🔥🔞"في أحضان عزرائيل"🔞🔥(الجزء الثاني)

الحلقة 296

ﻫﺰﻳﺖ ﻳﺪﻱ ﻣﺴﺤﺖ ﺩﻣﻮﻋﻲ ﻟﻲ ﺯﺍﺩﺕ ... ﻫﺬﺍ ﺍﻟﻜﻞ ... ﺣﻜﻴﺘﻮ ﺩﺍﺧﻠﻲ ... ﺑﻴﻨﻲ ﻭ ﺑﻴﻦ ﺭﻭﺣﻲ ... ﺍﻣﺎ ﺩﻣﻮﻋﻲ ﻏﻠﺒﻮﻧﻲ ﻭ ﻧﺰﻟﻮ ... ﻫﺰﻳﺖ ﻳﺪﻳﺎ ﺯﻭﺯ ﻣﺴﺤﺖ ﺩﻣﻮﻋﻲ ... ﻋﺪﻳﺖ ﻳﺪﻱ ﻣﺮﺓ ﺍﺧﺮﻯ ﻋﻠﻰ ﺗﺮﺍﺏ ﺍﻣﻲ ﻭﻭﻗﻔﺖ ... ﺣﺴﻴﺖ ﺭﻭﺣﻲ ﺍﺭﺗﺤﺖ ﺑﺮﺷﺎ ﺑﻌﺪ ﻣﺎ ﺣﻜﻴﺖ ﻣﻌﺎﻫﺎ ... ﺑﻘﻴﺖ ﻧﺸﻮﻑ ﻣﻊ ﻗﺒﺮﻫﺎ ﺷﻮﻳﺔ ... ﺗﺒﺴﻤﺖ ﻭ ﻛﻤﻠﺖ ﻧﺤﻜﻲ ﺍﻧﺎ : ﺑﺎﺵ ﻧﻤﺸﻲ ﺗﻮﺍ ... ﺍﻣﺎ ﻧﻮﻋﺪﻙ ﺑﺎﺵ ﻧﺮﺟﻊ ﻳﺎ ﺍﻣﻲ ﺗﻠﻔﺖ ... ﻭ ﺑﻌﺪﺕ ﺷﻮﻳﺔ ... ﻣﻨﺤﺒﺶ ﻧﺒﻜﻲ ﻣﺮﺓ ﺍﺧﺮﻯ ... ﻣﺸﻴﺖ ﺷﻮﻳﺔ ... ﻧﺤﺎﻭﻝ ﻧﺘﻨﻔﺲ ﻣﻠﻴﺢ ﻭ ﻧﻬﺪﻱ ﺭﻭﺣﻲ ... ﺍﻣﺎ ﻓﻲ ﻟﺤﻈﺔ ﻭﻗﻔﺖ ... ﺣﻜﻤﺘﻨﻲ ﺩﻭﺧﺔ ﻗﻮﻳﺔ ... ﻭ ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻻﺍﺍﺍﺍﺍﺍﺍ ﻣﺴﺘﺤﻴﻞ ﻟﻲ ﺭﻳﺘﻮ ﺗﻮﺍ ... ﻻﺍﺍ ﻣﺴﺘﺤﻴﻞ ... ﺩﻭﺭﺕ ﺭﺍﺳﻲ ﺷﻮﻳﺔ ﺷﻮﻳﺔ ... ﻓﻤﻲ ﺗﺤﻞ ﻣﻦ ﺍﻟﻔﺠﻌﺔ ... ﻭ ﺩﻣﻌﺔ ﻟﻘﺎﺕ ﻃﺮﻳﻘﻬﺎ ﻋﻠﻰ ﺧﺪﻱ ... ﻗﻠﺒﻲ ﻧﺤﺴﻮ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﻻ ﻣﺴﺘﺤﻴﻞ ... ﻣﻨﺤﺒﺶ ﻧﺼﺪﻕ ... ﻣﺴﺘﺤﻴﻞ ﻳﻜﻮﻥ ﺯﻳﺎﺩ ﻋﻤﻠﻬﺎ ... ﻣﻨﻌﺮﻓﺶ ﻣﻴﻒ ﻧﺠﻤﺖ ﻧﻌﻤﻞ ﺍﻟﺨﻄﻮﺍﺕ ﻫﺬﻭﻛﺎ ... ﺧﻄﻮﺍﺕ ﺻﻐﻴﺮﺓ ... ﺍﻣﺎ ﺣﺴﻴﺖ ﻛﺎﻧﻲ ﺑﺎﺵ ﻧﻘﻄﻊ ﺑﻼﺩ ... ﻗﻌﺪﺕ ﻋﻠﻰ ﺍﻟﻄﺮﻑ ... ﻭ ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻰ ﺭﺧﺎﻣﺔ ﺍﻟﻘﺒﺮ ... ﻋﺪﻳﺘﻬﺎ ﻋﻠﻰ ﺍﺳﻤﻲ ... ﺍﻳﻪ ﺍﺳﻤﻲ ﻟﻲ ﻛﺎﻥ ﻣﻜﺘﻮﺏ ﻏﺎﺩﻱ ... ﺍﺳﻤﻲ ﻭ ﻟﻘﺒﻲ ﻭ ﻋﻴﺪ ﻣﻴﻼﺩﻱ ... ﻗﺎﻋﺪﺓ ﺑﺠﻨﺐ ﻗﺒﺮﻱ ﻭ ﻧﻌﺪﻱ ﻓﻲ ﻳﺪﻱ ﻋﻠﻴﻪ ... ﺣﺎﺳﺔ ﺭﻭﺣﻲ # ﻓﻲ _ ﺍﺣﻀﺎﻥ _ ﺍﻟﻤﻮﺕ ... ﻳﻌﻨﻲ ﺑﺎﻟﺤﻖ ﺳﻮﺍﺭ ﻣﻌﺎﺩﺵ ﻣﻮﺟﻮﺩﺓ ﺟﻤﻠﺔ ... ﺑﺎﻟﺤﻖ ﻫﻮ ﻗﺘﻠﻨﻲ ﻓﻲ ﺍﻟﺤﻴﺎﺓ ... ﻭ ﻧﻔﺎﻧﻲ ... ﺳﻜﺮﺕ ﻋﻴﻨﻴﺎ ... ﻧﺰﻟﻮ ﺩﻣﻮﻋﻲ ﻳﺤﺮﻗﻮ ... ﻟﻴﻦ ﺭﺟﻌﺖ ﻧﺒﻜﻲ ﺑﺎﻟﺼﻮﺕ ... ﻓﻲ ﻟﺤﻈﺔ ﻓﻘﺖ ﻋﻠﻰ ﺭﻭﺣﻲ ... ﻫﺰﻳﺖ ﺭﻭﺣﻲ ﺑﺎﻟﺰﺭﺑﺔ ... ﻭﺧﺮﺕ ﻟﺘﺎﻟﻲ ... ﻭ ﻫﺰﻳﺖ ﺗﻠﻴﻔﻮﻧﻲ ﻛﻠﻤﺘﻮ ... ﻧﻮﻗﺰ ﻣﺮﺓ ﻭ ﺯﻭﺯ ﻭ ﺛﻼﺛﺔ ﻟﻴﻦ ﻫﺰ ﻋﻠﻴﺎ ﻳﺤﻜﻲ ﻭ ﻳﺼﻴﺢ ﺯﻳﺎﺩ : ﺳﻮﺍﺍﺭ ﺷﻔﻤﺎ ... ﻣﺸﻐﻮﻝ ﻣﺒﻌﺪ ﻧﻜﻠﻤﻚ ﺍﻧﺎ : ﺷﻜﻮﻥ ﺳﻮﺍﺭ ... ﻫﻬﻬﻬﻬﻬﻪ ﺷﻜﻮﻥ ﺳﻮﺍﺭ ﻟﻲ ﺗﺤﻜﻲ ﻋﻼﻫﺎ ﺍﻧﺖ ﺯﻳﺎﺩ : ﺳﻮﺍﺍﺭ ﺷﺒﻲ ﺳﻤﺎﻙ ﻫﺒﻠﺖ ﺍﻧﺎ؛ﺳﻮﺍﺍﺭ ... ﺷﻜﻮﻥ ﺳﻮﺍﺭ ... ﺳﻮﺍﺭ ﻣﺎﺗﺖ ﻋﻨﺪﻫﺎ ﺳﺖ ﺷﻬﻮﺭ ... ﻭ ﺍﻧﺖ ﺩﻓﻨﺘﻬﺎ ﺑﻴﺪﻙ ... ﻭ ﻋﻤﻠﺘﻠﻬﺎ ﻗﺒﺮ ﺯﺍﺩﺓ ... ﻣﺶ ﻣﺼﺪﻗﺔ ﻟﻨﺎ ﻭﺍﻗﻔﺔ ﺑﺤﺬﺍ ﻗﺒﺮﻱ ... ﻳﺎﺧﻲ ﻟﻬﺪﺭﺟﺔ ﻭﺻﻠﺖ ﺑﻴﻜﻢ ... ﻟﺪﺭﺟﺔ ﺗﻤﺤﻮ ﻭﺟﻮﺩﻱ ﻣﻦ ﺩﻧﻴﺎ ﺟﻤﻠﺔ ... ﺗﻌﻤﻠﻮﻟﻲ ﻗﺒﺮ ﺑﺎﻟﺤﻴﺎﺓ ... ﻋﻼﺵ ﺯﻳﺎﺩ ... ﻋﻼﺵ ﻋﻤﻠﺖ ﻓﻴﺎ ﻫﻜﺎ ... ﺷﺬﻧﺒﻲ ﻓﻲ ﺍﻟﻠﻲ ... ﻋﻼﺵ ﺣﺮﻣﺘﻮﻧﻲ ﺣﺘﻰ ﻣﻦ ﺭﻭﺣﻲ ﺯﻳﺎﺩ : ﺳﻮﺍﺭ ﺍﻧﺎ : ﻣﻌﺎﺩﺵ ﺗﻘﻮﻟﻲ ﺳﻮﺍﺭ ... ﺳﻮﺍﺭ ﻣﺎﺗﺖ ﻭ ﺍﻧﺖ ﻟﻲ ﻗﺘﻠﺘﻬﺎ ... ﻗﺘﻠﺘﻬﺎ ﻧﻬﺎﺭ ﻋﻤﻠﺘﻠﻬﺎ ﺍﻟﻘﺒﺮ ﻫﺬﺍ ... ﻭ ﺧﻠﻴﺖ ﻟﻲ ﻳﻌﺮﻓﻬﺎ ﻭ ﺍﻟﻠﻲ ﻣﻴﻌﺮﻓﻬﺎﺵ ﻳﺘﺮﺣﻢ ﻋﻼﻫﺎ ﺯﻳﺎﺩ : ﻭﻳﻨﻚ ﺗﻮﺍ ﺍﻧﺎ : ﻟﺤﺪ ﻫﻮﻧﻲ ﺯﻳﺎﺩ ... ﻳﺰﻱ ... ﻣﻊﺍﺩﺵ ﺗﺨﺎﻟﻂ ﻋﻠﻴﺎ ﻧﺤﺐ ﻧﺒﻘﻰ ﻭﺣﺪﻱ ... ﻭ ﺷﻲ ﺍﺧﺮ ﻗﺒﻞ ﻣﺎ ﻧﻌﻠﻖ ... ﺍﻟﻨﺎﺱ ﺍﻟﻜﻞ ﺗﻌﺮﻓﻨﻲ ﺑﻠﻘﺐ ﺍﻛﺎ ﺍﻟﺮﺍﺟﻞ ... ﻣﻴﺠﻴﺶ ﺗﺤﻂ ﻟﻘﺐ ﺑﺎﺑﺎ ... ﺧﺎﻃﺮ ﺣﺪ ﻣﺎ ﻳﻌﺮﻓﻮ ... ﻭ ﻫﻜﺎ ﺗﺴﻬﻞ ﻋﻠﻴﻬﻢ ﻧﺎﺱ ﺍﻟﻜﻞ ﺑﺎﺵ ﻳﻌﺮﻓﻮ ﻗﺒﺮﻱ ﺟﺎ ﺑﺎﺵ ﻳﺤﻜﻲ ﻋﻠﻘﺖ ﻋﻠﻴﻪ ... ﻭ ﻧﺰﻟﺖ ﺗﻠﻴﻔﻮﻥ ... ﻣﻨﻌﺮﻓﺶ ﻛﻴﻒ ﻧﺠﻢ ﻳﻮﺻﻞ ﻟﻠﻘﺐ ﻣﺘﺎﻉ ﺑﺎﺑﺎ ... ﺣﺘﻰ ﻓﻲ ﺍﻭﺭﺍﻗﻲ ﺭﺳﻤﻴﺔ ... ﻣﺤﻄﻮﻃﺔ ﺑﺎﺳﻢ ﺭﺍﺟﻞ ﺍﻣﻲ ... ﻭ ﻟﻘﺐ ﺑﺎﺑﺎ ﻋﺮﻓﺘﻮ ﻣﻦ ﺍﻣﻲ ... ﻭ ﺍﻭﺭﺍﻕ ﻗﺪﻳﻤﺔ ﻛﺎﻧﺖ ﻋﻨﺪﻱ ... ﺍﻣﺎ ﺍﻟﻐﺮﻳﺒﺔ ﺯﻳﺎﺩ ﻛﻴﻒ ﻋﺮﻓﻮ ... ﺍﺣﺴﻦ ﺷﻲ ﺣﻄﻮ ﻫﻜﺎ ﻋﺎﻻﻗﻞ ﻣﺶ ﺍﻟﻜﻞ ﻳﻌﺮﻑ ﻟﺴﻮﺍﺭ ﻣﺎﺗﺖ ... ﻭ ﻛﺎﻥ ﻧﺘﻠﻘﻰ ﺑﺸﻲ ﺣﺪ ﻣﻦ ﺍﻟﻠﻲ ﻧﻌﺮﻓﻬﻢ ﺑﺎﺵ ﻳﺴﺘﺨﺎﻳﻠﻮﻧﻲ ﺷﺒﺢ ﻓﻲ ﺟﺮﺗﻮ ... ﺍﻟﻬﺎﻣﻞ ﺍﻟﺴﺎﻗﻂ ... ﻣﺶ ﺑﺎﺵ ﺗﺘﻌﺪﺍﻟﻮ ﺟﻤﻠﺔ ... ﻫﺰﻳﺖ ﻳﺪﻱ ﻣﺴﺤﺖ ﺩﻣﻮﻋﻲ ... ﻭﻭﺧﺮﺕ ﻟﺘﺎﻟﻲ ... ﺗﻌﺪﺍ ﻳﺠﻴﺐ ﺳﺎﻋﺔ ﻭ ﺍﻧﺎ ﻭﺍﻗﻔﺔ ﻓﻲ ﻧﻔﺲ ﺍﻟﺒﻘﻌﺔ ... ﻧﺸﻮﻑ ﻣﻊ ﺍﻟﻘﺒﺮ ... ﻟﺘﻮﺍ ﻣﺶ ﻣﺴﺘﻮﻋﺒﺔ ﺍﻟﻠﻲ ﺻﺎﺭ ﺣﺎﺳﺔ ﺭﻭﺣﻲ ﻓﻲ ﺣﻠﻤﺔ ﻛﺒﻴﺮﺓ .. ﻭ ﺑﺎﺵ ﻧﻔﻴﻖ ﻣﻨﻬﺎ ... ﺣﺘﻰ ﺗﻠﻴﻔﻮﻧﻲ ﻟﺒﺎﻗﻲ ﻳﻨﻮﻗﺰ ... ﺳﻜﺮﺗﻮ ﻭ ﺭﺟﻌﺘﻮ ﻟﻤﻜﺘﻮﺑﻲ ... ﺍﻧﺎ ﺍﻛﺎﻛﺎ ﻭﻗﺺ ﻋﻠﻴﺎ ﺻﻮﺕ ﻣﻦ ﺗﺎﻟﻲ ... ﺻﻮﺕ ﺧﻠﻰ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﺍﻟﺪﻡ ﺟﻤﺪ ﻓﻲ ﻋﺮﻭﻗﻲ ﻭ ﺑﺪﻧﻲ ﺭﻋﺶ ... ﻧﻔﺲ ﺍﻟﺼﻮﺕ ... ﻭ ﻧﻔﺲ ﺍﻟﺮﻳﺤﺔ ... ﺳﻜﺮﺕ ﻋﻴﻨﻴﺎ ﺑﺎﻟﻘﺎﻭﻱ ﻧﺴﻤﻊ ﻓﻴﻪ ﻫﻮ؛ﻫﻮﻛﺎ ﺟﻤﻌﺘﻨﺎ ﺍﻟﺼﺪﻓﺔ ﻣﺮﺓ ﺍﺧﺮﻯ ﻛﺒﺴﺖ ﻋﻠﻰ ﻳﺪﻱ ... ﻭ ﺗﻠﻔﺖ ﺑﺎﻟﺴﻴﻒ ... ﻏﺰﺭﺕ ﻟﺴﺎﻗﻴﻪ ... ﻭ ﻃﻠﻌﺖ ﺑﻌﻴﻨﻴﺎ ﻟﻮﺟﻬﻮ ... ﻧﻔﺲ ﺍﻟﻮﺟﻪ ... ﻧﻔﺲ ﺍﻟﻮﻗﻔﺔ ... ﻧﻔﺲ ﻣﻼﻣﺢ ﺍﻟﻮﺟﻪ ﺍﻟﺒﺎﺭﺩﺓ ﻟﻲ ﺷﻔﺘﻬﺎ ﻧﻬﺎﺭ ﺍﻟﺤﻔﻠﺔ ... ﻧﻔﺲ ﺍﻟﺨﻮﻑ ﻭ ﻧﻔﺲ ﺍﻟﻨﻘﻤﺔ ... ﻧﻔﺲ ﺍﻟﻜﺮﻩ ... ﻛﻠﺸﻲ ... ﺗﺨﻠﻂ ﺩﺍﺧﻠﻲ ... ﻟﺪﺭﺟﺔ ﻛﺎﻥ ﻧﺠﻤﺖ ﻧﻘﺘﻠﻮ ﺳﺎﻋﺘﻬﺎ ... ﺭﺍﻧﻲ ﻗﺘﻠﺘﻮ ... ﺣﻄﻴﺖ ﺍﻻﺣﺘﻤﻼﺕ ﺍﻟﻜﻞ ﻓﻲ ﺭﺍﺳﻲ ... ﻛﻴﻒ ﻳﺎﺵ ﻧﺘﻠﻘﻰ ﻳﻴﻪ ... ﻭ ﻛﻴﻒ ﺑﺎﺵ ﻧﺒﺪﺍ ﻛﻼﻣﻲ ﻣﻌﺎﻩ ... ﺍﻣﺎ ﺍﻟﻤﺮﺓ ﻫﺎﺫﻱ ﺍﻟﺼﺪﻓﺔ ﺣﻄﺎﺗﻮ ﻓﻲ ﻃﺮﻳﻘﻲ ... ﻭ ﺍﻟﺤﻆ ﺍﻟﻤﺮﺓ ﻫﺎﺫﻱ ﻭﻗﻒ ﻣﻌﺎﻳﺎ ... ﻭ ﻣﻦ ﺍﻟﻤﻘﺒﺮﺓ ... ﺑﺎﺵ ﺗﺒﺪﺍ ﻟﻌﺒﺔ ﺍﻟﻤﻄﺎﺭﺩﺓ ﺑﻴﻨﻲ ﻭ ﺑﻴﻨﻮ .. ﺑﺎﺵ ﻧﺨﻠﻴﻪ ﻳﻨﺪﻡ ﻋﻠﻰ ﻛﻠﺸﻲ ... ﺑﺎﺵ ﻧﺨﻠﻴﻪ ﻳﻌﻴﺶ ﻓﻲ ﺍﺣﻀﺎﻥ ﺍﻟﻤﻮﺕ