🔥🔞"في أحضان عزرائيل"🔞🔥(الجزء الثاني)

الحلقة 286

ﻃﻔﻮﻟﺘﻲ ﻟﻲ ﺿﺎﻋﺖ ﻣﻨﻲ ﻭ ﺗﻮﺳﺨﺖ ﺑﺪﻡ ﺍﻣﻲ ... ﻟﻲ ﻣﺴﻴﺘﻮ ﺑﻴﺪﻱ ... ﻧﺤﺐ ﻧﻔﻬﻢ ﺷﻨﻮﺓ ﺍﻟﻠﻲ ﺻﺎﺭ ﺑﺎﻟﻈﺒﻂ ... ﺳﻜﺮﺕ ﻋﻴﻨﻴﺎ ﺑﺎﻟﻘﺎﻭﻱ ... ﻧﺰﻟﺖ ﺩﻣﻌﺔ ﻣﻨﻲ ... ﻣﺴﺤﺘﻬﺎ ﺑﻜﻒ ﻳﺪﻱ ... ﻣﺰﻟﺖ ﻧﺸﻮﻓﻬﺎ ﻫﺬﻳﻜﺎ ﺍﻟﻠﻴﻠﺔ ﻛﻞ ﻳﻮﻡ ﻭ ﻧﺤﻠﻢ ﺑﻴﻬﺎ ﻓﻲ ﻛﻞ ﻟﻴﻠﺔ ... ﻛﻞ ﻣﺮﺓ ﻧﻘﺮﺏ ... ﻧﻀﻴﻊ ﻣﺮﺓ ﺍﺧﺮﻯ ﻭ ﺍﻟﻤﺮﺓ ﻫﺎﺫﻱ ﺳﻮﺍﺭ ﻫﻲ ﻟﻲ ﺻﺎﺩﻓﺘﻨﻲ ... ﺍﻭﻝ ﻣﺮﺓ ﺭﻗﺪﺕ ﻣﺮﺗﺎﺡ ... ﻭﻗﺖ ﻛﺎﻧﺖ ﺑﻴﻦ ﻳﺪﻳﺎ ... ﻣﻨﻌﺮﻓﺶ ﺍﺫﺍ ﻗﺎﻋﺪ ﻧﺴﺘﻤﺪ ﻓﻲ ﻗﻮﺗﻲ ﻣﻨﻬﺎ ﻭ ﻻ ﻫﻲ ﻗﻮﺗﻲ ... ﻛﺒﺴﺖ ﻋﺎﻟﺒﻮﺍﻧﻲ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻏﻤﻀﺖ ﻋﻴﻨﻴﺎ ... ﻭ ﻓﺘﺤﺖ ﺍﻟﺒﺎﺏ ... ﺧﺬﻳﺖ ﻧﻔﺲ ﻃﻮﻳﻞ ﻭ ﻓﺘﺤﺖ ﻋﻴﻨﻴﺎ ... ﻧﺸﻮﻑ ﻣﻌﺎﻫﺎ ... ﺗﻨﻬﺪﺕ ﻣﻦ ﻋﺮﻭﺵ ﻗﻠﺒﻲ ... ﻟﺪﺭﺟﺔ ﻣﻨﺠﻤﺘﺶ ﻧﻘﺮﺏ ﻣﻨﻬﺎ ﻭ ﻻ ﻧﺮﺟﻊ ﻟﺘﺎﻟﻲ ... ﺑﻘﻴﺖ ﻧﺸﻮﻑ ﻣﻌﺎﻫﺎ ... ﻣﺰﺍﻟﺖ ﻛﻴﻤﺎ ﺧﻠﻴﺘﻬﺎ ﻗﺒﻴﻞ ﻣﺘﺤﺮﻛﺘﺶ ﺟﻤﻠﺔ ... ﺭﺍﻗﺪﺓ ﻋﻠﻰ ﺟﻨﺒﻬﺎ ... ﻣﺤﻀﻨﺔ ﺭﻭﺣﻬﺎ ... ﺷﻌﺮﻫﺎ ﺗﺤﻞ ... ﺧﺼﻼﺗﻮ ﻃﺎﻳﺤﻴﻦ ﻋﻠﻰ ﻭﺟﻬﺎ ... ﺗﺒﺴﻤﺖ ﻋﻠﻰ ﺟﻨﺐ ... ﻗﺮﺑﺖ ﻣﻨﻬﺎ ﺷﻮﻳﺔ ﺷﻮﻳﺔ ... ﺗﺴﻄﺤﺖ ﻗﺪﺍﻣﻬﺎ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﺧﺪﻫﺎ ... ﺭﺟﻌﺖ ﺷﻌﺮﺍﺗﻬﺎ ﻟﺘﺎﻟﻲ ... ﻋﺪﻳﺖ ﺻﻮﺍﺑﻌﻲ ﻋﻠﻰ ﻋﻴﻨﻴﻬﺎ ﻭ ﻧﺰﻟﺖ ﻟﺨﺸﻤﻬﺎ ﻳﺎﺳﺮ ﺻﻐﺮﻭﻥ ... ﻭ ﺷﻔﺎﻓﻬﺎ ﻣﻨﻔﻮﺧﻴﻦ ﻋﺎﻟﻠﺨﺮ ... ﺷﺪﺗﻨﻲ ﺑﻮﺳﺔ ﺍﻟﺨﺎﻝ ﻟﻲ ﻓﻮﻕ ﺣﺎﺟﺒﻬﺎ ... ﺗﺒﺴﻤﺖ ... ﻫﺰﻳﺖ ﻳﺪﻱ ﻋﺪﻳﺖ ﺻﻮﺍﺑﻌﻲ ﻋﻼﻫﺎ ... ﺣﻠﺖ ﻋﻴﻨﻴﻬﺎ ﺑﺎﻟﻮﻗﺖ ... ﺑﻘﻴﺖ ﻧﺸﻮﻑ ﻣﻌﺎﻫﺎ ... ﺣﻤﺮ ﺑﺮﺷﺎ ... ﻇﺎﻫﺮ ﻏﻔﺎﺕ ﻣﻦ ﺍﻟﺒﻜﺎ ... ﻣﻨﺠﻤﺘﺶ ﻧﺤﻜﻲ ﻣﻌﺎﻫﺎ ... ﻭ ﻣﻨﺠﻤﺘﺶ ﻧﻘﺮﺏ ﻣﻨﻬﺎ ﺯﺍﺩﺓ ... ﻣﺰﻟﺖ ﺧﺎﻳﻒ ﻣﻦ ﺭﺩﺓ ﻓﻌﻞ ﻣﺘﺎﻋﻬﺎ ... ﻧﻌﺮﻑ ﺍﻟﻠﻲ ﻗﺎﻋﺪ ﻳﺪﻭﺭ ﻓﻲ ﻣﺨﻬﺎ ... ﺑﻘﺎﺕ ﺗﺸﻮﻑ ﻣﻌﺎﻳﺎ ... ﺳﻜﺮﺕ ﻋﻴﻨﻴﻬﺎ ﻭ ﺭﺟﻌﺖ ﻓﺘﺤﺘﻬﻢ ... ﻧﺰﻝ ﺑﻴﺪﻱ ﻧﻌﺪﻱ ﻓﻴﻬﺎ ﻋﻠﻰ ﺷﻌﺮﻫﺎ ... ﻏﻤﻀﺖ ﻋﻴﻨﻴﺎ ﻛﻴﻒ ﺷﻔﺖ ﺩﻣﻮﻋﻬﺎ ﻧﺎﺯﻟﻴﻦ ... ﺟﻴﺖ ﺑﺎﺵ ﻧﺤﻜﻲ ... ﻗﺼﺖ ﻋﻠﻴﺎ ﻛﻴﻒ ﺷﺪﺗﻨﻲ ﺑﻴﺪﻫﺎ ﻣﻦ ﺳﻮﺭﻳﺘﻲ ... ﻛﺒﺴﺖ ﻋﻼﻫﺎ ﻭ ﻟﺰﺕ ﻟﻴﺎ ﺍﻛﺜﺮ ... ﻟﻴﻦ ﻣﻌﺎﺩﺵ ﻓﻤﺎ ﻣﺴﺎﻓﺔ ﺑﻴﻨﺎ ... ﻏﺮﺳﺖ ﺭﺍﺳﻬﺎ ﻓﻲ ﺭﻗﺒﺘﻲ ... ﺗﺸﻬﻖ ... ﻫﺰﻳﺖ ﻳﺪﻱ ... ﺩﻭﺭﺗﻬﺎ ﻋﻠﻰ ﻇﻬﺮﻫﺎ ... ﻛﺒﺴﺖ ﻋﻼﻫﺎ ﻧﺤﻜﻲ.. ﺍﻧﺎ : ﺳﺎﻣﺤﻨﻲ
ﺳﻮﺍﺭ : ﻡ ﻣﻨﻘﺼﺪﺵ ﻝ ﻟﻲ ﺻﺎﺭ ... ﺷﻲ ﺍﻗﻮﻯ ﻣﻨﻲ ... ﺱ ﺳﺎﻣﺤﻨﻲ
ﺍﻧﺎ : ﺷﺸﺶ ﻳﺰﻱ
ﻛﺒﺴﺖ ﻋﻠﻴﺎ ﺍﻛﺜﺮ ﻭ ﺑﻘﺎﺕ ﺗﺒﻜﻲ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻋﻠﻴﻨﺎ ﻭﻗﺖ ﻭ ﺍﺣﻨﺎ ﺍﻛﺎﻛﺎ ... ﻟﻴﻦ ﺣﺴﻴﺘﻬﺎ ﻫﺪﺍﺕ ﺟﺒﺪﺕ ﺭﻭﺣﻬﺎ ﺷﻮﻳﺔ ... ﻣﺴﺤﺖ ﺩﻣﻮﻋﻬﺎ ﻭ ﻏﺰﺭﺗﻠﻲ ﺗﺤﻜﻲ
ﺳﻮﺍﺭ : ﻭ ﻭﻳﻦ ﻣﺸﻴﺖ
ﻫﺰﻳﺖ ﻳﺪﻱ ... ﻛﻤﻠﺖ ﻣﺴﺤﺖ ﺩﻣﻮﻋﻬﺎ ... ﺧﺬﻳﺖ ﻧﻔﺲ ... ﻣﻌﺮﻓﺘﺶ ﺑﺎﺵ ﻧﺠﺎﻭﺑﻬﺎ ... ﺟﻴﺖ ﺑﺎﺵ ﻧﺤﻜﻲ ﻗﺼﺖ ﻋﻠﻴﺎ ﺗﺤﻜﻲ
ﺳﻮﺍﺭ : ﻣﺸﻴﺖ ﻋﻨﺪﻫﺎ ﻣﺶ ﻫﻜﺎ
ﺍﻧﺎ : ﺷﻨﻴﺔ
ﺳﻮﺍﺭ : ﻛﻨﺖ ﻋﻨﺪ ﺯﻳﻨﺔ
ﺑﻘﻴﺖ ﻧﺸﻮﻑ ﻣﻌﺎﻫﺎ ... ﻣﻨﻌﺮﻓﺶ ﻋﻼﺵ ﺧﻄﺮﺕ ﻋﻠﻰ ﺑﺎﻟﻬﺎ ﺗﻮﺍ ﻭ ﺍﻛﺜﺮ ﻣﻦ ﻫﻜﺎ ﺻﺤﻴﺢ ﻛﻨﺖ ﻋﻨﺪﻫﺎ ﺍﻣﺎ ﻛﻴﻒ ﺑﺎﺵ ﻧﻔﻬﻤﻬﺎ ... ﺑﺎﺯ ﺑﺎﺵ ﺗﻔﻬﻢ ﺍﻟﻠﻲ ﺗﺤﺐ ﻋﻠﻴﻪ ﻭ ﻛﻬﻮ ... ﺿﺤﻜﺖ ﻧﺪﺭﺍ ﻛﻴﻒ ﻭ ﺟﺒﺪﺕ ﺭﻭﺣﻬﺎ ﻣﻨﻲ ﺑﺎﻟﺰﺭﺑﺔ ﻭﻗﻔﺖ ... ﻭﻗﻔﺖ ﻓﻲ ﺟﺮﺗﻬﺎ ... ﺣﻄﺖ ﻳﺪﻫﺎ ﻋﻠﻰ ﻭﺟﻬﺎ ﺭﺟﻌﺖ ﺷﻌﺮﻫﺎ ﻟﺘﺎﻟﻲ ﺗﺤﻜﻲ ﻭ ﺗﻀﺤﻚ ﻣﺼﺪﻭﻣﺔ
ﺳﻮﺍﺭ : ﻫﻬﻬﻪ ﻗﺎﻋﺪﺓ ﻧﺴﺄﻝ ﻓﻴﻚ ... ﻧﺴﺄﻝ ﻓﻲ ﺷﻜﻮﻥ ﺍﻧﺎ ... ﻓﻴﻚ ﺍﻧﺖ ... ﺷﺒﺎﺵ ﻧﺘﻮﻗﻊ ﻣﻨﻚ ﻳﺎﺧﻲ
ﺍﻧﺎ : ﺳﻮﺍﺍﺭ
ﺳﻮﺍﺭ : ﺷﺒﺎﺵ ﺗﺤﻜﻲ ... ﺷﻌﻨﺪﻙ ﺗﺤﻜﻲ ﺍﺻﻼ ﺭﻳﺤﺘﻬﺎ ﻻﺻﻘﺔ ﻓﻴﻚ ... ﻫﻬﻬﻪ ﻳﺎ ﺭﺑﻲ ﻗﺪﺍﺷﻨﻲ ﻃﻠﻌﺖ ﺩﻏﻔﺔ ... ﻗﺎﻋﺪﺓ ﻧﺒﻜﻲ ﻋﻠﻴﻚ ... ﻧﺒﻜﻲ ﺧﺎﻃﺮ ﺣﺴﻴﺖ ﺭﻭﺣﻲ ﻇﻠﻤﺘﻚ ... ﻇﻠﻤﺘﻚ ﺧﺎﻃﺮ ﺳﺘﺨﺎﻳﻠﺘﻚ ﻫﻮ
ﺍﻧﺎ : ﺳﻮﺍﺍﺍﺭ ﺍﺳﻤﻌﻨﻲ ﻓﺎﺵ ﺗﺨﺮﻡ ﻳﺎﺧﻲ
ﺳﻮﺍﺭ : ﺍﻳﻪ ﺻﺤﻴﺢ ﺷﻜﻮﻥ ﺍﻧﺎ ... ﺷﻜﻮﻥ ﺍﻧﺎ ﺑﺎﺵ ﻧﺤﺎﺳﺒﻚ ﻭ ﻧﻌﺎﺗﺐ ﻋﻠﻴﻚ ... ﺍﻧﺎ ﻛﻴﻔﻲ ﻛﻴﻔﻬﺎ
ﺍﻧﺎ : ﺳﻜﺮﺭ ﻓﻤﻚ ﻫﺒﻠﺖ ﻳﺎﺧﻲ
ﺳﻮﺍﺭ : ﻣﺶ ﺻﺤﻴﺢ ﻛﻼﻣﻲ ... ﻭﻗﺖ ﻛﻤﻠﺖ ﺷﻴﺨﺘﻚ ﺫﻛﺮﺗﻨﻲ ... ﺫﻛﺮﺕ ﺷﻜﻮﻥ ﺧﻠﻴﺖ ﻭﺭﺍﻙ ... ﻛﻠﻜﻢ ﻛﻴﻒ ﺑﻌﺾ ... ﻣﺴﺘﺤﻴﻞ ﻧﻄﻠﻊ ﻏﺎﻟﻄﺔ ... ﺍﻧﺖ ﻭ ﻫﻮ ﻧﻔﺲ ﺍﻟﺸﻲ ... ﻫﻮ ﺍﻏﺘﺼﺒﻨﻲ ... ﻭ ﺍﻧﺖ ﺍﺳﺘﻐﻠﻴﺘﻨﻲ
ﺭﻛﺒﻨﻲ ﺍﻟﻌﺼﺐ ﻣﻦ ﻛﻼﻣﻬﺎ ... ﺍﺻﻼ ﻛﻼﻣﻬﺎ ﻓﻴﻘﻨﻲ ﻣﻦ ﺳﻜﺮﺗﻲ ﺟﻤﻠﺔ ... ﺟﻴﺖ ﺑﺎﺵ ﻧﻘﺮﺏ ﻣﻨﻬﺎ ... ﺳﺒﻘﺘﻨﻲ ﻟﺒﻴﺖ ﺍﻟﺒﺎﻧﻮ ... ﻭﺻﻠﺖ ﺑﺎﻟﻮﻗﺖ ... ﻛﺒﺴﺖ ﻋﺎﻟﺒﻮﺍﻧﻲ .. ﻟﻘﻴﺘﻬﺎ ﺳﻜﺮﺗﻬﺎ ﻣﻦ ﺩﺍﺧﻞ ... ﺩﻗﻴﺖ ﻋﻼﻫﺎ ﺑﻜﻞ ﻗﻮﺗﻲ ﻧﺤﻜﻲ
ﺍﻧﺎ : ﺳﻮﺍﺍﺭ ﺍﻓﺘﺢ ... ﺍﻓﺘﺢ ¤¤ ﺍﻟﺒﺎﺏ ﻫﺬﺍ ﻣﻜﺎﻧﺶ ﻧﻬﺪﻭ ﻓﻮﻕ ﺭﺍﺳﻚ
ﺳﻮﺍﺭ : ﺍﻣﺸﻲ ﻣﻦ ﻫﻮﻧﻲ ﺍﺭﺟﻊ ﻋﻨﺪﻫﺎ ... ﻣﻌﻨﺪﻙ ﺣﺘﻰ ﺷﻲ ﻫﻮﻧﻲ..