🔥🔞"في أحضان عزرائيل"🔞🔥(الجزء الثاني)

الحلقة 298

ﻗﺮﺑﻠﻲ ﻳﺪﻭ ... ﺑﺎﺵ ﻳﺼﺎﻓﺤﻨﻲ ... ﻗﻠﺒﻲ ﺩﻕ ﺑﺎﻟﻮﻗﺖ ... ﻣﻨﻌﺮﻓﺶ ﻛﻴﻒ ﻧﺠﻤﺖ ﺗﻬﺰ ﻳﺪﻱ ... ﻭ ﻧﺤﻄﻬﺎ ﻓﻲ ﻳﺪﻭ ... ﺩﻭﺏ ﻣﺴﻴﺘﻮ ... ﺣﺴﻴﺖ ﺑﺪﻧﻲ ﺗﻜﻬﺮﺏ ... ﻧﻘﻤﺖ ﻋﻠﻰ ﺭﻭﺣﻲ ﺳﺎﻋﺘﻬﺎ ... ﺧﺎﻃﺮ ﺳﻤﺤﺖ ﻟﺮﻭﺣﻲ ﻧﻘﺮﺏ ﻣﻨﻮ ﻟﻬﺪﺭﺟﺔ ... ﺧﺒﻴﺖ ﺭﺑﺜﺘﻲ ... ﻭﺭﺍ ﺍﺑﺘﺴﺎﻣﺔ ﻣﺼﻄﻨﻌﺔ ... ﻧﺤﻜﻲ
ﺍﻧﺎ : ﻋﻴﺸﻚ ﻓﺮﺻﺔ ﺳﻌﻴﺪﺓ
ﺍﺩﻡ : ﻋﻴﺸﻚ
ﺟﺒﺪﺕ ﻳﺪﻱ ﻣﻨﻮ .. ﺭﺟﻌﺘﻬﺎ ﻟﻤﻜﺘﻮﺑﻲ ... ﻭ ﻛﺒﺴﺖ ﻋﻼﻫﺎ ... ﺑﻘﻴﺖ ﻧﺸﻮﻑ ﻣﻌﺎﻩ ... ﻛﻴﻒ ﻓﺘﺤﻮﻟﻮ ﺍﻟﺒﺎﺏ ... ﺭﻛﺐ ... ﻉﻣﻠﻲ ﺍﺷﺎﺭﺓ ﺑﻴﺪﻭ ... ﺗﺒﺴﻤﺖ ﺷﻄﺮ ﺗﺒﺴﻴﻤﺔ ... ﺑﻘﻴﺖ ﻧﺸﻴﻊ ﻓﻲ ﺍﻟﻜﺮﻫﺒﺔ ... ﻟﻴﻦ ﻣﺸﺎﺕ ﻭ ﺑﻌﺪﺕ ﺟﻤﻠﺔ ... ﺧﺬﻳﺖ ﻧﻔﺲ ﻭ ﺟﺒﺪﺕ ﻳﺪﻱ ... ﻛﺒﺴﺖ ﻋﻼﻫﺎ ﺑﻴﺪﻱ ﻻﺧﺮﻯ ... ﻧﺤﺐ ﻧﻨﺴﻰ ﻻﻧﺎ ﻣﺴﻴﺘﻮ ... ﻭ ﻳﺪﻱ ﺟﺎﺕ ﻋﻠﻰ ﻳﺪﻭ ... ﻃﻠﻌﺖ ﺭﺍﺳﻲ ﻋﻠﻰ ﺻﻮﺕ ﻓﺮﺍﻥ ﻗﻮﻱ ... ﺭﺟﻌﺖ ﻳﺪﻳﺎ ﺯﻭﺯ ﻟﻤﻜﺎﺗﺒﻲ ... ﻭ ﺗﻠﻔﺖ ﻧﻤﺸﻲ ﺑﺎﻟﺰﺭﺑﺔ ... ﻣﻨﺤﺒﺶ ﻧﺸﻮﻓﻮ ... ﻣﻨﺤﺒﺶ ﻧﺤﻜﻲ ﻣﻌﺎﻩ ... ﻳﺰﻱ ﻣﻦ ﺍﻟﻠﻲ ﺷﻔﺘﻮ ﺍﻟﻴﻮﻡ ... ﺍﻟﻔﺎﺯﺓ ﻭﺟﻌﺘﻨﻲ ﻋﺎﻟﻠﺨﺮ ... ﻧﺤﺲ ﻓﻲ ﺭﻭﺣﻲ ﻣﺨﻨﻮﻗﺔ ... ﻭ ﻗﻠﺒﻲ ﻳﻮﺟﻊ ﻓﻴﺎ ... ﻣﺘﻮﻗﻌﺘﺶ ﺍﻟﻠﻲ ﻫﻮ ﺑﺎﺵ ﻳﻌﻤﻠﻬﺎ ... ﺯﺭﺑﺖ ﻓﻲ ﺧﻄﻮﺍﺗﻲ ﺍﻛﺜﺮ ... ﻣﻊ ﺻﻮﺗﻮ ﺍﻟﻠﻲ ﻣﺎﺷﻲ ﻭ ﻳﻘﻮﺍ ... ﻣﻨﺠﻤﺘﺶ ﻧﺮﺟﻌﻠﻮ ... ﻧﺤﺐ ﻧﺒﻌﺪ ﻭ ﻛﻬﻮ ... ﻗﺺ ﻋﻠﻴﺎ ﺗﻔﻜﻴﺮﻱ ... ﻛﻴﻒ ﺷﺪﻧﻲ ﻣﻦ ﺯﻧﺪﻱ ... ﺩﻭﺭﻧﻲ ﻋﻨﺪﻭ ﺑﻘﻮﺓ ... ﺿﺮﺑﺖ ﻓﻲ ﺻﺪﺭﻭ ... ﻫﺰﻳﺖ ﻳﺪﻱ ﻻﺧﺮﻯ ... ﺣﻄﻴﺘﻬﺎ ﺻﺪﺭﻭ ... ﻣﻦ ﻏﻴﺮ ﻣﺎ ﻧﻐﺰﺭﻟﻮ ... ﺩﺯﻳﺘﻮ ﻟﺘﺎﻟﻲ ... ﻧﺤﻜﻲﺍﻧﺎ : ﻧﺰﻝ ﻳﺪﻙ ... ﺳﻴﺒﻨﻴﻲ
ﺯﻳﺎﺩ : ﺳﻮﺍﺍﺍﺭ
ﻫﺰﻳﺖ ﺭﺍﺳﻲ ... ﻏﺰﺭﺗﻠﻮ ﻓﻲ ﻋﻴﻨﻴﻪ 3... ﺍﻳﺎﻡ ﻣﺸﻔﺘﻮﺵ ... ﻭ ﻣﻜﻨﺘﺶ ﻗﺮﻳﺒﺔ ﻣﻨﻮ ... ﻧﺤﺐ ﻧﺤﻀﻨﻮ ... ﻭ ﻧﻨﺴﻰ ﻟﻲ ﺻﺎﺭ ﻗﺒﻴﻞ ﺟﻤﻠﺔ ... ﺍﻣﺎ ﻣﻨﺠﻤﺘﺶ ... ﻣﻨﺠﻤﺘﺶ ﻧﻨﺴﻰ ﻟﻬﻮ ﺩﻓﻨﻲ ﺑﺎﻟﺤﻴﺎﺓ ... ﻏﺰﺭﺗﻲ ﻛﺎﻧﺖ ﻛﻠﻬﺎ ﻏﺶ ... ﻋﻜﺴﻮ ﻫﻮ ﻟﻲ ﻛﺎﻥ ﻳﺤﺐ ﻳﻮﺻﻠﻲ ﺷﻲ ﺑﻐﺰﺭﺗﻮ ﻟﻴﺎ ... ﺭﺻﻴﺖ ﻋﺎﻟﻜﻼﻡ ﻧﺤﻜﻲ
ﺍﻧﺎ : ﺩﻧﻴﻴﺰ ﻣﺶ ﺳﻮﺍﺭ ﻳﺎ ﺳﻲ ﺯﻳﺎﺩ
ﺯﻳﺎﺩ : ﺳﻮﺍﺍﺭ ﺍﺳﻤﻌﻨﻲ
ﻧﻄﺮﺕ ﻳﺪﻱ ﻣﻨﻮ ... ﻭ ﻧﻀﺮﺏ ﻓﻴﻪ ﻋﻠﻰ ﺻﺪﺭﻭ ... ﻧﺤﻜﻲ ﻭ ﻧﺼﻴﺢ ﻓﺮﺩ ﻭﻗﺖ
ﺍﻧﺎ : ﻣﻌﺎﺍﺍﺩﺵ ﺗﻘﻮﻟﻲ ﺳﻮﺍﺍﺭ ... ﺳﻮﺍﺍﺍﺭ ﻣﻌﺎﺩﺵ ﻣﻮﺟﻮﺩﺓ ﺍﻧﺖ ﻗﺘﻠﺘﻬﺎ ... ﻗﺘﻠﺘﻬﺎ ﺑﻴﺪﻙ ... ﻭ ﻋﻤﻠﺘﻠﻬﺎ ﻗﺒﺮ ﺑﺎﻟﺤﻴﺎﺓ ... ﺷﻌﻨﺪﻙ ﺑﺎﺵ ﺗﺤﻜﻲ
ﻫﺰ ﻳﺪﻳﻪ ... ﺷﺪﻧﻲ ﻣﻦ ﻳﺪﻳﺎ ﺯﻭﺯ ... ﺟﺒﺪﻧﻲ ﻋﻨﺪﻭ .. ﻛﺒﺲ ﻋﻠﻴﺎ ... ﻧﺰﻝ ﻋﻨﺪﻱ ﺷﻮﻳﺔ ... ﺷﻌﺮﻭ ﻭﻭﺟﻬﻮ ﻣﺒﻠﻮﻟﻴﻦ ... ﺣﺘﻰ ﺍﻧﺎ ﻛﻴﻔﻮ ... ﻧﺤﺲ ﻓﻲ ﺧﺼﻼﺕ ﺷﻌﺮﻱ ﻟﺼﻘﻮ ﻓﻲ ﻭﺟﻬﻲ ... ﻣﻦ ﺍﻟﻤﻄﺮ ﻟﻲ ﻧﺎﺯﻝ ﻋﻠﻴﻨﺎ ... ﻧﺴﻤﻊ ﻓﻴﻪ ﻳﺤﻜﻲ
ﺯﻳﺎﺩ : ﺧﻠﻴﻨﺎ ﻧﺤﻜﻮ ... ﺍﻳﺠﺎ ﻣﻌﺎﻳﺎ ﺗﻮﺍ ... ﻫﻴﺎ ﺧﻠﻴﻨﺎ ﻧﻤﺸﻮ ﻣﻦ ﻫﻮﻧﻲ
ﺣﺴﻴﺖ ﺭﻭﺣﻲ ﻫﺪﻳﺖ ﺷﻮﻳﺔ ... ﺷﻲ ﻣﻦ ﻗﺮﺑﻮ ... ﺷﻲ ﻣﻦ ﻛﻼﻣﻮ ﻟﻲ ﺧﺮﺝ ﺑﻬﺪﻭﺀ ... ﺑﺎﻟﻌﺎﺩﺓ ﻳﺤﻞ ﻛﻠﺸﻲ ﺑﺎﻟﻘﻮﺓ ... ﻏﺰﺭﺗﻠﻮ ﻧﺪﺭﺍ ﻛﻴﻒ ... ﻏﺰﺭﺓ ﻛﻠﻬﺎ ﻭﺟﻴﻌﺔ ﻭ ﻟﻮﻡ ... ﺟﺒﺪﺕ ﻳﺪﻳﺎ ﻣﻨﻮ ﺷﻮﻳﺔ ﺷﻮﻳﺔ ... ﻭﺧﺮﺕ ﺧﻄﻮﺓ ﻟﺘﺎﻟﻲ .. ﻧﺤﻜﻲ
ﺍﻧﺎ : ﻧﺤﺐ ﻧﺒﻘﻰ ﻭﺣﺪﻱ
ﺯﻳﺎﺩ : ﺧﻠﻴﻨﺎ ﻧﻤﺸﻮ ﻣﻦ ﻫﻮﻧﻲ ﺳﺎﻋﺔ
ﺍﻧﺎ : ﺯﻳﺎﺩ ﺍﻣﺎﻧﻚ ﻧﺤﺐ ﻧﺒﻘﻰ ﻭﺣﺪﻱ ... ﻣﺮﺓ ﻭﺣﺪﺓ ﺣﺎﻭﻝ ﺗﻔﻬﻤﻨﻲ ... ﻳﺰﻱ ﻛﻬﻮ.