🔥🔞"في أحضان عزرائيل"🔞🔥(الجزء الثاني)

الحلقة 330

ﺍﻧﺎ : ﻣﺶ ﺣﻜﻴﻨﺎ ﻓﻴﻪ ﺍﻟﻤﻮﺿﻮﻉ ﻫﺬﺍ ... ﻣﺶ ﻗﺘﻠﻚ ﻣﻌﺎﺩﺵ ﻧﺤﺐ ﻧﺴﻤﻌﻮ ﻣﻨﻚ ... ﻭ ﻧﺤﺒﻚ ﺗﻨﺴﺎﻫﺎ ﺍﻟﻠﻴﻠﺔ ﻫﺬﻳﻜﺎ
ﺳﻮﺍﺭ : ﻣﻨﺠﻤﺶ ... ﺍﻥﺍ ﻣﻌﺎﺩﺵ ﻧﻈﻴﻔﺔ ﻛﻴﻤﺎ ﻗﺒﻞ
ﻟﺰﻳﺘﻬﺎ ﻟﻴﺎ ﺍﻛﺜﺮ ... ﺧﺬﻳﺖ ﻧﻔﺲ ... ﻛﺒﺴﺖ ﻋﻼﻫﺎ ﻧﺤﻜﻲ
ﺍﻧﺎ : ﺷﺸﺶ ... ﻧﻈﻴﻔﺔ ... ﻭﺭﺍﺱ ﺣﺒﻲ ﻧﻈﻴﻔﺔ ... ﻭ ﺍﺷﺮﻑ ﻭﺣﺪﺓ ﻋﺮﻓﺘﻬﺎ
ﻃﻠﻌﺖ ﺭﺍﺳﻬﺎ ... ﻏﺰﺭﺗﻠﻲ ... ﺗﻨﻬﺪﺕ ... ﺭﺧﺎﺕ ﺷﻔﺎﻓﻬﺎ ﺗﺤﻜﻲ
ﺳﻮﺍﺭ : ﻭ ﻣﻴﺮﺍﻝ
ﺍﻧﺎ : ﻣﻌﺎﺩﺵ ﺗﻔﻜﺮ ﻓﻴﻬﺎ
ﺳﻮﺍﺭ : ﻛﻨﺖ ﺑﺎﺵ ﺗﻤﺸﻲ ﻋﻨﺪﻫﺎ ﻟﻴﻠﺔ
ﺳﻮﺍﺭ : ﺷﻔﺘﻚ ﺭﺍﻧﻲ ... ﻭﺍﻓﻘﺘﻬﺎ ... ﻛﻨﺖ ﺑﺎﺵ ﺗﻤﺸﻲ ﻋﻨﺪﻫﺎ
ﺍﻧﺎ : ﻻ ... ﻭﺍﻓﻘﺘﻪﺍ ﺑﺎﺵ ﺗﻔﻚ ﻋﻠﻴﺎ ﺑﺮﻙ
ﺳﻮﺍﺭ : ﺗﻜﺬﺏ ... ﺑﺎﺯ ﺗﻜﻮﻥ ﺣﺒﻠﺔ ﻣﻨﻚ ﺗﻮﺍ
ﺍﻧﺎ : ﺷﻨﻮﺓ
ﺳﻮﺍﺭ : ﻋﺪﻳﺖ ﻣﻌﺎﻫﺎ ﺍﻛﺜﺮ ﻣﻦ ﺍﺳﺒﻮﻉ ﺭﺍﻙ
ﺍﻧﺎ : ﻫﻬﻬﻬﻬﻬﻬﻪ ﺯﺍﻳﺪ ﻓﺮﺧﺔ
ﺳﻮﺍﺭ : ﻋﻼﺵ ﺗﻀﺤﻚ ﺍﻧﺖ
ﺍﻧﺎ : ﺧﺎﻃﺮ ﻳﺎ ﻓﺮﺧﺔ ﺍﻻﺳﺒﻮﻉ ﻟﻲ ﻓﺎﺕ ﻛﻨﺖ ﺍﻳﻄﺎﻟﻴﺎ
ﺳﻮﺍﺭ : ﺷﻨﻨﻨﻴﺔ
ﺟﺒﺪﺕ ﺭﻭﺣﻬﺎ ﻣﻨﻲ ... ﺗﻘﻌﺪﺕ ... ﺕﻏﺰﺭﻟﻲ ... ﻭ ﺗﻘﺤﺮ ﻓﺮﺩ ﻭﻗﺖ ... ﺑﺎﻗﻲ ﺷﺎﺩ ﺍﻟﻀﺤﻚ ﻭ ﻧﻐﺰﺭﻟﻬﺎ ... ﻋﻘﺪﺕ ﺣﻮﺍﺟﺒﻬﺎ ﺗﺤﻜﻲ
ﺳﻮﺍﺭ : ﺑﺎﻟﺤﻖ ﻣﺸﻴﺖ ﻟﻐﺎﺩﻱ
ﺍﻧﺎ : ﻣﻤﻤﻢ
ﺳﻮﺍﺭ : ﻋﻼﺵ
ﺍﻧﺎ : ﺧﺪﻣﺔ
ﺳﻮﺍﺭ : ﺭﺍﺣﺖ ﻣﻌﺎﻙ ﻫﻲ
ﺍﻧﺎ : ﻻ
ﺳﻮﺍﺭ : ﻻ ﺭﺍﺣﺖ ﻣﻌﺎﻙ
ﺍﻧﺎ : ﺳﻮﺍﺍﺍﺭ
ﺳﻮﺍﺭ : ﺑﺎﻫﻲ ﻛﻨﺖ ﻣﻌﺎﻫﺎ
ﺍﻧﺎ : ﻭ ﺭﺣﻤﺔ ﺍﻣﻲ ﻻ
ﺳﻮﺍﺭ : ﻣﻼ ﺷﻜﻮﻥ ﺭﺍﺡ ﻣﻌﺎﻙ
ﺍﻧﺎ : ﻳﺎﺳﺮ
ﺳﻮﺍﺭ : ﺷﻜﻮﻥ ﻳﺎﺳﺮ
ﺍﻧﺎ : ﺗﻮ ﺭﺟﻌﺖ ﻣﺘﻌﺮﻓﺶ ﻳﺎﺳﺮ
ﺳﻮﺍﺭ : ﺍﻛﺎ ﻟﻲ ﺣﺐ ﻳﺒﻮﺳﻨﻲ ﺑﺎﻟﺴﻴﻒ
ﻗﺤﺮﺗﻠﻬﺎ ... ﻃﺒﺴﺖ ﺭﺍﺳﻬﺎ ... ﺗﻠﻌﺐ ﺑﺼﻮﺍﺑﻌﻬﺎ ... ﻭ ﻛﻤﻠﺖ ﺗﺤﻜﻲ
ﺳﻮﺍﺭ : ﻣﺨﻴﺒﻮ ... ﺍﺡﺳﻦ ﺷﻲ ﺑﻌﺪﺗﻮ ﻣﻦ ﻫﻮﻧﻲ
ﺍﻧﺎ : ﻓﻲ ﺑﺎﻟﻚ ﺑﺎﺵ ﻧﻤﺸﻲ ﻭ ﻧﺨﻠﻴﻬﻮﻟﻚ ﻫﻮﻧﻲ
ﺳﻮﺍﺭ : ﺑﺎﻫﻲ ﻣﻊ ﺷﻜﻮﻥ ﺑﻘﻴﺖ ﻏﺎﺩﻱ
ﺍﻧﺎ : ﺍﻳﺠﺎ ﻋﻨﺪﻱ ﺳﺎﻋﺔ
ﺳﻮﺍﺭ : ﻻ ﺑﺎﺵ ﺗﺨﺒﺮﻧﻲ ﺍﻻﻭﻝ
ﺍﻧﺎ : ﻭﺣﺪﻱ ... ﻃﻤﻨﺖ ﺗﻮﺍ
ﺳﻮﺍﺭ : ﻋﻼﺵ ﻣﻜﻠﻤﺘﻨﻴﺶ
ﺍﻧﺎ : ﻳﺰﻱ ﻣﻦ ﺍﻻﺳﺌﻠﺔ ﺗﻮﺍ
ﺳﻮﺍﺭ : ﺑﺎﻫﻲ ﺍﺧﺮ ﺳﺆﺍﻝ
ﺍﻧﺎ : ﺷﻨﻴﺔ
ﺳﻮﺍﺭ : ﺗﺤﺒﻨﻲ ﺍﻧﺎ ﻭ ﻻ ﻫﻲ
ﺿﺤﻜﺖ ﺑﺎﻟﻮﻗﺖ ... ﻫﺰﻳﺖ ﺭﻭﺣﻲ ﻭﻗﻔﺖ ... ﻭﻗﻔﺖ ﻓﻲ ﺟﺮﺗﻲ ﻓﻮﻕ ﺍﻟﺴﺮﻳﺮ ... ﻏﺰﺭﺗﻠﻪﺍ ﻧﺤﻜﻲ
ﺍﻧﺎ : ﺷﺘﻌﻤﻞ ﻳﺎ ﻣﻬﺒﻮﻟﺔ
ﻗﺮﺑﺖ ﻣﻨﻲ ... ﺗﺮﻣﺎﺕ ﻋﻠﻴﺎ ... ﺩﻭﺭﺕ ﻳﺪﻳﻬﺎ ﻋﻠﻰ ﺭﻗﺒﺘﻲ ... ﻭﺟﻬﺎ ﻣﻊ ﻭﺟﻬﻲ ﺑﺎﻟﻈﺒﻂ ... ﺗﺒﺴﻤﺘﻞﻱ ﻧﺪﺭﺍ ﻛﻴﻒ ... ﺟﻴﺖ ﺑﺎﺵ ﻧﺤﻜﻲ ... ﻗﺼﺖ ﻋﻠﻴﺎ ﻛﻴﻒ ﺣﻄﺖ ﺷﻔﺎﻓﻬﺎ ﻋﻠﻰ ﺷﻔﺎﻓﻲ ... ﺳﻜﺮﺕ ﻋﻴﻨﻴﺎ ﺑﺎﻟﻮﻗﺖ ... ﺑﻮﺳﺘﻬﺎ ﻫﺰﺗﻨﻲ ﻟﺒﻌﻴﺪ ... ﺟﺒﺪﺕ ﺭﻭﺣﻬﺎ ﺷﻮﻳﺔ ﻣﻨﻲ ... ﺣﻀﻨﺘﻨﻲ ﺗﺤﻜﻲ
ﺳﻮﺍﺭ : ﻧﻌﺮﻑ ﻟﺘﺤﺒﻨﻲ ﺍﻧﺎ ﻣﺶ ﻫﻲ ... ﻭ ﺑﺎﺵ ﻳﺠﻲ ﻧﻬﺎﺭ ﺗﻌﺘﺮﻑ ﻓﻴﻪ ... ﺑﺎﺵ ﻧﺴﻤﻌﻬﺎ ﻣﻨﻚ ﺍﻧﺖ ... ﻭ ﻗﺪﺍﻡ ﻧﺎﺱ ﺍﻟﻜﻞ ... ﺍﻣﺎ ﻳﺎ ﺭﻳﺖ ﻣﻦ ﻫﻮﻧﻲ ﻻﻛﺎ ﺍﻟﻮﻗﺖ ... ﻣﻨﻜﻮﻧﻮﺵ ﺧﺴﺮﻧﺎ ﺑﻌﺾ
ﺟﺒﺪﺕ ﺭﻭﺣﻬﺎ ... ﻭ ﺑﻘﺎﺕ ﺗﻐﺰﺭﻟﻲ ... ﺑﻨﻔﺲ ﺍﻛﺎ ﺍﻟﻨﻈﺮﺓ ... ﻛﻼﻣﻬﺎ ﻗﺪ ﻣﺎ ﻫﺰﻧﻲ ﻟﺒﻌﻴﺪ ... ﻭﺟﻌﻨﻲ ... ﻛﻠﻤﺘﻬﺎ ﺗﺎﻟﻴﺔ ... ﺧﻼﺕ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻧﻔﺲ ﺗﺴﻜﺮ ﻋﻠﻴﺎ ﻭ ﺍﻧﺎ ﻧﻐﺰﺭﻟﻬﺎ ... ﺭﺟﻌﺖ ﻗﺮﺑﺖ ﻣﻨﻲ ... ﺑﺎﺳﺘﻨﻲ ﻣﻦ ﺧﺪﻱ ﻭ ﺗﺮﻣﺎﺕ ﻟﺘﺎﻟﻲ ... ﻃﺎﺣﺖ ﻗﺒﻞ ﻣﺎ ﻧﻠﺤﻖ ﻧﺸﺪﻫﺎ ... ﺣﻄﺖ ﺭﺍﺳﻬﺎ ﻋﻠﻰ ﺍﻟﻤﺨﺪﺓ ﺗﺤﻜﻲ
ﺳﻮﺍﺭ : ﻧﺤﺐ ﻧﺮﻗﺪ ... ﺗﻌﺒﺖ ﺑﺮﺷﺎ
ﺩﻭﺏ ﻛﻤﻠﺖ ﻛﻼﻣﻬﺎ ... ﻏﻄﺴﺖ ﻓﻲ ﻧﻮﻡ ... ﻣﻨﻌﺮﻓﺶ ... ﻗﺪﺍﺵ ﺑﻘﻴﺖ ﻭﺍﻗﻒ ﻓﻲ ﺑﻼﺻﺘﻲ ... ﻭ ﺍﻧﺎ ﻧﻐﺰﺭﻟﻬﺎ ... ﻛﻼﻣﻪﺍ ﻳﺘﻌﺎﻭﺩ ﻓﻲ ﻣﺨﻲ ... ﺗﻨﻬﺪﺕ ﻣﻦ ﻋﺮﻭﺵ ﻗﻠﺒﻲ ... ﻭ ﻧﺰﻟﺖ ﻋﻼﻫﺎ ... ﻗﻌﺪﺕ ﺑﺤﺬﺍﻫﺎ ... ﺑﻌﺪﺕ ﺷﻌﺮﻫﺎ ﻋﻠﻰ ﻭﺟﻬﺎ ... ﻧﺸﻮﻑ ﻣﻌﺎﻫﺎ ... ﻋﺪﻳﺖ ﺻﻮﺍﺑﻌﻲ ﻋﻠﻰ ﺧﺪﻫﺎ ... ﻭ ﺷﻔﺎﻓﻬﺎ ... ﻧﺰﻟﺖ ﻋﻼﻫﺎ ﺍﻛﺜﺮ ... ﺑﺴﺘﻬﺎ ﺑﻮﺳﺔ ﺧﻔﻴﻔﺔ ... ﻭ ﻫﺰﻳﺖ ﺍﻟﻐﻄﺎ ... ﻏﻄﻴﺘﻬﺎ ... ﻭ ﺧﺮﺟﺖ ﻣﻦ ﺍﻟﺒﻴﺖ ... ﺩﺧﻠﺖ ﻟﺼﺎﻟﺔ ... ﺣﻠﻴﺖ ﺍﻟﺸﺒﺎﻙ ... ﻭ ﺗﺮﻛﺰﺕ ﺑﻴﺪﻳﺎ ﻋﻠﻴﻪ ... ﺍﻟﺤﻜﺎﻳﺔ ﺑﺪﺍﺕ ﺑﻠﻌﺒﺔ ... ﺑﺎﺳﺘﻐﻼﻝ ... ﻭ ﺍﺑﺸﻊ ﺍﻟﻄﺮﻕ ﺑﺎﺵ ﻛﻞ ﺣﺪ ﻓﻴﻨﺎ ﻳﻮﺻﻞ ﻭﻳﻦ ﻳﺤﺐ ... ﻟﻲ ﺍﻏﺘﺼﺒﻬﺎ ﻛﺎﻥ ﻋﻨﺪﻭ ﻫﺪﻑ ... ﻭ ﺍﻧﺎ ﺍﺳﻐﻠﻴﺘﻬﺎ ﺑﺎﺵ ﻧﻮﺻﻞ ﻟﻐﺎﻳﺘﻲ ... ﻭﻭﺣﺪﻫﺎ ﻛﺎﻧﺖ ﺍﻟﻀﺤﻴﺔ ﻓﻲ ﻭﺳﻄﻨﺎ ... ﺍﻣﺎ ﺷﻨﻌﻤﻞ ﻛﻲ ﻗﻠﺒﻲ ﺣﺒﻬﺎ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻳﺎ ﺭﻳﺖ ﻳﻮﻓﺎ ﻛﻠﺸﻲ ... ﻳﺎﺭﻳﺖ ﻧﺠﻢ ﻧﺒﻌﺪ ﻣﻦ ﻫﻮﻧﻲ ... ﻧﺨﻠﻲ ﻛﻠﺸﻲ ﻭﺭﺍﻳﺎ ... ﻭ ﻧﻤﺸﻲ ... ﻧﻤﺸﻲ ﻟﺒﻌﻴﺪ ... ﻟﺒﻼﺻﺔ ﻧﺠﻢ ﻧﻌﻴﺶ ﻓﻴﻪ ﻣﻌﺎﻫﺎ ﻣﺮﺗﺎﺡ ... ﺍﻣﺎ ﻻ ﺍﻧﺎ ﻭ ﻻ ﻫﻲ ... ﻧﺠﻤﻮ ﻧﺒﻌﺪﻭ ﻣﻦ ﻫﻮﻧﻲ ... ﻛﺎﻥ ﻭﻗﺖ ﺍﻻﻟﻐﺎﺯ ﺍﻟﻜﻞ ﺗﺘﺤﻞ ... ﻧﻔﺨﺖ ﺑﺎﻟﻘﺎﻭﻱ ... ﻣﻨﻌﺮﻑﺵ ﻗﺪﺍﺵ ﺑﻘﻴﺖ ﻭﺍﻗﻒ ﻏﺪﻳﻜﺎ ... ﻧﻐﺰﺭ ﻟﺸﺎﺭﻉ ... ﻛﻴﻒ ﻫﺎﺩﻱ ... ﻟﻠﻤﻄﺮ ﻟﻲ ﺗﺼﺐ ... ﺍﻣﺎ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﺧﺬﻳﺖ ﻧﻔﺲ ... ﻭﺟﺒﺪﺕ ﺭﻭﺣﻲ ... ﺳﻜﺮﺗﻮ ... ﻭ ﺗﺮﻣﻴﺖ ﻋﺎﻟﻔﻮﺗﺎﻱ ... ﺗﻜﻴﺖ ﺭﺍﺳﻲ ﻟﺘﺎﻟﻲ ... ﻏﻤﻀﺖ ﻋﻴﻨﻴﺎ ... ﻭ ﻏﻄﺴﺖ ﻓﻲ ﻧﻮﻡ ... ﻧﺤﺐ ﻧﻬﺮﺏ ﻣﻦ ﺍﻟﺘﻔﻜﻴﺮ ﻟﻲ ﺳﻴﻄﺮ ﻋﻠﻰ ﻣﺨﻲ ... ﻧﺤﺐ ﻧﺮﺗﺎﺡ ﻭ ﻛﻬﻮ