🔥🔞"في أحضان عزرائيل"🔞🔥(الجزء الثاني)

الحلقة 262

ﺯﻳﺎﺩ ﻳﺤﻜﻲ :
ﺩﻭﺭﺕ ﺭﺍﺳﻲ ﺑﺎﻟﺰﺭﺑﺔ ... ﺻﻮﺕ ﺍﻟﻮﻗﻌﺔ ... ﺳﻤﻌﺘﻬﺎ ﻭﺳﻂ ﺍﻟﻀﺠﺔ ﻫﺎﺫﻱ ﺍﻟﻜﻞ ... ﻧﺸﻮﻑ ﻣﻌﺎﻫﺎ ﻭ ﻣﺶ ﻣﺼﺪﻕ ... ﺍﻟﻌﻘﺪ ﻟﻲ ﻛﺎﻧﺖ ﻻﺑﺴﺎﺗﻮ ... ﺣﺠﺎﺭﻭ ﻃﺎﺭﺕ ﻓﻲ ﻛﻞ ﺑﻼﺻﺔ ... ﺷﻌﺮﻫﺎ ﻣﻔﺮﻭﺕ ﻋﺎﻻﺭﺽ ... ﻗﻠﺒﻲ ﺩﻕ ﺑﺎﻟﻮﻗﺖ ... ﺑﺪﻧﻲ ﺗﺮﺧﻒ ... ﻃﺎﺡ ﺍﻟﻤﻴﻜﺮﻭﻓﻮﻥ ﻣﻦ ﻳﺪﻱ ... ﻣﻨﻌﺮﻓﺶ ﻛﻴﻒ ﻧﺰﻟﺖ ﺍﻟﺪﺭﺟﺎﺕ ﻫﺬﻭﻛﺎ ... ﻧﺴﻴﺖ ﺑﺎﺑﺎ ﻭ ﺍﺩﻡ ... ﻭ ﺍﻟﻨﺎﺱ ﺍﻟﻜﻞ ... ﻧﺴﻴﺖ ﺣﺪﻭﺩﻱ ﻣﻌﺎﻫﺎ ﻗﺪﺍﻣﻬﻢ ... ﻛﻠﺸﻲ ﻗﺎﻋﺪ ﻧﺸﻮﻑ ﻓﻴﻪ ... ﻫﻮ ﺳﻮﺍﺭ ... ﺳﻮﺍﺭ ﻭ ﻛﻬﻮ ... ﺍﻟﻄﻔﻠﺔ ﻟﻲ ﻧﺤﺒﻬﺎ ... ﻣﺮﻣﻴﺔ ﻋﺎﻻﺭﺽ ... ﻋﻤﺮﻱ ﻣﺎ ﺗﻮﻗﻌﺖ ﻧﺸﻮﻑ ﺣﺎﻟﺘﻬﺎ ﻫﻜﺎ ... ﻛﻨﺖ ﻣﺨﻠﻲ ﻋﻴﻨﻲ ﻋﻼﻫﺎ ... ﺷﻔﺘﻬﺎ ﻣﺶ ﻗﺪ ﺑﻌﻀﻬﺎ ﻭ ﻫﻲ ﺗﻐﺰﺭﻟﻲ ... ﺍﻣﺎ ﻣﺘﻮﻗﻌﺘﺶ ﺍﻧﻬﺎ ﺑﺎﺵ ﻃﻴﺢ ... ﺍﻟﺨﻄﻮﺍﺕ ﻟﻲ ﻛﻨﺖ ﻧﻤﺸﻲ ﻓﻴﻬﻢ ﻋﻨﺪﻫﺎ ... ﺣﺴﻴﺘﻬﻢ ﺭﺯﻧﻮ ... ﻗﻠﺒﻲ ﻧﺤﺴﻮ ﺑﺎﺵ ﻳﻄﻴﺢ ... ﻣﻌﺎﺩ ﻧﺴﻤﻊ ﻓﻲ ﺣﺘﻰ ﺻﻮﺕ ... ﻭ ﻣﺎ ﻧﺸﻮﻑ ﻓﻲ ﺣﺘﻰ ﻋﺒﺪ ﺍﺧﺮ ﻛﺎﻥ ﻫﻲ ... ﺍﻭﻝ ﻣﺎ ﺟﻴﺖ ﻧﻮﺻﻞ ﻋﻨﺪﻫﺎ ﺷﻔﺖ ﻳﺎﺳﺮ ﻗﺮﺏ ﻣﻨﻬﺎ ... ﺳﺒﻘﺘﻮ ﺑﺨﻄﻮﺗﻴﻦ ... ﺩﺯﻳﺘﻮ ﺑﻴﺪﻱ ﻭ ﻧﺰﻟﺖ ﻋﻨﺪﻫﺎ ... ﻫﺰﻳﺘﻬﺎ ﺷﻮﻳﺔ ﺩﻭﺭﺗﻬﺎ ﻋﻨﺪﻱ ... ﻃﻠﻌﺘﻬﺎ ﺷﻮﻳﺔ ﻓﻲ ﺣﻀﻨﻲ ... ﻫﺰﻳﺖ ﻳﺪﻱ ﻋﻠﻰ ﻭﺟﻬﺎ ... ﻧﺰﻟﺖ ﻟﺨﺸﻤﻬﺎ ﺷﻮﻳﺔ ... ﻋﻴﻨﻴﺎ ﻭﺳﺎﻋﺖ ... ﻧﻔﺲ ﻣﺘﺎﻋﻬﺎ ﺭﺯﻳﻦ ... ﺩﻭﺏ ﺗﻨﺠﻢ ﺗﺘﻨﻔﺲ ... ﺣﺮﻛﺘﻬﺎ ﺷﻮﻳﺔ ﻧﺤﻜﻲ
ﺍﻧﺎ : ﺩﻧﻴﻴﺰ ... ﺗﺴﻢﻉ ﻓﻴﺎ ﻳﺎﺧﻲ ... ﺩﻧﻴﻴﺰ ﻗﻮﻡ
ﻳﺎﺳﺮ : ﺷﻔﻤﺎ ﺷﺒﺎﻫﺎ
ﺍﻧﺎ : ﻣﻨﺠﻤﺘﺶ ﺗﺘﻨﻔﺲ ﻻﺯﻡ ﻧﻬﺰﻫﺎ ﻟﻠﻜﻠﻴﻨﻴﻚ ﺗﻮﺍ
ﺍﺩﻡ : ﻋﻨﺪﻫﺎ ﻣﺸﻜﻠﺔ ﻣﻦ ﻗﺒﻞ
ﻳﺎﺳﺮ : ﻣﻨﻌﺮﻓﺶ
ﻣﺮﻛﺰﺗﺶ ﻣﻊ ﻛﻼﻣﻬﻢ ﺑﺮﺷﺎ ... ﻛﺒﺴﺖ ﻋﻼﻫﺎ ﺍﻛﺜﺮ ... ﻫﺰﻳﺘﻬﺎ ﻓﻲ ﻳﺪﻱ .. ﻭﻭﻗﻔﺖ ﻧﺤﻜﻲ
ﺍﻧﺎ : ﻻﺯﻡ ﻧﻬﺰﻫﺎ ﻓﻴﺴﻊ
ﻳﺎﺳﺮ : ﺗﻮ ﻧﻬﺰﻫﺎ ﺍﻧﺎ
ﻗﺤﺮﺗﻠﻮ ... ﻭ ﺟﺒﺪﺕ ﺭﻭﺣﻲ ﻣﻨﻬﻢ ... ﻣﻨﻌﺮﻓﺶ ﻛﻴﻒ ﻧﺠﻤﺖ ﻧﺤﻤﻠﻬﺎ ... ﻣﻨﻌﺮﻓﺶ ﻛﻴﻒ ﻧﺠﻤﺖ ﻧﺸﺪ ﺭﻭﺣﻲ ﺑﺎﺵ ﻣﻨﻐﻠﻄﺶ ﻓﻲ ﺍﺳﻤﻬﺎ ... ﻭ ﺑﺎﺵ ﻣﻨﻐﻠﻄﺶ ﻓﻲ ﺍﻟﻜﻼﻡ ... ﺧﺎﻟﻄﻮ ﻭﺭﺍﻳﺎ ﺍﻟﻜﻞ ... ﺍﻭﻟﻬﻢ ﻣﻴﺮﺍﻝ ... ﻗﺮﺑﺖ ﻣﻨﻲ ﺗﺤﻜﻲ
ﻣﻴﺮﺍﻝ؛ﺯﻳﺎﺩ ﻓﺎﺵ ﺗﻌﻤﻞ ﺧﻠﻲ ﺣﺒﻴﺒﻬﺎ ﺗﻮ ﻳﻬﺰﻫﺎ ﻫﻮ
ﺍﻧﺎ : ﻓﻚ ﻋﻠﻰ ¤¤¤ ﺗﻮﺍ ... ﻛﻠﻤﺔ ﺍﺧﺮﻯ ﻧﻘﺘﻠﻚ ﻳﺎ ﻣﻴﺮﺍﻝ
ﻭﻗﻔﺖ ﻓﻲ ﺑﻼﺻﺘﻬﺎ ... ﻭ ﺍﻧﺎ ﻛﻤﻠﺖ ﺧﺮﺟﺖ ... ﻟﻘﻴﺖ ﺷﻮﻓﻮﺭ ﺟﺎﺏ ﺍﻟﻜﺮﻫﺒﺔ ... ﻭ ﻓﺘﺤﻠﻲ ﺍﻟﺒﺎﺏ ... ﺣﻄﻴﺘﻬﺎ ... ﻭ ﺭﺟﻌﺖ ﻛﺮﺳﻲ ﻟﺘﺎﻟﻲ ... ﻗﺒﻞ ﻣﺎ ﻳﺨﺎﻟﻄﻮ ﻋﻠﻴﺎ ... ﺭﻛﺒﺖ ﻓﻲ ﺍﻟﻜﺮﻫﺒﺔ ﻭ ﻃﺮﺕ ﺑﻴﻬﺎ ... ﻫﺰﻳﺖ ﻳﺪﻱ ﺷﺪﻳﺘﻬﺎ ﻣﻦ ﻳﺪﻫﺎ ... ﺑﺎﺭﺩﺓ ﻗﻼﺹ ... ﻛﺒﺴﺖ ﻋﻼﻫﺎ ﻧﺤﻜﻲ
ﺍﻧﺎ : ﺍﺗﺤﻤﻞ ﺳﻮﺍﺭ ... ﺍﺗﺤﻤﻞ ﻳﺎ ﺭﻭﺣﻲ ... ﺷﻮﻳﺔ ﻭ ﻧﻮﺻﻠﻮ
ﺯﺩﺕ ﻓﻲ ﺍﻟﻔﻴﺘﺎﺱ ﺍﻛﺜﺮ .. ﻧﺴﻮﻕ ﺑﻴﺪ ... ﻭ ﺷﺎﺩﻫﺎ ﺑﻴﺪ ... ﺣﻠﻴﺖ ﻓﻠﺲ ﺳﻮﺭﻳﺘﻲ ... ﻣﻜﺎﻧﺶ ﻻﺯﻡ ﻧﺨﻠﻴﻬﺎ ... ﻓﻲ ﺑﺎﻟﻲ ﺑﺎﺵ ﺗﺘﺤﻤﻞ ﺷﻮﻳﺔ ... ﻟﻴﻦ ﻧﺮﺟﻌﻠﻬﺎ ... ﺍﺻﻼ ﻭﺍﻗﻒ ﻣﻌﺎﻫﻢ ... ﻭ ﺗﻔﻜﻴﺮﻱ ﻣﻊ ﻛﻼﻣﻬﺎ ... ﻛﺎﻥ ﺑﺮﻙ ﻧﻌﺮﻑ ﻟﻬﻮ ﺑﺎﻟﺤﻖ ﻫﻮﻧﻲ ... ﻟﻬﻲ ﺑﺎﻟﺤﻖ ﻋﺮﻓﺎﺗﻮ ... ﺍﻻ ﻣﺎ ﻧﻘﺘﻠﻮ ﺑﻴﺪﻱ ... ﻛﺮﻫﻲ ﻟﻴﻪ ﻳﺘﻌﺪﺍ ﻟﻠﺤﺪﻭﺩ ... ﻛﻨﺖ ﻧﺴﺘﻨﺎ ﺟﻴﺴﺖ ﻳﻮﻓﺎ ﺍﻻﻓﺘﺘﺎﺡ ... ﻭ ﻧﺠﺒﺪ ¤¤¤¤¤ ﻣﻦ ﻭﺳﻄﻬﻢ ... ﺧﺎﻃﺮ ﻣﻨﺠﻤﺶ ﻧﺤﺴﺴﻬﻢ ﺑﻘﺮﺑﻲ ﻟﺴﻮﺍﺭ ... ﺍﻣﺎ ﻛﻠﺸﻲ ﻣﺸﺎ ﺑﺎﻟﻌﻜﺲ ... ﻧﺰﻟﺖ ﻋﻠﻰ ﻳﺪﻫﺎ ﺍﻛﺜﺮ ﻣﺰﺍﻟﺖ ﺑﺎﺭﺩﺓ ... ﻣﺘﺤﺮﻛﺘﺶ ﺟﻤﻠﺔ ... ﻣﻜﻨﺘﺶ ﻧﻌﺮﻑ ﻟﻬﻲ ﺑﺎﺵ ﺗﺘﺼﺪﻡ ﻟﻬﺪﺭﺟﺔ ... ﺩﻭﺏ ﻭﺻﻠﺖ ... ﻧﺰﻟﺖ ﻣﻦ ﺍﻟﻜﺮﻫﺒﺔ ... ﻭ ﻣﺸﻴﺖ ﺟﻴﻬﺘﻬﺎ ... ﻓﺘﺤﺖ ﺍﻟﺒﺎﺏ ... ﻭ ﻧﺰﻟﺖ ﻋﻼﻫﺎ ... ﺣﻤﻠﺘﻬﺎ ... ﻭ ﺩﺧﻠﺖ ... ﻗﺮﺑﻮ ﻣﻨﻲ ﺍﻟﻔﺮﺍﻣﻠﺔ ﺑﺎﻟﻮﻗﺖ ... ﻧﻄﻖ ﻭﺍﺣﺪ ﻳﺤﻜﻲ
ﻫﻮ : ﺣﻄﻬﺎ ﻫﻮﻧﻲ ﻣﺴﻴﻮ
ﻣﻨﻌﺮﻓﺶ ﻛﻴﻒ ﻃﺎﻭﻋﺘﻮ ﻭ ﺣﻄﻴﺘﻬﺎ ... ﺑﻘﻴﺖ ﻭﺍﻗﻒ ﻓﻲ ﺑﻼﺻﺘﻲ ... ﻧﺤﺲ ﻓﻲ ﺑﺪﻧﻲ ﺗﺮﺧﻒ ﻭ ﻣﻌﺎﺩﺵ ﻧﺠﻢ ﻧﺎﻗﻒ ﺍﻛﺜﺮ ... ﻗﺺ ﻋﻠﻴﺎ ﺻﻮﺕ ﺍﺩﻡ ﻣﻦ ﺗﺎﻟﻲ ﻳﺤﻜﻲ
ﺍﺩﻡ : ﺯﻳﺎﺍﺩ ﻟﺒﺎﺱ ﻳﺎﺧﻲ
ﺗﻠﻔﺖ ﻧﺸﻮﻑ ﻣﻌﺎﻩ ... ﻭﺍﻗﻒ ﻣﻊ ﻳﺎﺳﺮ ... ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﻗﺮﺑﻠﻲ ﻳﺎﺳﺮ ﻳﺤﻜﻲ
ﻳﺎﺳﺮ : ﺩﻧﻴﺰ ﻣﻠﻴﺤﺔ
ﺍﻧﺎ : ﻣﻨﻌﺮﻓﺶ
ﺍﺩﻡ : ﺑﺎﻫﻲ ﺧﻠﻮﻧﺎ ﻧﺴﺘﻨﺎﻭ ﻃﺒﻴﺐ ﺍﺣﺴﻦ