🔥🔞"في أحضان عزرائيل"🔞🔥(الجزء الثاني)

الحلقة 310

ﻋﺸﺮ ﺩﻗﺎﻳﻖ ﻓﻲ ﻳﺪﻙ ... ﻣﻨﻠﻘﺎﻛﺶ ﻓﻲ ﺩﺍﺭ ﻣﺎ ﺗﻠﻮﻡ ﻛﺎﻥ ﺭﻭﺣﻚ ..." ﺣﻠﻴﺖ ﻓﻤﻲ ﺷﻄﺮ ... ﺯﻋﻤﺔ ﻳﻜﻮﻥ ﻋﻢ ﻓﺎﺗﺢ ﺧﺒﺮﻭ ﻻﻧﺎ ﺧﺮﺟﺖ ... ﺑﺎﺯ ﻳﻜﻮﻥ ﻓﻲ ﺍﻟﺪﺍﺭ ﺗﻮﺍ ... ﺭﻏﻢ ﺍﻟﺨﻮﻑ ﻟﻲ ﺣﺴﻴﺘﻮ ... ﺍﻣﺎ ﺑﻌﺪ ﺍﻛﺎ ﻧﻬﺎﺭ ﺣﻠﻔﺖ ... ﻟﺒﺎﺵ ﻧﺨﻠﻴﻪ ﻳﻬﺒﻞ ﻓﻲ ﺟﺮﺗﻲ ... ﻣﻦ ﺍﻟﻴﻮﻡ ﻣﻌﺎﺩﺵ ﻓﻤﺎ ﻭﺣﺪﺓ ﺍﺳﻤﻬﺎ ﺳﻮﺍﺭ ﺟﻤﻠﺔ ... ﺩﻧﻴﺰ ﺍﻟﻤﻮﺟﻮﺩﺓ ﺗﻮﺍ ... ﺩﻧﻴﺰ ﻭ ﻛﻬﻮ ... ﻭ ﺑﺎﻟﺴﻴﻒ ﻋﻠﻴﻪ ﺑﺎﺵ ﻳﺘﺤﻤﻠﻬﺎ ... ﺧﺎﻃﺮ ﺣﺒﻲ ﻟﻴﻪ ﺑﺎﺵ ﻳﺤﺮﻗﻮ ... ﺧﺪﻣﺖ ﺍﻟﻜﺮﻫﺒﺔ ... ﻭﺭﺟﻌﺖ ﻟﺪﺍﺭ ... ﻛﻞ ﻣﺮﺓ ﻧﻘﺮﺏ ﻟﺪﺍﺭ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﺍﻭﻝ ﻣﺎ ﺭﺍﻛﻴﺖ ﺍﻟﻜﺮﻫﺒﺔ ... ﻭ ﻧﺰﻟﺖ ﻣﻨﻬﺎ ... ﻫﺪ ﻋﻠﻴﺎ ... ﺳﻜﺮ ﺍﻟﺒﺎﺏ ﻭﺭﺍﻳﺎ ﺑﺎﻟﻘﺎﻭﻱ ... ﺣﺼﺮﻧﻲ ﻣﻊ ﺍﻟﻜﺮﻫﺒﺔ ... ﻫﺰﻳﺖ ﺭﺍﺳﻲ ﻏﺰﺭﺗﻠﻮ ... ﻋﺮﻭﻕ ﺭﻗﺒﺘﻮ ﻣﻜﺒﻮﺳﻴﻦ ... ﻋﻴﻨﻴﻪ ﺣﻤﺮ ﻣﻦ ﺍﻟﻐﺶ ... ﺑﺎﺵ ﻳﻄﺮﺷﻖ ... ﻧﺰﻝ ﻋﻠﻴﺎ ﺷﻮﻳﺔ ... ﻗﺎﻟﻲ ﺯﻭﺯ ﻛﻠﻤﺎﺕ ... ﺯﻭﺯ ﻛﻠﻤﺎﺕ ﺭﺹ ﻋﻠﻴﻬﻢ ... ﻭ ﻫﻮ ﻳﺤﻜﻲ ﺑﻘﻴﺖ ﻧﺸﻮﻑ ﻣﻌﺎﻩ ... ﻣﻌﺮﻓﺘﺶ ﺷﻨﺠﺎﻭﺑﻮ ... ﺍﺻﻼ ﻣﺰﻟﺖ ﻣﺼﺪﻭﻣﺔ ... ﻣﻦ ﺍﻟﻠﻲ ﻗﺒﻴﻞ ﻣﻊ ﻳﺎﺳﺮ ... ﺧﺬﻳﺖ ﻧﻔﺲ ... ﻭ ﻏﺰﺭﺗﻠﻮ ﻓﻲ ﻋﻴﻨﻴﻪ ... ﺗﺒﺴﻤﺖ ﻋﻠﻰ ﺟﻨﺐ ﻧﺤﻜﻲ ﺍﻧﺎ : ﻳﻬﻤﻚ ﺑﺮﺷﺎ ﺗﻌﺮﻑ ﺯﻳﺎﺩ ¤¤¤¤¤: ﻋﻠﻴﺎ ﻳﺎﺧﻲ ﺻﻮﺗﻮ ﺧﺮﺝ ﺑﻐﺶ ﺍﻛﺜﺮ ﻣﻦ ﺍﻻﻭﻝ ... ﻗﻠﺒﻲ ﺩﻕ ﺑﺎﻟﻮﻗﺖ ... ﻫﺰﻳﺖ ﻳﺪﻱ ... ﺣﻄﻴﺘﻬﺎ ﻋﻠﻰ ﺻﺪﺭﻭ ... ﺣﺴﻴﺖ ﺑﻘﻠﺒﻮ ﻟﻲ ﻳﻀﺮﺏ ﺑﺎﻟﻘﺎﻭﻱ ... ﻳﺪﻱ ﺭﻋﺸﺖ ... ﻗﺮﺑﻮ ﻣﻨﻲ ﻟﻬﺪﺭﺟﺔ ﻳﻀﻌﻔﻨﻲ ... ﻭ ﻣﻨﺤﺒﺶ ﻧﻀﻌﻒ ... ﻣﻨﺤﺒﺶ ﻧﻜﻮﻥ ﺳﻮﺍﺭ ... ﻣﺴﺘﺤﻴﻞ ﻧﺠﻢ ﻧﻨﺴﺎ ﻟﻲ ﺷﻔﺘﻮ ... ﺭﻏﻢ ﻛﻠﺸﻲ ﺻﺎﺭ ... ﻣﺘﻮﻗﻌﺘﺶ ﻻﻧﺎ ﻣﻌﺎﺩﺵ ﻣﻮﺟﻮﺩﺓ ﺟﻤﻠﺔ ... ﺍﻧﻮ ﻫﻮ ﻣﺤﺎ ﺳﻮﺍﺭ ﻣﻦ ﺍﻟﺪﻧﻴﺎ ... ﻋﻠﻰ ﻫﺬﺍﻛﺎ ﻻﺯﻣﻮ ﻳﺘﺤﻤﻠﻨﻲ ... ﻻﺯﻣﻮ ﻳﺘﺤﻤﻞ ﺩﻧﻴﺰ ... ﻟﻲ ﺧﻠﻘﻬﺎ ﻓﻲ ﺑﻼﺻﺔ ﺳﻮﺍﺭ ... ﻛﺒﺸﺖ ﻓﻲ ﺳﻮﺭﻳﺘﻮ ﺍﻛﺜﺮ ... ﻟﺰﻳﺖ ﺭﻭﺣﻲ ﻟﻴﻪ ... ﻏﺰﺭﺕ ﻟﺸﻔﺎﻓﻮ ... ﻭﺭﺟﻌﺖ ﻏﺰﺭﺕ ﻟﻌﻴﻨﻴﻪ ... ﻧﺤﻜﻲ ﺍﻧﺎ : ﺍﻫﺪﺍ ﻋﺰﻳﺰﻱ ... ﺟﻴﺴﺖ ﻧﻜﻤﻞ ﻓﻲ ﻣﻬﻤﺘﻲ ... ﻣﺶ ﻫﺬﺍ ﺍﺗﻔﺎﻗﻨﺎ ﻣﻦ ﺍﻻﻭﻝ ﻗﺤﺮﻟﻲ ... ﻗﺤﺮﺓ ﻣﺘﺎﻉ ﻣﻮﺕ ... ﻧﺰﻝ ﻋﻴﻨﻴﻪ ﻣﻦ ﻭﺟﻬﻲ ... ﻋﺪﺍﻫﻢ ﻋﻠﻰ ﺑﺪﻧﻲ ﺍﻟﻜﻞ ... ﻫﺰﻧﻲ ﻭ ﺣﻄﻨﻲ ... ﻭﺭﺟﻊ ﻏﺰﺭﻟﻲ ... ﺗﺒﺴﻢ ﺑﺎﺳﺘﻬﺰﺍﺀ ﻳﺤﻜﻲ ﺯﻳﺎﺩ : ﻣﻼ ﻛﻨﺖ ﻣﻊ ¤¤¤¤¤ ﻫﺬﺍﻛﺎ ﺍﻧﺎ : ﺍﺳﻤﻮ ﻳﺎﺳﺮ ﻏﺰﺭﻟﻲ ﻧﺪﺭﺍ ﻛﻴﻒ ... ﻫﺰ ﻳﺪﻭ ... ﺿﺮﺑﻬﺎ ﻋﺎﻟﻜﺮﻫﺒﺔ ... ﻟﻴﻦ ﺣﺴﻴﺘﻬﺎ ﺗﻬﺰﺕ ﻭﺭﺍﻳﺎ ... ﺑﺪﻧﻲ ﺗﻜﺒﺲ ... ﻣﻦ ﺻﻴﺎﺣﻮ ﺯﻳﺎﺩ : ﻣﻌﺎﺍﺍﺩﺵ ﺗﺠﺒﺪ ¤¤¤ ﻋﻠﻰ ﻟﺴﺎﻧﻚ ﺻﻴﺎﺣﻮ ﺩﺧﻠﻨﻲ ﺑﻌﻀﻲ ... ﺧﺎﺻﺔ ﻛﻲ ﻳﺒﺪﺍ ﻓﻲ ﺍﻟﺤﺎﻟﺔ ﻫﺎﺫﻱ ... ﻳﻔﻘﺪ ﺍﻟﻜﻨﺘﺮﻭﻝ ﻋﻠﻰ ﺗﺼﺮﻓﺎﺗﻮ ﺟﻤﻠﺔ ... ﻋﻜﺲ ﺍﻟﻬﺪﻭﺀ ﻟﻲ ﻣﺴﺘﺎﻧﺲ ﺑﻴﻪ ... ﺍﻣﺎ ﻓﻴﺴﻊ ﻣﺎ ﻛﺒﺴﺖ ﺭﻭﺣﻲ ﻗﺪﺍﻣﻮ ... ﻧﻔﺨﺖ ﺑﺎﻟﻘﺎﻭﻱ ... ﻭ ﻏﺰﺭﺗﻠﻮ ﻧﺤﻜﻲ ﺑﺼﻮﺕ ﺛﺎﺑﺖ .. ﻭ ﻫﺎﺩﻱ ﻓﺮﺩ ﻭﻗﺖ ﺍﻧﺎ : ﺷﻴﻬﻤﻚ ﺍﻧﺖ ﻳﺎﺧﻲ ... ﺷﻨﻮﺓ ﻟﻲ ﻣﻘﻠﻘﻚ ﻛﻲ ﻧﻘﻮﻝ ﺍﺳﻤﻮ ... ﻣﺘﻜﻮﻧﺶ ﻏﺎﻳﺮ ﻣﻨﻮ ﺑﻘﺎ ﻳﺸﻮﻑ ﻣﻌﺎﻳﺎ ﺷﻮﻳﺔ ... ﻭﺧﺮ ﻟﺘﺎﻟﻲ ﺧﻄﻮﺓ ... ﻫﺰ ﻳﺪﻳﻪ ﺯﻭﺯ ﺣﻄﻬﻢ ﻋﻠﻰ ﻭﺟﻬﻮ ﻭﺭﺟﻊ ﺑﻴﻬﻢ ﺷﻌﺮﻭ ﻟﺘﺎﻟﻲ ... ﺷﻌﺮﺓ ﻻ ﻳﻘﻠﻌﻮ ... ﻳﺤﻜﻲ ﻭﺣﺪﻭ ﺯﻳﺎﺩ : ﺍﻟﺼﺒﺮ ﻳﺎ ﺭﺑﻲ ... ﺍﻟﺼﺒﺮ ... ﻉﻗﺎﺏ ﻋﻤﺮﻱ ﻧﻠﻌﺐ ﻣﻊ ﺍﻟﻔﺮﻭﺥ ﻛﻼﻣﻮ ﺭﻛﺒﻠﻲ ﺍﻟﻌﺼﺐ ... ﻣﻦ ﺳﺎﻗﻲ ﻟﺮﺍﺳﻲ ... ﻗﺮﺑﺖ ﻣﻨﻮ ﺷﻮﻳﺔ ... ﻫﺰﻳﺖ ﺳﺎﻗﻲ ... ﺿﺮﺑﺘﻮ ﺑﻜﻞ ﻗﻮﺗﻲ ﻋﻠﻰ ﺳﺎﻗﻮ ... ﻧﺤﻜﻲ ﺍﻧﺎ : ﻣﺎﻧﻴﻴﺶ ﻓﺮﺧﺔ ... ﺍﺧﺮ ﻣﺮﺓ ﺗﻘﻮﻟﻬﺎ ﻟﻠﻜﻠﻤﺔ ﺣﻞ ﻋﻴﻨﻴﻪ ... ﻳﺸﻮﻑ ﻣﻌﺎﻳﺎ ﻣﺼﺪﻭﻡ ... ﻏﺰﺭ ﻟﺴﺎﻗﻮ ... ﻭﺭﺟﻊ ﻏﺰﺭﻟﻲ ... ﻫﺰﻧﻲ ﻭ ﺣﻄﻨﻲ ... ﻣﺰﺍﻝ ﻣﺒﻬﻢ ﻣﻦ ﺍﻟﻔﺎﺯﺓ ... ﺣﺘﻰ ﺍﻧﺎ ﻣﻨﻌﺮﻓﺶ ﻣﻦ ﻭﻳﻦ ﺟﺒﺘﻬﺎ ﻟﻠﻘﻮﺓ ﻫﺬﻳﻜﺎ ﺑﺎﺵ ﺿﺮﺑﺘﻮ ﺍﻛﺎﻛﺎ ... ﺍﺻﻼ ﻣﺘﺤﺮﻛﺶ ﻣﻦ ﺑﻼﺻﺘﻮ ﺟﻤﻠﺔ ... ﻳﻤﻜﻦ ﻣﺤﺴﺶ ﺑﻴﻬﺎ ﺍﻟﻀﺮﺑﺔ ﺟﻤﻠﺔ ... ﺍﻣﺎ ﺑﺎﺯ ﻣﺶ ﺑﺎﺵ ﻳﻌﺪﻳﻠﻲ ﺍﻟﻔﺎﺯﺓ ... ﻛﺒﺴﺖ ﺭﻭﺣﻲ ... ﻗﺤﺮﺗﻠﻮ ﺑﺴﻤﻮﻣﻴﻢ ... ﻫﺰﻳﺖ ﻳﺪﻱ ... ﺭﺟﻌﺖ ﺷﻌﺮﻱ ﻭﺭﺍ ﻭﺫﻧﻲ ... ﻭ ﻋﻄﻴﺘﻮ ﺑﻈﻬﺮﻱ ... ﻧﺰﺭﺏ ﻓﻲ ﺧﻄﻮﺍﺗﻲ ... ﻳﺎﺵ ﻧﻠﺤﻖ ﻗﺒﻞ ﻣﺎ ﻳﻘﻮﻝ ﻛﻠﻤﺔ ... ﺍﻣﺎ ﻣﻦ ﻭﻳﻦ ... ﻛﺎﻥ ﺑﺎﺵ ﻳﻌﺪﻳﻬﺎﻟﻲ ﺍﻟﻴﻮﻡ ... ﻧﻌﺮﻑ ﻟﺸﺎﺭﺏ ﺷﻲ ﻭ ﻣﺶ ﻓﻲ ﻋﻘﻠﻮ ... ﺍﻭﻝ ﻣﺎ ﻭﺻﻠﺖ ﻟﻠﺒﺎﺏ ... ﻭﻗﻔﻨﻲ ﻳﺼﻴﺢ