🔥🔞"في أحضان عزرائيل"🔞🔥(الجزء الثاني)

الحلقة 195

ﻋﺰﻳﺰﺓ : ﻗﻮﻡ ﺍﻧﺖ ﻭ ﻫﻮ ﺍﻟﻌﺸﺎ ﺣﺎﺿﺮ ﻭﻗﻔﻨﺎ ﺍﻟﻜﻞ ﻓﺮﺩ ﻣﺮﺓ ... ﻣﺸﻴﻨﺎ ﻟﻄﺎﻭﻟﺔ ... ﻧﺎﻛﻠﻮ ﻭ ﻧﺤﻜﻮ ... ﺗﻮﺣﺸﺘﻬﺎ ﻟﻤﺘﻨﺎ ... ﺩﻭﺏ ﺷﻔﺖ ﺍﻟﻤﻘﺮﻭﻧﺔ ... ﺗﺒﺴﻢﺕ ﻋﻠﻰ ﺟﻨﺐ ... ﻣﻨﻌﺮﻓﺶ ﻛﻴﻒ ﺟﺎﺕ ﻟﻤﺨﻲ ﺍﻟﻔﺮﺧﺔ ... ﺍﺳﺘﺎﻧﺲﺕ ﺑﻴﻬﺎ ... ﺯﻋﻤﺔ ﺷﻘﺎﻋﺪﺓ ﺗﻌﻤﻞ ﺗﻮﺍ ... ﺗﻌﺸﺎﺕ ... ﻭ ﻻ ﻻ ... ﺍﺭﺗﺎﺣﺖ ﻣﻦ ﻳﺪﻫﺎ ... ﺳﻜﺮﺕ ﻋﻴﻨﻴﺎ ﻭ ﺭﺟﻌﺖ ﻓﺘﺤﺘﻬﻢ ... ﻓﻴﻖ ﺯﻳﺎﺩ ﺷﺒﻴﻚ ﺗﺨﻤﻢ ﻓﻴﻬﺎ ... ﺗﻌﻤﻞ ﻟﻲ ﺗﺤﺐ ﻋﻠﻴﻪ ... ﻣﺶ ﻗﻠﺖ ﻣﻦ ﺍﻟﻴﻮﻡ ﻣﻌﺎﺩﺵ ﺗﻔﻜﺮ ﻓﻴﻬﺎ ... ﻓﻴﻘﺘﻨﻲ ﺳﺮﺣﺘﻲ ﻳﺪ ﺍﺩﻡ ﻟﻲ ﺗﺤﻄﺖ ﻋﻠﻰ ﻛﺘﻔﻲ ﻳﺤﻜﻲ ﺍﺩﻡ : ﻭﻳﻦ ﺳﺮﺣﺖ ﺍﻧﺎ : ﺷﻲ ﺷﻲ ﺫﻛﺮﺕ ﻗﻀﻴﺔ ﻣﻬﻤﺔ ﻋﺰﻳﺰﺓ : ﻗﻀﻴﺔ ﺷﻨﻮﺓ ﺍﻟﻴﻮﻡ ﻭﺻﻠﺖ ﺭﺍﻙ ﺍﻧﺎ : ﻧﻌﺮﻑ ﺍﻣﺎ ﻻﺯﻡ ﻧﻤﺸﻲ ﺍﺩﻡ : ﻣﺘﻘﻮﻟﻴﺶ ﻟﻲ ﻗﺎﻋﺪ ﻧﺨﻤﻢ ﻓﻴﻪ ﺗﻮﺍ ﺍﻧﺎ : ﺍﻳﻪ ﺑﺎﻟﻈﺒﻂ ﺍﺩﻡ : ﻣﺶ ﻛﺎﻧﺖ ﻣﻌﺎﻙ ﻓﻲ ﺍﺳﺒﺎﻧﻴﺎ ﺍﻧﺎ : ﻻ ﻣﻘﻌﺪﺗﺶ ﺑﺮﺷﺎ ... ﺭﺟﻌﺖ ﻋﻠﻰ ﺧﺎﻃﺮ ﺧﺪﻣﺘﻬﺎ ﺍﺩﻡ : ﻣﻤﻢ ﺑﺎﻫﻲ ﺑﺮﺍ ﺑﺮﺍ ﺍﺗﻔﺮﻫﺪ ﺑﺎﺑﺎ : ﺗﺮﺹ ﺷﺪ ﺑﻼﺻﺘﻚ ... ﻣﺶ ﺑﺎﺵ ﺗﻬﺮﺏ ﻃﻔﻠﺔ ﺍﻧﺎ : ﺑﺎﺑﺎ ﻻﺯﻡ ﻧﻤﺸﻲ ... ﺍﻧﺖ ﺗﻠﻬﺎ ﺑﺎﺩﻡ ﻟﻴﻠﺔ ﺍﺩﻡ : ﻫﻬﻬﻬﻪ ﻻ ﺑﺎﺑﺎ ﺍﻧﺎ ﺯﺍﺩﺓ ﺑﺎﺵ ﻧﻤﺸﻲ ﻫﻮﻛﺎ ﻋﺰﻳﺰﺓ ﺍﺣﺴﻦ ﻣﻨﻲ ﺍﻧﺎ : ﻫﻬﻬﻬﻬﻪ ﺍﻳﺠﺎ ﻧﺨﺮﺟﻮ ﻣﻊ ﺑﻌﺾ ﺍﺩﻡ : ﺑﺎﻫﻲ ﻫﻴﺎ ﺧﺮﺟﻨﺎ ﻣﻊ ﺑﻌﺾ .. ﺣﻜﻴﻨﺎ ﺷﻮﻳﺔ ﻓﻲ ﺍﻣﻮﺭ ﺍﻟﺨﺪﻣﺔ ... ﺷﺪﻳﺖ ﻛﺮﻫﺒﺘﻲ ... ﻭ ﺧﺮﺟﺖ ﻟﻄﺮﻳﻖ ... ﻣﻨﻌﺮﻓﺶ ﻋﻠﻰ ﺭﻭﺣﻲ ﻛﻴﻒ ﺭﻛﻴﺖ ﻗﺪﺍﻡ ﺩﺍﺭﻫﺎ ... ﻣﻨﻌﺮﻓﺶ ﺍﺻﻼ ﻛﻴﻒ ﺟﻴﺖ ﻭ ﻻ ﻛﻴﻒ ﻛﻨﺖ ﻧﺴﻮﻕ ... ﻃﻠﻌﺖ ﺭﺍﺳﻲ ﻧﺸﻮﻑ ﻓﻲ ﺿﻮ ﺷﺎﻋﻞ ﻣﻦ ﺑﻌﻴﺪ ... ﺯﻋﻤﺔ ﺑﺎﺵ ﺗﺴﺘﺎﻧﺲ ﺗﺒﻘﻰ ﻭﺣﺪﻫﺎ ... ﺯﻋﻤﺔ ﻋﻼﺵ ﺗﺤﺐ ﺗﺒﻘﻰ ﻣﻌﺎﻳﺎ ... ﺧﺎﻃﺮ ﺳﺘﺎﻧﺴﺖ ﺑﻴﺎ ﻭ ﻻ ﺗﺨﺎﻑ ﻛﻬﻮ ... ﺯﻋﻤﺔ ﺭﻗﺪﺕ ... ﻭ ﻻ ﻣﺰﺍﻟﺖ ﻓﺎﻳﻘﺔ .. ﻫﺰﻳﺖ ﻳﺪﻱ ﻋﺪﻳﺘﻬﺎ ﺑﻐﺰﻭﻝ ﻋﻠﻰ ﻭﺟﻬﻲ ... ﺣﺮﻗﺖ ﻣﺨﻲ ﺑﺎﻟﺘﺨﻤﺎﻡ ... ﻣﻨﻌﺮ ﻓﺶ ﻋﻼﺵ ... ﻳﺎﺧﻲ ﻣﺶ ﺍﻧﺎ ﺣﺒﻴﺖ ... ﻣﺶ ﺍﻧﺎ ﻻﺧﺘﺮﺕ ﺍﻧﻬﺎ ﺗﺒﻘﻰ ﺑﻌﻴﺪﺓ ﻋﻠﻴﺎ ... ﺷﺒﻴﻨﻲ ﺟﻴﺖ ﻟﻬﻮﻧﻲ ... ﺷﺒﻴﻨﻲ ﻧﺤﺐ ﻧﺸﻮﻓﻬﺎ ... ﺿﺮﺑﺖ ﺑﻴﺪﻳﺎ ﺍﻟﺰﻭﺯ ﻋﺎﻟﻔﻮﻟﻮﻥ ... ﻭ ﻧﻔﺨﺖ ﺑﺎﻟﻘﺎﻭﻱ ... ﻫﺰﻳﺖ ﺗﻠﻴﻔﻮﻧﻲ ... ﻛﻠﻤﺖ ﻣﻴﺮﺍﻝ ... ﻣﻨﻌﺮﻓﺶ ﻋﻼﺵ ... ﺍﺻﻼ ﻣﻦ ﺍﺭﺑﻊ ﺷﻬﻮﺭﺓ ﻫﺬﻭﻣﺎ ﻣﺴﺄﻟﺘﺶ ﻋﻼﻫﺎ ﺟﻤﻠﺔ ... ﻫﺰﺕ ﻋﻠﻴﺎ ﺗﺤﻜﻲ ﻣﻴﺮﺍﻝ : ﺍﻟﻮ ﺷﻜﻮﻥ ﺍﻧﺎ : ﻣﻴﺮﺍﻝ ﻭﻳﻨﻚ ﺗﻮﺍ ﻣﻴﺮﺍﻝ : ﺯﻳﺎﺍﺍﺍﺍﺩ ﻣﺴﺘﺤﻴﻴﻴﻞ ﻫﺬﺍ ﺍﻧﺖ ﺍﻧﺎ : ﻣﻤﻤﻢ ﺍﻧﺎ ﻣﻴﺮﺍﻝ : ﺍﻧﺖ ﻓﻲ ﺗﻮﻧﺲ ﻳﺎﺧﻲ ﺍﻧﺎ : ﻣﻴﺮﺍﻝ ﻭﻓﺮ ﺍﺳﺌﻠﺘﻚ ﻣﺒﻌﺪ ﻭﻳﻨﻚ ﺗﻮﺍ ﻣﻴﺮﺍﻝ : ﺑﺎﻫﻲ ﺑﺎﻫﻲ ... ﻓﻲ ﺩﺍﺭﻱ ﻧﺴﺘﻨﺎ ﻓﻴﻚ ﺍﻧﺎ : ﺑﺎﻫﻲ ﻋﻠﻘﺖ ﻋﻼﻫﺎ ... ﺧﺬﻳﺖ ﻧﻔﺲ ... ﻭ ﺧﺪﻣﺖ ﺍﻟﻜﺮﻫﺒﺔ ... ﺩﺭﻳﻜﺲﻳﻮﻥ ﻋﻨﺪ ﻣﻴﺮﺍﻝ ... ﻣﻨﻌﺮﻓﺶ ﻋﻼﺵ ﻋﻤﻠﺖ ﻫﻜﺎ ... ﺍﻭﻝ ﻣﺮﺓ ﻧﻤﺸﻲ ﻟﻌﻨﺪﻫﺎ ﻭ ﺍﻧﺎ ﻓﺎﺩ ﻟﻬﺪﺭﺟﺔ ... ﻭ ﺗﻔﻜﻴﺮﻱ ﺑﻌﻴﺪ ... ﻫﺬﺍ ﺍﺣﺴﻦ ﺣﻞ ﺑﺎﺵ ﻣﻌﺎﺩﺵ ﻧﻔﻜﺮ ﻓﻴﻬﺎ ... ﻣﻌﺎﺩﺵ ﻧﺨﺪﻡ ﻣﺨﻲ ﻣﻌﺎﻫﺎ ... ﺩﻭﺏ ﻭﺿﻠﺖ ﺭﻛﻴﺖ ﺍﻟﻜﺮﻫﺒﺔ ﻭ ﻧﺰﻟﺖ ... ﻗﺒﻞ ﻣﺎ ﻧﺪﻕ ﻋﺎﻟﺒﺎﺏ ﻓﺘﺤﺘﻠﻲ ... ﻭ ﻧﻄﺮﺕ ﻋﻠﻴﺎ ﺣﻀﻨﺘﻨﻲ ﺑﺎﻟﻘﺎﻭﻱ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻇﻬﺮﻫﺎ ... ﻧﺴﻤﻊ ﻓﻴﻬﺎ ﺗﺤﻜﻲ ﻣﻴﺮﺍﻝ : ﺗﻮﺣﺸﺘﻚ ﺯﻳﺎﺩ ﺗﻮﺣﺸﺘﻚ ﺑﺮﺷﺎ ... ﺷﺒﻴﻚ ﻧﺴﻴﺘﻨﻲ ﺟﻤﻠﺔ ﻛﺒﺴﺖ ﻋﻼﻫﺎ ... ﻭ ﺳﻜﺖ ... ﻣﻨﻌﺮﻓﺶ ﺷﺒﺎﺵ ﻧﻘﻮﻝ ... ﺟﺒﺪﺕ ﺭﻭﺣﻬﺎ ﻣﻨﻲ ﺷﻮﻳﺔ ... ﺑﺎﺳﺘﻨﻲ ﻣﻦ ﺧﺪﻱ ... ﻭ ﻧﺰﻟﺖ ﻟﺸﻔﺎﻓﻲ ﺑﺎﺳﺘﻨﻲ ﺑﻮﺳﺔ ﺧﻔﻴﻔﺔ ... ﺗﺒﺴﻤﺘﻠﻪﺍ ﺑﺎﻟﺴﻴﻒ ... ﻭ ﻫﺰﻳﺖ ﻳﺪﻱ ﻧﺒﻌﺪ ﻓﻲ ﺷﻌﺮﻫﺎ ... ﻧﺤﻜﻲ ﺍﻧﺎ : ﺷﻌﺎﻣﻠﺔ ﻟﺒﺎﺱ ﻫﺰﺗﻠﻲ ﺑﺮﺍﺳﻬﺎ ﻻ ... ﻭﺭﺟﻌﺖ ﺣﻀﻨﺘﻨﻲ ... ﺍﺳﺘﻐﺮﺏﺗﻬﺎ ... ﻣﺶ ﻣﺴﺘﺎﻧﺲ ﺑﻤﻴﺮﺍﻝ ﻫﻜﺎ ... ﻋﺎﺩﺗﻬﺎ ﺗﻜﻮﻥ ﻗﻮﻳﺔ ... ﻭ ﺣﺘﻰ ﻛﻲ ﺗﺘﺄﺛﺮ ﺑﺸﻲ ﻣﺘﻈﻬﺮﺵ ... ﻛﺒﺴﺖ ﻋﻼﻫﺎ ﻧﺤﻜﻲ ﺍﻧﺎ : ﺧﻠﻴﻨﺎ ﻧﺪﺧﻠﻮ