🔥🔞"في أحضان عزرائيل"🔞🔥(الجزء الثاني)

الحلقة 288

ﺧﺮﺟﺖ ﺗﺠﺮﻱ ﻟﻠﺒﻴﺖ ﺧﺎﻟﻄﺖ ﻋﻼﻫﺎ ﻟﻘﻴﺘﻬﺎ ﻭﺍﻗﻔﺔ ﻓﻲ ﻧﺺ .. ﺗﺸﻮﻑ ﻣﻊ ﺍﻟﻤﺮﺍﻳﺎ ﻗﺮﺑﺖ ﺑﺎﻟﺰﺭﺑﺔ ﻟﻠﻜﻮﺍﻓﻮﺯ .. ﻫﺰﺕ ﺩﺑﻮﺯﺓ ﺑﺮﻓﺎﻥ ... ﻛﺴﺮﺕ ﺑﻴﻬﺎ ﺍﻟﻤﺮﺍﻳﺎ ... ﻗﺮﺑﺖ ﻣﻨﻬﺎ ﻧﺼﻴﺢ
ﺍﻧﺎ : ﺳﻮﺍﺍﺭ ﻳﺰﻱ ﻣﻦ ﺗﻔﻮﺭﻳﺨﻚ ﻭ ﺍﺳﻤﻌﻨﻲ
ﺳﻮﺍﺭ : ﻣﺎ ﻧﺴﻤﻊ ﺣﺘﻰ ﺷﻲ ... ﺍﺻﻼ ﻣﻌﻨﺪﻳﺶ ﺣﻖ ﻧﺒﻘﻰ ﻓﻲ ﺍﻟﺒﻴﺖ ... ﻫﺎﺫﻱ ﻛﻠﺸﻲ ﻣﻮﺟﻮﺩ ﻫﻮﻧﻲ ﺧﺎﺹ ﻓﻴﻜﻢ ﺯﻭﺯ ﺑﺮﻙ
ﺍﻧﺎ : ﺷﻨﻨﻮﺓ
ﻗﺮﺑﺖ ﻣﻦ ﺍﻟﻔﺮﺵ ﺟﺒﺪﺍﺗﻮ ﺑﻴﺪﻳﻬﺎ ﺍﻟﺰﻭﺯ ﻋﺎﻻﺭﺽ ... ﻭ ﺑﺎﻗﻲ ﺗﺼﻴﺢ
ﺳﻮﺍﺭ : ﻣﺶ ﺍﻧﺖ ﺭﻗﺪﺕ ﻣﻌﺎﻫﺎ ﻫﻮﻧﻲ ﺍﻛﺎ ﺍﻟﻠﻴﻠﺔ ... ﺭﻳﺤﺘﻬﺎ ﻣﺰﺍﻟﺖ ﻓﻲ ﺍﻟﺒﻴﺖ ﺯﺍﺩﺓ ... ﻭ ﺍﻧﺎ ﺯﻳﺎﺩﺓ ﻫﻮﻧﻲ ... ﺗﺘﺬﻛﺮﻧﻲ ﻛﺎﻥ ﻭﻗﺖ ﻳﻘﺮﺏ ﻣﻨﻲ ﺣﺪ ﻓﻴﻬﻢ ... ﺷﻔﺎﻫﺎ ﻛﺎﻥ ﻫﻮﻣﺎ ﺯﺍﺩﺓ
ﻗﺼﻴﺖ ﻋﻼﻫﺎ ﻛﻴﻒ ﻗﺮﺑﺖ ﻣﻨﻬﺎ ﺟﺒﺪﺗﻬﺎ ﻣﻦ ﻳﺪﻫﺎ ﻛﺒﺴﺖ ﻋﻼﻫﺎ ﻧﺤﻜﻲ
ﺍﻧﺎ؛ﺭﺩ ﺑﺎﻟﻚ ﺗﻜﻤﻠﻬﺎ ﻟﻠﺠﻤﻠﺔ ... ﻭﺍﻟﻠﻪ ﻧﻘﺘﻠﻚ
ﺳﻮﺍﺭ؛ﻋﻼﺵ ﻏﺎﻟﻄﺔ ﻫﺎﻙ ﺍﻧﺖ ﻣﺮﺓ ﻣﻊ ﺯﻳﻨﺔ ﻭ ﻣﺮﺓ ﻣﻊ ﻣﻴﺮﺍﻝ ﻭ ﻛﻞ ﻣﺮﺓ ﺗﺴﻜﺘﻨﻲ ﻭ ﺗﻘﻮﻝ ﻣﻌﻨﺪﻳﺶ ﺣﻖ ﻧﺤﻜﻲ ... ﻣﻼ ﺷﻴﻤﻨﻊ ﺍﻧﻲ ﻧﻜﻮﻥ ﻛﻴﻔﻚ
ﻛﺒﺴﺖ ﻋﻠﻰ ﻳﺪﻫﺎ ﺍﻛﺜﺮ ... ﻫﺰﻳﺖ ﻳﺪﻱ ﻻﺧﺮﻯ ﻋﻠﻰ ﻭﺟﻬﻲ ﺑﻌﺼﺐ ... ﻛﺎﻥ ﻧﺰﻳﺪ ﻣﻌﺎﻫﺎ ﺷﻮﻳﺔ ﻧﻌﻤﻞ ﻓﻴﻬﺎ ﺷﻲ ... ﻧﻌﺮﻑ ﻣﻦ ﻏﺸﻬﺎ ﻗﺎﻋﺪﺓ ﺗﺤﻜﻲ ﻫﻜﺎ ... ﺍﻣﺎ ﻣﻨﺠﻤﺘﺶ ﻧﺘﻘﺒﻞ ﻛﻼﻣﻬﺎ ﺣﺘﻰ ﻃﺮﻑ ... ﺩﺯﻳﺘﻬﺎ ﻟﺘﺎﻟﻲ ﺷﻮﻳﺔ ﻧﺤﻜﻲ
ﺍﻧﺎ : ﺍﺧﺮﺝ ﺳﻮﺍﺍﺭ ... ﻗﺘﻠﻚ ﺍﺧﺮﺝ ﻋﻠﻴﺎ
ﻏﺰﺭﺗﻠﻲ ﻧﺪﺭﺍ ﻛﻴﻒ ... ﻫﺰﺕ ﻳﺪﻫﺎ ... ﻣﺴﺤﺖ ﺩﻣﻮﻋﻬﺎ ... ﺗﺤﻜﻲ
ﺳﻮﺍﺭ : ﺑﺎﻫﻲ ﻫﺎﻧﻲ ﻣﺎﺷﻴﺔ ﻣﻌﺎﺩﺵ ﻧﺤﺐ ﻧﺸﻮﻓﻚ ﺟﻤﻠﺔ ﻧﻜﺮﻫﻚ
ﻋﻄﺎﺗﻨﻲ ﺑﻈﻬﺮﻫﺎ ﻭ ﺧﺮﺟﺖ ﻣﻦ ﺍﻟﺒﻴﺖ ... ﺗﺒﻌﺘﻬﺎ ﺑﻌﻴﻨﻴﺎ ... ﺷﻔﺘﻬﺎ ﻛﻴﻒ ﻧﺰﻟﺖ ﺍﻟﺪﺭﻭﺝ ... ﻧﻔﺨﺖ ﺑﺎﻟﻘﺎﻭﻱ ... ﻭ ﺧﺎﻟﻄﺖ ﻋﻼﻫﺎ ... ﻓﻲ ﺑﺎﻟﻲ ﺑﺎﺵ ﺗﻤﺸﻲ ﻟﺒﻴﺘﻬﺎ ﻧﺰﻟﺖ ﺍﻟﻔﺮﺧﺔ ... ﺣﺘﻰ ﻫﻲ ﻟﻴﻠﺔ ﻛﻠﺒﺔ ﻣﻦ ﺍﻭﻟﻬﺎ ... ﺷﻔﺘﻬﺎ ﺑﺎﺵ ﺗﺨﺮﺝ ﻟﺒﺮﺍ ... ﻛﺒﺴﺖ ﻋﻠﻰ ﻳﺪﻱ .. ﻧﺼﻴﺢ
ﺍﻧﺎ : ﺳﻮﺍﺍﺍﺭ ﺍﺭﺟﻊ ﻟﻬﻮﻧﻲ ﻓﻴﺴﻊ
ﻣﺮﺟﻌﺘﻠﻴﺶ ... ﺣﻠﺖ ﺍﻟﺒﺎﺏ ﻭ ﺧﺮﺟﺖ ... ﺧﺎﻟﻄﺖ ﻋﻼﻫﺎ ﺑﺎﻟﺰﺭﺑﺔ ... ﺻﺤﺖ ﻓﺮﺩ ﺻﻴﺤﺔ ﺑﺎﺳﻤﻬﺎ
ﺍﻧﺎ : ﺳﻮﺍﺍﺍﺍﺍﺭ
ﺍﻭﻝ ﻣﺎ ﺳﻤﻌﺘﻨﻲ ... ﻃﺎﺣﺖ ﻋﺎﻻﺭﺽ ... ﻗﻠﺒﻲ ﺩﻕ ﺑﺎﻟﻮﻗﺖ ... ﻗﺒﻞ ﻣﺎ ﻧﻮﺻﻞ ﻟﻴﻬﺎ ﻭﻗﻔﺖ ﻭ ﻗﺮﺑﺖ ﻣﻦ ﺍﻟﻜﺮﻫﺒﺔ ... ﺣﻠﺖ ﺍﻟﺒﺎﺏ ... ﻟﺤﻘﺖ ﻋﻼﻫﺎ ﺑﺎﻟﻮﻗﺖ ... ﺳﻜﺮﺕ ﺍﻟﺒﺎﺏ ﺑﻴﺪﻱ ﻭ ﺣﺎﻭﻃﺘﻬﺎ ﻧﺤﻜﻲ
ﺍﻧﺎ : ﺷﺒﻲ ﺳﻤﺎﻙ ﻫﺒﻠﺖ ¤¤¤¤ ﺗﺤﺐ ﺗﻬﺒﻠﻨﻲ ... ﺷﻨﻴﺔ ﻟﻲ ﻗﺎﻋﺪﺓ ﺗﻌﻤﻞ ﻓﻴﻪ ﺍﻧﺘﻲ
ﺳﻮﺍﺭ : ﻧﺤﺐ ﻧﻤﺸﻲ ﻣﻦ ﻫﻮﻧﻲ ... ﻣﻨﺤﺒﺶ ﻧﺒﻘﻰ ﻓﻲ ﺑﻼﺻﺔ ﺧﺎﺻﺔ ﺑﻐﻴﺮﻱ
ﺍﻧﺎ ¤¤¤¤: ﺧﺎﺻﺔ ﺑﺸﻜﻮﻥ ... ﺗﻌﺮﻑ ﺭﻭﺣﻚ ﻓﺎﺵ ﻗﺎﻋﺪﺓ ﺗﺤﻜﻲ
ﺳﻮﺍﺭ : ﻧﺤﺐ ﻧﻤﺸﻲ ﻣﻦ ﻫﻮﻧﻲ ... ﻣﻨﺤﺒﺶ ﻧﺘﻮﺟﻊ ﻓﻲ ﺟﺮﺗﻜﻢ ﺍﻛﺜﺮ ﻳﺰﻱ ﻛﻬﻮ ﺗﻌﺒﺖ ﻣﻦ ﻛﻠﺸﻲ
ﺭﺻﻴﺖ ﻋﻠﻰ ﺳﻨﻴﺎ ﻭ ﺿﺮﺑﺖ ﺑﻴﺪﻱ ﻋﺎﻟﻜﺮﻫﺒﺔ ... ﻏﻄﺎﺕ ﻭﺟﻬﺎ ﺑﻴﺪﻫﺎ ... ﺣﺘﻰ ﺍﻟﺸﺘﺎ ﻟﻲ ﺗﺼﺐ ﻣﺤﺴﻴﺘﺶ ﺑﻴﻬﺎ ... ﻧﺰﻟﺖ ﺑﻴﺪﻱ ﻻﺧﺮﻯ ﺷﺪﻳﺘﻬﺎ ﻣﻦ ﻭﺟﻬﺎ ... ﻛﺒﺴﺖ ﻋﻠﻴﻪ ﻧﻐﺰﺭﻟﻬﺎ ﺿﻮ ﺧﻔﻴﻒ ﺿﺎﺭﺏ ﻓﻴﻬﺎ ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﺍﻏﺰﺭﻟﻲ ﺳﻮﺍﺭ ... ﺗﺸﻮﻑ ﻓﻴﺎ ﻛﻴﻔﻮ ... ﺣﻞ ﻓﻤﻚ ... ﻛﺎﻥ ﻓﻤﺎ ﺍﺣﺘﻤﺎﻝ ﻭﺍﺣﺪ ﺑﺮﻙ ﺍﻧﻚ ﺑﺎﺵ ﺗﺤﻄﻨﻲ ﻣﻌﺎﻩ ﻓﻲ ﻧﻔﺲ ﺍﻟﻜﻔﺔ ... ﺍﻧﻲ ﻛﻞ ﻣﺎ ﻧﻘﺮﺑﻠﻚ ... ﺑﺎﺵ ﺗﺴﺘﺨﺎﻳﻠﻨﻲ ﻫﻮ ... ﻧﻮﻋﺪﻙ ﺑﺎﺵ ﻧﺨﺮﺝ ﻣﻦ ﺣﻴﺎﺗﻚ ﺟﻤﻠﺔ ... ﻭ ﺑﺎﺵ ﻧﺒﻘﻰ ﻋﻨﺪ ﻭﻋﺪﻱ ﺣﻘﻚ ﺑﺎﺵ ﻧﺎﺧﻮ ﺑﻴﺪﻱ ... ﺣﻞ ﻓﻤﻚ ﺍﺣﻜﻲ
ﺑﻘﺎﺕ ﺗﺸﻮﻑ ﻣﻌﺎﻳﺎ ... ﻧﺰﻟﻮ ﺩﻣﻮﻋﻬﺎ ﺍﻛﺜﺮ ... ﺭﺧﻔﺖ ﻳﺪﻱ ... ﻭ ﺗﺒﺴﻤﺖ ﺑﺎﺳﺘﻬﺰﺍﺀ ﻧﺤﻜﻲ
ﺍﻧﺎ؛ﻇﺎﻫﺮ ﻓﻬﻤﺖ
ﺟﻴﺖ ﺑﺎﺵ ﻧﺠﺒﺪ ﺭﻭﺣﻲ ... ﺗﺮﻣﺎﺕ ﻋﻠﻴﺎ ﺣﻀﻨﺘﻨﻲ ... ﺩﻭﺭﺕ ﻳﺪﻳﻬﺎ ﻋﻠﻰ ﻇﻬﺮﻱ ... ﻛﺒﺴﺖ ﻋﻠﻴﺎ ﺗﺤﻜﻲ
ﺳﻮﺍﺭ : ﻩ ﻫﺄﺓ ﻣﺶ ﻛﻴﻔﻮ ... ﻡ ﻣﺘﺨﻠﻴﻨﻴﺶ ﻓﻲ ﺟﺮﺗﻮ ... ﻣﻨﺤﺒﺶ ﻧﺨﺴﺮ ﻛﻠﺸﻲ ﻓﻲ ﺣﻴﺎﺗﻲ ﺑﺴﺒﺒﻮ ﻫﻮ
ﺧﺬﻳﺖ ﻧﻔﺲ ... ﻧﺰﻟﺖ ﺑﻴﺪﻱ ﻋﻠﻰ ﻇﻬﺮﻫﺎ ... ﻛﺒﺴﺖ ﻋﻼﻫﺎ ... ﻧﻌﺮﻑ ﺍﻧﻮ ﺍﻟﻜﺎﺑﻮﺱ ﻫﺬﺍ ﺍﻟﻜﻞ ﻳﻮﻓﺎ ﻭﻗﺖ ﺗﺎﺧﻮ ﺣﻘﻬﺎ ﻣﻨﻮ ... ﻓﻲ ﺑﺎﻟﻲ ﻫﺪﺍﺕ ﺍﻣﺎ ﻓﻲ ﻟﺤﻈﺔ ﺩﺯﺗﻨﻲ ﻟﺘﺎﻟﻲ ﺗﺤﻜﻲ
ﺳﻮﺍﺭ؛ﻣﺎ ﺍﺧﻴﺐ ﺭﻳﺤﺘﻬﺎ ﻋﻠﻴﻚ ... ﻣﻌﺎﺩﺵ ﺗﻌﻨﻘﻨﻲ
ﺍﻧﺎ : ﺷﻨﻨﻮﺓ
ﺳﻮﺍﺭ : ﻧﺤﺐ ﻧﻤﺸﻲ ﻣﻦ ﻫﻮﻧﻲ
ﺍﻧﺎ : ﺷﻨﻴﺔ ﺣﻜﺎﻳﺘﻚ ﻳﺎﺧﻲ ﻓﻲ ﻫﺎﻟﻠﻴﻠﺔ ﺍﻟﻜﻠﺒﺔ
ﺳﻮﺍﺭ : ﻣﻨﺤﺒﺶ ﻧﺒﻘﻰ ﻣﻊ ﻭﺍﺣﺪ ﺧﺎﻳﻦ ﻛﻴﻔﻚ
ﺑﻘﻴﺖ ﻧﺸﻮﻑ ﻣﻌﺎﻫﺎ ﺷﻮﻳﺔ ... ﻫﺰﻳﺘﻬﺎ ﻭ ﺣﻄﻴﺘﻬﺎ ... ﺗﺒﻠﺖ ﺑﻜﻠﻬﺎ ... ﺍﻟﻤﺮﻳﻮﻝ ﻟﺼﻖ ﻋﻠﻰ ﻟﺤﻤﻬﺎ ... ﺷﻔﺎﻓﻬﺎ ﺑﺎﻗﻲ ﻳﺮﻋﺸﻮ ﺷﻲ ﻣﻦ ﺍﻟﻐﺰﻭﻝ ﻭ ﺷﻲ ﻣﻦ ﺍﻟﺒﺮﺩ ... ﻓﻴﻘﺘﻨﻲ ﻣﻦ ﺳﺮﺣﺘﻲ ... ﻛﻲ ﺩﺯﺗﻨﻲ ﺑﻴﺪﻫﺎ ﺗﺤﻜﻲ
ﺳﻮﺍﺭ؛ﺭﺟﻌﻨﻲ ﻟﺪﺍﺭ ﻣﻨﺤﺒﺶ ﻧﺒﻘﻰ ﻫﻮﻧﻲ
ﺍﻧﺎ : ﺑﺎﻫﻲ
ﺑﻌﺪﺕ ﻋﻼﻫﺎ ﺷﻮﻳﺔ ... ﻭ ﻧﺰﻟﺖ ﻋﻼﻫﺎ ﻫﺰﻳﺘﻬﺎ ﻋﻠﻰ ﻛﺘﻔﻲ ... ﻭﺭﺟﻌﺖ ﻟﺪﺍﺭ ... ﺑﺎﻗﻲ ﺗﻀﺮﺏ ﻋﻠﻰ ﻇﻬﺮﻱ ﺑﻴﺪﻳﻬﺎ ﻭ ﺗﺼﻴﺢ