🔥🔞"في أحضان عزرائيل"🔞🔥(الجزء الثاني)

الحلقة 266

ﺍﻧﺎ : ﺍﺳﻤﻌﻨﻲ ﺭﺍﺿﻴﺔ ... ﺍﻧﺎ ﻣﻨﺠﻤﺶ ﻧﺪﺧﻞ ﻋﻨﺪﻫﺎ ﺗﻮﺍ ... ﺍﻣﺎ ﻫﻲ ﺍﻣﺎﻧﺔ ﻋﻨﺪﻙ ... ﻓﻤﺎ ﺭﺟﺎﻝ ﻓﻲ ﺍﻟﻜﻠﻴﻨﻴﻚ ﻣﺎ ﺗﺨﺎﻑ ﻣﻦ ﺣﺘﻰ ﺷﻲ ... ﺍﻣﺎ ﺣﻂ ﻋﻴﻨﻚ ﻋﻠﻰ ﻫﺬﺍﻛﺎ ﻳﺎﺳﺮ ... ﺭﺩ ﺑﺎﻟﻚ ﻳﻘﺮﺏ ﻣﻨﻬﺎ ﻭ ﻻ ﻳﻤﺴﻬﺎ ﺭﺩ ﺑﺎﻟﻚ ... ﺍﻭﻝ ﻣﺎ ﺗﻔﻴﻖ ﻛﻠﻤﻨﻲ ... ﻭ ﻃﻤﻨﻲ ﻋﻼﻫﺎ ... ﻭ ﻣﺘﺨﺒﺮﻫﺎ ﺑﺤﺘﻰ ﺟﻲ ... ﻫﺎﻧﻲ ﺑﺎﺵ ﻧﺒﻘﻰ ﻧﺘﺎﺑﻊ ﻓﻴﻬﺎ ﻣﻦ ﺑﻌﻴﺪ ﺭﺍﺿﻴﺔ؛ﺑﺎﻫﻲ ﻃﻤﻦ ﺍﻧﺎ : ﻋﻴﺸﻚ ﺍﻭﻝ ﻣﺎ ﺧﺮﺟﺖ ... ﺑﻘﻴﺖ ﻧﺸﻴﻊ ﻓﻴﻬﺎ ﺑﻌﻴﻨﻴﺎ ﻟﻴﻦ ﺩﺧﻠﺖ ... ﺭﻛﻴﺖ ﺍﻟﻜﺮﻫﺒﺔ ﻓﻲ ﺑﻼﺻﺔ ﺑﻌﻴﺪﺓ ﻋﺎﻟﺒﺮﻛﻴﻨﻎ ... ﻭ ﺗﻜﻴﺖ ﺍﻟﻜﺮﺳﻲ ﻟﺘﺎﻟﻲ ... ﻧﺤﺲ ﻓﻲ ﺑﺪﻧﻲ ﻣﻬﺪﻭﺩ ... ﺍﻭﻝ ﻣﺮﺓ ﺑﻌﺪ ﺍﻟﺴﻨﻴﻦ ﻫﺬﻳﻜﺎ ﻟﻲ ﺗﻌﺪﺍﺕ ﻧﻌﻴﺶ ﻧﻔﺲ ﺍﻟﺨﻮﻑ ... ﺧﻮﻑ ﺍﻧﻲ ﻧﺨﺴﺮ ﺣﺪ ﺍﺧﺮ ﻧﺤﺒﻮ ... ﺍﻭﻝ ﻧﻬﺎﺭ ﺷﻔﺖ ﺳﻮﺍﺭ ﻓﻲ ﺍﻟﻜﻠﻴﻨﻴﻚ ... ﺻﺪﻓﺔ ... ﻣﺸﻴﺖ ﻓﻲ ﺧﺪﻣﺔ ... ﺍﻭﻝ ﺷﻲ ﺧﻤﻤﺖ ﻓﻴﻪ ﻣﺼﻠﺤﺘﻲ ... ﺍﻧﻮ ﺍﻟﻄﻔﻠﺔ ﻫﺬﻳﻜﺎ ﺧﺴﺮﺕ ﺣﻴﺎﺗﻬﺎ ... ﻋﻼﺵ ﻣﻨﺴﺘﻐﻠﻬﺎﺵ ... ﻭ ﻧﻜﻤﻞ ﻣﻬﻤﺘﻲ ... ﻟﻠﺤﻈﺔ ﻓﻜﺮﺕ ﻛﻴﻔﻬﻢ ﺑﺎﻟﻈﺒﻂ ... ﺍﻧﻮ ﺍﻟﻔﻠﻮﺱ ... ﺍﻟﺠﺎﻩ ﻭ ﺍﻟﻌﺰ ﺍﻟﻠﻲ ﺑﺎﺵ ﺗﻌﻴﺶ ﻓﻴﻬﻢ ... ﻳﺨﻠﻴﻬﺎ ﺗﻨﺴﻰ ﺍﻟﺸﻲ ﻟﻲ ﻋﺎﺷﺘﻮ ﺟﻤﻠﺔ ... ﺍﻣﺎ ﻻﻭﻝ ﻣﺮﺓ ﻧﻄﻠﻊ ﻏﺎﻟﻂ ﻓﻲ ﻗﺮﺍﺭ ﺧﺬﻳﺘﻮ ﺑﻴﺪﻱ ... ﺍﻭﻝ ﻣﺮﺓ ﻧﺘﻌﺎﻣﻞ ﻣﻊ ﻃﻔﻠﺔ ... ﻭ ﻧﻔﻜﺮ ﻓﻴﻬﺎ ﺑﺎﻟﻄﺮﻳﻘﺔ ﻫﺎﺫﻱ ... ﻛﻴﻒ ﻧﺤﺒﻬﺎ ﺗﻨﺴﻰ ... ﻭ ﺍﻧﺎ ﻛﻞ ﻣﺮﺓ ﻧﺬﻛﺮ ﻟﻲ ﺻﺮﺍﻟﻬﺎ ... ﻧﺤﺲ ﺭﻭﺣﻲ ﺑﺎﺵ ﻧﻬﺒﻞ ... ﺑﻌﺪ ﻣﺎ ﻛﺎﻥ ﻋﻨﺪﻱ ﻫﺪﻑ ﻭﺍﺣﺪ ﻓﻲ ﺣﻴﺎﺗﻲ ... ﺭﺟﻌﻮ ﺯﻭﺯ ... ﺯﻭﺯ ﻋﺒﺎﺩ ... ﻣﺎ ﻧﺮﺗﺎﺡ ﻛﺎﻥ ﻭﻗﺖ ﻧﻘﺘﻠﻬﻢ ﺑﻴﺪﻱ ... ﻭ ﻧﺸﻮﻑ ﺩﻣﻬﻢ ... ﺗﺒﺴﻤﺖ ﺑﻘﻬﺮﺓ ... ﺍﻭﻝ ﻣﺮﺓ ﻧﺤﺲ ﺭﻭﺣﻲ ﻋﺎﺟﺰ ﻟﻬﺪﺭﺟﺔ ... ﺳﻜﺮﺕ ﻋﻴﻨﻴﺎ ... ﻭ ﺗﻨﻔﺴﺖ ﺑﺎﻟﻘﺎﻭﻱ ... ﻧﺤﺐ ﻳﺘﻌﺪﺍ ﺍﻟﻮﻗﺖ ﻓﻴﺴﻊ ﻭ ﻧﺮﺟﻊ ﻧﺸﻮﻓﻬﺎ ﻣﺮﺓ ﺍﺧﺮﻯ ... ﺧﺎﻃﺮ ﻣﺎ ﻧﺮﺗﺎﺡ ﻛﺎﻥ ﺑﻴﻬﺎ ﻭ ﻣﻌﺎﻫﺎ