ﻗﺮﺑﺖ ﻣﻨﻮ ﺷﻮﻳﺔ ... ﺑﺎﺵ ﻧﺨﺮﺝ ﻣﻦ ﺍﻟﺒﻴﺖ ﺑﺨﻄﻮﺓ ﻭﺣﺪﺓ ﺭﺟﻌﻨﻲ ﻟﺘﺎﻟﻲ ﻭ ﺣﺼﺮﻧﻲ ﻣﻊ ﺍﻟﻘﺎﺭﺩ ﺭﻭﺏ ... ﻟﻴﻦ ﺣﺴﻴﺖ ﻇﻬﺮﻱ ﺑﺎﺵ ﻳﺘﻘﺴﻢ ﻣﻦ ﻗﻮﺓ ﺍﻟﺨﺒﻄﺔ ... ﻃﻠﻌﺖ ﺭﺍﺳﻲ ... ﻗﺤﺮﺗﻠﻮ ..
. ﻗﺤﺮﺓ ﻣﺘﺎﻉ ﻣﻮﺕ ... ﻭ ﺟﻴﺖ ﺑﺎﺵ ﻧﺠﺒﺪ ﺭﻭﺣﻲ .. ﻧﺰﻝ ﻋﻠﻴﺎ ﺍﻛﺜﺮ ﻛﺒﺲ ﻋﻠﻴﺎ ﺑﻴﺪﻳﻪ ﺯﻭﺯ ﻋﻠﻰ ﻛﺘﺎﻓﻲ ... ﻭ ﻳﺤﻜﻲ ﻓﺮﺩ ﻭﻗﺖ
ﺯﻳﺎﺩ : ﻋﻤﻠﻚ ﺷﻲ ﺍﺧﺮ
ﻃﻠﻌﺖ ﺭﺍﺳﻮ ﻏﺰﺭﺗﻠﻮ ... ﻣﺘﻮﻗﻌﺖﺵ ﻟﻬﻮ ﺑﺎﺵ ﻳﺴﺄﻟﻨﻲ ﻣﺠﺎﺵ ﻟﺒﺎﻟﻲ ﺟﻤﻠﺔ ﺳﺆﺍﻝ ﻫﺬﺍ ﺗﻮﻗﻌﺖ ﻟﻬﻮ ﺑﺎ ﻳﺘﻐﺸﺶ ﻣﻦ ﻛﻼﻣﻲ ﻭ ﻳﺠﺎﻭﺑﻨﻲ ﺑﺸﻲ ﺍﺧﺮ ﺍﻣﺎ ﺳﺆﺍﻟﻮ ﺭﻭﻫﺠﻨﻲ ... ﻣﻨﺠﻤﺘﺶ ﻧﺮﺟﻊ ﻋﻠﻴﻪ ﻛﺒﺲ ﻋﻠﻴﺎ ﺑﻴﺪﻭ ﺍﻛﺜﺮ ... ﻳﺤﻜﻲ
ﺯﻳﺎﺩ : ﺣﻞ ¤¤ ﻓﻤﻚ ﻋﻤﻠﻚ ﺷﻲ ﺍﺧﺮ
ﻫﺰﻳﺘﻠﻮ ﺑﺮﺍﺳﻲ ﻻ ... ﺟﺒﺪ ﻳﺪﻭ ﻣﻨﻲ ﺣﻄﻬﺎ ﻋﻠﻰ ﺍﻟﻘﺎﺭﺩ ﺭﻭﺏ ﻗﺤﺮﻟﻲ ﻭ ﻛﻤﻞ ﻳﺤﻜﻲ
ﺯﻳﺎﺩ : ﺍﺣﻜﻲ ﺍﺣﺴﻨﻠﻚ ﺧﺎﻃﺮ ﻭﺍﻟﻠﻪ ﻳﺎ ﺳﻮﺍﺭ ﻛﺎﻥ ﻧﻔﺘﺢ ﻛﺎﻣﻴﺮﺍﺕ ﺍﻟﻨﺎﺩﻱ ﻭ ﻧﻠﻘﻰ ﺷﻲ ﺍﺧﺮ ﻧﻘﺘﻠﻚ ﻭ ﺗﻘﺘﻠﻮ
ﻋﻴﻨﻴﺎ ﻭﺳﺎﻋﻮ ﺑﺎﻟﻮﻗﺖ ﻗﻠﺒﻲ ﻧﺤﺴﻮ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﻣﺠﺎﺗﺶ ﻟﺒﺎﻟﻲ ﺟﻤﻠﺔﻟﻬﻮ ﻳﻨﺠﻢ ﻳﺸﻮﻑ ﺗﺴﺠﻴﻼﺕ ﺍﻟﻜﺎﻣﻴﺮﺍ ﺗﻲ ﺑﺎﺯ ﺑﺎﺵ ﻳﻌﺮﻑ ﻻﻧﺎ ﻗﺮﺑﺖ ﻣﻨﻮ ﺣﺘﻰ ﻣﺤﺎﻭﻟﺘﺶ ﻧﺪﺯﻭ ﻟﺘﺎﻟﻲ ﻛﺎﻥ ﻣﺶ ﺣﺪ ﻣﻦ ﺭﺟﺎﻟﻮ ﺩﺧﻞ ﺳﺎﻋﺘﻬﺎ ﻣﻨﻌﺮﻓﺶ ﺷﻨﻮﺓ ﻟﻲ ﻛﺎﻥ ﺑﺎﺵ ﻳﺼﻴﺮ ﻏﻤﻀﺖ ﻋﻴﻨﻴﺎ ﻭ ﺭﺟﻌﺖ ﻓﺘﺤﺘﻬﻢ ﻳﺎﺧﻲ ﺷﺒﻴﻨﻲ ﺧﺎﻳﻔﺔ ﻣﻨﻮ ﻳﻌﻤﻞ ﻟﻲ ﻳﺤﺐ ﻋﻠﻴﻪ ﺍﻧﺖ ﺩﻧﻴﺰ ﺗﻮﺍ ﺩﻧﻴﺰ ﻣﺶ ﺳﻮﺍﺭ ﻓﻴﻖ ﻣﻊ ﺭﻭﺣﻚ ﻭ ﺟﺎﻭﺑﻮ ﺧﺬﻳﺖ ﻧﻔﺲ ﺑﺎﻟﺴﻴﻒ ﻏﺰﺭﺗﻠﻮ ﻧﺤﻜﻲ
ﺍﻧﺎ : ﻛﺎﻥ ﺷﻴﺒﻮﺳﻨﻲ
ﻋﻴﻨﻴﻪ ﻭﺳﺎﻋﺖ ... ﻳﺪﻳﻪ ﺗﺮﺧﻔﻮ ﺷﻮﻳﺔ ﺷﻮﻳﺔ ... ﻋﻠﻰ ﻛﺘﺎﻓﻲ ﺩﻭﺭ ﻋﻴﻨﻴﻪ ﻋﻠﻰ ﻭﺟﻬﻲ ﻳﺴﺘﻮﻋﺐ ﻓﻲ ﻛﻼﻣﻲ ﻛﺒﺴﺖ ﻋﻠﻰ ﻳﺪﻱ ﻣﻜﻨﺘﺶ ﻧﺤﺐ ﻧﺤﻜﻲ ﻫﻜﺎ ﺍﺻﻼ ﺣﺘﻰ ﺍﻧﺎ ﻣﺶ ﻓﺮﺣﺎﻧﺔ ﺑﺎﻟﻠﻲ ﺻﺎﺭ ﻭ ﺗﻘﺰﺯﺕ ﻣﻦ ﻗﺮﺑﻮ ﻟﻴﺎ ﺟﻴﺖ ﺑﺎﺵ ﻧﺠﺒﺪ ﺭﻭﺣﻲ ﻓﻲ ﻟﺤﻈﺔ ﺭﺟﻊ ﺩﺯﻧﻲ ﻟﺘﺎﻟﻲ ... ﻫﺰ ﻳﺪﻳﻮ ﺷﺪﻧﻲ ﻣﻦ ﻭﺟﻬﻲ ﻛﺒﺲ ﻋﻠﻴﺎ ﻭ ﻏﺰﺭﻟﻲ ﻳﺤﻜﻲ ... ﺻﻮﺗﻮ ﻗﻮﻱ ... ﺧﺮﺝ ﺑﻐﺶ ﺍﻛﺜﺮ ﻣﻦ ﺍﻻﻭﻝ
ﺯﻳﺎﺩ : ﻭﺍﻟﻠﻪ ﻛﺎﻥ ﻧﻌﺮﻑ ﺑﺮﻙ ﻟﻬﻮ ﺣﻂ ﻳﺪﻭ ﻋﻠﻴﻚ ﻣﺎ ﺗﻠﻮﻡ ﻛﺎﻥ ﺭﻭﺣﻚ ﺣﺎﻭﻟﺖ ﻧﺠﺒﺪ ﻭﺟﻬﻲ ﻣﻨﻮ ... ﺧﺎﻃﺮ ﻭﺟﻌﻨﻲ ﻭ ﺭﻛﺒﻨﻲ ﺍﻟﻌﺼﺐ ﻓﺮﺩ ﻭﻗﺖ ... ﻓﺎﻟﻠﻲ ﺻﺎﺭ ﺍﻟﻜﻞ ﻣﺨﻤﻤﺶ ﺷﻨﻮﺓ ﺍﻟﻠﻲ ﺣﺴﻴﺘﻮ ﺍﻧﺎ ... ﻫﺰﻳﺖ ﻳﺪﻳﺎ ﺯﻭﺯ ﺣﻄﻴﺘﻬﻢ ﻋﻠﻰ ﺻﺪﺭﻭ ﻧﺪﺯ ﻓﻴﻪ ﻟﺘﺎﻟﻲ ﻭ ﺭﺧﻒ ﻳﺪﻭ ﺷﻮﻳﺔ ﻋﻠﻴﺎ .. ﺑﻘﻴﺖ ﻧﺪﺯ ﻓﻴﻪ ﻭ ﻧﺼﻴﺢ ﻓﺮﺩ ﻭﻗﺖ
ﺍﻧﺎ : ﻳﺰﺯﻳﻲ ﺯﻳﺎﺩ ﻳﺰﻳﻲ ﻳﺎﺧﻲ ﺷﺘﺴﺘﺨﺎﻳﻞ ﻓﻲ ﺭﻭﺣﻚ ﺗﻌﻤﻞ ﺷﺼﺎﺍﺍﺭ ﻛﺎﻥ ﻫﻮ ﺑﺎﺳﻨﻲ ﻳﺰﻳﻴﻲ ﻣﻌﺎﺩﺵ ﺗﺤﺴﺴﻨﻲ ﻻﻧﺎ ﺑﺮﻳﺌﺔ ﻭ ﺍﻧﺖ ﺍﻭﻝ ﺣﺪ ﻓﻲ ﺣﻴﺎﺗﻲ ﻓﻴﻖ ﻣﻊ ﺭﻭﺣﻚ ﺗﻮﺍ ﻓﻤﺎ ﺷﻜﻮﻥ ﺑﺎﺳﻨﻲ ﻗﺒﻠﻚ ﻓﻤﺎ ﺷﻜﻮﻥ ﺭﻗﺪ ﻣﻌﺎﻳﺎ ﻗﺒﻠﻚ ﻣﻌﺎﺩﺵ
ﻗﺺ ﻋﻠﻴﺎ ﻛﻴﻒ ﻫﺪ ﻋﻠﻴﺎ ﻭﺧﺮﺕ ﻟﺘﺎﻟﻲ ﻫﺰ ﻳﺪﻭ ﺿﺮﺑﻬﺎ ﻋﺎﻟﻘﺎﺭﺩ ﺭﻭﺏ ﻳﺤﻜﻲ ﻭ ﻳﺼﻴﺢ
ﺯﻳﺎﺩ : ﺳﻮﺍﺍﺍﺭ ... ﺍﺳﺴﻜﺖ ﺳﻜﺮ ¤¤ ﻓﻤﻚ ﺷﻘﺘﻠﻚ ﻋﺎﻟﻜﻼﻡ ﻫﺬﺍ .. ﻳﺎﺧﻲ ﺗﺤﺐ ﺗﻬﺒﻠﻨﻲ ﺍﻧﺖ ﺷﻨﻴﺔ ﺣﻜﺎﻳﺘﻚ ﻳﺎﺧﻲ
ﺣﺴﻴﺖ ﺩﻣﻮﻋﻲ ﺑﺎﺵ ﻳﻨﺰﻟﻮ ﺧﺬﻳﺖ ﻧﻔﺲ ﻧﻤﻨﻊ ﻓﻴﻬﻢ ﻃﻠﻌﺖ ﺭﺍﺳﻲ ﻏﺰﺭﺗﻠﻮ ﻋﻴﻨﻴﻪ ﺣﻤﺮ ﻣﻦ ﺍﻟﻐﺶ ﺣﺴﻴﺘﻮ ﺑﺎﺵ ﻳﻄﺮﺷﻖ ﺍﺻﻼ ﻛﻞ ﻣﺮﺓ ﻧﺠﺒﺪ ﺍﻟﺤﻜﺎﻳﺔ ﻳﻬﺒﻞ ﻋﻠﻴﺎ ﺗﻘﻮﻳﺖ ﻋﻠﻰ ﺭﻭﺣﻲ ﻭ ﻗﺮﺑﺖ ﻣﻨﻮ ﺧﻄﻮﺓ ﻟﻴﻦ ﻣﻌﺎﺩﺵ ﻓﻤﺎ ﺑﻴﻨﺎ ﻣﺴﺎﻓﺔ ﻏﺰﺭﺗﻠﻮ ﻧﺤﻜﻲ
ﺍﻧﺎ : ﻳﺰﻱ ﺯﻳﺎﺩ ﺗﻌﺒﺖ ﺭﺍﻧﻲ ﺗﻌﺒﺖ ﻣﻦ ﺍﻟﻜﺬﺑﺔ ﻟﻲ ﻋﺎﻳﺸﺔ ﻓﻴﻬﺎ ﺣﺘﻰ ﺷﻲ ﻣﺎ ﻳﺒﺪﻝ ﻟﻲ ﺻﺎﺭ ﺳﻮﺍﺭ ﻣﺎﺗﺖ ﺑﻌﺪ ﺍﻛﺎ ﺍﻟﻠﻴﻠﺔ ﻭ ﺍﻧﺖ ﺩﻓﻨﺘﻬﺎ ﺑﻴﺪﻙ ﺻﺪﻗﻨﻲ ﺗﻌﺒﺖ .. ﺗﻌﺒﺖ ﻭ ﺍﻧﺎ ﻧﻤﺜﻞ ﻓﻲ ﺍﻟﺸﺨﺼﻴﺘﻴﻦ ﻣﻊ ﺑﻌﺾ ﺳﻮﺍﺭ ﻣﺎﺗﺖ ﻭ ﻣﻌﺎﺩﺵ ﺑﺎﺵ ﺗﺮﺟﻊ ﺍﻧﺎ ﻗﺘﻠﺘﻬﺎ ﺩﺍﺧﻠﻲ ﻛﻴﻤﺎ ﺍﻧﺖ ﺩﻓﻨﺘﻬﺎ ﺑﺎﻟﺤﻴﺎﺓ ﺩﻧﻴﺰ ﻛﻬﻮ ﺍﻟﻠﻲ ﻭﺍﻗﻔﺔ ﻗﺪﺍﻣﻚ ﺗﻮﺍ ﺩﻧﻴﺰ ﻻﻧﺖ ﺍﺧﺘﺮﺗﻬﺎ ﺩﻧﻴﺰ ﻟﺤﻄﻴﺘﻬﺎ ﻓﻲ ﺣﻴﺎﺗﻬﻢ ﻭ ﺗﻮﺍ ﺗﺤﺐ ﺗﺠﺒﺪ ﺑﻴﻬﺎ ﻻﺯﻡ ﺗﻌﺮﻑ ﺍﻟﻠﻲ ﺍﻟﻠﻌﺒﺔ ﺑﺪﺍﺕ ﻳﺎ ﺯﻳﺎﺩ ﻭ ﻣﺶ ﺑﺎﺵ ﺗﺎﻗﻒ ﻫﻮﻧﻲ ﻧﺤﻜﻲ ﻭ ﻧﻘﺮﺏ ﻣﻨﻮ ﺩﻭﺭﺕ ﻳﺪﻱ ﻋﻠﻰ ﻇﻬﺮﻭ ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﻭ ﻧﻬﺪﻱ ﻓﻴﻪ ﻣﺘﺤﺮﻛﺶ ﻣﻦ ﺑﻼﺻﺘﻮ ﺟﻤﻠﺔ ﻛﺒﺴﺖ ﻋﻠﻴﻪ ﺍﻛﺜﺮ ﻭ ﻛﻤﻠﺖ ﻧﺤﻜﻲ
ﺍﻧﺎ : ﻧﺤﺐ ﻛﻠﺸﻲ ﻳﻮﻓﺎ ﺑﺴﺮﻋﺔ ﻧﺤﺐ ﻧﺮﺗﺎﺡ ﻳﺰﻱ ﻣﻦ ﺍﻟﻠﻲ ﻗﺎﻋﺪ ﻳﺼﻴﺮ
ﻭﺍﻟﻠﻲ ﺑﺎﺵ ﻳﺼﺮﺍ ﻧﺤﺒﻚ ﺩﻳﻤﺎ ﺗﺎﺛﻖ ﻓﻴﺎ ﻣﻬﻤﺎ ﺻﺎﺭ ﺑﺎﻫﻲ
ﺣﺴﻴﺘﻮ ﻳﺘﻨﻔﺲ ﺑﺎﻟﻘﺎﻭﻱ ﻏﻤﻀﺖ ﻋﻴﻨﻴﺎ ﻧﺘﻤﺘﻊ ﺑﻘﺮﺑﻮ ﺣﺘﻰ ﺍﻧﺎ ﺗﻮﺣﺸﺘﻮ ... ﺑﺮﺷﺎ ﺗﻮﺣﺸﺖ ﺣﻀﻨﻮ ... ﺗﻮﺣﺸﺖ ﺭﻳﺤﺘﻮ ﻧﻌﺮﻑ ﻟﻲ ﺍﻟﻴﻤﺎﺕ ﺍﻟﺠﺎﻳﺔ ﺻﻌﻴﺒﺔ ﺑﺮﺷﺎ ﻭ ﻣﺶ ﺑﻌﻴﺪ ﻧﺨﺴﺮﻭ ﻣﺠﺮﺩ ﻓﻜﺮﺓ ﺑﺮﻙ ﺑﺮﻙ ﺧﻼﺕ ﻋﻴﻨﻴﺎ ﻳﺪﻣﻌﻮ ﻭ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ﻣﻨﺤﺒﺶ ﻧﺨﺴﺮﻭ ﻣﻌﺎﺩ ﻧﺤﺐ ﺣﺘﻰ ﺷﻲ ﺍﺧﺮ ﻛﻠﺸﻲ ﻧﺤﺐ ﻋﻠﻴﻪ ﺗﻮﺍ ﺍﻧﻲ ﻧﺒﻘﻰ ﻋﻨﺪﻭ ﻭ ﻛﻬﻮ ﻧﺤﺐ ﻧﺸﺒﻊ ﻣﻨﻮ ﻭ ﻧﻨﺴﻰ ﻛﻠﺸﻲ
أنت تقرأ
🔥🔞"في أحضان عزرائيل"🔞🔥(الجزء الثاني)
Romance🔥🔞الجزء الثاني🔞🔥 ما تنساوش لاي ڥوت ولاي كومنت...فجروهم 💥 روحو أقراو☺❤ ڨوووووووووو👇 #نحبكم❤ #شيماء
