🔥🔞"في أحضان عزرائيل"🔞🔥(الجزء الثاني)

الحلقة 200

ﺍﻧﺎ : ﻫﺄه ... ﻣﺮﺳﻲ ﺑﺮﺷﺎ ... ﺗﻮ ﻧﻜﻠﻢ ﺷﻮﻓﻮﺭ ﻳﺠﻴﻨﻲ ﻳﺎﺳﺮ : ﺗﻌﺮﻑ ﺗﺤﻜﻲ ... ﺳﺘﺨﺎﻳﻠﺖ ﻣﻌﻨﺪﻛﺶ ﺻﻮﺕ ﻛﻨﺖ ﻧﻤﺴﺢ ﻓﻲ ﺩﻣﻮﻋﻲ ... ﺿﺤﻜﺖ ﺑﺎﻟﻮﻗﺖ ... ﺗﺒﺴﻤﻠﻲ ... ﻭ ﻫﺰ ﺭﻭﺣﻮ ﻭﻗﻒ ﻳﺎﺳﺮ : ﻛﺎﻥ ﺗﺤﺐ ﻧﻮﺻﻠﻚ ﻓﻲ ﻃﺮﻳﻘﻲ ... ﻣﺘﻈﻄﺮﺵ ﺗﺒﻘﻰ ﺗﺴﺘﻨﺎ ﻫﻮﻧﻲ ﻛﻨﺖ ﺑﺎﺵ ﻧﺮﻓﺾ ... ﺍﻣﺎ ﻣﻔﻤﺎﺵ ﻓﺮﺻﺔ ﺍﺣﺴﻦ ﻣﻦ ﻫﺎﺫﻱ ﺍﻧﻲ ﻧﺘﻘﺮﺏ ﻣﻨﻮ ... ﺭﺟﻌﺖ ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﻗﺮﺏ ﻣﻨﻲ ﻋﺎﻭﻧﻲ ﻭﻗﻔﺖ ... ﻧﻤﺸﻲ ﺑﺎﻟﺴﻴﻒ ... ﻫﺰ ﺍﻟﻔﺎﺳﺖ ﻣﺘﺎﻋﻲ ﻋﺎﻭﻧﻲ ﻓﻴﻬﺎ ﻟﺒﺴﺘﻬﺎ ... ﻭ ﻧﺰﻝ ﻫﺰﻟﻲ ﺗﻠﻴﻔﻮﻧﻲ ... ﺣﻄﻬﻮﻝﻱ ﻓﻲ ﻳﺪﻱ ... ﺗﺒﺴﻤﺘﻠﻮ ﻧﺤﻜﻲ ﺍﻧﺎ : ﻋﻴﺸﻚ ﻳﺎﺳﺮ : ﻫﻴﺎ ﺑﺮﻙ ﺳﺎﻳﺲ ﺭﻭﺣﻚ ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﺑﻘﺎ ﺷﺎﺩﻧﻲ ﻭ ﻳﺴﺎﻳﺲ ﻓﻴﺎ ... ﻟﻴﻦ ﻭﺻﻠﻨﺎ ﻟﻠﻜﺮﻫﺒﺔ ... ﻋﺎﻭﻧﻲ ﺭﻛﺒﺖ ﻭ ﺳﻜﺮ ﺍﻟﺒﺎﺏ ... ﻧﻮﻗﺰ ﺗﻠﻴﻔﻮﻧﻲ ﻓﻲ ﻳﺪﻱ ... ﻟﻘﻴﺘﻮ ﺯﻳﺎﺩ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﺩﻭﺏ ﺷﻔﺖ ﻳﺎﺳﺮ ﺑﺎﺵ ﻳﺮﻛﺐ ... ﻋﻠﻘﺖ ﻋﻠﻴﻪ ... ﻣﻨﻌﺮﻓﺶ ﺣﺘﻰ ﻛﻴﻒ ﻋﻤﻠﺘﻬﺎ ... ﻭ ﺣﻄﻴﺖ ﺗﻠﻴﻔﻮﻧﻲ ﻋﺎﻟﺼﺎﻣﺖ ... ﻫﻜﺎ ﺍﺣﺴﻦ ﺍﺻﻼ ﻓﻲ ﺟﺮﺗﻮ ﺻﺮﺍ ﻓﻴﺎ ﻫﺬﺍ ﺍﻟﻜﻞ ... ﺑﻘﻴﻨﺎ ﻃﻮﻝ ﺍﻟﺜﻨﻴﺔ ﺳﺎﻛﺘﻴﻦ ... ﻭﺭﻳﺘﻮ ﺍﻟﺒﻼﺻﺔ ... ﺍﻭﻝ ﻣﺎ ﻭﺻﻠﻨﺎ ﺭﻛﺎ ﺍﻟﻜﺮﻫﺒﺔ ﺑﺤﺬﺍ ﺩﺍﺭ ﻭ ﻏﺰﺭﻟﻲ ﻳﺤﻜﻲ ﻳﺎﺳﺮ : ﻟﺒﺎﺱ ﺗﻮﺍ ﺍﻧﺎ : ﻣﻤﻢ ﻣﺮﺳﺴﻲ ﺑﺮﺷﺎ ﺗﻌﺒﺘﻚ ﻣﻌﺎﻳﺎ ﻳﺎﺳﺮ : ﻣﺎ ﺻﺎﺭ ﺷﻲ ﺧﻠﻴﻨﺎ ﻧﻨﺰﻟﻮ ﺍﻧﺎ : ﺑﺎﻫﻲ ﻋﻴﺸﻚ ﻧﺰﻝ ﻣﻦ ﺍﻟﻜﺮﻫﺒﺔ ... ﻭ ﻗﺮﺏ ﻣﻨﻲ ﻋﺎﻭﻧﻲ ﻧﺰﻟﺖ ... ﺩﻭﺏ ﺷﺎﻓﻨﻲ ﻋﻢ ﻓﺎﺗﺢ ... ﺟﺎ ﻳﺠﺮﻱ ... ﺷﺪﻧﻲ ﻣﻦ ﻳﺪﻱ ... ﻏﺰﺭﺕ ﻟﻴﺎﺳﺮ ﻧﺤﻜﻲ ﺍﻧﺎ : ﻫﻮﻛﺎ ﻋﻢ ﻓﺎﺗﺢ ﺑﺎﺵ ﻳﻌﺎﻭﻧﻲ ﻧﺪﺧﻞ ﻣﺮﺳﻲ ﺑﺮﺷﺎ ﻳﺎﺳﺮ : ﻣﻦ ﻏﻴﺮ ﻣﺰﻳﺔ ﺍﻧﺎ : ﺗﻔﻀﻞ ﺗﺸﺮﺏ ﻗﻬﻮﺓ ﻳﺎﺳﺮ : ﻣﺮﺓ ﺍﺧﺮﻯ ﻣﺪﻣﻮﺯﺍﻝ ﺍﻧﺎ : ﺩﻧﻴﻴﺰ ﻳﺎﺳﺮ : ﻭ ﺍﻧﺎ ﻳﺎﺳﺮ ﻫﺰﻳﺖ ﻳﺪﻱ ﻗﺮﺑﺘﻬﺎ ﻣﻨﻮ ﺻﺎﻓﺤﺘﻮ ﻭ ﺗﺒﺴﻤﺘﻠﻮ ﻧﺤﻜﻲ ﺍﻧﺎ : ﻣﺘﺸﺮﻓﻴﻦ ﻳﺎﺳﺮ ﻭ ﻣﺮﺳﻲ ﻣﺮﺓ ﺍﺧﺮﻯ ﻳﺎﺳﺮ : ﻋﻴﺸﻚ ﺭﺩ ﺑﺎﻟﻚ ﻋﻠﻰ ﺭﻭﺣﻚ ﺍﻧﺎ : ﺑﺎﻫﻲ ﻋﻴﺸﻚ ﺑﻘﻴﺖ ﻧﺸﻮﻑ ﻣﻌﺎﻩ ﻟﻴﻦ ﺭﺟﻊ ﻟﻠﻜﺮﻫﺒﺔ ... ﺷﺎﻭﺭﺕﻟﻮ ﺑﻴﺪﻱ ... ﻭ ﺍﺳﺘﻨﺪﺕ ﻋﻠﻰ ﻋﻢ ﻓﺎﺗﺢ ... ﻭﺻﻠﻨﻲ ﻟﺪﺍﺭ ... ﺍﻭﻝ ﻣﺎ ﺷﺎﻓﺘﻨﻲ ﺧﺎﻟﺘﻲ ﺭﺍﺿﻴﺔ ﺷﺪﺕ ﻓﻲ ﺭﺍﺳﻬﺎ ... ﺗﺤﻜﻲ ﺭﺍﺿﻴﺔ : ﺷﺒﻴﻚ ﺩﻧﻴﺰ ﺷﺒﻲ ﻋﺰﻳﺰﺗﻲ ﺍﻧﺎ : ﺷﻲ ﺧﺎﻟﺘﻲ ﻃﺤﺖ ﺭﺍﺿﻴﺔ : ﻣﻠﻴﺤﺔ ﻳﺎﺧﻲ ﺍﻧﺎ : ﻣﻤﻢ ﻃﻤﻦ ﺭﺍﺿﻴﺔ : ﻣﺘﺄﻛﺪﺓ ﺍﻧﺎ : ﻭﺍﻟﻠﻪ ﻣﻠﻴﺤﺔ ﻳﺎ ﺧﺎﻟﺘﻲ ﺭﺍﺿﻴﺔ : ﺍﻳﺠﺎ ﺑﺮﻙ ﻋﺎﻭﻧﺘﻨﻲ ﺩﺧﻠﺖ ﻟﺼﺎﻟﺔ ﻗﻌﺪﺕ ﻋﺎﻟﻔﻮﺗﺎﻱ ﺭﻛﺤﺘﻠﻲ ﺍﻟﻤﺨﺪﺓ ﻭﺭﺍ ﻇﻬﺮﻱ ... ﻭ ﻏﺰﺭﺗﻠﻲ ﺗﺤﻜﻲ ﺭﺍﺿﻴﺔ : ﺍﺭﺗﺎﺡ ﺗﻮ ﻧﺮﺟﻌﻠﻚ ﺍﻧﺎ : ﺑﺎﻫﻲ ﺩﻭﺏ ﺧﺮﺟﺖ ﻧﺴﻤﻊ ﻓﻲ ﺍﻟﺒﺎﺏ ﻳﻨﻮﻗﺰ ﺑﺎﻟﻘﺎﻭﻱ ﺑﺎﺵ ﻳﺘﺨﻠﻊ ﻋﻘﺪﺕ ﺣﻮﺍﺟﺒﻲ ﻭ ﺗﻜﻴﺖ ﻟﺘﺎﻟﻲ ﻣﻨﺠﻤﺘﺶ ﻧﺘﺤﺮﻙ ﻣﻦ ﺑﻼﺻﺘﻲ