🔥🔞"في أحضان عزرائيل"🔞🔥(الجزء الثاني)

الحلقة 351

ﻧﻤﺸﻲ ﻭ ﻫﺎﻳﻤﺔ ... ﺣﺎﻃﺔ ﻳﺪﻳﺎ ﺩﺍﺧﻞ ﻣﻜﺎﺗﺐ ﻛﺒﻮﻃﻲ ... ﻻﻓﺔ ﺭﻭﺣﻲ ... ﻣﻨﻌﺮﻓﺶ ﺳﺎﻗﻴﺎ ﻭﻳﻦ ﻫﺎﺯﻳﻨﻲ ... ﻧﻤﺸﻲ ﻭ ﺗﻔﻜﻴﺮﻱ ﺑﻌﻴﺪ ... ﻣﺶ ﺣﺎﺳﺔ ﺑﺎﻟﺒﺮﺩ ... ﻭ ﻻ ﺑﻘﻄﺮﺍﺕ ﺍﻟﻤﻄﺮ ... ﻟﺘﻮﺍ ﻣﺶ ﻣﺼﺪﻗﺔ ﻟﺼﺎﺭ ﺍﻟﺒﺎﺭﺡ ﺑﻴﻨﺎ ... ﻟﺘﻮﺍ ﻣﺶ ﻣﺼﺪﻗﺔ ﻟﺴﻠﻤﺘﻠﻮ ﻭ ﺧﻠﻴﺘﻮ ﻳﻤﻠﻜﻨﻲ ... ﻣﻨﺪﻣﺘﺶ ... ﻭ ﻋﻤﺮﻱ ﻣﺶ ﺑﺎﺵ ﻧﻨﺪﻡ ﻋﻼﻫﺎ ﺍﻟﻠﻴﻠﺔ ﻫﺬﻳﻜﺎ ... ﺍﻣﺎ ﺯﺍﺩﺓ ﺗﻮﺟﻌﺖ ... ﺗﻮﺟﻌﺖ ﺧﺎﻃﺮ ﻛﻤﻴﺔ ﺍﻟﺤﺐ ﻟﻲ ﻛﺎﻥ ﻋﺎﻃﻴﻬﺎﻟﻲ ... ﺣﺴﻴﺖﻫﺎ ﻧﻘﺼﺖ ﻭﻗﺖ ﻗﺮﺏ ﻣﻨﻲ ... ﻭﻗﺖ ﺧﺬﺍ ﻟﻲ ﺣﺎﺟﺘﻮ ﺑﻴﻪ ﻣﻨﻲ ... ﻭﻗﺖ ﺗﻘﻮﺍ ﻋﻠﻴﺎ ... ﺣﺴﻴﺘﻮ ﻧﺪﻡ ﺧﺎﻃﺮ ﻗﺮﺑﻠﻲ ... ﻟﻠﺤﻈﺔ ﺣﺴﻴﺖ ﻋﻴﻨﻴﻪ ﺿﺎﻋﻮ ﻓﻲ ﻭﺟﻬﻲ ... ﻳﻤﻜﻦ ﻭﻗﺘﻬﺎ ﺍﺳﺘﻮﻋﺐ ﻻﻧﺎ ﻣﺶ ﻃﻔﻠﺔ ... ﻭ ﻣﺴﺘﺤﻴﻞ ﻧﻜﻮﻥ ﺍﻟﻄﻔﻠﺔ ﻟﻲ ﻳﻔﺮﻛﺲ ﻋﻼﻫﺎ ... ﺣﺴﻴﺘﻮ ﻳﻌﺎﻗﺐ ﻓﻴﺎ ... ﻣﻨﻌﺮﻓﺶ ﻋﻼﺵ ﺗﻘﻮﺍ ﻋﻠﻴﺎ ﺍﻛﺎﻛﺎ ... ﻳﻤﻜﻦ ﺣﺒﻮ ﻟﻴﺎ ﻛﺎﻥ ﺷﻬﻮﺓ ﻭ ﻛﻬﻮ ... ﺻﺤﻴﺢ ﻣﺒﻌﺪﻧﻴﺶ ﻋﻠﻴﻪ ... ﻭ ﺑﻘﺎ ﻣﺤﻀﻨﻲ ... ﺍﻣﺎ ﻟﻴﻠﺔ ﻛﺎﻣﻠﺔ ﻣﺮﻗﺪﺗﺶ ﻭ ﻻ ﻫﺰﻧﻲ ﻧﻮﻡ ... ﺗﻮﺍ ﺍﺳﺘﻮﻋﺒﺖ ﺍﻧﻮ ﺍﻛﺎ ﺍﻟﻠﻴﻠﺔ ﻣﺴﺘﺤﻴﻞ ﺗﻔﺎﺭﻗﺎ ... ﻣﺴﺘﺤﻴﻞ ﻳﻨﺠﻢ ﻳﻨﺴﺎ ﻟﻲ ﺻﺎﺭ ... ﻭ ﻻ ﺑﺎﺵ ﻳﻌﺎﻭﻧﻲ ﺍﻧﻲ ﻧﻨﺴﺎﻩ ... ﺣﺘﻰ ﻫﻮ ﻣﺮﻗﺪﺵ ﻟﻴﻠﺔ ﻛﺎﻣﻠﺔ ... ﺍﻭﻝ ﻣﺎ ﺩﺧﻞ ﻟﺒﻴﺖ ﺍﻟﺒﺎﻧﻮ ... ﻟﺒﺴﺖ ﺩﺑﺸﻲ ﻛﻴﻤﺎ ﺟﺎ ... ﻫﺰﻳﺖ ﻛﺒﻮﻃﻲ ﻭ ﺧﺮﺟﺖ ... ﻣﺒﻜﻴﺘﺶ ﻭ ﻣﻨﺰﻟﻮﺵ ﺩﻣﻮﻋﻲ ... ﻣﻨﻌﺮﻓﺶ ﻋﻼﺵ ... ﻳﻤﻜﻦ ﺧﺎﻃﺮ ﻟﺘﻮﺍ ﻣﺼﺪﻭﻣﺔ ﻣﻦ ﺍﻟﻠﻲ ﻋﻤﻠﺘﻮ ... ﻟﺘﻮﺍ ﻣﺶ ﻣﺼﺪﻗﺔ ﻟﻲ ﺻﺎﺭ ... ﺧﺎﻳﻔﺔ ﻭ ﻣﻨﺤﺒﺶ ﻧﺨﻤﻢ ﻟﻲ ﻋﻼﻗﺘﻨﺎ ﺑﺎﺵ ﺗﻮﻓﺎ ... ﺑﻌﺪ ﻟﻴﻠﺔ ﺍﻟﺒﺎﺭﺡ ... ﺗﻨﻔﺴﺖ ﺑﺎﻟﻘﺎﻭﻱ ... ﻭ ﺛﺒﺖ ﻓﻲ ﻃﺮﻳﻖ ... ﻟﻘﻴﺖ ﺳﺎﻗﻴﺎ ﻫﺰﻭﻧﻲ ﻟﺜﻨﻴﺔ ﻗﺪﻳﻤﺔ ... ﻋﻨﺪﻱ ﺑﺮﺷﺎ ﻋﻼﻫﺎ ... ﺳﻨﻴﻦ ﺗﻌﺪﺍﺕ ﻣﻦ ﻭﻗﺖ ﺭﺣﻠﻨﺎ ﻋﺎﻟﺤﻮﻣﺔ ... ﻣﻦ ﻭﻗﺖ ﻫﺰﻧﺎ ﺭﺍﺟﻞ ﺍﻣﻲ ... ﻭ ﻗﺎﻝ ﻣﻌﺎﺩﺵ ﺑﺎﺵ ﻧﻌﻴﺸﻮ ﻫﻮﻧﻲ ... ﻗﺪ ﻣﺎ ﺣﺎﻭﻟﺖ ﺍﻣﻲ ... ﺍﻣﺎ ﻣﻔﻤﺎﺵ ﻛﻠﻤﺔ ﻓﻮﻕ ﻛﻠﻤﺘﻮ ... ﻛﻨﺖ ﻧﺨﻄﻒ ﺍﻟﻮﻗﺖ ﺑﺎﺵ ﻧﺘﻌﺪﺍ ﻟﻬﻮﻧﻲ ... ﺍﻣﺎ ﺑﻌﺪ ﺍﻟﻠﻲ ﺻﺎﺭ ﻣﻌﺎﺩﺵ ﺟﻴﺖ ﻟﻬﻮﻧﻲ ... ﻏﻤﻀﺖ ﻋﻴﻨﻴﺎ ﻧﺸﻢ ﻓﻲ ﺭﻳﺤﺔ ﺍﻟﺨﺒﺰ ﺍﻟﺒﻨﻴﻨﺔ ... ﺗﺸﻤﻬﺎ ﻛﺎﻥ ﻓﻲ ﺍﻟﺤﻮﻣﺔ ﻫﺎﺫﻱ ... ﺣﻠﻴﺖ ﻋﻴﻨﻴﺎ ﻧﺸﻮﻑ ﻓﻲ ﻗﻬﻮﺓ ﺍﻟﻌﺮﺑﻲ ... ﻓﺎﺭﻏﺔ ﻭ ﻣﺰﺍﻝ ﻣﺘﻌﺒﺎﺗﺶ ... ﺍﻟﺒﺮﺩ ﻭ ﺍﻟﻜﻞ ﺭﺍﻛﺸﻴﻦ ﻓﻲ ﺩﻳﻮﺭﻫﻢ ... ﺗﺒﺴﻤﺖ ﺑﻮﺟﻴﻌﺔ ... ﻭ ﺍﻧﺎ ﻧﺬﻛﺮ ﻓﻴﻪ ... ﻣﻨﻌﺮﻓﺶ ﻋﻼﺵ ﺿﺮﺏ ﻓﻲ ﻣﺨﻲ ﺗﻮﺍ ... ﺍﻣﺎ ﺯﻋﻤﺔ ﻛﺎﻥ ﻭﻗﺘﻬﺎ ﻛﺎﻥ ﻣﻌﺎﻳﺎ ... ﻛﻨﺖ ﺑﺎﺵ ﻧﻮﺻﻞ ﻧﻌﻴﺶ ﻫﺬﺍ ﺍﻟﻜﻞ ... ﻳﺎﺧﻲ ﻓﺎﺵ ﻧﺨﻤﻢ ﺍﻧﺎ ﺍﻟﺤﻜﺎﻳﺔ ﻋﻨﺪﻫﺎ ﺑﺮﺷﺎ ... ﻧﺪﺭﺍ ﻋﻠﻴﻪ ﺷﻌﺎﻣﻞ ﺗﻮﺍ ... ﺍﺻﻼ ﻣﻜﻨﺘﺶ ﻧﺤﺒﻮ ﺑﺮﺷﺎ ... ﻳﺎﺳﺮ ﺑﻠﻴﺪ ... ﻭ ﻣﺎﺳﻂ ... ﻗﺮﺑﺖ ﺷﻮﻳﺔ ﺷﻮﻳﺔ ... ﻋﻠﻰ ﺍﺧﺮ ﺧﻄﻮﺓ ... ﻃﻠﻴﺖ ﻋﻠﻴﻪ ... ﻧﻠﻘﺎﻩ ﺷﺎﺩ ﻋﻜﺎﺯﺗﻮ ﺑﻴﺪ ... ﻭ ﺩﻓﺘﺮ ﻣﺘﺎﻉ ﺍﻟﺤﺴﺎﺑﺎﺕ ﺑﻴﺪ ... ﺗﺒﺴﻤﺖ ﻭﺣﺪﻱ ... ﻭ ﻛﻤﻠﺖ ﺩﺧﻠﺖ ﻧﺤﻜﻲ ﺍﻧﺎ : ﻋﻢ ﺻﺎﻟﺢ ﻃﻠﻊ ﺭﺍﺳﻮ ﻏﺰﺭﻟﻲ ... ﻏﺰﺭﺓ ﻃﻮﻳﻠﺔ ... ﺣﻂ ﺍﻟﺪﻓﺘﺮ ... ﻭ ﻫﺰ ﻳﺪﻭ ﻓﻲ ﻭﺟﻬﻲ ﻳﺤﻜﻲ ﺻﺎﻟﺢ : ﺳﻮﺍﺍﺭ ﺑﻨﺘﻲ ﻗﺮﺑﺖ ﻣﻨﻮ ﺑﺎﻟﺰﺭﺑﺔ ... ﺷﺪﺗﻮ ﻣﻦ ﻳﺪﻭ ﺑﺴﺘﻬﺎ ... ﻭ ﻃﻠﻌﺖ ﺑﺴﺘﻮ ﻣﻦ ﺧﺪﻭ ... ﺭﺍﺟﻞ ﻛﺒﻴﺮ ... ﻭ ﻣﻬﻤﺎ ﺗﻌﺪﺍ ﺑﻴﻨﺎ ﺯﻣﺎﻥ ... ﻋﻤﺮﻭ ﻣﺎ ﺗﺒﺪﻝ ﻋﻠﻴﻨﺎ ... ﻭ ﻻ ﻧﻘﺺ ﻣﻦ ﺣﺒﻮ ﻟﻴﻨﺎ ﺍﻧﺎ ﻭ ﻋﻤﺎﺩ ... ﻫﺰ ﻳﺪﻭ ﺣﻀﻨﻲ ﻳﺤﻜﻲ ﺻﺎﻟﺢ : ﻭﻳﻨﻚ ﻳﺎ ﻃﻔﻠﺔ ... ﻧﺴﻴﺖ ﻋﻤﻚ ﺟﻤﻠﺔ ﺍﻧﺎ : ﻻ ﻋﻤﺮﻱ ﻣﺎ ﻧﺠﻢ ﻧﻨﺴﺎﻙ ﻗﻠﺖ ﻛﻼﻣﻲ ﺑﻐﺼﺔ ... ﻟﻠﺤﻈﺔ ﺗﻌﺪﺍ ﺻﻐﺮﻱ ﺑﻴﻦ ﻋﻴﻨﻴﺎ ... ﺟﺒﺪﺕ ﺭﻭﺣﻲ ﻣﻨﻮ ... ﻭ ﻛﻤﻠﺖ ﻧﺤﻜﻲ ﺍﻧﺎ : ﺗﺎﻋﺒﺔ ﺑﺮﺷﺎ ﻋﻤﻲ ... ﺗﺎﻋﺒﺔ ﻭ ﻣﻨﻌﺮﻓﺶ ﻟﺸﻜﻮﻥ ﻧﻤﺸﻲ ﻫﺰ ﻳﺪﻭ ﺣﻄﻬﺎ ﻋﻠﻰ ﺧﺪﻱ ... ﻏﺰﺭﻟﻲ ... ﻱﻃﻤﻦ ﻓﻴﺎ ﺑﻌﻴﻨﻴﻪ ﻭ ﻳﺤﻜﻲ ﺻﺎﻟﺢ : ﺷﻜﻮﻥ ﻟﻲ ﻏﺸﺸﻠﻲ ﺑﻨﺘﻲ