻥ ﻧﺠﻤﺖ "..." ﻧﻮﻭﻭﻋﺪﻙ ﺑﺎﺵ ﻧﺎﺧﺬﻟﻚ ﺣﻘﻚ ... ﺍﻣﺎ ﺍﻧﺖ ﺍﺑﻘﻰ ﻣﻌﺎﻳﺎ "..." ﻥ ﻧﺤﺒﻚ .." ﺍﺧﺮ ﺷﻲ ﺷﻔﺘﻮ ﻫﻮ ﺍﺑﺘﺴﺎﻣﺘﻬﺎ ... ﺍﺧﺮ ﻛﻠﻤﺔ ﺳﻤﻌﺘﻬﺎ ﻣﻨﻬﺎ ﻧﺤﺒﻚ ... ﺑﻌﺪﻫﺎ ﻓﺎﺭﻗﺘﻨﻲ ﻣﺸﺎﺕ ﻭ ﺧﻼﺗﻨﻲ ... ﺣﻀﻨﺘﻬﺎ ﺑﻜﻞ ﻗﻮﺗﻲ ... ﺻﺤﺖ ﺑﻜﻞ ﺻﻮﺗﻲ ... ﺗﺮﺟﻴﺘﻬﺎ ﺑﺎﺵ ﻧﻔﻴﻖ ﺷﻲ ... ﺍﺧﺘﺎﺭﺕ ﺍﻟﻤﻮﺕ ﻋﻠﻴﺎ ... ﻭﻗﺘﻬﺎ ﺑﺮﻙ ﻭﻋﺪﺗﻬﺎ ﻭﻭﻋﺪﺕ ﺭﻭﺣﻲ ... ﻣﺶ ﺑﺎﺵ ﻧﻬﺪﺍ ﺣﺘﻰ ﻧﺎﺧﻮ ﺑﺤﻘﻬﺎ ... ﻭ ﻧﻮﻓﻲ ﺑﻮﻋﺪﻱ ﻟﻴﻬﺎ ... ﺑﺎﺵ ﻧﺤﺮﻗﻬﻢ ﻧﺎﺱ ﺍﻟﻜﻞ ... ﺧﺎﻃﺮ ﺣﺮﻗﻮﻧﻲ ... ﺩﻣﻬﺎ ﻏﺎﻟﻲ ﻭ ﻣﺶ ﺑﺎﺵ ﻳﻀﻴﻊ ﺍﻛﺎﻛﺎ ... ﺍﻧﻔﺎﺳﻬﺎ ﻻﺧﺮﻯ ﻟﻜﺎﻧﺖ ﺑﻴﻦ ﻳﺪﻳﺎ ﺑﺎﺵ ﻳﺨﻠﺼﻮﻩ ﻟﺘﺎﻟﻲ ... ﺭﻭﺣﻲ ﻟﻲ ﻣﺸﺎﺕ ﻣﻌﺎﻫﺎ ... ﺍﻟﺤﺎﺟﺎﺕ ﺍﻟﺒﺎﻫﻴﺔ ﻟﺨﺴﺮﺗﻬﺎ ﻭﻗﺖ ﻣﺸﺎﺕ ... ﻣﺶ ﺑﺎﺵ ﻧﻌﺪﻳﻬﺎ ﺑﺎﻟﺴﺎﻫﻞ ... ﻛﺎﻥ ﻇﻄﺮﻳﺖ ﻧﺤﺮﻕ ﻟﻲ ﻭﺭﺍﻳﺎ ﻭ ﻟﻲ ﻗﺒﻠﻲ ... ﺑﺎﺵ ﻧﻘﺘﻠﻬﻢ ﺑﻴﺪﻱ ﺯﻭﺯ ... ﻭﻗﺘﻬﺎ ﺑﺮﻙ ... ﻣﻌﺎﺩﺵ ﻧﺬﻛﺮﻫﺎ ﺑﻮﺟﻴﻌﺔ ... ﻭﻗﺘﻬﺎ ﺑﺮﻙ ﺑﺎﺵ ﻳﺮﺗﺎﺡ ﻗﻠﺒﻲ ... ﺣﻠﻴﺖ ﻋﻴﻨﻴﺎ ﻋﻠﻰ ﺻﻮﺕ ﺍﻟﻄﺒﻴﺐ ... ﺗﻠﻔﺖ ﻧﺸﻮﻑ ﻣﻌﺎﻩ
ﻃﺒﻴﺐ : ﻣﺴﻴﻮ ﺍﻧﺖ ﻟﻲ ﺟﺒﺖ ﺍﻟﻤﺮﻳﻀﺔ ﻟﻬﻮﻧﻲ
ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﺗﻠﻔﺖ ﻏﺰﺭﻟﻬﺎ ﻣﻦ ﺍﻟﺒﻼﺭ ... ﺣﻂ ﻳﺪﻳﻪ ﻓﻲ ﻣﻜﺎﺗﺒﻮ ﻳﺤﻜﻲ
ﻫﻮ : ﺗﻌﺮﺿﺖ ﻟﺼﺪﻣﺔ ﻗﻮﻳﺔ ... ﻭ ﺑﺪﻧﻬﺎ ﺿﻌﻒ ﺑﺮﺷﺎ ... ﻏﺮﻳﺒﺔ ﻛﻴﻒ ﻧﺠﻤﺖ ﺗﺘﺤﻤﻞ ... ﻛﺎﻥ ﺯﺍﺩﺕ ﻳﻤﺎﺕ ﺍﺧﺮﻯ ﻣﺴﺘﺤﻴﻞ ﺗﻌﻴﺶ
ﺍﻧﺎ : ﺷﺘﻘﺼﺪ ﺑﺒﺪﻧﻬﺎ ﺿﻌﻴﻒ
ﻫﻮ : ﺗﻌﺪﺍﺕ ﺑﺮﻳﻮﺩﺓ ﻣﺘﺎﻛﻮﻟﺶ ... ﻋﻠﻰ ﻫﺬﺍﻛﺎ ﺑﺪﻧﻬﺎ ﺿﻌﻒ ﺑﺮﺷﺎ
ﺍﻧﺎ : ﻛﻬﻮ
ﻫﻮ : ﺷﺘﻘﺼﺪ ﺑﻜﻼﻣﻚ
ﺍﻧﺎ : ﻧﻘﺼﺪ ﺗﻌﺮﺿﺖ ﻟﻀﺮﺏ ﻭ ﻻ ﺍﻱ ﺷﻲ ﺍﺧﺮ
ﻫﻮ : ﻻﺍ ... ﺑﺎﺵ ﺗﺒﻘﻰ ﺗﺤﺖ ﺍﻟﻤﺮﺍﻗﺒﺔ ﻟﻴﻠﺔ ... ﻭ ﺻﺒﺎﺡ ﻧﺘﺒﻌﻮ ﺣﺎﻟﺘﻬﺎ
ﺍﻧﺎ : ﺑﺎﻫﻲ
ﺍﻭﻝ ﻣﺎ ﻣﺸﺎ ﺗﻠﻔﺖ ﻧﺸﻮﻑ ﻣﻌﺎﻫﺎ ... ﺳﺮﺣﺖ ﻓﻲ ﻭﺟﻬﺎ ... ﺳﺎﻋﺎﺕ ﻧﺤﺲ ﻣﻼﻣﻬﺎ ﻣﺶ ﺑﻌﻴﺪﺓ ﻋﻠﻴﺎ ... ﺣﺘﻰ ﺻﻮﺗﻬﺎ ﺳﺎﻣﻌﻮ ﻣﻦ ﻗﺒﻞ ... ﺍﻣﺎ ﻭﻳﻦ ﺑﺎﻟﻈﺒﻂ ﻧﺴﻴﺖ ﻋﻠﻴﻪ ... ﻣﻨﻌﺮﻓﺶ ﻗﺪﺍﺵ ﺑﻘﻴﺖ ﻭﺍﻗﻒ ﻏﺎﺩﻱ ... ﺍﻓﻜﺎﺭ ﺗﻬﺰ ﻓﻴﺎ ﻭ ﺟﻴﺐ ... ﻣﻨﻌﺮﻓﺶ ﻋﻼﺵ ﺧﻄﻔﻬﺎ ¤¤¤¤ ﻣﺘﺎﻉ ﻳﺎﺳﺮ ... ﺍﻣﺎ ﺑﺎﺯ ﻣﺶ ﺑﺎﺵ ﺗﺘﻌﺪﺍﻟﻮ ﺑﺎﻟﺴﺎﻫﻞ ... ﻧﻔﺨﺖ ﺑﺎﻟﻘﺎﻭﻱ ...