🔥🔞"في أحضان عزرائيل"🔞🔥(الجزء الثاني)

الحلقة 255

ﺍﻧﺎ : ﺷﻜﻮﻥ ﻟﻲ ﻣﻌﺎﻙ
ﺍﺩﻡ : ﻭﺣﺪﺓ ﻣﻨﻬﻢ
ﺍﻧﺎ : ﻣﺎ ﺗﻔﻠﺖ ﺣﺪ ﻭ ﺗﻮﻓﻴﻖ ﻭﻳﻨﻮ
ﺍﺩﻡ : ﻫﻮﻛﺎ ﺩﺍﺧﻞ
ﺟﺒﺪﺕ ﺭﻭﺣﻲ ﻣﻨﻮ ... ﻧﺸﻮﻑ ﻣﻌﺎﻩ ﺩﺍﺧﻞ ... ﺣﺘﻰ ﻫﻮ ﻣﻌﺎﻩ ﻭﺣﺪﺓ ﺿﺤﻜﺖ ﺑﺎﻟﻮﻗﺖ ﻧﺤﻜﻲ
ﺍﻧﺎ : ﻫﻬﻬﻬﻪ ﺭﺍﺣﺖ ﻋﻠﻰ ﻋﺰﻳﺰﺓ
ﺍﺩﻡ : ﻫﻬﻬﻪ ﺍﺣﺸﻢ ﻫﺬﻳﻜﺎ ﺳﻜﺮﻳﺘﻴﺮﺗﻮ ﺑﺮﻙ
ﺍﻧﺎ : ﺻﺎﺭ
ﺍﺩﻡ : ﻫﻬﻬﻬﻪ ﺧﺮﺟﻮ ﻋﻠﻰ ﺑﻌﻀﻬﻢ
ﺍﻧﺎ : ﺑﺎﻟﻄﺒﻴﻌﺔ ﺍﻟﻜﻞ ﻳﺨﺮﺟﻮ ﻋﻠﻴﻪ
ﺿﺤﻜﻨﺎ ﺯﻭﺯ ﻓﺮﺩ ﻭﻗﺖ ... ﻭﺻﻞ ﺑﺎﻟﻮﻗﺖ ... ﻗﺤﺮﻟﻨﺎ ﺯﻭﺯ ... ﺳﻜﺘﻨﺎ ... ﻥﺳﻤﻌﻮ ﻓﻴﻪ ﻳﺤﻜﻲ
ﺗﻮﻓﻴﻖ : ﺣﺘﻰ ﻫﻮﻧﻲ ﻣﻌﺎﺩﺵ ﺣﺸﻤﺔ ... ﻧﻌﺮﻓﻜﻢ ﺯﻭﺯ ﻛﻴﻒ ﺗﺨﻤﻮ ﺭﺍﻫﻮ
ﺍﻧﺎ : ﺭﺑﻲ ﻳﺴﺎﻣﺤﻚ ﻣﺘﺤﺒﺶ ﺗﻌﺮﻓﻨﺎ ﻳﺎﺧﻲ
ﺍﺩﻡ : ﺍﻧﺴﺎ ﻣﺴﺘﺤﻴﻞ ﻳﺴﻤﺤﻠﻨﺎ ﻧﺸﻮﻓﻮﻫﺎ
ﺍﻧﺎ : ﺑﺎﺵ ﻧﺒﻴﻌﻚ ﻟﻌﺰﻳﺰﺓ ﻭ ﻓﻜﻬﺎ ﻳﺎ ﺗﻮﻓﻴﻖ
ﺗﻮﻓﻴﻖ : ﻳﺎﺧﻲ ﻣﻌﺎﺩﺵ ﻗﺪﺭ ﺑﻴﻨﺎ ... ﺷﺒﻴﻜﻢ ﻣﺘﺤﺸﻤﻮﺵ ﺟﻤﻠﺔ
ﺍﻧﺎ : ﻫﻬﻬﻬﻬﻪ ﺑﺎﻫﻲ ﺑﺎﻫﻲ
ﺍﺩﻡ : ﺍﻳﻪ ﻣﻴﺮﺍﻝ ﻛﻴﻔﻚ ﺍﻧﺖ
ﻣﻴﺮﺍﻝ : ﻟﺒﺎﺱ ﺍﺩﻡ ﻋﻴﺸﻚ
ﺍﺩﻡ : ﺷﺒﻴﻚ ﻧﺎﺯﻝ ﻋﺎﻟﺸﺮﺏ ﻣﻦ ﻗﺒﻴﻞ
ﺍﻧﺎ : ﺗﻌﺮﻓﻨﻲ ﻧﻔﺪ ﻣﻦ ﺟﻮ ﺍﻟﺤﻔﻼﺕ ... ﻛﺎﻥ ﻣﺶ ﺗﻮﻓﻴﻖ ﺟﺒﺮﻧﻲ ﻋﻼﻫﺎ ﻣﺴﺘﺤﻴﻞ ﻧﺠﻲ
ﺗﻮﻓﻴﻖ : ﺍﺗﺤﺠﺞ ﺍﻛﺎﻛﺎ ... ﻣﻨﻌﺮﻓﻜﻢﺵ ﺭﺍﻧﻲ ... ﺗﻤﻮﺗﻮ ﻋﻠﻰ ﻫﻤﻼﺕ ... ﻣﺎ ﺗﻮﻓﺎ ﺍﻟﺤﻔﻠﺔ ﺍﻻ ﻭ ﺗﺨﺮﺟﻮ ﻣﻦ ﻫﻮﻧﻲ ﺑﺒﻨﺎﺕ ﻏﻴﺮ ﺍﻟﻠﻲ ﻣﻌﺎﻛﻢ
ﺍﺩﻡ : ﺗﻮﻓﻴﻖ ﺍﺳﻜﺖ ... ﻓﻀﺤﺘﻨﺎ ﺭﺍﻙ
ﺗﻮﻓﻴﻖ : ﻋﻠﻰ ﺍﺳﺎﺱ ﺗﻌﺮﻓﻮﻫﺎ ﺍﻟﺤﺸﻤﺔ ﻧﺘﻮﻣﺎ
ﺍﻧﺎ : ﻫﻬﻬﻬﻪ ﻧﺴﻤﻌﻮ ﺑﻴﻬﺎ ﺑﺮﻙ
ﺿﺤﻜﻨﺎ ﺍﻟﻜﻞ ﻓﺮﺩ ﻣﺮﺓ ... ﻫﺰﻳﺖ ﺍﻟﻜﺎﺱ ﺑﺎﺵ ﻧﺎﺧﻮ ﺭﺷﻔﺔ ... ﺍﻣﺎ ﺣﺒﺴﺖ ... ﻭ ﻋﻴﻨﻴﺎ ﻭﺳﺎﻋﻮ ﺑﺎﻟﻮﻗﺖ ... ﻧﺰﻟﺖ ﺍﻟﻜﺎﺱ ﺷﻮﻳﺔ ... ﻧﺤﺲ ﻓﻲ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻭ ﺍﻧﺎ ﻧﺸﻮﻑ ﻓﻴﻬﺎ ﺩﺍﺧﻠﺔ ... ﻣﻦ ﺍﻟﺒﺎﺏ ... ﺣﺎﻃﺔ ﻳﺪﻫﺎ ﻓﻲ ﻳﺪﻭ ... ﻻﺑﺴﺔ ﺭﻭﺏ ﺑﺮﻧﺴﺎﺱ ﻓﻲ ﺍﻻﻛﺤﻞ ﻃﻮﻳﻠﺔ ... ﺷﻄﺮ ﺻﺪﺭﻫﺎ ﻋﻠﻰ ﺑﺮﺍ ... ﺷﻌﺮﻫﺎ ﻟﻤﺎﺗﻮ ﺑﺎﻟﻜﻞ ... ﻭ ﺣﺎﻃﺔ ﻣﺎﺳﻚ ﻣﺘﺎﻉ ﻗﻄﺔ ﻭ ﻻ ﻧﺪﺭﺍ ﺷﻨﻴﺔ ... ﻭ ﺍﻛﺎ ﺭﻭﺝ ﻳﺒﺎﻥ ﻣﻦ ﺑﻌﻴﺪ ... ﺻﺤﻴﺢ ﺑﺎﻟﻤﺎﺳﻚ ﺍﻣﺎ ﻋﻘﻠﺘﻬﺎ ... ﺑﺪﻧﻬﺎ ﺣﺎﻓﻀﻮ ﺑﺎﻟﻘﺪﺍ ... ﺣﺘﻰ ﻣﻦ ﻣﺸﻴﺘﻬﺎ ... ﻭ ﺷﻔﺎﻓﻬﺎ ... ﻛﻠﺸﻲ ﺣﺎﻓﻈﻮ ﻓﻴﻬﺎ ... ﻓﻘﺖ ﻣﻦ ﺳﺮﺣﺘﻲ ﻋﻠﻰ ﺻﻮﺕ ﺍﺩﻡ ﻗﺪﺍﻣﻲ ﻳﺤﻜﻲ
ﺍﺩﻡ : ﻭﺍﻟﻠﻪ ﻳﺎﺳﺮ ﻣﺶ ﻗﻠﻴﻞ ... ﻗﻨﺒﻠﺔ ﻓﺮﺩ ﻣﺮﺓ
ﻛﻼﻡ ﺍﺩﻡ ﺧﻼﻧﻲ ﻧﻨﺰﻝ ﻋﺎﻟﻜﺎﺱ ﺑﻴﺪﻱ ... ﻭ ﻋﻴﻨﻴﺎ ﻣﺮﺷﻮﻗﻴﻦ ﻣﻌﺎﻫﺎ ... ﺑﺎﻟﻌﺎﺩﺓ ﺍﻟﻜﻼﻡ ﺍﻟﻠﻲ ﻳﻘﻮﻟﻮ ﺍﺩﻡ ﻋﻠﻰ ﺍﻱ ﻃﻔﻠﺔ ﻣﻴﻘﻠﻘﻨﻴﺶ ... ﺣﺘﻰ ﻣﻴﺮﺍﻝ ﻳﻮﺻﻞ ﻳﺘﺬﻭﻣﺮ ﻋﻼﻫﺎ ... ﻭ ﻧﻌﺪﻳﻬﺎ ﻋﺎﺩﻱ ... ﺍﻣﺎ ﺗﻮﺍ ﺑﺎﻟﻈﺒﻂ ... ﻣﺤﻤﻠﺘﺶ ﻛﻼﻣﻮ ﺣﺘﻰ ﻃﺮﻑ ... ﻧﺤﺲ ﻓﻲ ﺑﺪﻧﻲ ﻳﺮﻗﻞ ... ﻣﺘﻮﻗﻌﺘﺶ ﻟﻲ ﻫﻲ ﺑﺎﺵ ﺗﻌﻤﻠﻬﺎ ﻭ ﺟﻲ ﻣﻌﺎﻩ ... ﻓﻲ ﺑﺎﻟﻲ ﺑﺎﺵ ﺗﺘﻜﺒﺲ ... ﻭ ﺗﺸﺪ ﺩﺍﺭ ... ﺍﺻﻼ ﻓﻲ ﺑﺎﻟﻲ ﺍﻭﻝ ﻣﺎ ﺗﻮﻓﺎ ﺍﻟﺤﻔﻠﺔ ﺑﺎﺵ ﻧﻤﺸﻲ ﻋﻨﺪﻫﺎ ﻧﺸﻮﻓﻬﺎ ... ﺳﺒﻘﺘﻨﻲ ﺍﻟﻔﺮﺧﺔ ... ﻧﺰﻟﺖ ﻋﺎﻟﻜﺎﺱ ﺍﻛﺜﺮ ... ﻟﻴﻦ ﺗﻜﺴﺮ ﻓﻲ ﻳﺪﻱ ... ﻗﺮﺑﺖ ﻣﻨﻲ ﻣﻴﺮﺍﻝ ... ﻣﻔﺠﻮﻋﺔ ﺗﺤﻜﻲ
ﻣﻴﺮﺍﻝ : ﺯﻳﺎﺩ ﺷﺒﻴﻚ ﻟﺒﺎﺱ
ﺍﺩﻡ : ﺯﻳﺎﺩ ﺷﻔﻤﺎ
ﺟﺒﺪﺕ ﻳﺪﻱ ﻣﻨﻬﺎ ... ﻭ ﻋﺪﻳﺖ ﻳﺪﻱ ﻻﺧﺮﻯ ﻋﻠﻰ ﺷﻌﺮﻱ .. ﻧﺤﻜﻲ
ﺍﻧﺎ : ﻟﺒﺎﺱ ﺟﻴﺴﺖ ﺗﻘﻠﻘﺖ
ﺟﺒﺪﺕ ﺭﻭﺣﻲ ﻣﻨﻬﻢ .. ﻣﻨﺤﺒﺶ ﻧﺸﻠﻖ ﺑﺮﻭﺣﻲ ﺍﻛﺜﺮ ... ﻃﻠﻌﺖ ﺭﺍﺳﻲ ... ﻧﺸﻮﻑ ﻣﻌﺎﻫﻢ ... ﺍﺻﺤﺎﺏ ﺍﻟﺤﻔﻠﺔ ﻣﻮﻗﻔﻴﻨﻬﻢ ﻭ ﻳﺤﻜﻮ ﻣﻌﺎﻫﻢ ... ﺟﺎﺕ ﻋﻴﻨﻲ ﻣﻊ ﻋﻴﻨﻬﺎ ... ﺗﻲ ﺣﺘﻰ ﻣﻦ ﺗﺤﺖ ﺍﻟﻤﺎﺳﻚ ﻧﻈﺮﺗﻬﺎ ﻣﺘﺒﺪﻟﺘﺶ ... ﻧﻈﺮﺍﺕ ﺣﺴﻴﺖ ﻭﺭﺍﻫﻢ ﺑﺮﺷﺎ ﺣﺎﺟﺎﺕ ... ﻋﻜﺴﻲ ﺍﻧﺎ ... ﻟﻜﻨﺖ ﻧﺤﺐ ﻧﻮﺻﻠﻠﻬﺎ ... ﺍﻧﻮ ﺍﻟﻠﻲ ﻣﺶ ﺑﺎﺵ ﺗﺘﻌﺪﺍ ﻋﻠﻰ ﺧﻴﺮ ... ﺣﺘﻰ ﻛﺎﻥ ﻧﻌﺮﻑ ﺍﻟﺤﻔﻠﺔ ﺑﺎﺵ ﺗﺘﻘﻠﺐ ﺟﻤﻠﺔ ... ﺍﻻ ﻣﺎ ﻧﻮﺭﻳﻬﺎ ﺷﻤﻌﻨﻰ ﺗﻜﺴﺮ ﻛﻼﻣﻲ ... ﻭ ﺟﻲ ﻣﻊ ¤¤¤¤ ﻣﺘﺎﻉ ﻳﺎﺳﺮ ... ﻛﺒﺴﺖ ﻋﻠﻰ ﻳﺪﻱ ﺍﻛﺜﺮ ... ﺑﺎﻗﻲ ﻧﻐﺰﺭﻟﻬﺎ ... ﺍﺻﻼ ﻭﺳﻂ ﻧﺎﺱ ﺍﻟﻜﻞ ... ﻭﻭﺳﻂ ﺍﻟﻤﻮﺳﻴﻘﻰ .. ﻭ ﺍﻟﻀﺠﺔ ﺍﻟﺨﻔﻴﻔﺔ ... ﻋﻴﻨﻴﺎ ﻭﺻﻠﻮ ﺑﺮﺷﺎ ﻛﻼﻡ ... ﻣﻦ ﻧﻐﻴﺮ ﻣﺎ ﻧﺤﻜﻮ ﺣﺘﻰ ﻛﻠﻤﺔ