🔥🔞"في أحضان عزرائيل"🔞🔥(الجزء الثاني)

الحلقة 201

ﻃﺒﺴﺖ ﺭﺍﺳﻲ ... ﻭ ﻛﺒﺴﺖ ﻋﺎﻟﻤﺨﺪﺓ ﻭﺭﺍﻳﺎ ... ﻗﻠﺒﻲ ﻳﺨﺾ ﺑﺎﻟﻘﺎﻭﻱ ... ﻭ ﻧﻔﺲ ﺗﺴﻜﺮ ﻋﻠﻴﺎ ... ﻭ ﺍﻧﺎ ﻧﺸﻢ ﻓﻲ ﺭﻳﺤﺔ ﺑﺮﻓﺎﻧﺘﻮ ﻟﺴﺎﺑﻘﺎﺗﻮ ... ﻣﺶ ﻣﺼﺪﻗﺔ ﻟﻬﻮ ﻫﻮﻧﻲ ... ﻟﻲ ﺳﻤﻌﺖ ﺻﻮﺗﻮ ... ﺳﻜﺮﺕ ﻋﻴﻨﻴﺎ ﻭ ﺭﺟﻌﺖ ﻓﺘﺤﺘﻬﻢ ... ﻣﻨﺠﻤﺘﺶ ﻧﻐﺰﺭﻟﻮ ... ﻣﻨﻌﺮﻓﺶ ﻛﻴﻒ ﺑﺎﺵ ﻧﻄﻠﻊ ﻓﻲ ﻋﻴﻨﻴﻪ ... ﺑﻌﺪ ﺍﻟﻴﻤﺎﺕ ﺍﻟﻠﻲ ﺗﻌﺪﺍﻭ ﺍﻟﻜﻞ ... ﻭ ﺑﻌﺪ ﺍﻟﻠﻲ ﺻﺎﺭ ﺍﻟﻴﻮﻡ ... ﺣﺴﻴﺖ ﺑﺪﻧﻲ ﺗﺮﺧﻒ ﻛﻴﻒ ﺳﻤﻌﺖ ﺻﻮﺗﻮ ﺻﻴﺎﺣﻮ ﻓﻲ ﺍﻟﺼﺎﻟﺔ
ﺯﻳﺎﺩ : ﺳﻮﺍﺍﺍﺭ
ﻛﺒﺴﺖ ﻋﻠﻰ ﺍﻟﻤﺨﺪﺓ ﺍﻛﺜﺮ ... ﻧﺤﺐ ﻧﺨﺒﻲ ﺧﻮﻓﻲ ﻣﻨﻮ ﻭ ﺗﻮﺗﺮﻱ ﺯﺍﺩﺓ ... ﺧﺎﻃﺮ ﻧﻌﺮﻑ ﻟﺒﺎﺵ ﻳﻘﻠﺒﻬﺎ ﻋﻠﻰ ﺭﺍﺳﻲ ... ﺧﺎﻃﺮ ﻋﻠﻘﺖ ﻋﻠﻴﻪ ... ﻃﻠﻌﺖ ﺭﺍﺳﻲ ﺷﻮﻳﺔ ﺷﻮﻳﺔ ﻏﺰﺭﺗﻠﻮ ... ﻧﺸﻮﻑ ﻣﻌﺎﻩ ... ﻋﺪﻳﺖ ﻋﻴﻨﻴﺎ ﻋﻠﻰ ﻭﺟﻬﻮ ﺍﻟﻜﻞ ... ﻗﺪﺍﺵ ﺗﻮﺣﺸﺘﻮ ... ﻭ ﺗﻮﺣﺸﺖ ﻃﻠﺘﻮ ... ﺣﺘﻰ ﻣﻦ ﻋﻴﻨﻴﻪ ﻟﻲ ﺣﻤﺮ ﻣﻦ ﺍﻟﻐﺶ ﻣﻌﺪﻟﺘﺶ ﻋﻠﻴﻬﻢ ... ﻛﻞ ﻟﻲ ﻳﻬﻤﻨﻲ ﻻﻧﺎ ﺷﻔﺘﻮ ﻭ ﻛﻬﻮ ... ﺗﻲ ﺣﺘﻰ ﻛﻲ ﻛﺎﻥ ﻳﺤﻜﻲ ﻣﺎ ﺳﻤﻌﺖ ﻣﻨﻮ ﺣﺘﻰ ﻛﻠﻤﺔ ... ﻧﺤﺐ ﻧﺒﻘﻰ ﻧﻐﺰﺭﻟﻮ ... ﻧﺤﺐ ﻧﺸﺒﻊ ﻣﻨﻮ ... ﺣﺘﻰ ﻫﻮﻣﺎ ﺍﺳﺒﻮﻋﻴﻦ ... ﻻ ﺷﻔﺘﻮ ﻭ ﻻ ﺳﻤﻌﺖ ﺻﻮﺗﻮ ... ﻓﻴﻘﻨﻲ ﻣﻦ ﺳﺮﺣﺘﻲ ﻛﻴﻒ ﺭﺟﻊ ﻳﺼﻴﺢ ﺍﻛﺜﺮ
ﺯﻳﺎﺩ : ﺳﻮﻭﺍﺍﺍﺭ ﻧﺤﻜﻲ ﻣﻊ ¤¤¤
ﺗﻜﻴﺖ ﻟﺘﺎﻟﻲ ... ﺧﺬﻳﺖ ﻧﻔﺲ ... ﻭ ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﺭﻏﻢ ﺍﻟﻮﺣﺶ ﺍﻟﻠﻲ ﺩﺍﺧﻠﻲ ﺍﻟﻜﻞ ... ﺭﻏﻢ ﺍﻧﻲ ﻧﺤﺐ ﻧﻘﻮﻡ ﻭ ﻧﺤﻀﻨﻮ ﻭ ﻧﻌﺎﺗﺒﻮ ... ﺍﻣﺎ ﺍﻟﻠﻲ ﻧﻌﺮﻓﻮ ﺍﻟﺤﺎﺟﺎﺕ ﻫﺬﻭﻣﺎ ﻣﺶ ﻣﻦ ﺣﻘﻲ ... ﻣﺶ ﻣﻦ ﺣﻘﻲ ﺣﺘﻰ ﻧﺘﻐﺸﺶ ﻣﻨﻮ ... ﻋﻮﺟﺖ ﻓﻤﻲ ﺷﻮﻳﺔ ... ﻭ ﺗﻨﻬﺪﺕ ﻧﺤﻜﻲ
ﺍﻧﺎ : ﺷﺒﻴﻚ ﺗﺼﻴﺢ ﻳﺎﺧﻲ ﺷﻔﻤﺎ
ﻋﻘﺪ ﺣﻮﺍﺟﺒﻮ ... ﺣﺴﻴﺘﻮ ﻋﻠﻰ ﺁﺧﺮﻭ ﻭ ﺑﺎﺵ ﻳﻄﺮﺷﻖ ... ﺿﺮﺏ ﺍﻟﻔﺎﺯﺓ ﺑﻴﺪﻭ ﺟﺎﺕ ﻋﺎﻻﺭﺽ ... ﻭ ﻏﺰﺭﻟﻲ ﻳﺤﻜﻲ ﻭ ﻳﺼﻴﺢ
ﺯﻳﺎﺍﺩ : ﺳﻮﺍﺍﺍﺭ ﻧﻠﻌﺐ ﻣﻊ ¤¤¤ ﺍﻧﺎ ﻓﺎﺵ ﻛﻨﺖ ﺗﻌﻤﻞ ﻣﻊ ﻳﺎﺳﺮ ﻭ ﻛﻴﻒ ﻭﺻﻠﺘﻠﻮ ﺣﻞ ﻓﻤﻚ
ﻛﺒﺴﺖ ﺑﻴﺪﻳﺎ ﺍﻟﺰﻭﺯ ﻋﻠﻰ ﻃﺮﻑ ﺍﻟﻔﻮﺗﺎﻱ ... ﺳﻜﺮﺕ ﻋﻴﻨﻴﺎ ﻣﻦ ﺍﻟﻮﺟﻴﻌﺔ ﻟﻲ ﺣﺴﻴﺘﻬﺎ ﻓﻲ ﺳﺎﻗﻲ ﻭ ﻳﺪﻱ ... ﻭﻗﻔﺖ ﺑﺎﻟﺴﻴﻒ ... ﻭ ﻏﺰﺭﺗﻠﻮ ﻧﺤﻜﻲ
ﺍﻧﺎ : ﻣﺶ ﻫﺬﺍ ﻟﻲ ﺗﺤﺐ ﻋﻠﻴﻪ ﺍﻧﺖ ... ﻣﺶ ﻗﺘﻠﻲ ﺿﺤﻴﺔ ﺛﺎﻧﻴﺔ ﺑﺎﺵ ﺗﻜﻮﻥ ﻳﺎﺳﺮ ... ﻭ ﺍﻋﺮﻑ ﻛﻴﻒ ﺗﺘﻘﺮﺏ ﻣﻨﻮ ... ﻫﺎﻧﻲ ﻋﻤﻠﺖ ﺑﻨﺼﻴﺤﺘﻚ ... ﺷﺒﻴﻚ ﺗﺼﻴﺢ ﻋﻠﻴﺎ
ﻗﺮﺏ ﻣﻨﻲ ﺑﺎﻟﺰﺭﺑﺔ ... ﺷﺪﻧﻲ ﻣﻦ ﻳﺪﻱ ... ﻏﺮﺱ ﺻﻮﺍﺑﻌﻮ ﻓﻲ ﺯﻧﺪﻱ ﻳﺤﻜﻲ
ﺯﻳﺎﺩ : ﻣﻼ ﻗﺘﻠﻲ ﻧﺼﻴﺤﺘﻲ ... ﺍﻧﺎ ﺷﺨﺒﺮﺗﻚ ﺍﺧﺮ ﻣﺮﺓ ﺍﻩ ... ﻣﺶ ﻗﺘﻠﻚ ﻣﻌﺎﺩﺵ ﺗﻌﻤﻞ ﺷﻲ ﻣﻦ ﺭﺍﺳﻚ ... ﻣﺶ ﻗﺘﻠﻚ ﻣﺎ ﺗﻌﻤﻞ ﺣﺘﻰ ﺷﻲ ﺑﻼ ﻣﺎ ﺗﺨﺒﺮﻧﻲ ... ﺣﻞ ﻓﻤﻚ ﺗﺮﺍﻩ ﻭﻳﻦ ﺣﻄﻴﺖ ﻛﻼﻣﻲ ... ﻳﺎﺍﺧﻲ ﻣﺨﻚ ﻫﺬﺍ ﺷﻔﻴﻪ ﺍﻟﺪﺍﺧﻞ
ﻳﺤﻜﻲ ﻭ ﻳﻀﺮﺏ ﻓﻴﺎ ﺑﺼﺒﻌﻮ ﻋﻠﻰ ﺭﺍﺳﻲ ... ﻛﺒﺴﺖ ﻋﻠﻰ ﺳﻨﻴﺎ ... ﻏﻠﺒﻮﻧﻲ ﺩﻣﻮﻋﻲ ... ﻭ ﺷﺪﺗﻨﻲ ﺍﻟﻐﺼﺔ ... ﺍﻣﺎ ﺷﺪﻳﺖ ﺭﻭﺣﻲ ... ﻃﻠﻌﺖ ﺭﺍﺳﻲ ... ﻏﺰﺭﺗﻠﻮ ﻭ ﻗﺤﺮﺗﻠﻮ ﻓﺮﺩ ﻭﻗﺖ ... ﻗﻠﺒﻲ ﻧﺤﺴﻮ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﺧﺎﺻﺔ ﻭ ﻫﻮ ﻭﺍﻗﻒ ﻗﺪﺍﻣﻲ ﻭ ﻗﺮﻳﺐ ﻣﻨﻲ ﻟﻬﺪﺭﺟﺔ ... ﺣﺎﻭﻟﺖ ﻧﺠﺒﺪ ﻳﺪﻱ ... ﻭ ﻧﺤﻜﻲ
ﺍﻧﺎ : ﺳﻴﺒﻨﻲ ... ﻋﻤﻞﺕ ﻟﻲ ﻛﺎﻥ ﻻﺯﻡ ﻳﺘﻌﻤﻞ ﺗﻮﺍ ﻭ ﻻ ﻣﺒﻌﺪ
ﻛﺒﺲ ﻋﻠﻴﺎ ﺍﻛﺜﺮ ... ﻭ ﺩﺯﻧﻲ ﻟﺘﺎﻟﻲ ... ﻃﺤﺖ ﻋﺎﻟﻔﻮﺗﺎﻱ ... ﺷﺪﻳﺖ ﺑﻴﺪﻱ ... ﺣﺴﻴﺖ ﺍﻟﺠﺮﺡ ﺍﻧﻔﺘﺢ ﻣﺮﺓ ﺍﺧﺮﻯ ... ﻭ ﺳﺎﻗﻲ ﻣﻌﺎﺩﺵ ﻧﺤﺲ ﺑﻴﻬﺎ ... ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﻫﺰ ﺻﺒﻌﻮ ﻓﻲ ﻭﺟﻬﻲ ﻭ ﻳﺼﻴﺢ ﻓﺮﺩ ﻭﻗﺖ
ﺯﻳﺎﺩ ¤¤¤¤¤: ﻣﻊ ﺍﻟﺮﺍﺟﻞ ... ﻭ ﺗﻘﻮﻟﻲ ﻋﻤﻠﺖ ﻟﻲ ﻻﺯﻡ ﻳﺘﻌﻤﻞ ... ﺗﻮ ﻧﻮﺭﻣﺎﻝ ﺍﻧﺖ ﻻﺑﺴﺔ ﻫﻜﺎ ﻭ ﻣﺤﻀﻨﺎﺗﻮ ... ﻧﺎﻗﺺ ﻛﺎﻥ ﻳﺪﺧﻞ ﻟﺪﺍﺭ ﻣﻌﺎﻙ ... ﻓﺎﺵ ﻗﺎﻡ ﺣﺘﻰ ﻳﻮﺻﻠﻚ ﻫﻮ ... ﻣﺶ ﺍﻧﺎ ﺣﺎﻃﻠﻚ ﺷﻮﻓﻮﺭ ... ﻋﻼﺵ ﺣﺎﻁ ¤¤¤ ﺍﻧﺎ ﺍﻩ ﺣﻞ ﺟﻠﻐﺘﻚ ... ﺣﻞ ¤¤ ﻓﻤﻚ ﻛﻴﻤﺎ ﻣﺴﺘﺎﻧﺴﺔ ﺍﺣﻜﻲ ... ﻭ ﺍﻛﺜﺮ ﻣﻦ ﻫﻜﺎ ﺗﻌﻠﻖ ﻋﻠﻴﺎ ﻓﻲ ﺟﺮﺓ ¤¤¤¤¤ ﻫﺬﺍﻛﺎ .... ﻟﺒﺎﺱ ﻓﻲ ﻣﺨﻚ ﺍﻧﺘﻲ ... ﺣﻞ ﻓﻤﻚ
ﺻﻴﺎﺣﻮ ﻭﺍﺻﻞ ﻻﺧﺮ ﻧﻬﺞ ... ﺣﺴﻴﺘﻮ ﻣﺶ ﻗﺪ ﺑﻌﻀﻮ ... ﺍﻣﺎ ﺯﺍﺩﺓ ﻣﻌﻨﺪﻭﺵ ﺍﻟﺤﻖ ﻳﺤﺎﺳﺒﻨﻲ ... ﻫﺰﻳﺖ ﺭﻭﺣﻲ ﺷﻮﻳﺔ ... ﻛﺘﻤﺖ ﻭﺟﻴﻌﺘﻲ ... ﻭ ﻏﺰﺭﺗﻠﻮ ﺑﻐﺶ ﻧﺤﻜﻲ