🔥🔞"في أحضان عزرائيل"🔞🔥(الجزء الثاني)

الحلقة 295

ﺍﻧﺎ : ﻋﻴﺸﻚ ﺧﺎﻟﺘﻲ ... ﺍﻣﺎ ﻧﺤﺐ ﻧﻤﺸﻲ ﺷﻮﻳﺔ ... ﺗﻮ ﻛﻲ ﻧﺮﺟﻊ ﻧﺎﻛﻮﻝ ﺭﺍﺿﻴﺔ : ﻭﻳﻦ ﻣﺎﺷﻴﺔ ﺍﻧﺎ : ﻧﺤﺐ ﻧﻤﺸﻲ ﺷﻮﻳﺔ ﺭﺍﺿﻴﺔ : ﺍﻟﺒﺲ ﻓﺎﺳﺖ ﺩﻧﻴﺎ ﺑﺮﺩ ﺑﺮﺍ ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﺧﺬﻳﺖ ﺑﺨﺎﻃﺮﻫﺎ ﻭ ﻟﺒﺴﺖ ﻓﺎﺳﺖ ﺧﻔﻴﻔﺔ ﻣﻦ ﻓﻮﻕ ... ﻭ ﺧﺮﺟﺖ ... ﻣﻨﻌﺮﻓﺶ ﻗﺪﺍﺵ ﺑﻘﻴﺖ ﻧﻤﺸﻲ ... ﻟﻴﻦ ﻟﻘﻴﺖ ﺭﻭﺣﻲ ﻗﺪﺍﻡ ﺍﻟﻤﻘﺒﺮﺓ ... ﻣﻨﻌﺮﻑﺵ ﻛﻴﻒ ﻭﺻﻠﺖ ﻟﻬﻮﻧﻲ ... ﺧﺬﻳﺖ ﻧﻔﺲ ﻃﻮﻳﻞ ... ﻭ ﺩﺧﻠﺖ ... ﻫﺰﻭﻧﻲ ﺳﺎﻗﻴﺎ ﻟﻘﺒﺮ ﺍﻣﻲ ... ﺣﺴﻴﺖ ﺧﻄﻮﺍﺗﻲ ﺭﺯﻧﻮ ﻭ ﺍﻧﺎ ﻧﻘﺮﺏ ... ﻟﺘﻮﺍ ﻣﺶ ﻣﺼﺪﻗﺔ ﻟﻬﻲ ﻣﻌﺎﺩﺵ ﻣﻮﺟﻮﺩﺓ ﺟﻤﻠﺔ ... ﻏﺰﺭﺕ ﻟﻘﺒﺮﻫﺎ ﻟﻘﻴﺘﻮ ﻣﺨﺪﻭﻡ ... ﺑﺎﺯ ﺯﻳﺎﺩ ﺍﻟﻠﻲ ﺧﺪﻣﻮ ... ﻗﺮﺑﺖ ﺍﻛﺜﺮ ... ﻗﻌﺪﺕ ﻋﻠﻰ ﻃﺮﻑ ... ﻫﺰﻳﺖ ﻳﺪﻱ ... ﻋﺪﻳﺘﻬﺎ ﻋﻠﻰ ﺗﺮﺍﺑﻬﺎ ... ﺗﺒﺴﻤﺖ ﻧﺤﻜﻲ ﺍﻧﺎ : ﻛﻴﻔﻚ ﺍﻣﻲ ... ﺗﻌﺮﻑ ﻻﻧﺎ ﺗﻮﺣﺸﺘﻚ ﺑﺮﺷﺎ ... ﻭ ﻻ ﻣﺮﺓ ﻧﺴﻴﺘﻚ ... ﻛﻞ ﻳﻮﻡ ﻭ ﻛﻞ ﻟﻴﻠﺔ ﻧﺬﻛﺮﻙ ... ﺗﺘﺬﻛﺮﻫﺎ ﺍﻟﺸﺮﻛﺔ ﻟﻲ ﻋﻄﻴﺘﻬﺎﻟﻲ ﻓﻲ ﻋﻴﺪ ﻣﻴﻼﺩﻱ ... ﺿﻴﻌﺘﻬﺎ ﺑﺘﻔﻮﺭﻳﺨﻲ ... ﻧﻌﺮﻑ ﻻﻧﺖ ﺗﻐﺸﺸﺖ ﻣﻨﻲ ﺑﺮﺷﺎ ... ﺍﻣﺎ ﻭﺍﻟﻠﻪ ﻣﺶ ﺑﻘﺼﺪﻱ ﺻﺪﻗﻨﻲ ... ﺳﺎﻣﺤﻨﻲ ﻳﺎﻣﻲ ... ﺗﻌﺮﻑ ﻟﻌﻤﺎﺩ ﻣﻌﺎﺩﺵ ﻣﻮﺟﻮﺩ ﻫﻮﻧﻲ ... ﻋﻠﻰ ﻫﺬﺍﻛﺎ ﻣﺠﺎﺵ ﻋﻨﺪﻙ ... ﺧﺎﻃﺮﻭ ﻓﻲ ﻓﺮﻧﺴﺎ ﺗﻮﺍ ... ﺑﺎﺵ ﻳﻘﺮﺍ ﻭ ﻳﻨﺠﺢ ... ﻭ ﻳﻜﻮﻥ ﻣﻬﻨﺪﺱ ﻛﻴﻤﺎ ﺣﺒﻴﺘﻮ ... ﻣﺶ ﺑﺎﺵ ﻳﺨﻴﺐ ﻇﻨﻚ ﻛﻴﻔﻲ ... ﺑﺎﺵ ﻳﻜﻮﻥ ﺭﺍﺟﻞ ﻛﻴﻤﺎ ﺣﻠﻤﺖ ﺑﻴﻪ ... ﺳﺎﻣﺤﻨﻲ ﺧﺎﻃﺮ ﺣﺮﻣﺘﻜﻢ ﻣﻦ ﺑﻌﺾ ﻏﻤﻀﺖ ﻋﻴﻨﺎ ... ﺣﺴﻴﺖ ﺑﺪﻣﻌﺔ ﺗﺤﺮﻕ ﻧﺰﻟﺖ ﻋﻠﻰ ﺧﺪﻭﺩﻱ ... ﺧﺎﻟﻄﻮ ﻋﻼﻫﺎ ﺩﻣﻌﺎﺕ ﺍﺧﺮﻯ ... ﻫﺰﻳﺖ ﻳﺪﻱ ﻣﺴﺤﺘﻬﻢ ... ﻭ ﻛﻤﻠﺖ ﻧﺤﻜﻲ ﺍﻧﺎ : ﺗﺎﻋﺒﺔ ﻳﺎ ﺍﻣﻲ ... ﺻﺪﻗﻨﻲ ﺗﺎﻋﺒﺔ ﺑﺮﺷﺎ ... ﻗﺎﻋﺪﺓ ﻧﺤﺎﻭﻝ ﺑﺎﺵ ﻧﻜﻮﻥ ﻗﻮﻳﺔ ﺍﻣﺎ ﻣﻨﺠﻤﺘﺶ ... ﺗﻌﺮﻑ ﺍﻟﻠﻲ ﻓﺮﻗﻨﺎ ﻋﻠﻰ ﺑﻌﺾ ... ﻃﻠﻊ ﺧﻮ ﺯﻳﺎﺩ ... ﺧﻮ ﺍﻟﺮﺍﺟﻞ ﻟﺤﺒﻴﺘﻮ ... ﻟﻨﺠﻤﺖ ﻧﻌﻴﺶ ﻋﻠﻰ ﺟﺎﻟﻮ ... ﻟﻌﻄﺎﻧﻲ ﺣﻴﺎﺓ ﺟﺪﻳﺪﺓ ... ﻛﻴﻒ ﻧﺠﻢ ﻧﺎﻗﻒ ﻗﺪﺍﻣﻮ ... ﻭ ﻧﻘﻠﻮ ﺧﻮﻙ ﻫﻮ ﻟﻲ ﺍﻏﺘﺼﺒﻨﻲ ... ﻳﺎﺳﺮ ﺻﻌﻴﺒﺔ ﺻﺪﻗﻨﻲ ... ﻣﻨﺠﻤﺘﺶ ... ﺣﺎﻭﻟﺖ ﺑﺮﺷﺎ ... ﺣﺎﻭﻟﺖ ﻧﺨﺒﺮﻭ ... ﺣﺎﻭﻟﺖ ﻧﻮﺻﻠﻮ ﻛﻼﻣﻲ ... ﺍﻣﺎ ﻧﺮﺟﻊ ﻓﻲ ﺍﺧﺮ ﻟﺤﻈﺔ ... ﻛﻴﻒ ﻧﺠﻢ ﻧﺨﺒﺮﻭ ... ﺯﻋﻤﺔ ﺑﺎﺵ ﻳﺼﺪﻗﻨﻲ ... ﺑﺎﺵ ﻳﺨﻠﻲ ﺧﻮﻩ ﻟﻲ ﺗﺮﺑﺎ ﻣﻌﺎﻩ ﺳﻨﻴﻦ ﻫﺬﻭﻣﺎ ﺍﻟﻜﻞ ... ﻭ ﻳﺼﺪﻗﻨﻲ ﺍﻧﺎ ... ﺧﻔﺖ .. ﺧﻔﺖ ﻛﺎﻥ ﻳﺒﻌﺪ ﻋﻠﻴﺎ ... ﻭ ﻳﺨﻠﻴﻨﻲ ﻭﺣﺪﻱ ... ﻳﺨﻠﻴﻨﻲ ﺑﻴﻦ ﻳﺪﻳﻪ ﻣﺮﺓ ﺍﺧﺮﻯ ... ﺭﺍﻧﻲ ﻧﺤﺒﻮ ﻭ ﻣﻨﺠﻤﺶ ﻣﻦ ﻏﻴﺮﻭ ... ﺳﺎﻋﺎﺕ ﻧﺨﻤﻢ ﺍﻧﻲ ﻧﻘﺘﻞ ﺍﺩﻡ ﻭ ﻧﺮﺗﺎﺡ ﺟﻤﻠﺔ ... ﺍﻣﺎ ﺍﻟﻠﻲ ﻋﺸﺘﻮ ﺍﻛﺒﺮ ﻣﻦ ﺍﻟﻤﻮﺕ ... ﻛﻴﻒ ﺑﺎﺵ ﻧﺴﻤﺤﻠﻮ ﻳﻤﺸﻲ ﺑﺎﻟﺴﻬﻮﻟﺔ ﻫﺎﺫﻱ ... ﻭ ﻛﻴﻒ ﺑﺎﺵ ﻧﺠﻢ ﻧﻘﺮﺏ ﻣﻨﻮ ﻭ ﻧﺎﺧﻮ ﺣﻘﻲ ﻣﻨﻮ ... ﺗﻌﺒﺖ ﻳﺎ ﺍﻣﻲ ... ﻭ ﺗﺴﻜﺮﺕ ﻓﻲ ﻭﺟﻬﻲ ... ﻣﻨﻌﺮﻓﺶ ﻭﻳﻦ ﻧﻤﺸﻲ ... ﻭ ﻻ ﺷﺒﺎﺵ ﻧﻌﻤﻞ ... ﺣﺘﻰ ﺯﻳﺎﺩ ﻣﻴﻨﺠﻤﺶ ﻳﺎﻗﻒ ﻣﻌﺎﻳﺎ ... ﻣﻴﻨﺠﻤﺶ ﻳﻜﻮﻥ ﺑﻴﻦ ﺍﺛﻨﻴﻦ ... ﻭ ﺍﻧﺎ ﻣﻨﺤﺒﻮﺵ ﻳﺨﺴﺮ ﻛﻠﺸﻲ ﻓﻲ ﺟﺮﺗﻲ ... ﻣﻨﺤﺒﻮﺵ ﻳﻜﺮﻫﻨﻲ ... ﺣﺎﺳﺔ ﺭﻭﺣﻲ ﻭﺣﺪﻱ ... ﻣﺨﻨﻮﻗﺔ ﻳﺎ ﺍﻣﻲ ... ﻭ ﻣﻠﻘﻴﺖ ﺣﺪ ﻧﺤﻜﻴﻠﻮ ... ﻛﺮﻫﺖ ﺭﻭﺣﻲ ... ﻭ ﻛﺮﻫﺖ ﻧﺎﺱ ﺍﻟﻜﻞ ... ﻧﺤﺐ ﻧﺮﺟﻊ ﻟﺤﻴﺎﺗﻲ ... ﻧﺤﺐ ﻧﺮﺟﻊ ﻧﻌﻴﺶ ﻣﻌﺎﻙ ... ﻭ ﻣﻊ ﻋﻤﺎﺩ ... ﻳﺎ ﺭﻳﺖ ﻋﺮﻓﺖ ﺯﻳﺎﺩ ﻓﻲ ﻇﺮﻭﻑ ﺍﺧﺮﻯ ... ﻛﺎﻥ ﻛﻠﺸﻲ ﻣﺨﺘﻠﻒ ﺗﻮﺍ ... ﻣﺶ ﻫﻜﺎ ... ﺍﻣﺎ ﻣﺶ ﺑﺎﺵ ﻧﺴﺎﻣﺤﻮ ... ﺑﺎﺵ ﻧﺨﻠﻴﻪ ﻳﺨﻠﺺ ﺣﻖ ﻛﻠﺸﻲ ﻋﻤﻠﻮ ﻓﻴﻨﺎ ... ﻫﻮ ﺍﻟﻠﻲ ﺑﺪﺍﻫﺎ ﻟﻌﺒﺔ ﻭ ﺍﻧﺎ ﻟﻲ ﺑﺎﺵ ﻧﻜﻤﻠﻬﺎ ... ﻧﻮﻋﺪﻙ ... ﺍﻧﺖ ﺑﺮﻙ ﻛﻮﻥ ﻣﻌﺎﻳﺎ ﺩﻳﻤﺎ ... ﻭ ﺍﺣﻤﻴﻨﻲ ﺩﻳﻤﺎ ... ﻭ ﺍﺩﻋﻴﻠﻲ ﺯﺍﺩﺓ ... ﺧﺎﻃﺮ ﻣﺰﻟﺖ ﻧﺤﺲ ﺑﻴﻚ ... ﻭ ﻣﺰﻟﺖ ﻧﺸﻮﻓﻚ ﻳﺎ ﺍﻣﻲ ... ﺍﻧﺖ ﻣﺴﺘﺤﻴﻞ ﺗﺨﻠﻴﻨﻲ ﻭﺣﺪﻱ ... ﻣﺴﺘﺤﻴﻞ ﻳﺎ ﺭﻭﺣﻲ