🔥🔞"في أحضان عزرائيل"🔞🔥(الجزء الثاني)

الحلقة 239

ﺯﻳﺎﺩ : ﻣﺸﻐﻮﻝ ... ﻭ ﺗﻌﺮﻓﻨﻲ ﻣﺶ ﺍﻧﺎ ﻟﻲ ﻧﺘﺤﻂ ﺗﺤﺖ ﺍﻣﺮ ﺍﻟﻮﺍﻗﻊ
ﻣﻴﺮﺍﻝ : ﻣﺤﻄﻴﺘﻚ ﺗﺤﺖ ﺣﺘﻰ ﺷﻲ ... ﻗﺘﻠﻚ ﺣﺲ ﺑﻴﺎ ﻛﻬﻮ ... ﺗﺎﻋﺒﺔ ﺭﺍﻧﻲ ... ﺷﻲ ﻣﺮﺓ ﻋﺎﺗﺒﺘﻚ ﻋﻠﻰ ﺷﻲ ... ﺳﻠﻤﺘﻠﻚ ﻓﻲ ﻛﻠﺸﻲ ... ﺣﺘﻰ ﻭﻟﺪﻱ ﺧﺴﺮﺗﻮ ﻋﻠﻰ ﺟﺎﻟﻚ ... ﺍﻣﺎ ﺯﺍﺩﺓ ﻣﻌﺎﺗﺒﺘﻜﺶ ... ﺣﻤﻠﺖﻫﺎ ﻭ ﺳﻜﺖ
ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻓﻤﻲ ... ﻛﻼﻣﻬﺎ ﺗﺎﻟﻲ ﺻﺪﻣﻨﻲ ... ﺣﺴﻴﺖ ﺑﺪﻧﻲ ﺗﺮﺧﻒ ... ﺣﻠﻴﺖ ﺍﻟﺒﺎﺏ ﺷﻮﻳﺔ ... ﺩﻭﺏ ﻟﺤﻘﺖ ﺷﻔﺘﻬﻢ ... ﺷﻔﺘﻮ ﻫﺰ ﻳﺪﻭ ﻓﻲ ﻭﺟﻬﺎ ﻳﺤﻜﻲ
ﺯﻳﺎﺩ : ﻗﺘﻠﻚ ﻣﻨﺤﺒﺶ ﻋﻠﻰ ﺻﻐﺎﺭ ... ﻗﺘﻠﻚ ﺧﻮﺫ ﺍﺣﺘﻴﺎﻃﺎﺗﻚ ... ﺍﻣﺎ ﺍﻧﺖ ﺷﻌﻤﻠﺖ
ﻣﻴﺮﺍﻝ : ﻭﻟﺪﻙ ﺭﺍﻫﻮ ﻭﻟﺪﻙ ... ﻛﻴﻒ ﺗﻨﺠﻢ ﺗﺘﺼﺮﻑ ﺑﺎﻟﺒﺮﻭﺩ ﻫﺬﺍ ... ﺗﻲ ﻋﻠﻰ ﺟﺎﻟﻚ ﺧﺴﺮﺗﻮ ... ﻋﻠﻰ ﺟﺎﻟﻚ ﺍﻧﺖ ﺻﺎﺭ ﻓﻴﺎ ﺷﻲ ﻫﺬﺍ ﺍﻟﻜﻞ ... ﻛﻨﺖ ﻣﺴﺘﻌﺪﺓ ﻧﺮﺑﻴﻪ ﺣﺘﻰ ﺑﻼ ﺑﻴﻚ ... ﺍﻣﺎ ﺣﺘﻰ ﻫﺬﺍ ﺧﺬﻳﺘﻮ ﻣﻨﻲ ... ﺯﻳﺎﺩ ﺻﺪﻗﻨﻲ ﺗﻌﺒﺖ ... ﻣﺎ ﺣﺎﺟﺘﻲ ﺑﺸﻲ ﻣﻨﻚ ... ﺣﺎﺟﺘﻲ ﺑﻴﻚ ﻭﻛﻬﻮ ... ﻧﺤﺒﻚ ﻟﻴﺎ ﻛﻴﻤﺎ ﺑﻜﺮﻱ ... ﻧﻌﺮﻑ ﻟﻔﻤﺎ ﺷﻜﻮﻥ ﻫﻮﻧﻲ ﻣﻌﺎﻙ ... ﻭ ﻧﻌﺮﻑ ﺯﺍﺩﺓ ﻟﻬﻲ ﻛﻴﻔﻬﺎ ﻛﻴﻒ ﻏﻴﺮﻫﺎ ... ﺧﺎﻃﺮﻙ ﻓﻲ ﺗﺎﻟﻲ ﺑﺎﺵ ﺗﻜﻮﻥ ﻟﻴﺎ
ﺷﺪﻳﺖ ﺑﻴﺪﻱ ﻋﺎﻟﺤﻴﻂ ... ﻛﻼﻣﻬﺎ ﺧﻼ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﺣﺎﻭﻟﺖ ﻧﺸﻮﻓﻬﺎ ﺍﻣﺎ ﻣﻨﺠﻤﺘﺶ ... ﺷﻔﺘﻬﺎ ﺣﻄﺖ ﻳﺪﻫﺎ ﻋﻠﻰ ﺧﺪﻭ ﻭ ﺗﺤﻜﻲ ﻣﻌﺎﻩ ﻓﺮﺩ ﻭﻗﺖ
ﻣﻴﺮﺍﻝ : ﺯﻳﺎﺩ ﻋﻴﺶ ﺣﺒﻲ ... ﺍﺭﺟﻌﻠﻲ ... ﻧﺤﺐ ﻧﺮﺗﺎﺡ ... ﻧﺤﺐ ﻧﺤﻀﻨﻚ ﻭ ﻛﻬﻮ
ﻗﺮﺑﺖ ﻣﻨﻮ ﺣﻀﻨﺎﺗﻮ ... ﺟﻬﺎﻣﺘﻮ ﻏﻄﺎﺗﻬﺎ ... ﺍﺳﺘﻨﻴﺖﻭ ﻳﺪﺯﻫﺎ ﻳﻘﻠﻬﺎ ﺍﻟﻠﻲ ﻫﻮﻧﻲ ... ﻣﺶ ﻛﻴﻤﺎ ﻏﻴﺮﻫﺎ ... ﻫﻲ ﻣﺘﺎﻋﻲ ﺍﻧﺎ ﻛﻬﻮ ... ﺳﺘﻨﻴﺘﻮ ﻳﺤﻜﻲ ﺍﻱ ﺷﻲ ﻭ ﻳﻨﻔﻲ ﻛﻼﻣﻬﺎ ... ﺣﺒﻴﺘﻮ ﻳﻜﻮﻥ ﺯﻳﺎﺩ ﻣﺘﺎﻉ ﺍﻟﺒﺎﺭﺡ ... ﺍﻣﺎ ﻣﺎ ﻗﺎﻝ ﺣﺘﻰ ﻛﻠﻤﺔ ... ﺑﺎﻗﻲ ﻳﺴﻤﻊ ﻓﻴﻬﺎ ﻭ ﻛﻬﻮ ... ﺣﺴﻴﺖ ﺑﺪﻣﻌﺘﻲ ﻧﺰﻟﺖ ﺑﺎﻟﻮﻗﺖ ... ﻋﻨﺪﻭ ﺍﻟﺤﻖ ... ﻋﻼﺵ ﻳﻔﺴﺮﻟﻬﺎ ... ﺍﺻﻼ ﻣﺤﻀﻨﻬﺎ ﻭ ﻣﺮﺗﺎﺡ ... ﻇﺎﻫﺮ ﻓﻴﻪ ﻳﺤﺒﻬﺎ ... ﻭ ﺍﻟﻠﻲ ﺑﻴﻨﻬﻢ ﺳﻮﺀ ﺗﻔﺎﻫﻢ ﻭ ﻛﻬﻮ ... ﻭ ﺍﻻ ﻣﺴﺘﺤﻴﻞ ﺗﻮﺻﻞ ﺗﺤﺒﻞ ﻣﻨﻮ ... ﺳﻜﺮﺕ ﻋﻴﻨﻴﺎ ﻭﺭﺟﻌﺖ ﻓﺘﺤﺘﻬﻢ ... ﻧﺴﻤﻊ ﻓﻴﻪ ﻳﺤﻜﻲ ... ﻭ ﺑﺎﻗﻲ ﻣﺤﻀﻨﻬﺎ
ﺯﻳﺎﺩ : ﻣﻴﺮﺍﻝ ﺍﻣﺸﻲ ﺗﻮﺍ ﻣﺒﻌﺪ ﻧﺤﻜﻮ
ﻣﻴﺮﺍﻝ : ﺑﺎﺵ ﺟﻲ ﻋﻨﺪﻱ ﺍﻟﻠﻴﻠﺔ ﻣﺶ ﻫﻜﺎ
ﺯﻳﺎﺩ : ﻣﻤﻢ ﺑﺮﺍ ﺍﺭﺗﺎﺡ ﺗﻮﺍ
ﻣﻴﺮﺍﻝ؛ﺑﺎﻫﻲ ﺻﺮﻓﻬﺎ ﻓﻴﺴﻊ
ﺯﻳﺎﺩ : ﺳﻜﺮ ¤¤ ﻓﻤﻚ ... ﻣﺘﻐﻠﻄﺶ ﻓﻲ ﺍﻟﻜﻼﻡ
ﻣﻴﺮﺍﻝ : ﺑﺎﻫﻲ ﺑﺎﻫﻲ ... ﻫﺎﻧﻲ ﺑﺎﺵ ﻧﺴﺘﻨﺎﻙ ﻟﻴﻠﺔ
ﺯﻳﺎﺩ : ﺑﺎﻫﻲ
ﻭﺧﺮﺕ ﻟﺘﺎﻟﻲ ... ﻭﻗﻔﺖ ﻓﻲ ﻧﺺ ﺍﻟﺒﻴﺖ ... ﻧﺤﺐ ﻧﻨﺴﺎ ﻛﻠﺸﻲ ﺷﻔﺘﻮ ﻭ ﺳﻤﻌﺘﻮ ... ﻫﺰﻳﺖ ﺭﻭﺣﻲ ﺑﺎﻟﺰﺭﺑﺔ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﺣﻠﻴﺖ ﺍﻟﺴﺒﺎﻟﺔ ... ﻏﺴﻠﺖ ﻭﺟﻬﻲ ﺍﻛﺜﺮ ﻣﻦ ﻣﺮﺓ ... ﺍﺳﺘﻨﺪﺕ ﺑﻴﺪﻳﺎ ﻋﺎﻟﺮﺧﺎﻣﺔ ... ﻭ ﻏﺰﺭﺕ ﻟﻠﻤﺮﺍﻳﺎ ... ﻗﺪ ﻣﺎ ﺳﺨﻔﻨﻲ ﻛﻼﻣﻬﺎ ... ﻏﺰﻟﺖ ﻋﻼﻫﺎ ﻓﺮﺩ ﻭﻗﺖ ... ﺧﺎﻃﺮ ﺣﻜﺎﺕ ﻋﻠﻴﺎ ﺍﻛﺎﻛﺎ ... ﻧﻔﺨﺖ ﺑﺎﻟﻘﺎﻭﻱ ... ﻣﺶ ﻭﻗﺖ ﺍﻧﻲ ﻧﻀﻌﻒ ﺟﻤﻠﺔ ... ﻟﻌﺸﺘﻮ ﻟﺒﺎﺭﺡ ﻣﺴﺘﺤﻴﻞ ﻳﻜﻮﻥ ﻭﻫﻢ ... ﻭ ﻣﺶ ﻭﻗﺖ ﻧﻜﻮﻥ ﺳﻮﺍﺭ ... ﺩﻧﻴﺰ ﺍﻟﻤﻮﺟﻮﺩﺓ ﻛﻬﻮ ... ﺑﺎﺵ ﻧﻌﻠﻤﻮ ﻳﺎﺧﻮ ﻛﻴﻤﺎ ﻳﻌﻄﻲ ... ﺑﺎﺵ ﻧﺨﻠﻴﻪ ﻳﺘﻘﺒﻞ ﻟﻲ ﻓﻲ ﺣﻴﺎﺗﻲ ... ﻛﻴﻤﺎ ﻗﺎﻋﺪ ﻳﺠﺒﺮ ﻓﻴﺎ ﻧﺘﻘﺒﻠﻬﻢ ... ﻛﺎﻥ ﺍﻧﺎ ﻓﻲ ﻧﻬﺎﺭ ﻣﻦ ﻧﻬﺎﺭﺍﺕ ﺑﺎﺵ ﻧﻜﻮﻥ ﻣﺘﺎﻋﻮ ... ﻫﻮ ﺯﺍﺩﺓ ﺑﺎﺵ ﻳﻜﻮﻥ ﻣﺘﺎﻋﻲ ﺑﺮﻙ ... ﺑﺎﺵ ﻳﻜﻮﻥ ﻟﺴﻮﺍﺭ ﻭ ﺩﻧﻴﺰ ﻓﺮﺩ ﻭﻗﺖ ... ﺧﺬﻳﺖ ﻧﻔﺲ ﻃﻮﻳﻞ ... ﻫﺰﻳﺖ ﻣﻨﺸﻔﺔ ... ﻣﺴﺤﺖ ﻭﺟﻬﻲ ... ﺭﺟﻌﺖ ﺷﻌﺮﻱ ﻟﺘﺎﻟﻲ ... ﻭ ﺧﺮﺟﺖ ﻟﻠﺒﻴﺖ ... ﺩﻧﻴﺎ ﺳﺎﻛﺘﺔ ... ﺳﻤﻌﺖ ﺻﻮﺕ ﺗﻜﺴﻴﺮ ﻓﻲ ﺻﺎﻟﺔ ... ﻟﺒﺴﺖ ﻛﻮﻧﻔﺎﺭﺳﻲ ... ﻭ ﺧﺮﺟﺖ ﺑﺎﻟﺰﺭﺑﺔ ... ﻭﻗﻔﺖ ﻧﺸﻮﻑ ﻣﻌﺎﻩ ... ﺭﻣﺎ ﺍﻟﻔﺎﺯﺓ ﻋﺎﻻﺭﺽ ... ﺍﺻﻼ ﻭﻗﺖ ﻳﺘﻐﺸﺶ ﻛﻠﺸﻲ ﻳﺠﻲ ﻋﻠﻰ ﻳﺪﻭ ﻳﺮﻭﺡ ﻓﻲ ﺍﻟﺠﺮﺓ ... ﺩﻭﺭ ﺭﺍﺳﻮ ﻏﺰﺭﻟﻲ ... ﻫﺰﻧﻲ ﻭ ﺣﻄﻨﻲ ... ﻭ ﻗﺮﺏ ﺗﺮﻣﺎ ﻋﺎﻟﻔﻮﺗﺎﻱ ... ﺗﻜﺎ ﻟﺘﺎﻟﻲ ... ﺯﻋﻤﺔ ﺣﺎﻟﺘﻮ ﻫﻜﺎ ... ﻋﻠﻰ ﺧﺎﻃﺮﻫﺎ ... ﻋﺪﺍ ﻳﺪﻭ ﻋﻠﻰ ﻭﺟﻬﻮ ﺑﺎﻟﺰﺭﺑﺔ ... ﺧﺬﻳﺖ ﻧﻔﺲ ﻭ ﻗﺮﺑﺖ ﻣﻨﻮ ... ﻧﻌﺮﻓﻮ ﻭﻗﺖ ﻳﺒﺪﺍ ﻫﻜﺎ ... ﻣﻴﺤﻤﻞ ﺣﺘﻰ ﺣﺪ ﻳﺪﻭﺭ ﻗﺪﺍﻣﻮ