🔥🔞"في أحضان عزرائيل"🔞🔥(الجزء الثاني)

الحلقة 331

ﺳﻮﺍﺭ ﺗﺤﻜﻲ :
ﻓﻘﺖ ﺍﻟﺼﺒﺎﺡ ... ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻧﺤﺲ ﻓﻲ ﺭﺍﺳﻲ ﺑﺎﺵ ﻳﻄﺮﺷﻖ ﻣﻦ ﺍﻟﻮﺟﻴﻌﺔ ... ﻟﻲ ﻧﺤﺲ ﻓﻴﻬﺎ ... ﺑﻘﻴﺖ ﻧﺜﺒﺖ ﻓﻲ ﺍﻟﺒﻴﺖ ... ﻋﻴﻨﻴﺎ ﻭﺳﺎﻋﻮ ... ﺗﻘﻌﺪﺕ ﺑﺎﻟﺰﺭﺑﺔ ... ﺷﻨﻌﻤﻞ ﻓﻲ ﺑﻴﺘﻮ ﻳﺎﺧﻲ ... ﻫﺰﻳﺖ ﻳﺪﻳﺎ ﺯﻭﺯ ... ﺭﺟﻌﺖ ﺷﻌﺮﻱ ﻟﺘﺎﻟﻲ ... ﻭ ﻏﻤﻀﺖ ﻋﻴﻨﻴﺎ ... ﺣﺎﻭﻟﺖ ﻧﺬﻛﺮ ﺍﻱ ﺷﻲ ﺻﺎﺭ ﺍﻟﺒﺎﺭﺡ ﺍﻣﺎ ﻣﻨﺠﻤﺘﺶ ... ﺍﺧﺮ ﺣﺎﺟﺔ ﻧﻌﻘﻞ ﻋﻼﻫﺎ ... ﻭﻗﺖ ﺩﺧﻠﺖ ﻟﻠﺒﺎﺭ ... ﻳﺎﺧﻲ ﺷﻌﻤﻠﺖ ﺍﻧﺎ ... ﻫﺰﻳﺖ ﺭﻭﺣﻲ ﻭﻗﻔﺖ ... ﻋﻴﻨﻴﺎ ﻭﺳﺎﻋﺖ ﻭ ﺍﻧﺎ ﻧﺸﻮﻑ ﻣﻊ ﺍﻟﺮﻭﺑﺔ ... ﺗﻲ ﺷﺒﻴﻬﺎ ﻗﺼﺎﺭﺕ ﻟﻬﺪﺭﺟﺔ ... ﻧﺰﻟﺘﻬﺎ ﺑﻴﺪﻳﺎ ﻭ ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﺣﻄﻴﺖ ﻳﺪﻱ ﻋﻠﻰ ﻓﻤﻲ ... ﺣﺘﻰ ﻫﻲ ﺩﺍﺧﻠﺔ ﺑﻌﻀﻬﺎ ... ﺗﻲ ﺑﺎﺯ ﺍﻧﺎ ﻟﻲ ﺗﻘﻴﻴﺖ ﻫﻮﻧﻲ ... ﻳﺎﺧﻲ ﺷﻌﻤﻠﺖ ﺍﻧﺎ ﻓﻲ ﺩﺍﺭ ﺍﻟﺮﺍﺟﻞ ... ﻋﻀﻴﺖ ﺷﻔﺎﻓﻲ ﺑﻐﺰﻭﻝ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ... ﻧﻈﻔﺖ ﺍﻟﺤﺎﻟﺔ ﻟﻲ ﻏﺎﺩﻱ ... ﻭ ﻗﺮﺑﺖ ﻣﻦ ﺍﻟﺒﺎﻧﻮ ... ﻧﺤﻴﺖ ﺍﻟﺮﻭﺑﺔ ... ﻃﻴﺸﺘﻬﺎ ﻋﺎﻻﺭﺽ ... ﺣﺘﻰ ﻫﻲ ﺭﻳﺤﺘﻲ ﺷﺮﺍﺏ ... ﻣﺴﺘﺤﻴﻞ ﻛﻨﺖ ﻣﻌﺎﻩ ﻭ ﺍﻧﺎ ﻓﻲ ﺍﻟﺤﺎﻟﺔ ﻫﺎﺫﻱ ... ﺗﻲ ﺍﻧﺎ ﺣﺸﻤﺖ ﻣﻦ ﺭﻭﺣﻲ ... ﺣﻠﻴﺖ ﺍﻟﺴﺒﺎﻟﺔ ... ﻭ ﺩﺧﻠﺖ ﺗﺤﺖ ﺍﻟﻤﺎ ... ﺣﺴﻴﺖ ﺍﻟﻤﺎ ﻟﻲ ﻣﺴﻴﺐ ﻋﻠﻴﺎ ﻓﺮﻫﺪﻧﻲ ... ﻭ ﻧﻘﺺ ﻣﻦ ﻭﺟﻴﻌﺔ ﺭﺍﺳﻲ ... ﻣﻨﻌﺮﻓﺶ ﻗﺪﺍﺵ ﺑﻘﻴﺖ ﺗﺤﺖ ﺍﻟﻤﺎ ... ﻟﻴﻦ ﺣﺴﻴﺖ ﺭﻭﺣﻲ ﺍﺭﺗﺤﺖ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ... ﻟﻘﻴﺖ ﻛﺎﻥ ﺍﻟﻜﺎﺏ ﻣﺘﺎﻋﻮ ﻣﻌﻠﻖ ... ﻟﺒﺴﺘﻮ ... ﻭ ﺧﺮﺟﺖ ﻟﻠﺒﻴﺖ ... ﻣﺰﻟﺖ ﻧﺤﺲ ﻓﻲ ﺭﻭﺣﻲ ﺩﺍﻳﺨﺔ ... ﻓﻜﺮﺕ ﻧﻤﺸﻲ ﻟﻠﺒﻴﺖ ﻻﺧﺮﻯ ... ﺑﻠﻜﺸﻲ ﻧﻠﻘﻰ ﺷﻲ ﻧﻠﺒﺴﻮ ... ﺍﻭﻝ ﻣﺎ ﻓﺘﺤﺖ ﺑﺎﺏ ﺍﻟﺒﻴﺖ ... ﻟﻘﻴﺘﻮ ﻓﻲ ﻭﺟﻬﻲ ... ﻫﺰﻧﻲ ﻭ ﺣﻄﻨﻲ ﺑﻌﻴﻨﻴﻪ ... ﻭﺧﺮﺕ ﺧﻄﻮﺓ ﻟﺘﺎﻟﻲ ... ﻗﺤﺮﻟﻲ ﻳﺤﻜﻲ
ﺯﻳﺎﺩ : ﻟﺒﺎﺱ ﺗﻮﺍ
ﺍﻧﺎ : ﻣﻤﻢ ﻣﻠﻴﺤﺔ
ﺯﻳﺎﺩ : ﺍﻣﺸﻲ ﻗﺪﺍﻣﻲ ﻣﻼ
ﺍﻧﺎ : ﻭﻳﻦ
ﺯﻳﺎﺩ : ﺑﺎﺵ ﻧﺤﻜﻮ
ﺍﻧﺎ : ﻧﺒﺪﻝ ﺩﺑﺸﻲ ﺳﺎﻋﺔ
ﺯﻳﺎﺩ : ﻣﺶ ﻻﺯﻡ ﺍﻳﺠﺎ
ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﺍﻭﻝ ﻣﺎ ﺧﺮﺝ ﺧﺎﻟﻄﺖ ﻋﻠﻴﻪ ﻟﺼﺎﻟﺔ ... ﺗﺮﻣﺎ ﻋﺎﻟﻔﻮﺗﺎﻱ ... ﻗﻌﺪﺕ ﻣﻘﺎﺑﻼﺗﻮ ... ﺗﻜﺎ ﻟﺘﺎﻟﻲ ... ﻭ ﻏﺰﺭﻟﻲ ﻳﺤﻜﻲ
ﺯﻳﺎﺩ : ﻧﺴﻤﻊ ﻓﻴﻚ
ﺍﻧﺎ : ﻓﻲ ﺷﻨﻮﺓ
ﺯﻳﺎﺩ : ﻓﻲ ﺍﻟﻠﻲ ﻋﻤﻠﺘﻮ ﺍﻟﺒﺎﺭﺡ
ﺗﺒﺴﻤﺖ ﻋﻠﻰ ﺟﻨﺐ ... ﺗﻜﻴﺖ ﻟﺘﺎﻟﻲ ... ﺣﻄﻴﺖ ﺳﺎﻕ ﻋﻠﻰ ﺳﺎﻕ ... ﺗﺤﻞ ﺍﻟﻜﺎﺏ ﺷﻄﺮ ... ﻭ ﺳﺎﻗﻴﺎ ﻇﻬﺮﻭ ... ﻏﺰﺭﻟﻮ .. ﻥﺣﻜﻲ ﺑﺎﺳﺘﻬﺰﺍﺀ
ﺍﻧﺎ : ﻭ ﻋﻼﺵ ﺑﺎﺵ ﻧﺒﺮﺭﻟﻚ
ﺿﺤﻚ ﺑﻨﻔﺲ ﺍﻻﺳﺘﻬﺰﺍﺀ ﻣﺘﺎﻋﻲ ... ﺷﺒﻚ ﻳﺪﻳﻪ ... ﻭ ﻏﺰﺭﻟﻲ ﻧﺪﺭﺍ ﻛﻴﻒ ... ﻳﺤﻜﻲ
ﺯﻳﺎﺩ : ﺷﺘﻔﺴﺮ ﺍﻟﻠﻲ ﻋﻤﻠﺘﻮ ﺍﻟﺒﺎﺭﺡ
ﻋﻮﺟﺖ ﻓﻤﻲ ﺷﻮﻳﺔ ... ﻭ ﻫﺰﻳﺖ ﺭﻭﺣﻲ ﻭﻗﻔﺖ ... ﻗﺮﺑﺖ ﻣﻨﻮ ... ﻋﺎﻟﻠﺨﺮ ﻭﻗﻔﺖ ﻗﺪﺍﻣﻮ ... ﻃﻠﻊ ﺭﺍﺳﻮ ﻳﺸﻮﻑ ﻣﻌﺎﻳﺎ ... ﻧﺰﻟﺖ ﻋﻠﻴﻪ ﺷﻮﻳﺔ ... ﻗﻌﺪﺕ ﻓﻲ ﺣﺠﺮﻭ ... ﺣﺴﻴﺘﻮ ﺍﺳﺘﻐﺮﺏ ... ﺍﻣﺎ ﻣﻬﺘﻤﻴﺘﺶ ﺑﺮﺷﺎ ... ﻫﺰﻳﺖ ﻳﺪﻱ ... ﺣﻄﻴﺘﻬﺎ ﻋﻠﻰ ﺧﺪﻭ ... ﻧﻌﺪﻱ ﻓﻲ ﺻﻮﺍﺑﻌﻲ ﻭ ﻧﺤﻜﻲ
ﺍﻧﺎ : ﻣﻨﻌﺮﻓﺶ ﺷﻨﻴﺔ ﻟﻲ ﻋﻤﻠﺘﻮ ﺑﺎﻟﻈﺒﻂ ... ﺍﻣﺎ ﻇﺎﻫﺮ ﺍﻧﻚ ﻣﺘﻐﺸﺶ ﺍﻛﺜﺮ ﺧﺎﻃﺮ ﻗﺼﻴﺖ ﻋﻠﻴﻜﻢ
ﻫﺰ ﻳﺪﻭ ﺩﻭﺭﻫﺎ ﻋﻠﻰ ﻇﻬﺮﻱ ... ﻛﺒﺲ ﻋﻠﻰ ﺟﻨﺒﻲ ... ﺳﻜﺮﺕ ﻋﻴﻨﻴﺎ ﺑﺎﻟﻘﺎﻭﻱ ... ﻣﺰﻟﺖ ﻣﻮﺟﻮﻋﺔ ﻣﻦ ﻛﺒﺴﺔ ﻳﺪﻳﻪ ﺍﻟﺒﺎﺭﺡ ... ﺟﺒﺪﻧﻲ ﻟﻴﻪ ﺍﻛﺜﺮ ... ﻗﺮﺏ ﻳﺤﻜﻲ ﻓﻲ ﻭﺫﻧﻲ
ﺯﻳﺎﺩ : ﺍﻧﺖ ﺍﻛﺜﺮ ﻭﺣﺪﺓ ... ﺗﻌﺮﻑ ﻭﻗﺖ ﻳﺒﺪﺍ ﻋﻴﻨﻲ ﻓﻲ ﺷﻲ ﺣﺘﻰ ﺣﺪ ﻣﺎ ﻳﻨﺠﻢ ﻳﻮﻗﻔﻨﻲ
ﺩﻭﺭﺕ ﻭﺟﻬﻲ ﺷﻮﻳﺔ ... ﻏﺰﺭﺗﻠﻮ ﻓﻲ ﻋﻴﻨﻴﻪ ... ﻗﺮﺑﺖ ﺍﻛﺜﺮ ﺣﻄﻴﺖ ﺧﺸﻤﻲ ﻋﻠﻰ ﺧﺸﻤﻮ ... ﻛﺒﺴﺖ ﻋﻠﻰ ﺧﺪﻭ ﺑﻴﺪﻱ ﻧﺤﻜﻲ
ﺍﻧﺎ : ﺍﻣﺎ ﺍﻧﺖ ﺑﻘﻴﺖ ﻣﻌﺎﻳﺎ ﻫﻮﻧﻲ ... ﻣﻨﺠﻤﺘﺶ ﺗﺨﻠﻴﻨﻲ ... ﻣﻨﺠﻤﺘﺶ ﺗﺒﻌﺪ ﻋﻠﻴﺎ
ﺟﺎ ﺑﺎﺵ ﻳﺤﻜﻲ ... ﺑﺴﺘﻮ ﺑﻮﺳﺔ ﺧﻔﻴﻔﺔ ... ﻭ ﺟﺒﺪﺕ ﺭﻭﺣﻲ ... ﻧﺤﻜﻲ