🔥🔞"في أحضان عزرائيل"🔞🔥(الجزء الثاني)

الحلقة 302

ﺍﺩﻡ ﻳﺤﻜﻲ : ﺑﻘﻴﺖ ﻧﺸﻮﻑ ﻣﻊ ﻗﻄﺮﺍﺕ ﺍﻟﻤﻄﺮ ... ﻟﻲ ﻧﺎﺯﻟﺔ ﻋﻠﻰ ﺑﻼﺭ ﺍﻟﻜﺮﻫﺒﺔ ... ﻗﻄﺮﺍﺕ ﻫﺰﺗﻨﻲ ﺑﺎﻟﺬﺍﻛﺮﺓ ﻟﺒﻌﻴﺪ ﺑﺮﺷﺎ ... ﻟﻮﺟﻴﻌﺔ ﻣﺤﻔﻮﺭﺓ ﻓﻲ ﻗﻠﺒﻲ ﻭ ﻣﺴﺘﺤﻴﻞ ﺷﻲ ﻳﻨﺠﻢ ﻳﻤﺤﻴﻬﺎ ... ﺳﻜﺮﺕ ﻋﻴﻨﻴﺎ ﺑﺎﻟﻘﺎﻭﻱ ... ﻭﺭﺟﻌﺖ ﻓﺘﺤﺘﻬﻢ ... ﻏﺰﺭﺕ ﻟﺸﻮﻓﻮﺭ ﻧﺤﻜﻲ ﺍﻧﺎ : ﻭﻗﻒ ﺍﻟﻜﺮﻫﺒﺔ ﻫﻮﻧﻲ ﺭﻛﺎ ﺍﻟﻜﺮﻫﺒﺔ ﻋﻠﻰ ﺟﻨﺐ ... ﻭ ﺟﺎ ﺑﺎﺵ ﻳﻨﺰﻝ ... ﻭﻗﻔﺘﻮ ﻧﺤﻜﻲ ﺍﻧﺎ : ﺧﻠﻴﻚ ﺗﻮ ﻧﻨﺰﻝ ﻭﺣﺪﻱ ﺑﺮﺍ ﺍﻧﺖ ﺷﻮﻑ ﺷﻐﻠﻚ ﻫﻮ : ﺑﺎﻫﻲ ﻣﺴﻴﻮ ﺍﺩﻡ ﺣﻠﻴﺖ ﺑﺎﺏ ﺍﻟﻜﺮﻫﺒﺔ ﻭ ﻧﺰﻟﺖ ... ﺣﻄﻴﺖ ﻳﺪﻳﺎ ﺩﺍﺧﻞ ﻣﻜﺎﺗﺐ ﻛﺒﻮﻃﻲ ... ﻭﺭﺟﻌﺖ ﺭﺍﺳﻲ ﻟﺘﺎﻟﻲ ... ﻏﻤﻀﺖ ﻋﻴﻨﻴﺎ ... ﻧﺘﺤﺴﺲ ﻓﻲ ﻗﻄﺮﺍﺕ ﺍﻟﻤﻄﺮ ﻋﻠﻰ ﻭﺟﻬﻲ ... ﻧﺤﺲ ﺑﻮﺟﻴﻌﺔ ﻗﻮﻳﺔ ﻓﻲ ﻗﻠﺒﻲ ... ﺍﻟﻨﻬﺎﺭ ﻫﺬﺍ ﺑﺎﻟﻈﺒﻂ ﻳﻮﺟﻌﻨﻲ ﺑﺮﺷﺎ ... ﻣﻬﻤﺎ ﻋﻤﻠﺖ .. ﻭ ﻣﻬﻤﺎ ﺣﺎﻭﻟﺖ ﻣﺴﺘﺤﻴﻞ ﻧﺠﻢ ﻧﻨﺴﺎ .. ﻭ ﻻ ﻧﺘﻨﺎﺳﻰ ... ﻧﺰﻟﺖ ﻣﻨﻲ ﺩﻣﻌﺔ ... ﺗﺤﺮﻕ ﻛﻴﻒ ﻭﺟﻴﻌﺔ ﻗﻠﺒﻲ ... ﻣﺴﺘﺤﻬﺎ ﺑﻜﻒ ﻳﺪﻱ ... ﻭ ﻛﻤﻠﺖ ﻃﺮﻳﻘﻲ ... ﻣﻨﻌﺮﻓﺶ ﻛﻴﻒ ﻫﺰﻭﻧﻲ ﺳﺎﻗﻴﺎ ... ﺟﺮﺓ ﺛﻨﻴﺔ ﻗﺪﻳﻤﺔ ... ﻟﻘﻴﺖ ﺭﻭﺣﻲ ﻭﺳﻂ ... ﺣﻮﻣﺔ ﺷﻌﺒﻴﺔ ﻗﺪﻳﻤﺔ ... ﺣﻮﻣﺔ ﻟﻌﺒﻨﺎ ﻓﻴﻬﺎ ﻭ ﺣﺒﻴﻨﺎ ﻓﻴﻬﺎ ... ﻛﻠﺸﻲ ﻛﺎﻥ ﻓﻴﻬﺎ ﺣﻠﻮ ... ﻛﻠﺸﻲ ﻋﺸﻨﺎﻩ ﻓﻴﻬﺎ ﻻﻭﻝ ﻣﺮﺓ ﻛﺎﻥ ﺑﺎﻫﻲ ... ﻟﻴﻦ ﺟﺎ ﻫﺬﺍﻛﺎ ﻧﻬﺎﺭ ... ﺩﻭﺏ ﺣﻄﻴﺖ ﺳﺎﻗﻲ ﻏﺎﺩﻱ ... ﺻﻮﺕ ﻧﻌﺮﻓﻮ ... ﺻﻮﺕ ﻧﻌﺸﻘﻮ ﻭ ﻧﻔﻨﻰ ﻓﻴﻪ ﻗﻮﺍ ﻓﻲ ﻭﺫﻧﻲ "... ﺍﺍﺍﺍﺩﻣﻢﻡ ﺍﺩﺩﺩﻡ ... ﺍﻧﺎﺍﺍ ﺟﻴﺖ ..." ﺳﻜﺮﺕ ﻋﻴﻨﻴﺎ ﺑﺎﻟﻘﺎﻭﻱ ... ﻻ ﻣﺴﺘﺤﻴﻞ ﻫﻲ ﻣﻌﺎﺩﺵ ﻣﻮﺟﻮﺩﺓ ... ﻣﺘﻨﺠﻤﺶ ﺗﻜﻠﻤﻨﻲ ... ﻣﺴﺘﺤﻴﻞ ﺗﻜﻮﻥ ﻫﻮﻧﻲ ... ﺣﻠﻴﺖ ﻋﻴﻨﻴﺎ ﺩﻭﺭﺗﻬﻢ ﻋﺎﻟﺒﻼﺻﺔ ﺍﻣﺎ ﺷﻲ ... ﻣﺶ ﻣﻮﺟﻮﺩﺓ ﻭ ﻣﺴﺘﺤﻴﻞ ﺗﺮﺟﻊ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻊ ﺍﻟﺪﺍﺭ ... ﻧﻔﺲ ﺍﻟﺪﺍﺭ ﺍﻟﻠﻲ ﺩﻓﻨﺎ ﻓﻴﻬﺎ ﺍﺣﻼﻣﻨﺎ ... ﺍﻧﺎ ﻭ ﺯﻳﺎﺩ ... ﻗﺮﺑﺖ ﻣﻨﻬﺎ ﺷﻮﻳﺔ ﺷﻮﻳﺔ ... ﺧﻄﻮﺍﺗﻲ ﺭﺯﻧﻮ ... ﺣﻄﻴﺖ ﻳﺪﻱ ﻋﻼﻫﺎ ﻋﺪﻳﺘﻬﺎ ﺑﺎﻟﺴﻴﺎﺳﺔ ... ﺣﻄﻴﺖ ﺭﺍﺳﻲ ﻋﻼﻫﺎ ﻭ ﺳﻜﺮﺕ ﻋﻴﻨﻴﺎ ... ﺍﺻﻮﺍﺕ ﺿﺤﻜﻨﺎ ﻭ ﻟﻌﺒﻨﺎ ﻗﻮﺍ ﻓﻲ ﻭﺫﻧﻲ ... ﻃﻔﻮﻟﺘﻨﺎ ﻏﺎﺩﻱ ... ﺿﺤﻜﻨﺎ ﻭ ﺣﻴﺎﺗﻨﺎ ... ﻭﺟﻴﻌﺘﻦﺍ ﻭ ﺑﺮﺍﺋﺘﻨﺎ ... ﻣﺪﻓﻮﻥﺓ ﻭﺭﺍ ﻫﺎﻟﺒﺎﺏ ﺑﺎﻟﻈﺒﻂ ... ﻛﺒﺴﺖ ﻋﻠﻰ ﻳﺪﻱ ﺍﻛﺜﺮ ... ﻭ ﺍﻧﺎ ﻧﺬﻛﺮ ﻓﻲ ﺍﻛﺎ ﻧﻬﺎﺭ ... ﻛﻠﺸﻲ ﺗﻤﺴﺦ ﺑﺎﻟﺪﻡ ... ﺍﻟﺤﻮﻣﺔ ﻫﺎﺫﻱ ﺍﻟﻜﻞ ﻣﺴﺨﺔ ﺑﺎﻟﺪﻡ ... ﺭﻳﺤﺔ ﺍﻟﺪﻡ ﺗﻨﺠﻢ ﺗﺸﻤﻬﺎ ﻣﻦ ﺍﻭﻝ ﻣﺎ ﺗﺤﻂ ﺳﺎﻗﻚ ﻫﻮﻧﻲ ... ﻫﺬﻳﻜﺎ ﺍﻟﺮﻳﺤﺔ ﻧﺠﻤﻮ ﻧﺸﻤﻮﻫﺎ ﺍﺣﻨﺎ ﺯﻭﺯ ﺑﺮﻙ ﺍﻧﺎ ﻭ ﺯﻳﺎﺩ ... ﺭﻳﺤﺔ ﻗﻮﻳﺔ ... ﺗﻮﻓﺎ ﻭﻗﺖ ﻛﻞ ﺣﺪ ﻓﻴﻨﺎ ﻳﺎﺧﻮ ﺣﻘﻮ ... ﺑﻴﺪﻭ ... ﻻ ﺍﻧﺎ ﻭ ﻻ ﻫﻮ ﻧﺠﻤﻮ ﻧﺘﻌﺪﺍﻭ ﺍﻟﻠﻲ ﺻﺎﺭ ... ﺳﺎﻋﺎﺕ ﻧﻈﺮﺍﺕ ﺯﻳﺎﺩ ﻳﺬﺑﺤﻮﻧﻲ ... ﺍﻟﻮﺟﻲﻋﺔ ﻟﻲ ﻧﻘﺮﺍﻫﺎ ﻓﻲ ﻋﻴﻨﻴﻪ ﺣﺘﻰ ﺣﺪ ﻣﺎ ﻳﺤﺲ ﺑﻴﻬﺎ ﻏﻴﺮﻱ ﺍﻧﺎ ... ﻣﻬﻤﺎ ﻛﺒﺮ ﻭ ﻣﻬﻤﺎ ﺩﺍﺭ ﺑﻴﻨﺎ ﺯﻣﺎﻥ ... ﻳﺒﻘﻰ ﺧﻮﻳﺎ ﺍﻟﺼﻐﻴﺮ ... ﻳﺒﻘﻰ ﺗﺤﺖ ﺣﻤﺎﻳﺘﻲ ﻭ ﻣﺴﺆﻭﻝ ﻣﻨﻲ ... ﻛﻠﺸﻲ ﻳﻬﻮﻥ ﻋﻠﻴﺎ ... ﻛﺎﻥ ﺣﺎﺟﺔ ﺗﺼﻴﺮ ﻋﻠﻴﻪ ... ﻣﺴﺘﻌﺪ ﻧﺤﺮﻕ ﺍﻟﺪﻧﻴﺎ ﺑﺎﻟﻠﻲ ﻓﻴﻬﺎ ... ﻓﻲ ﻭﺳﻂ ﺍﻟﺤﺰﻥ ﻫﺬﺍ ﺍﻟﻜﻞ ... ﻓﻲ ﻭﺳﻂ ﺍﻓﻜﺎﺭﻱ ﻟﻲ ﻏﺮﻗﺖ ﻓﻴﻬﺎ ... ﻭ ﺍﻟﻤﺎﺿﻲ ﻟﻲ ﻫﺰﻧﻲ ﻟﺒﻌﻴﺪ ..