🔥🔞"في أحضان عزرائيل"🔞🔥(الجزء الثاني)

الحلقة 297

ﺑﻘﻴﺖ ﻧﺸﻮﻑ ﻣﻌﺎﻩ ... ﺣﺎﺳﺔ ﺭﻭﺣﻲ ﻗﺎﻋﺪﺓ ﻧﻮﺍﺟﻪ ﻓﻲ ﺍﻟﻤﺎﺿﻲ ... ﺛﻮﺍﻧﻲ ﻛﺎﻧﺖ ﻛﺎﻓﻴﺔ ﺭﺍﺵ ﺗﺘﻌﺎﻭﺩ ﺍﺣﺪﺍﺙ ﻫﺬﻳﻜﺎ ﺍﻟﻠﻴﻠﺔ ﻓﻲ ﻣﺨﻲ ... ﺧﺬﻳﺖ ﻧﻔﺲ ﻃﻮﻳﻞ ... ﺭﻏﻢ ﺍﻟﺨﻮﻑ ﻟﺤﺴﻴﺘﻮ ﺳﺎﻋﺘﻬﺎ ... ﺍﻣﺎ ﻧﺠﻤﺖ ﻧﺨﻠﻲ ﻣﻼﻣﺤﻲ ﺑﺎﺭﺩﺓ ... ﻧﺠﻤﺖ ﻧﺤﺎﻓﻆ ﻋﻠﻰ ﻫﺪﻭﺋﻲ ﻗﺪﺍﻣﻮ ... ﺧﺎﻃﺮ ﻛﻞ ﻟﻲ ﻧﻌﺮﻓﻮ ... ﺍﻧﻮ ﻓﺮﺻﺔ ﻭ ﺟﺎﺗﻨﻲ ... ﻭ ﻣﺴﺘﺤﻴﻞ ﻧﻀﻴﻌﻬﺎ ... ﺗﺒﺴﻤﺖ ... ﺗﺒﺴﻴﻤﺔ ﺧﻔﻴﻔﺔ ... ﻧﺤﻜﻲ
ﺍﻧﺎ : ﺍﺩﻡ ¤¤¤¤¤¤ ﻣﺘﻮﻗﻌﺘﺶ ﺑﺎﺵ ﻧﺸﻮﻓﻚ ﻫﻮﻧﻲ
ﺗﺒﺴﻢ ﻋﻠﻰ ﺟﻨﺐ ... ﻭ ﺣﻂ ﻳﺪﻳﻪ ﻓﻲ ﻣﻜﺎﺗﺒﻮ ... ﻧﻔﺲ ﻭﻗﻔﺔ ﺯﻳﺎﺩ ... ﻭ ﻧﻔﺲ ﺍﻟﻤﻼﻣﺢ ﺍﻟﺒﺎﺭﺩﺓ ... ﻣﺶ ﺧﺎﻭﺓ ﻭ ﻛﻬﻮ ... ﺣﺘﻰ ﺗﺼﺮﻓﺎﺗﻬﻢ ﻛﻴﻒ ﺑﻌﺾ ... ﻗﻠﺒﻲ ﺩﻕ ﺑﺎﻟﻘﺎﻭﻱ ﻛﻲ ﺫﻛﺮﺗﻮ ... ﻓﻴﻘﻨﻲ ﻣﻦ ﺳﺮﺣﺘﻲ ﻛﻲ ﺭﺟﻊ ﻳﺤﻜﻲ
ﺍﺩﻡ : ﺻﺪﻓﺔ
ﺗﺒﺴﻤﺖ ﻋﻠﻰ ﺟﻨﺐ ... ﺣﻄﻴﺖ ﻳﺪﻳﺎ ﺩﺍﺧﻞ ﻣﻜﺎﺗﺐ ﻛﺒﻮﻃﻲ ... ﻭ ﻟﻤﻴﺖ ﺭﻭﺣﻲ ﺑﻴﻪ ... ﻏﺰﺭﺗﻠﻮ ﻓﻲ ﻋﻴﻨﻴﻪ ﻧﺤﻜﻲ
ﺍﻧﺎ : ﺻﺪﻓﺔ ﻏﺮﻳﺒﺔ ﺷﻮﻳﺔ
ﺟﻴﺴﺖ ﺗﺒﺴﻢ ... ﻭ ﻫﺰﻟﻲ ﺑﺮﺍﺳﻮ ﺍﻳﻪ ... ﻋﻮﺟﺖ ﻓﻤﻲ ﺷﻮﻳﺔ ... ﻭ ﻋﻘﺪﺕ ﺣﻮﺍﺟﺒﻲ ﻧﺤﻜﻲ
ﺍﻧﺎ : ﺯﻋﻤﺔ ﺷﻨﻴﺔ ﺳﺒﺐ ﻟﺨﻼﻙ ﺟﻲ ﻟﻬﻮﻧﻲ
ﺍﺩﻡ : ﻧﻔﺲ ﺍﻟﺴﺒﺐ ﻟﻲ ﺟﺎﺑﻚ ﺍﻧﺖ
ﻏﺰﺭ ﻭﺭﺍﻳﺎ ... ﺧﺬﻳﺖ ﻧﻔﺲ ﻭ ﺗﻠﻔﺖ ... ﻟﻘﺒﺮﻱ ... ﻗﺒﺮ ﻓﺎﺭﻍ ... ﺍﻣﺎ ﺻﺮﺍﺣﺔ ﻻ ... ﺩﺍﺧﻠﻮ ﻣﻮﺟﻮﺩﺓ ﺭﻭﺡ ﺳﻮﺍﺭ ... ﺑﺮﺍﺋﺘﻬﺎ .
.. ﺿﺤﻜﺘﻬﺎ ... ﺭﻳﺤﺖﻫﺎ ... ﻛﻠﺸﻲ ﻣﺪﻓﻮﻥ ﻏﺎﺩﻱ ... ﺳﻜﺮﺕ ﻋﻴﻨﻴﺎ ... ﻭ ﺭﺟﻌﺖ ﻓﺘﺤﺘﻬﻢ ... ﺣﺴﻴﺖ ﺑﻘﻄﺮﺍﺕ ﺍﻟﻤﻄﺮ ﻟﻲ ﻃﺎﺣﺖ ﻋﻠﻰ ﻭﺟﻬﻲ ... ﻛﺎﻧﻬﺎ ﺗﺤﺐ ﺗﻌﻄﻴﻨﻲ ﻗﻮﺓ ﺍﻧﻲ ﻧﺠﻢ ﻧﺎﻗﻒ ﻗﺪﺍﻣﻮ ... ﺗﺒﺴﻤﺖ ﺑﻮﺟﻴﻌﺔ ﻧﺤﻜﻲ
ﺍﻧﺎ : ﻧﻔﺲ ﺍﻟﺴﺒﺐ ... ﺍﻣﺎ ﻣﺶ ﻧﻔﺲ ﺍﻟﻮﺟﻴﻌﺔ
ﺍﺩﻡ : ﺻﻌﻴﺐ ﺗﺤﺪﺩ ﻭﺟﻴﻌﺔ ﺣﺪ
ﺗﻠﻔﺖ ﻟﻴﻪ ... ﺑﺎﻗﻲ ﻭﺍﻗﻒ ﻓﻲ ﺑﻼﺻﺘﻮ ... ﺗﺒﺴﻤﺖ ﻋﻠﻰ ﺟﻨﺐ ... ﻗﺮﺑﺖ ﻣﻨﻮ ﺷﻮﻳﺔ ... ﻏﺰﺭﺗﻠﻮ ﻓﻲ ﻋﻴﻨﻴﻪ ... ﻧﺤﻜﻲ
ﺍﻧﺎ : ﻭ ﺻﻌﻴﺐ ﺗﺤﺪﺩ ﺍﻟﺴﺒﺐ ﻟﻲ ﺟﻤﻌﻨﺎ ﻫﻮﻧﻲ ﺯﺍﺩﺓ
ﺍﺩﻡ : ﺍﻟﻤﻮﺕ
ﺍﻧﺎ : ﻣﻤﻢ ﻣﺶ ﺳﺒﺐ ﻛﺎﻓﻲ ... ﻣﺶ ﻛﻞ ﺣﺪ ﻣﺪﻓﻮﻥ ﻣﻌﻨﺎﻫﺎ ﻣﺎﺕ
ﺍﺩﻡ : ﻣﻼ ﻋﻼﺵ ﺍﻟﻮﺟﻴﻌﺔ
ﺍﻧﺎ : ﺍﻟﻮﺟﻴﻌﺔ ﻫﻲ ﺍﻟﺴﺒﺐ ... ﻭﺟﻴﻌﺘﻚ ﻛﻴﻒ ﻣﺎ ﻛﺎﻧﺖ ﺗﻜﻮﻥ ... ﻫﻲ ﻟﻲ ﺟﺎﺑﺘﻚ ﻟﻬﻮﻧﻲ
ﺍﺩﻡ : ﻭ ﺑﻠﻜﺸﻲ ﻓﻤﺎ ﺳﺒﺐ ﺍﺧﺮ
ﺍﻧﺎ : ﻣﻨﻌﺮﻓﺶ ... ﺳﺎﻋﺎﺕ ﺍﻟﻮﺍﺣﺪ ﻳﺒﺪﺍ ﻫﻮ ﺍﻟﺴﺒﺐ ﺍﻟﻤﺒﺎﺷﺮ
ﺗﺒﺴﻢ ﻋﻠﻰ ﺟﻨﺐ ... ﻭ ﻫﺰﻟﻲ ﺑﺮﺍﺳﻮ ﺍﻳﻪ ... ﺧﺬﻳﺖ ﻧﻔﺲ ... ﻗﺮﺑﺖ ﻟﻴﻪ ﺍﻛﺜﺮ ... ﻭ ﻓﻲ ﻟﺤﻈﺔ ﺗﻠﻔﺖ ... ﻧﺤﻜﻲ
ﺍﻧﺎ : ﺷﺮﺍﻳﻚ ﻧﻤﺸﻮ ﻣﻦ ﻫﻮﻧﻲ ... ﺑﺮﺩ ﺍﻟﺤﺎﻝ ﺑﺮﺷﺎ
ﺍﺩﻡ : ﺗﻔﻀﻞ
ﻗﺮﺏ ﻣﻨﻲ ... ﻭﻗﻒ ﻗﺪﺍﻣﻲ ... ﻣﺸﻴﺖ ﻣﻌﺎﻩ ... ﺧﻄﻴﻨﺎ ﻧﻔﺲ ﺍﻟﺨﻄﻮﺍﺕ ﻣﻊ ﺑﻌﺾ ... ﻫﻮ ﻳﻌﺘﺒﺮﻫﻢ ﺧﻄﻮﺍﺕ ﻟﻤﻌﺮﻓﺔ ﺟﺪﻳﺪﺓ ... ﻭ ﻳﻤﻜﻦ ﻫﺪﻑ ﺩﻧﻴﺰ ﻫﻲ ﻫﺪﻑ ﺟﺪﻳﺪ ﻓﻲ ﺣﻴﺎﺗﻮ ... ﺍﻣﺎ ﺍﻧﺎ ﻧﻌﺘﺒﺮﻫﻢ ﺧﻄﻮﺍﺕ ﺍﻧﺘﻘﺎﻡ ... ﺍﻧﺘﻘﺎﻡ ﺑﺪﺍ ﺑﺨﻄﻮﺍﺕ ﺻﻐﻴﺮﺓ ... ﻣﻦ ﻣﻘﺒﺮﺓ ... ﺗﺒﺴﻤﺖ ﻋﻠﻰ ﺟﻨﺐ ... ﺣﺴﻴﺖ ﻻﻣﻲ ﻗﺎﻋﺪﺓ ﺗﻌﺎﻭﻥ ﻓﻴﺎ ﺑﺎﺵ ﻧﻮﺻﻞ ﻟﻲ ﺣﺒﻴﺖ ﻋﻠﻴﻪ ... ﻛﺎﻥ ﻣﺠﻴﺘﺶ ﺍﻟﻴﻮﻡ ﻋﻨﺪﻫﺎ ﻣﺴﺘﺤﻴﻞ ﻛﻨﺖ ﻧﺘﻠﻘﺎﻩ ... ﻭ ﻧﺨﻤﻢ ﺑﺮﺷﺎ ﺑﺎﺵ ﻧﺨﻠﻖ ﻓﺮﺻﺔ ﺑﻴﻨﺎ ... ﻃﻠﻌﺖ ﺭﺍﺳﻲ ﺷﻮﻳﺔ ... ﻏﺰﺭﺗﻠﻮ ... ﺭﻳﺘﻮ ... ﻛﻲ ﻣﻴﻞ ﺭﺍﺳﻮ ﺷﻮﻳﺔ ... ﻏﺰﺭ ﻭﺭﺍﻳﺎ ... ﻟﻮﺍﺣﺪ ﻣﻦ ﺍﻟﻘﺒﻮﺭ ... ﻏﺰﺭﺓ ﻃﻮﻳﻠﺔ ... ﻏﺰﺭﺓ ﺗﺨﺘﺼﺮ ﻭﺟﻴﻌﺔ ﻛﺒﻴﺮﺓ ... ﻇﻬﺮﺕ ﻓﻲ ﻋﻴﻨﻴﻪ ... ﺍﻣﺎ ﻣﻨﺠﻤﺘﺶ ﻧﻌﺮﻑ ﻭﻳﻦ ﻏﺰﺭ ﺑﺎﻟﻈﺒﻂ ... ﺑﺎﺯ ﻓﻤﺎ ﺣﻜﺎﻳﺔ ﺗﺮﺑﻄﻮ ﺑﺤﺪ ﻣﻮﺟﻮﺩ ﻫﻮﻧﻲ ﺗﺤﺖ ﺍﻟﺘﺮﺍﺏ ... ﺑﻘﻴﻨﺎ ﻧﻤﺸﻮ ﻋﺎﻟﺴﺎﻛﺖ ... ﺩﻗﺎﺕ ﻗﻠﺒﻲ ﻧﺴﻤﻊ ﻓﻴﻬﺎ ... ﺣﺮﺏ ﺗﺤﻞ ﺩﺍﺧﻠﻲ ... ﻋﻜﺲ ﺍﻟﻬﺪﻭﺀ ﺍﻟﻠﻲ ﻗﺎﻋﺪﺓ ﻧﻈﻬﺮ ﻓﻴﻪ ... ﺩﻭﺏ ﻭﺻﻠﻨﺎ ﻟﺒﺮﺍ ... ﻧﺸﻮﻑ ﻓﻲ ﻛﺮﻫﺒﺔ ﻛﺤﻠﺔ ... ﻗﺪﺍﻣﻬﺎ ﺯﻭﺯ ﺭﺟﺎﻝ ... ﺳﺮﺣﺖ ﻓﻴﻬﺎ ... ﺗﺸﺒﻪ ﺑﺮﺷﺎ ﻟﻠﻜﺮﻫﺒﺔ ﻟﻲ ﻭﻗﻔﺖ ﻗﺪﺍﻣﻲ ﻧﻬﺎﺭﺗﻬﺎ ... ﺍﻟﻜﺮﻩﺑﺔ ﺍﻟﻠﻲ ﻫﺰﻭﻧﻲ ﺑﻴﻬﺎ ﻟﻠﻤﻮﺕ ... ﺗﺒﺴﻤﺖ ﻋﻠﻰ ﺟﻨﺐ ... ﻣﺨﻴﺒﻬﺎ ﺍﻟﻮﺟﻴﻌﺔ ﻫﺬﻳﻜﺎ ... ﻣﺨﻴﺒﻬﻢ ﺍﻟﺤﺎﺟﺎﺕ ﺍﻟﻠﻲ ﻳﺬﻛﺮﻭﻧﺎ ﺑﻮﺟﻴﻌﺘﻨﺎ ... ﻓﻴﻘﻦﻱ ﻣﻦ ﺳﺮﺣﺘﻲ ﻳﺤﻜﻲ
ﺍﺩﻡ : ﺗﺤﺐ ﻧﻮﺻﻠﻚ
ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﻫﺰﻳﺘﻠﻮ ﺑﺮﺍﺳﻲ ﻻ ... ﻭ ﺗﺒﺴﻤﺘﻠﻮ ﻧﺤﻜﻲ
ﺍﻧﺎ : ﻻ ﻣﺮﺳﻲ ﻧﻔﻀﻞ ﻧﻤﺸﻲ ﺍﺣﺴﻦ
ﺍﺩﻡ : ﺑﺎﻫﻲ ﻛﻴﻤﺎ ﺗﺤﺐ