🔥🔞"في أحضان عزرائيل"🔞🔥(الجزء الثاني)

الحلقة 252

ﺭﺍﺿﻴﺔ : ﺩﻧﻴﺰ ﺷﺘﻌﻤﻞ ﻫﻮﻧﻲ ﺑﻨﺘﻲ
ﺍﻧﺎ : ﺧﺎﻟﺘﻲ ﻳﺎﺧﻲ ﺍﻧﺎ ﺧﺎﻳﺒﺔ ﻟﻬﺪﺭﺟﺔ
ﺭﺍﺿﻴﺔ : ﻭﻩ ﻋﻼﺵ ﺍﻟﻜﻼﻡ ﻫﺬﺍ ﺗﻮﺍ
ﺍﻧﺎ : ﻣﻨﻌﺮﻓﺶ ... ﺍﻡﺍ ﻫﻜﺎ ﺣﺎﺳﺔ
ﻗﺮﺑﺖ ﻣﻨﻲ ﻗﻌﺪﺕ ﻗﺪﺍﻣﻲ ... ﺣﻄﺖ ﻳﺪﻫﺎ ﻋﻠﻰ ﻳﺪﻱ ... ﺗﺒﺴﻤﺘﻠﻲ ﺗﺤﻜﻲ
ﺭﺍﺿﻴﺔ : ﻻﺕ ﺑﻨﺘﻲ ﻣﺰﻳﺎﻧﺔ ... ﻭ ﻣﺤﻼﻫﺎ ... ﻭ ﺍﻟﻠﻲ ﻗﺎﻝ ﻏﻴﺮ ﻫﻜﺎ ... ﻳﻜﻮﻥ ﻏﺎﻳﺮ ﻣﻨﻚ
ﺍﻧﺎ : ﻣﻼ ﻋﻼﺵ ﻣﻴﺤﺒﻨﻴﺶ ﻫﻮ
ﺭﺍﺿﻴﺔ : ﺗﻘﺼﺪ ﺯﻳﺎﺩ
ﺍﻧﺎ : ﻣﻤﻤﻢ
ﺭﺍﺿﻴﺔ : ﺧﺎﻃﺮ ﺑﻮﻫﺎﻟﻲ ... ﻭﻣﻴﻌﺮﻑﺵ ﻭﻳﻦ ﻣﺼﻠﺤﺘﻮ
ﺍﻧﺎ : ﻫﺄﺓ ﻫﻮ ﻳﺤﺒﻬﺎ ﻫﻲ
ﺭﺍﺿﻴﺔ : ﺷﻜﻮﻥ ﻫﻲ
ﺍﻧﺎ : ﺍﺳﻤﻬﺎ ﻣﻴﺮﺍﻝ
ﺭﺍﺿﻴﺔ : ﻳﺰﻳﻲ ﻣﻌﺎﺩﺵ ﺗﺨﻤﻢ ﻫﻜﺎ ... ﺑﺎﺯ ﺍﻧﺖ ﺍﺣﻠﻰ ﻣﻨﻬﺎ
ﺍﻧﺎ : ﻣﻨﻌﺮﻓﺶ
ﺟﺎﺕ ﺑﺎﺵ ﺗﺤﻜﻲ ... ﻃﻠﻌﺖ ﺭﺍﺳﻲ ... ﻧﺸﻮﻑ ﻓﻲ ﻛﺮﻫﺒﺘﻲ ﺩﺍﺧﻠﺔ ... ﻟﻠﺤﻈﺔ ﻓﺮﺣﺖ ﺧﺎﻃﺮ ﻧﺴﺘﺨﺎﻳﻠﻮ ﺭﺟﻌﻬﺎﻟﻲ ... ﻧﺸﻮﻑ ﻓﻲ ﻭﺍﺣﺪ ﻫﺒﻂ ﻣﻨﻬﺎ ... ﻭ ﻋﻄﺎ ﺍﻟﻤﻔﺎﺗﺢ ... ﻟﻌﻢ ﻓﺎﺗﺢ ... ﺟﺎ ﺣﻄﻬﻢ ﻓﻲ ﻳﺪﻱ ... ﺷﺪﻳﺘﻬﻢ ... ﻭ ﻛﺒﺴﺖ ﻋﻠﻴﻬﻢ ﻓﻲ ﻳﺪﻱ ... ﻏﺰﺭﺗﻠﻲ ﺧﺎﻟﺘﻲ ﺭﺍﺿﻴﺔ ﺗﺤﻜﻲ
ﺭﺍﺿﻴﺔ : ﻣﺶ ﻣﺸﻴﺖ ﺑﻴﻬﺎ ﺻﺒﺎﺡ ... ﻋﻼﺵ ﺟﺎﺑﻬﺎ ﺭﺍﺟﻞ ﺗﻮﺍ
ﺍﻧﺎ : ﻫﻮ ﻟﻲ ﻭﺻﻠﻨﻲ ... ﻭ ﺑﺎﺯ ﻫﻮ ﺑﻌﺜﻬﺎ ﺗﻮﺍ
ﺭﺍﺿﻴﺔ : ﻣﻤﻢ ﺑﺎﻫﻲ ﻫﻴﺎ ﻗﻮﻡ ﻣﻌﺎﻳﺎ ﺗﻮﺍ ... ﺣﻀﺮﺕ ﻋﺸﺎ ﻗﻤﻘﻮﻡ ﺗﻮ ﻳﻔﺮﻫﺪﻙ
ﺍﻧﺎ : ﺑﺎﻟﺤﻖ
ﺭﺍﺿﻴﺔ : ﺍﻳﻪ
ﺍﻧﺎ : ﺑﺎﻫﻲ ﺣﺘﻰ ﺍﻧﺎ ﺟﻌﺖ ﺑﺮﺷﺎ ... ﻭ ﺗﻌﺒﺖ ﻣﻦ ﺍﻟﻘﻌﺪﺓ ﻫﻮﻧﻲ ﻧﻬﺎﺭ ﺍﻟﻜﻞ
ﺭﺍﺿﻴﺔ : ﻗﻮﻡ ﺑﻨﺘﻲ ﻗﻮﻡ ... ﻭ ﻣﻌﺎﺩﺵ ﻧﺤﺐ ﻧﺸﻮﻓﻚ ﻫﻜﺎ
ﺍﻧﺎ : ﺑﺎﻫﻲ ﺧﺎﻟﺘﻲ ﻋﻴﺸﻚ
ﺩﺧﻠﺖ ﻣﻌﺎﻫﺎ ﻟﺪﺍﺭ ... ﺗﻌﺸﻴﻨﺎ ﻣﻊ ﺑﻌﺾ ... ﻭ ﺷﺪﻳﺖ ﺑﻴﺘﻲ ... ﺍﻟﻠﻴﻞ ﺍﻟﻜﻞ ﻭ ﺍﻧﺎ ﻧﺘﻘﻠﺐ ﻭﺣﺪﻱ ... ﻣﻨﺠﻤﺘﺶ ﻧﺮﻗﺪ ... ﻛﻞ ﺗﻔﻜﻴﺮﻱ ﻓﻲ ﺍﻟﻠﻲ ﺻﺎﺭ ﺻﺒﺎﺡ ... ﻳﺎﺧﻲ ﻟﻬﺪﺭﺟﺔ ﻫﻲ ﻣﻬﻤﺔ ﻋﻨﺪﻭ ... ﺍﻛﺜﺮ ﺷﻲ ﻻﺯﻡ ﻧﻌﻮﺩ ﻋﻠﻴﻪ ... ﺍﻧﻮ ﻧﻘﺒﻠﻬﻢ ﻓﻲ ﺣﻴﺎﺍﺗﻮ ... ﻣﻦ ﻏﻴﺮ ﺣﺘﻰ ﻣﺎ ﻧﻌﺎﺗﺒﻮ ... ﺗﻌﺪﺍﻭ ﻳﻮﻣﻴﻦ ﻋﺎﻟﺤﺎﻟﺔ ﻫﺎﺫﻱ ... ﻻ ﻛﻠﻤﻨﻲ ﻭ ﻻ ﺍﻧﺎ ﺗﻨﺎﺯﻟﺖ ﻧﻜﻠﻤﻮ ... ﺣﺘﻰ ﻣﻦ ﻳﺎﺳﺮ ﻣﻘﺎﺑﻠﺘﻮﺵ ﺟﻤﻠﺔ ... ﻣﻌﺎﺩ ﻋﻴﻨﻲ ﻓﻲ ﺣﺘﻰ ﺷﻲ ... ﻓﻘﺖ ﺍﻟﺼﺒﺎﺡ ﻋﻠﻰ ﺍﻋﺼﺎﺑﻲ ... ﺷﻲ ﻣﻦ ﻭﺟﻴﻌﺔ ﻟﻴﻐﺎﻗﻞ ... ﻭ ﺷﻲ ﻣﻦ ﺍﻟﻔﺪﺓ ... ﻧﺸﻮﻑ ﻓﻲ ﺧﺎﻟﺘﻲ ﺭﺍﺿﻴﺔ .. ﺟﺎﺑﺘﻠﻲ ﺗﻴﺰﺍﻧﺔ ... ﺷﺮﺑﺘﻬﺎ ﻓﺮﺩ ﻣﺮﺓ ... ﻧﺸﻮﻑ ﻓﻲ ﺗﻠﻴﻔﻮﻧﻲ ﻳﻨﻮﻗﺰ ﻟﻘﻴﺘﻮ ﻳﺎﺳﺮ ... ﺭﺟﻌﺖ ﺭﻣﻴﺖ ﺗﻠﻴﻔﻮﻥ ﻋﺎﻟﺴﺮﻳﺮ ... ﻧﺤﻜﻲ ﻭ ﻧﺼﻴﺢ
ﺍﻧﺎ : ﻳﺎﺧﻴﻴﻲ ﻟﻬﺪﺭﺟﺔ ﻣﻌﺎﺩﺵ ﻧﻬﻤﻮ
ﺭﺍﺿﻴﺔ : ﺷﻔﻤﺎ ﺩﻧﻴﺰ
ﺍﻧﺎ : ﺗﻲ ﻳﻮﻣﻴﻦ ... ﻣﺤﺎﻭﻟﺶ ﺣﺘﻰ ﻳﺴﺄﻝ ﻋﻠﻴﺎ
ﺭﺍﺿﻴﺔ : ﺗﻠﻘﺎﻩ ﻣﺸﻐﻮﻝ
ﺍﻧﺎ : ﻣﺶ ﻣﺸﻐﻮﻝ ﺑﺎﺯ ﻳﻜﻮﻥ ﻣﻌﺎﻫﺎ
ﺭﺍﺿﻴﺔ؛ﺩﻧﻴﺰ ﺍﻫﺪﺍ ﻋﻴﺶ ﺑﻨﺘﻲ
ﺍﻧﺎ : ﻣﺶ ﺑﺎﺵ ﻧﻬﺪﺍ ... ﺑﺎﺵ ﻧﻤﺸﻲ ﻋﻨﺪﻭ
ﺭﺍﺿﻴﺔ : ﻭﻳﻦ ﺗﻤﺸﻲ
ﺍﻧﺎ : ﻟﺪﺍﺭﻭ
ﺭﺍﺿﻴﺔ : ﻣﺘﺄﻛﺪﺓ ﻳﺎﺧﻲ ﻣﺰﻟﺖ ﺗﺎﻋﺒﺔ ﺭﺍﻙ
ﺍﻧﺎ : ﻻﺍ ﻣﻠﻴﺤﺔ
ﻧﺰﻟﺖ ﻫﺰﻳﺖ ﺗﻠﻴﻔﻮﺗﻲ ... ﻭ ﻧﻄﺮﺕ ﻟﻠﻜﻮﺍﻓﻮﺯ .. ﻫﺰﻳﺖ ﻣﻔﺎﺗﺤﻲ ... ﻭ ﺧﺮﺟﺖ ﻧﺠﺮﻱ ... ﻣﻨﻌﺮﻓﺶ ﻛﻴﻒ ﺧﺮﺟﺖ ﻟﺜﻨﻴﺔ ﻛﻞ ﺗﻔﻜﻴﺮﻱ ... ﺍﻧﻲ ﻧﺸﻮﻓﻮ ﻭ ﻧﺤﻜﻲ ﻣﻌﺎﻩ ... ﻧﺤﺐ ﻧﻔﻬﻢ ﻣﻨﻮ ﺍﻟﺘﺼﺮﻓﺎﺕ ﻫﺬﻭﻣﺎ ... ﺷﺒﻴﻪ ﻃﻔﺎﻧﻲ ﺟﻤﻠﺔ ... ﻳﺎﺧﻲ ﻟﻬﺪﺭﺟﺔ ﻣﻌﺎﺩﺵ ﻧﻬﻤﻮ ... ﻣﻨﻌﺮﻓﺶ ﻗﺪﺍﺵ ﻋﺪﻳﺖ ﻭ ﺍﻧﺎ ﻧﻔﺮﻛﺲ ﻋﺎﻟﺸﺎﺭﻉ ﻟﻲ ﻳﺴﻜﻦ ﻓﻴﻪ ... ﻣﺸﻔﻴﺘﺶ ﻋﻠﻰ ﺛﻨﻴﺔ ﻣﻠﻴﺢ ... ﺍﻭﻝ ﻣﺎ ﻭﺻﻠﺖ ﺑﺪﺍﺕ ﺩﻧﻴﺎ ﺗﻈﻼﻡ ... ﻛﻨﺖ ﺑﺎﺵ ﻧﻨﺰﻝ ﻣﻦ ﺍﻟﻜﺮﻫﺒﺔ ... ﺍﻣﺎ ﺭﺟﻌﺖ ﻟﺘﺎﻟﻲ ... ﻛﻲ ﺷﻔﺘﻮ ﻧﺰﻝ ﻣﻊ ﻃﻔﻠﺔ ﻣﻦ ﺍﻟﻜﺮﻫﺒﺔ ... ﺣﺎﻭﻟﺖ ﻧﺸﻮﻓﻬﺎ ﺍﻣﺎ ﻣﻨﺠﻤﺘﺶ ... ﻣﻐﻄﻴﻬﺎ ﺑﺠﻬﺎﻣﺘﻮ ... ﺑﺪﻧﻲ ﺭﻋﺶ ﺑﺎﻟﻮﻗﺖ ... ﻳﻌﻨﻲ ﺷﺎﻳﺦ ﻭ ﻣﺶ ﻋﻠﻰ ﺑﺎﻟﻮ ... ﻣﺶ ﺣﺎﺳﺒﻨﻲ ﺟﻤﻠﺔ ... ﻧﺰﻟﻮ ﺩﻣﻮﻋﻲ ﺑﺎﻟﻮﻗﺖ ... ﻫﺰﻳﺖ ﺗﻠﻴﻔﻮﻧﻲ ﻛﻠﻤﺘﻮ ﻋﻠﻖ ﻋﻠﻴﺎ ... ﺧﺪﻣﺖ ﺍﻟﻜﺮﻫﺒﺔ ... ﻭﺭﺟﻌﺖ ﻟﺘﺎﻟﻲ ... ﻧﺰﻟﺖ ﺍﻟﺒﻼﺭ ﺧﺬﻳﺖ ﻧﻔﺲ ... ﻧﺤﺲ ﻓﻲ ﺭﻭﺣﻲ ﺗﺨﻨﻘﺖ ... ﺩﻣﻮﻋﻲ ﻛﻞ ﻣﺮﺓ ﻧﻤﺴﺤﻬﻢ ... ﻳﺮﺟﻌﻮ ﻳﻨﺰﻟﻮ ... ﻣﻨﺠﻤﺘﺶ ﻧﺴﺘﺨﺎﻳﻠﻮ ﻣﻊ ﺍﺧﺮﻯ ... ﻓﻜﺮﺓ ﻟﻮﺣﺪﺓ ﺑﺎﺵ ﺗﻜﻮﻥ ﻋﻠﻰ ﺳﺮﻳﺮﻭ ﺧﻼﺗﻨﻲ ﻧﻬﺒﻞ ... ﺣﺒﻴﺖ ﻧﺨﺎﻟﻂ ﻋﻠﻴﻪ ... ﺣﺒﻴﺖ ﻧﻜﻮﻥ ﺩﻧﻴﺰ ﺳﺎﻋﺘﻬﺎ .. ﺍﻣﺎ ﻣﻨﺠﻤﺘﺶ ... ﻣﻨﺠﻤﺘﺶ ﻧﺸﻮﻓﻮ ﻣﻌﺎﻫﺎ ... ﺍﻟﺤﻞ ﺍﻟﻮﺣﻴﺪ ﻟﻲ ﻟﻘﻴﺘﻮ ... ﺍﻧﻲ ﻧﺒﻌﺪ ﻣﻦ ﻫﻮﻧﻲ ﻭ ﻛﻬﻮ ... ﺗﻘﻮﻳﺖ ﻋﻠﻰ ﺭﻭﺣﻲ ... ﻣﺴﺤﺖ ﺩﻣﻮﻋﻲ ... ﻭﺭﺟﻌﺖ ﻟﺪﺍﺭ