🔥🔞"في أحضان عزرائيل"🔞🔥(الجزء الثاني)

الحلقة 210

ﺣﺮﻗﺖ ﺍﻟﻜﻴﺎﺱ ... ﺷﻮﻳﺔ ﻭﻗﺖ ﻛﻨﺖ ﻗﺪﺍﻡ ﺩﺍﺭﻫﺎ ... ﻧﺰﻟﺖ ﻣﻦ ﺍﻟﻜﺮﻫﺒﺔ ... ﻃﻠﻌﺖ ﻧﺠﺮﻱ ... ﻟﻘﻴﺖ ﺍﻟﺒﺎﺏ ﻣﻔﺘﻮﺡ ... ﻛﻤﻠﺖ ﺩﺯﻳﺘﻮ ﻭ ﺩﺧﻠﺖ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ... ﻣﻔﻤﺎ ﺣﺘﻰ ﺍﺛﺎﺭ ﻛﺎﻥ ﺍﻟﻤﺮﺍﻳﺎ ﻣﻜﺴﺮﺓ ... ﻭ ﺍﻟﻤﺨﺎﻳﺪ ﻣﺘﺎﻉ ﺍﻟﻔﻮﺗﺎﻱ ﻃﺎﻳﺤﻴﻦ ﻋﺎﻻﺭﺽ ... ﻋﺪﻳﺖ ﻳﺪﻱ ﻋﻠﻰ ﺷﻌﺮﻱ ﺑﻐﺰﻭﻝ ... ﻳﻌﻨﻲ ﻋﺎﻟﺤﻜﺎﻳﺔ ﺻﺤﻴﺤﺔ ... ﻧﺸﻮﻑ ﻓﻲ ﺗﻠﻴﻔﻮﻧﻬﺎ ﻃﺎﻳﺢ ﻋﺎﻻﺭﺽ ... ﻧﺰﻟﺖ ﻫﺰﻳﺘﻮ ﻓﻲ ﻳﺪﻱ ... ﺍﺧﺮ ﻣﺮﺓ ﻛﻠﻤﺘﻨﻲ ﺍﻧﺎ ... ﻛﺒﺴﺖ ﻋﻠﻴﻪ ﺑﻐﺰﻭﻝ ... ﻛﺎﻥ ﻫﺰﻳﺖ ﻋﻼﻫﺎ ﻭﻗﺘﻬﺎ ... ﺑﺎﺯ ﺭﺍﻧﻲ ﻟﺤﻘﺘﻬﺎ ... ﻋﺪﻳﺖ ﻳﺪﻱ ﻋﻠﻰ ﺷﻌﺮﻱ ﺑﺎﻟﺰﺭﺑﺔ ﻧﻬﺪﻱ ﻓﻲ ﺭﻭﺣﻲ ... ﺟﻴﺖ ﺑﺎﺵ ﻧﺨﺮﺝ ... ﻭﻗﻔﻨﻲ ﺻﻮﺕ ﺗﻠﻴﻔﻮﻧﻬﺎ ... ﻳﻨﻮﻕﺯ ﻓﻲ ﻳﺪﻱ ... ﻋﻘﺪﺕ ﺣﻮﺍﺟﺒﻲ ﻭ ﺍﻧﺎ ﻧﺸﻮﻑ ﻣﻌﺎﻩ ... ﻫﺰﻳﺖ ﻋﻠﻴﻪ ... ﻭ ﻗﺮﺑﺘﻮ ﻣﻦ ﻭﺫﻧﻲ ﻧﺴﻤﻊ ﻓﻴﻪ ﻳﺤﻜﻲ
ﻫﻮ : ﺯﻳﺎﺩ ... ﺯﻳﺎﺍﺩ ﻭ ﻻ ﺗﺤﺐ ﻧﻘﻠﻚ ﺍﻟﺸﻴﻄﺎﻥ
ﻛﺒﺴﺖ ﻋﻠﻰ ﻳﺪﻱ ... ﻧﺤﺲ ﻓﻲ ﻋﺮﻭﻗﻲ ﺗﻜﺒﺴﺖ ... ﺭﺻﻴﺖ ﻋﻠﻰ ﺳﻨﻴﺎ ﻧﺤﻜﻲ
ﺍﻧﺎ : ﻫﺎﺕ ﻣﻦ ﺗﺎﻟﻲ
ﻫﻮ : ﻛﻲ ﻋﺎﺩﺗﻚ ... ﻣﺶ ﺑﺎﺵ ﺗﺘﻐﻴﺮ ... ﺍﻣﺎ ﺗﻌﺮﻑ ﻃﻠﻌﺖ ﻟﻌﺒﺔ ﺣﻠﻮﺓ ﻣﻌﺎﻙ ... ﺍﻣﺎ ﻣﺶ ﺑﺎﺵ ﻧﻄﻮﻟﻮﻫﺎ ﺍﻟﻤﺮﺓ ﻫﺎﺫﻱ ... ﺍﻧﺎ ﺣﺎﺟﺘﻲ ﺑﺎﻟﺴﻨﺪﺍﺕ ﻣﻘﺎﺑﻞ ﺍﻟﻘﻄﺔ ﺍﻟﺮﻭﺟﻴﺔ
ﺍﻧﺎ : ﻫﻬﻬﻬﻪ ﻟﻬﺪﺭﺟﺔ ﺧﺎﻳﻒ ﻣﻦ ﺍﻟﻤﻨﺎﻗﺼﺔ ﺍﻧﺖ
ﻫﻮ : ﻭ ﺍﻧﺖ ﻟﻬﺪﺭﺟﺔ ﻣﺘﻬﻤﻜﺶ ﻗﻄﻮﺳﺘﻚ ... ﺗﻲ ﺣﺘﻰ ﻫﻲ ﻣﺰﻳﻨﻬﺎ ﻭﺗﻌﺪﻱ ﺭﻭﺣﻬﺎ ... ﻭ ﺑﺎﺵ ﺗﺨﻠﻴﻨﻲ ﻧﻌﺪﻱ ﻟﻴﺒﺔ ﻣﺤﻼﻫﺎ ... ﻣﺶ ﻫﻜﺎ ﻳﺎ ﻋﺴﻠﺔ
ﻣﻴﺮﺍﻝ : ﻧﺰﻝ ﻳﺪﺩﺩﻙ ﻳﺎ ¤¤¤¤
ﺳﻤﻌﺘﻬﺎ ... ﻣﻦ ﺗﻠﻴﻔﻮﻥ ﻛﻴﻒ ﺻﺎﺣﺖ ... ﻛﺒﺴﺖ ﻋﻠﻰ ﺳﻨﻴﺎ ﻧﺤﻜﻲ
ﺍﻧﺎ : ﻫﺎﻧﻲ ﺑﺎﺵ ﻧﻄﻤﻨﻚ ... ﺍﻟﺴﻨﺪﺍﺕ ﻋﻨﺪ ﺍﺩﻡ ... ﻭ ﺍﻧﺖ ﻳﺎ ﺳﻴﺪ ﻟﻌﺒﺖ ﻣﻊ ﺍﻟﺸﺨﺺ ﺍﻟﻐﺎﻟﻂ ... ﺣﻀﺮﻟﻲ ﺭﻭﺣﻚ ﺑﺎﻫﻲ
ﻋﻠﻘﺖ ﻋﻠﻴﻪ ... ﻭ ﻫﺰﻳﺖ ﺭﻭﺣﻲ ﺧﺮﺟﺖ ﻣﻦ ﺩﺍﺭ ... ﻧﺎﻗﺼﻨﻲ ﺍﻟﻔﺮﻭﺥ ﺑﺎﺵ ﺗﻠﻌﺐ ﻣﻌﺎﻳﺎ ... ﻫﺰﻳﺖ ﻛﺮﻫﺒﺘﻲ ﻭ ﻛﻠﻤﺖ ﺭﺟﺎﻟﻲ ... ﻋﻄﻴﺘﻬﻢ ﻧﻮﻣﺮﻭ ﻟﻲ ﻛﻠﻤﻮﻧﻲ ﺑﻴﻪ .... ﻧﺤﻜﻲ ﻭ ﻧﺼﻴﺢ ﺑﺎﺵ ﻧﻄﺮﺷﻖ ... ﺗﻲ ¤¤¤¤¤ ﻣﻨﺠﻤﻮﺵ ﻋﻠﻴﻪ ... ﻧﺎﻗﺺ ﺍﻧﺎ ﺑﺎﺵ ﻧﻠﺘﻬﺎ ﺑﻴﻪ ... ﻭﺻﻠﺖ ﻟﻠﻤﻘﺮ ... ﺍﻭﻝ ﻭﺍﺣﺪ ﺟﺎ ﻓﻲ ﻃﺮﻳﻘﻲ ... ﺷﺪﻳﺘﻮ ﻣﻦ ﺳﻮﺭﻳﺘﻮ ﻧﺤﻜﻲ
ﺍﻧﺎ : ﻳﺎﺧﻲ ﻧﻮﺭﻣﺎﺍﻝ ¤¤¤¤ ﻛﻴﻤﺎ ﻫﺬﺍﻛﺎ ﻣﺘﻨﺠﻤﻮﺵ ﻋﻠﻴﻪ ... ﻣﺶ ﻧﺒﻬﺘﻜﻢ ﺗﺮﺍﻗﺒﻮﻩ ... ﻭ ﺗﺨﻠﻮﻩ ﺗﺤﺖ ﻋﻴﻨﻜﻢ ... ﻛﺎﻥ ¤¤¤¤ ﻛﻴﻤﺎ ﻫﺬﺍ ﻣﻨﺠﻤﺘﻮﺵ ﻋﻠﻴﻪ ﺷﺨﻠﻴﺘﻮ ﻟﻠﺒﺎﻗﻲ
ﻫﻮ : ﻣﺴﻴﻮ ﺯﻳﺎﺩ ﻣﻴﺮﺍﻝ ﺍﺧﺮ ﺣﺪ ﺗﻮﻗﻌﻨﺎ ﻳﻘﺮﺏ ﻣﻨﻮ ﻫﻮ ﻣﻴﺮﺍﻝ ... ﻭ ﻫﻲ ﻃﻠﺒﺖ ﻣﺎ ﻧﺤﻄﻮ ﻋﻼﻫﺎ ﺣﺘﻰ ﻣﺮﺍﻗﺒﺔ
ﺍﻧﺎ : ﻣﺶ ﻭﻗﺖ ﺗﻔﺴﻴﺮﻙ ﺗﻮﺍ ... ﺑﺎﺵ ﺗﻠﻘﺎﻭ ﺑﻼﺻﺘﻮ ﻓﻴﺴﻊ ... ﻓﻬﻤﺘﻮ
ﻫﻮ : ﺑﺎﻫﻲ
ﺩﺯﻳﺘﻮ ﻟﺘﺎﻟﻲ ﺷﻮﻳﺔ ... ﻭ ﺩﺧﻠﺖ ﻟﻠﺒﻴﺮﻭ ... ﻋﺪﻳﺖ ﻧﺺ ﺍﻟﻨﻬﺎﺭ ﻏﺎﺩﻱ ﻧﻔﺮﻛﺲ ﻋﻠﻰ ﺣﺎﺟﺔ ﺗﻮﺻﻠﻨﻲ ﻟﻴﻪ ... ﻓﺪﻳﺖ ﻭ ﺭﻭﺣﻲ ﻃﻠﻌﺖ ... ﻧﻄﺮﺕ ﻣﻦ ﺑﻼﺻﺘﻲ ﺟﻴﺖ ﻭﺍﻗﻒ ... ﺗﺮﻛﺰﺕ ﺑﻴﺪﻳﺎ ﻋﺎﻟﺒﻴﺮﻭ ... ﺭﻣﻴﺖ ﻛﻠﺸﻲ ﻋﺎﻻﺭﺽ ... ﻧﺘﻨﻔﺲ ﺑﺎﻟﻘﺎﻭﻱ ... ﻗﺺ ﻋﻠﻴﺎ ﺻﻮﺕ ﻭﺍﺣﺪ ﻣﻦ ﺭﺟﺎﻟﻲ ﻛﻲ ﺩﺧﻞ ﻳﺤﻜﻲ
ﻫﻮ : ﻣﺴﻴﻮ ﺯﻳﺎﺩ ﻟﻘﻴﻨﺎ ﺑﻼﺻﺘﻬﺎ
ﺗﻌﺪﻟﺖ ﻓﻲ ﻭﻗﻔﺘﻲ ﻭ ﺗﻠﻔﺘﻠﻮ ﻏﺰﺭﺗﻠﻮ ﻧﺤﻜﻲ
ﺍﻧﺎ : ﻭﻳﻨﻬﺎ
ﻫﻮ : ﻣﺴﺘﻮﺩﻉ ﻓﻲ ¤¤¤¤ ﻓﻤﺎ ﻛﺎﻧﺖ ﺍﺧﺮ ﻣﻜﺎﻟﻤﺔ
ﺍﻧﺎ : ﺍﻟﻬﺎﻣﻞ ¤¤¤¤¤... ﻟﺤﻖ ﻳﺒﻌﺪﻫﺎ ... ﻫﺎﻧﻲ ﺑﺎﺵ ﻧﺴﺒﻘﻜﻢ ﻭ ﺣﺪ ﻣﺎ ﻳﻘﺮﺏ ﻭ ﻻ ﻳﺪﺧﻞ ﺑﻼ ﻣﺎ ﻧﻌﻄﻴﻪ ﺍﺷﺎﺭﺓ ﻣﻔﻬﻮﻡ
ﻫﻮ : ﺑﺎﻫﻲ
ﻫﺰﻳﺖ ﺳﻼﺣﻲ ... ﻭ ﻣﻔﺎﺗﺤﻲ ... ﻭ ﺧﺮﺟﺖ ... ﺣﺮﻗﺖ ﺍﻟﻜﻴﺎﺱ ﺑﺎﺵ ﻭﺻﻠﺖ ﻟﻐﺎﺩﻱ ... ﺍﻟﺒﻼﺻﺔ ﻫﺎﺩﻳﺔ ﻋﺎﻟﻠﺨﺮ ... ﺭﻛﻴﺖ ﺍﻟﻜﺮﻫﺒﺔ ﻋﻠﻰ ﺟﻨﺐ ﺑﻌﻴﺪﺓ ﺷﻮﻳﺔ ... ﺗﻠﻔﺖ ﻭﺭﺍﻳﺎ ﻟﻘﻴﺘﻬﻢ ﺩﺳﺠﺎ ﻭﺻﻠﻮ ... ﺷﺎﻭﺭﺗﻠﻬﻢ ﺑﻴﺪﻱ ﻭ ﻗﺮﺑﺖ ﺍﻛﺜﺮ ﻣﻦ ﺍﻟﻤﺴﺘﻮﺩﻉ ... ﻧﺸﻮﻑ ﻣﻌﺎﻫﻢ ﻣﻦ ﺍﻟﺸﻖ ﻟﻲ ﻓﻲ ﺍﻟﺒﺎﺏ ... ﺍﻛﺜﺮ ﻣﻦ ﺳﺖ ﺭﺟﺎﻝ ﺍﻟﺪﺍﺧﻞ ... ﻭ ﻫﻮ ﻣﻌﺎﻫﻢ ... ﻭﺍﻗﻒ ﺑﺤﺬﺍ ﻣﻴﺮﺍﻝ ﻟﺮﺍﺑﻄﻬﺎ ﻓﻲ ﺍﻟﻜﺮﺳﻲ ... ﺭﻛﺒﻨﻲ ﺍﻟﻌﺼﺐ ﺍﻛﺜﺮ ... ﺩﺯﻳﺖ ﺍﻟﺒﺎﺏ ﻭ ﺩﺧﻠﺖ ... ﺍﻟﻜﻞ ﺣﻂ ﺳﻼﺣﻮ ﻓﻲ ﻭﺟﻬﻲ ... ﻏﺰﺭﻟﻲ ﻳﺤﻜﻲ
ﻫﻮ : ﺍﻭﻭﻭﻩ ﺯﻳﺎﺍﺍﺩ ﻋﻨﺪﻧﺎ ... ﺷﻨﻮﺓ ﺍﻟﻤﻔﺎﺟﺄﺓ ﻫﺎﺫﻱ ﻫﺎﻙ ﻓﻴﺴﻊ ﻟﻘﻴﺘﻨﺎ