🔥🔞"في أحضان عزرائيل"🔞🔥(الجزء الثاني)

الحلقة 316

ﺍﻟﻴﻤﺎﺕ ﺗﻌﺪﺍﻭ ﻛﻴﻒ ﺑﻌﻀﻬﻢ ... ﻗﺪﺍﺵ ﺗﻌﺪﺍ ﻣﻨﻌﺮﻓﺶ ... ﻣﺤﺴﺒﺘﻪﻣﺶ ﻭ ﻻ ﺍﻻﺻﺢ
ﻣﺤﺒﻴﺘﺶ ﻧﺤﺴﺒﻬﻢ ... ﻣﺤﺒﻴﺘﺶ ﻧﺤﺴﺐ ﺍﻟﻮﻗﺖ ﻟﻲ ﻏﺎﺏ ﻋﻠﻴﺎ ... ﻛﻞ ﺻﺒﺎﺡ ﻧﺎﻗﻒ ﻓﻲ ﻧﻔﺲ ﺍﻟﺒﻘﻌﺔ ... ﻟﻲ ﺷﻔﺘﻮ ﻣﻨﻬﺎ ﺍﺧﺮ ﻣﺮﺓ ... ﻧﺎﻗﻒ ﺑﺤﺬﺍ ﺍﻟﺸﺒﺎﻙ ... ﺍﺧﺮ ﺑﻼﺻﺔ ﻧﺠﻤﺖ ﻧﺸﻮﻓﻮ ﻣﻨﻬﺎ ... ﻣﻨﻌﺮﻓﺶ ﺍﺫﺍ ﻫﻮ ﻳﻌﺎﻗﺐ ﻓﻴﺎ ﺑﻐﻴﺎﺑﻮ ... ﻭ ﻻ ﺍﻧﺎ ﺣﺴﻴﺖ ﺍﻛﺎﻛﺎ ... ﺑﺮﻏﻢ ﻭﺣﺸﻲ ﻟﻴﻪ ﺗﻐﻠﺒﺖ ﻋﻠﻰ ﺭﻭﺣﻲ ... ﻭ ﻣﻜﻠﻤﺘﻮﺵ ... ﺣﺴﻴﺖ ﺑﺪﻣﻌﺘﻲ ﻫﺒﻄﺖ ... ﻭ ﺻﻮﺕ ﺍﻟﺒﺎﺏ ﻓﺘﺢ ﺑﺎﻟﻮﻗﺖ ... ﻫﺰﻳﺖ ﻳﺪﻱ ﻣﺴﺤﺘﻬﺎ ﺑﺎﻟﺰﺭﺑﺔ ... ﻧﺴﻤﻊ ﻓﻲ ﺧﺎﻟﺘﻲ ﺭﺍﺿﻴﺔ ﺗﺤﻜﻲ
ﺭﺍﺿﻴﺔ : ﺩﻧﻴﺰ ﻋﺰﻳﺰﺗﻲ ﻓﻄﻮﺭﻙ ﺣﺎﺿﺮ
ﺧﺬﻳﺖ ﻧﻔﺲ ... ﻭ ﺗﻠﻔﺖ ﻋﻨﺪﻫﺎ ... ﺗﺒﺴﻤﺘﻠﻪﺍ ... ﻧﺤﻜﻲ
ﺍﻧﺎ : ﺑﺎﻫﻲ ﺧﺎﻟﺘﻲ ﺗﻮ ﻧﻨﺰﻝ
ﺭﺍﺿﻴﺔ : ﻋﻴﺶ ﺑﻨﺘﻲ
ﺗﺒﺴﻤﺘﻠﻬﺎ ... ﺑﻘﻴﺖ ﻧﺸﻮﻑ ﻣﻌﺎﻫﺎ ... ﻟﻴﻦ ﺧﺮﺟﺖ ... ﻗﺮﺑﺖ ﻣﻦ ﺍﻟﻜﻮﺍﻓﻮﺯ ... ﻧﺸﻮﻑ ﻣﻊ ﺭﻭﺣﻲ ... ﻟﻴﻮﻡ ﺍﻭﻝ ﻳﻮﻡ ﻧﺘﻠﻬﻰ ﺑﺮﻭﺣﻲ ... ﺑﻌﺪ ﺍﺧﺮ ﻧﻬﺎﺭ ﺷﻔﺘﻮ ﻓﻴﻪ ... ﻫﺰﻳﺖ ﻳﺪﻳﺎ ﺯﻭﺯ ﻋﺪﻳﺘﻬﻢ ﻋﻠﻰ ﺑﺪﻧﻲ ... ﻧﺮﻳﻘﻞ ﻓﻲ ﺩﺑﺸﻲ ... ﻻﺯﻣﻨﻲ ﻧﻜﻮﻥ ﺩﻧﻴﺰ ... ﻟﻤﻴﺖ ﺷﻌﺮﻱ ... ﻛﻮﺕ ﺩﻭ ﺷﻮﻓﺎﻝ ... ﺣﻄﻴﺖ ﺭﻭﺝ ﻏﺎﻣﻖ ... ﻭﻭﺧﺮﺕ ﺧﻄﻮﺓ ﻟﺘﺎﻟﻲ ... ﺗﺒﺴﻤﺖ ﻋﻠﻰ ﺟﻨﺐ ... ﺗﻮﺍ ﻛﻤﻠﺖ ﺍﻟﺼﻮﺭﺓ ... ﻫﺰﻳﺖ ﺍﻟﻔﺎﺳﺖ ﻣﺘﺎﻋﻲ .. ﻭ ﺻﺎﻛﻲ ... ﻭ ﻣﻔﺎﺗﺢ ﺍﻟﻜﺮﻫﺒﺔ ... ﻭ ﻧﺰﻟﺖ ﺍﻟﻠﻮﻃﺔ ... ﻣﻨﻌﺮﻓﺶ ﻛﻴﻒ ﻧﺠﻤﺖ ﻧﻌﺪﻱ ﺍﻛﺎ ﺍﻟﻔﻄﻮﺭ ... ﺟﻴﺴﺖ ﺑﺎﺵ ﻧﺮﺿﻲ ﺧﺎﻟﺘﻲ ﺭﺍﺿﻴﺔ ... ﺑﺴﺘﻬﺎ ﻭ ﺧﺮﺟﺖ ﺍﻟﺒﺮﺍ ... ﺍﻟﻨﺴﻤﺔ ﺍﻟﺒﺎﺭﺩﺓ ﻟﻲ ﺿﺮﺑﺖ ﻋﻠﻰ ﻭﺟﻬﻲ ﺧﻼﺗﻨﻲ ﻧﺴﻜﺮ ﻋﻴﻨﻴﺎ ﺑﺎﻟﻘﺎﻭﻱ ... ﺍﻭﻝ ﻧﺴﻤﺔ ﻧﺤﺲ ﺑﻴﻬﺎ ﺑﻌﺪ ﺍﻛﺎ ﻧﻬﺎﺭ ... ﻛﻞ ﻣﺮﺓ ﻫﻮ ﻳﺨﺘﺎﺭ ﺍﻟﺒﻌﺪ ... ﻧﺪﻓﻦ ﺭﻭﺣﻲ ﻓﻲ ﺍﻟﺪﺍﺭ ... ﺣﺘﻰ ﻣﻦ ﻳﺎﺳﺮ ﻣﻌﺎﺩﺵ ﺷﻔﺘﻮ ﻭ ﻻ ﻛﻠﻤﺘﻮ ... ﻓﺎﻳﺖ ﺍﺳﺒﻮﻉ ﻭ ﺍﻧﺎ ﻋﻠﻰ ﻧﻔﺲ ﺍﻟﺤﺎﻟﺔ ... ﺑﻌﺪ ﺍﻟﻘﻮﺓ ﻟﻲ ﻣﺜﻠﺘﻬﺎ ﻗﺪﺍﻣﻮ ... ﺗﻬﺪﻳﺖ ﺑﻌﺪﻫﺎ ... ﺍﻣﺎ ﺍﻟﻴﻮﻡ ... ﺑﺎﺵ ﻳﺒﺪﺍ ﺍﻟﻔﺼﻞ ﺍﻟﺜﺎﻧﻲ ﻓﻲ ﺍﻟﺤﻜﺎﻳﺔ ... ﺑﺎﺵ ﺗﺒﺪﺍ ﺣﻜﺎﻳﺘﻲ ﻣﻊ ﺍﺩﻡ ... ﻣﻊ ﺍﻛﺜﺮ ﺣﺪ ﻧﻜﺮﻫﻮ ﻓﻲ ﺍﻟﺪﻧﻴﺎ ... ﻣﻊ ﻋﺪﻭﻱ ... ﻭ ﺧﻮ ﺣﺒﻴﺒﻲ ﻓﺮﺩ ﻭﻗﺖ ... ﺣﻠﻴﺖ ﻋﻴﻨﻴﺎ ... ﺧﺬﻳﺖ ﻧﻔﺲ ﻭ ﻛﻤﻠﺖ ﻧﺰﻟﺖ ... ﺧﺪﻣﺖ ﺍﻟﻜﺮﻫﺒﺔ ... ﻧﺴﻮﻕ ... ﻭ ﺗﻔﻜﻴﺮﻱ ﺑﻌﻴﺪ ... ﻛﻞ ﻣﺮﺓ ﻧﻘﺮﺏ ... ﺩﻗﺎﺕ ﻗﻠﺒﻲ ﺗﻘﻮﻯ ... ﻣﻨﻌﺮﻓﺶ ﻛﻴﻒ ﺑﺎﺵ ﻧﻜﻮﻥ ﻗﻮﻳﺔ ... ﻭ ﻧﺎﻗﻒ ﻗﺪﺍﻣﻮ ﻣﺮﺓ ﺍﺧﺮﻯ ... ﺑﺎﺵ ﻧﺸﻮﻓﻮ ﻭ ﻧﻘﺮﺏ ﻣﻨﻮ ... ﺣﻘﺪﻱ ﻋﻠﻴﻪ ... ﻣﺨﻠﻂ ﺑﺨﻮﻑ ﻛﺒﻴﺮ ﻣﻨﻮ ... ﺍﻳﻪ ﻧﺨﺎﻓﻮ ... ﻭ ﻣﺰﻟﺖ ﻧﺨﺎﻓﻮ ... ﺍﻛﺎ ﺍﻟﻠﻴﻠﺔ ﺯﺭﻋﺖ ﻓﻴﺎ ﺧﻮﻑ ﻣﻨﻌﺮﻓﻮﺵ ﻣﻦ ﻗﺒﻞ ... ﺧﻼﺗﻨﻲ ﻧﺨﺎﻑ ﻣﻦ ﻛﻞ ﺭﺍﺟﻞ ﻳﻌﺮﺿﻨﻲ ... ﺍﻣﺎ ﺯﻳﺎﺩ ﻋﻄﺎﻧﻲ ﻳﺪﻭ ... ﻳﻤﻜﻦ ﺍﺳﺘﻐﻠﻨﻲ ﺻﺤﻴﺢ ... ﺍﻣﺎ ﺑﻴﻪ ﻫﻮ ﻧﺠﻤﺖ ﻧﻮﺍﺟﻪ ﺭﻭﺣﻲ ... ﺗﻌﻠﻤﺖ ﻧﻮﺍﺟﻪ ... ﻭ ﺍﻧﺎ ﻓﻲ ﺍﻗﺼﻰ ﻣﺮﺍﺣﻞ ﺍﻟﺨﻮﻑ ... ﺗﻌﻠﻤﺖ ﻧﻜﻮﻥ ﻗﻮﻳﺔ ﻭ ﻧﻮﺍﺟﻪ ﺭﻭﺣﻲ ﺍﻭﻝ ﺷﻲ ... ﺍﻣﺎ ﺍﻟﻘﻮﺓ ﻫﺎﺫﻱ ﺍﻟﻜﻞ ... ﺧﺎﻃﺮ ﻫﻮ ﻭﺍﻗﻒ ﻓﻲ ﻇﻬﺮﻱ ... ﻧﻌﺮﻑ ﺍﻧﻲ ﻓﻲ ﺣﻤﺎﻳﺘﻮ ... ﻭ ﻣﺶ ﺍﻱ ﻳﻨﺠﻢ ﻳﻘﺮﺏ ﻣﻦ ﺍﻣﻼﻙ ﺍﻟﺸﻴﻄﺎﻥ ... ﺍﻳﻪ ﺍﻧﺎ ﻣﻠﻜﻮ ﻻﻛﺎ ﺍﻟﺸﻴﻄﺎﻥ ... ﻭ ﻣﻨﺤﺒﺶ ﻧﺨﺮﺝ ﻣﻦ ﺍﻟﺠﺤﻴﻢ ﻣﺘﺎﻋﻮ ... ﺍﻣﺎ ﺍﻟﺠﺤﻴﻢ ﻣﺘﺎﻋﻲ ﺍﻧﺎ ﺑﺎﺵ ﻳﻌﻴﺶ ﻓﻴﻪ ﺧﻮﻩ ... ﺑﺎﺵ ﻧﺨﻠﻴﻪ ﻳﺘﺤﺮﻕ ... ﻭ ﻳﻌﻴﺶ ﺩﻭﺑﻞ ﻟﻲ ﻋﻴﺸﻨﻲ ﻓﻴﻪ ﻫﻮ ... ﻛﻞ ﻣﺮﺓ ﻧﺎﻗﻒ ﻓﻲ ﻭﺟﻬﻮ ... ﺑﺎﺵ ﻳﻜﻮﻥ ﻋﻴﻨﻴﻦ ﺳﻮﺍﺭ ﻋﻠﻴﻪ ... ﺍﻣﺎ ﺑﺸﺨﺼﻴﺔ ﺩﻧﻴﺰ ﺍﻟﻘﻮﻳﺔ ﻭ ﺍﻟﻤﺘﻤﺮﺩﺓ ... ﺩﻧﻴﺰ ﺍﻟﻠﻲ ﺩﻧﻴﺎ ﻋﻨﺪﻫﺎ ﻟﻌﺒﺔ ... ﻭ ﺗﺤﺐ ﺗﺠﺮﺏ ﻛﻠﺸﻲ ... ﻭ ﻣﺘﺨﻮﻓﻬﺎﺵ ﻛﻠﻤﺔ ﺍﻟﻤﻮﺕ ... ﻋﻜﺲ ﺳﻮﺍﺭ ... ﻟﻲ ﻋﺎﻳﺸﺔ ﻓﻲ ﺍﺣﻀﺎﻥ ﺍﻟﻤﻮﺕ ... ﻛﻞ ﻣﺮﺓ ﺗﻘﺮﺏ ﺑﺎﺵ ﺗﺨﻄﻔﻬﺎ ... ﺗﺒﺪﻝ ﺍﻟﺜﻨﻴﺔ ﻭ ﺗﺎﺧﻮ ﻟﻌﺰﻳﺰ ﻋﻼﻫﺎ ... ﺧﺬﺍﺕ ﻣﻨﻲ ﺑﺎﺑﺎ ﻭ ﺍﻣﻲ ... ﻭ ﻣﻌﻨﺪﻳﺶ ﺍﺳﺘﻌﺪﺍﺩ ... ﻧﺨﺴﺮ ﺣﺪ ﺍﺧﺮ ... ﺗﻮﺍ ﻟﺤﻖ ﺍﻟﻮﻗﺖ ﺑﺎﺵ ﻧﺨﻠﻲ ﺍﻟﻜﻞ ﻳﺨﺴﺮ ... ﺑﺎﺵ ﻧﺎﺧﻮ ﺣﻘﻲ ... ﻭ ﻧﺮﺟﻊ ﻛﺮﺍﻣﺘﻲ ﻟﻲ ﺿﺎﻋﺖ ﻣﻨﻲ ... ﺑﺎﺵ ﻧﺜﺒﺖ ﻟﻨﺎﺱ ﺍﻟﻜﻞ ﺑﺮﺍﺋﺘﻲ ... ﻭﺻﻠﺖ ﻟﺪﺭﺟﺔ ﻣﺴﺘﺤﻴﻞ ﻧﺨﻠﻲ ﺣﺪ ﻳﺘﻌﺪﺍ ﻋﻠﻰ ﺣﻘﻮﻗﻲ ﻓﻲ ﺍﻟﺪﻧﻴﺎ ... ﻭ ﻛﺎﻥ ﻟﺰﻡ ﺑﺎﺵ ﻧﺘﻌﺪﺍ ﺍﻟﺨﻄﻮﻁ ﺍﻟﺤﻤﺮﺍ ... ﻭ ﻣﺎ ﻧﺨﻠﻲ ﺣﺪ ﻳﺘﻌﺪﺍ ﻋﻠﻴﺎ ...