🔥🔞"في أحضان عزرائيل"🔞🔥(الجزء الثاني)

الحلقة 280

ﺍﻧﺎ : ﻭﻳﻦ ﻣﺎﺷﻲ ﺯﻳﺎﺩ : ﺳﻮﺍﺍﺍﺭ ﺷﻘﻠﻨﺎ ﻋﺎﻻﺳﺌﻠﺔ ﻫﺎﺫﻱ ﺍﻧﺎ : ﺯﻳﺎﺍﺩ ﺍﻣﺎﻥ ﻛﺎﻥ ﻧﺎﻭﻱ ﺗﻌﺪﻱ ﺍﻟﻠﻴﻠﺔ ﺑﺮﺍ ﺧﺒﺮﻧﻲ ﺗﻮﺍ ... ﻣﻨﺠﻤﺶ ﻧﺒﻘﻰ ﻫﻮﻧﻲ ﻭﺣﺪﻱ ﺯﻳﺎﺩ : ﻳﺎ ﺑﻨﺘﻲ ﻭﻳﻦ ﻋﻨﺪﻱ ﻧﺒﺎﺕ ... ﻭ ﺯﺍﺩﺓ ﺭﺟﺎﻝ ﻫﻮﻧﻲ ﻣﺤﺎﻭﻃﻴﻦ ﺍﻟﺒﻼﺻﺔ ﻣﺎ ﺗﺨﺎﻑ ﻣﻦ ﺣﺘﻰ ﺷﻲ ... ﻧﻜﻤﻞ ﺷﻐﻠﻲ ﻭ ﻧﺮﺟﻌﻠﻚ ﺍﻧﺎ : ﺑﺎﻫﻲ ﻛﻠﻴﺖ ﺍﻛﺎ ﺍﻟﻔﻄﻮﺭ ﺑﺎﻟﺴﻴﻒ ... ﺍﻭﻝ ﺷﻲ ﺟﺎ ﻟﻤﺨﻲ ... ﺍﻧﻮ ﺑﺎﺵ ﻳﻤﺸﻲ ﻋﻨﺪ ﺯﻳﻨﺔ ... ﺍﻭﻝ ﻣﺎ ﻭﻗﻒ ... ﻭﻗﻔﺖ ﻓﻲ ﺟﺮﺗﻮ ... ﻗﺮﺏ ﻣﻨﻲ ﺑﺎﺳﻨﻲ ﻣﻦ ﺭﺍﺳﻲ ﻳﺤﻜﻲ ﺯﻳﺎﺩ : ﺭﺩ ﺑﺎﻟﻚ ﻋﻠﻰ ﺭﻭﺣﻚ ﺍﻧﺎ : ﻣﻄﻮﻟﺶ ﺑﺮﺷﺎ ﺯﻳﺎﺩ : ﻃﻤﻦ ﻋﺪﺍ ﻳﺪﻭ ﻋﻠﻰ ﺧﺪﻱ ... ﺗﺒﺴﻤﻠﻲ ... ﻭ ﺧﺮﺝ ﻣﻦ ﺍﻟﺪﺍﺭ ... ﺑﻘﻴﺖ ﻧﺸﻮﻑ ﻣﻌﺎﻩ ﻣﻦ ﺷﺒﺎﻙ ... ﻫﺰ ﻛﺮﻫﺒﺘﻮ ﻭ ﻣﺸﺎ ... ﺧﺬﻳﺖ ﻧﻔﺲ ... ﻭ ﺭﺟﻌﺖ ﻟﻠﻜﻮﺟﻴﻨﺔ ... ﻟﻤﻴﺖ ﻃﺎﻭﻟﺔ ... ﻭ ﻏﺴﻠﺖ ﻣﺎﻋﻮﻥ ... ﺍﻣﺎ ﻋﻘﻠﻲ ﺑﺎﻗﻲ ﻣﻌﺎﻩ ... ﻛﻨﺖ ﺑﺎﺵ ﻧﻤﺸﻲ ﻟﺼﺎﻟﺔ ﺍﻣﺎ ﺭﺟﻌﺖ ﺧﻄﻮﺓ ﻟﺘﺎﻟﻲ ... ﺣﻠﻴﺖ ﺑﺎﺏ ﺍﻟﺒﻴﺖ ﻟﻲ ﻟﻮﻃﺔ ... ﺑﻴﺖ ﺳﺮﻳﺔ ﻣﺘﺎﻋﻨﺎ ... ﻋﺎﺭﺿﻮﻥﻱ ﻧﻔﺲ ﺍﻟﺼﻮﺭ ... ﻧﻔﺲ ﺍﻟﻮﺭﻕ ... ﻛﻠﺸﻲ ﺑﺎﻗﻲ ﻋﻠﻰ ﺣﺎﻟﺘﻮ ... ﺟﻴﺴﺖ ﻣﻐﺒﺮ ... ﺑﺎﺯ ﻣﻦ ﺍﻛﺎ ﻧﻬﺎﺭ ﻣﺮﺟﻌﺶ ﻟﻬﻮﻧﻲ ... ﻗﺮﺑﺖ ﻣﻦ ﺗﺼﻮﻳﺮﺓ ﺍﻣﻴﺮ ... ﺗﺒﺴﻤﺖ ﻋﻠﻰ ﺟﻨﺐ ﻟﺘﻮﺍ ﻣﻨﻌﺮﻓﺶ ﻛﻴﻒ ﻧﺠﻤﺖ ﻧﻌﺪﻱ ﺍﻟﻤﻬﻤﺔ ﻫﺬﻳﻜﺎ ... ﻏﺰﺭﺕ ﻟﺘﺼﻮﻳﺮﺓ ﻳﺎﺳﺮ ... ﻋﺪﻳﺖ ﺻﻮﺍﺑﻌﻲ ﻋﻠﻴﻬﺎ ... ﻣﻨﻌﺮﻓﺶ ﺍﺫﺍ ﺑﺎﺵ ﻧﺨﺒﺮ ﺯﻳﺎﺩ ﺑﺎﻟﻠﻲ ﺳﻤﻌﺘﻮ ﻭ ﻻ ﻻ ... ﺍﻣﺎ ﻛﻴﻒ ﺍﺩﻡ ﺩﺧﻞ ﻓﻲ ﻧﺺ ... ﺑﺎﺵ ﻧﺴﻜﺖ ﺍﻟﻔﺘﺮﺓ ﻫﺎﺫﻱ ... ﻳﺎﺳﺮ ﺷﺮﻳﻚ ﺍﻣﻴﺮ ... ﻭ ﺍﻟﻌﻤﻠﻴﺔ ﺍﻟﺘﺎﻟﻴﺔ ﺯﻭﺯ ﻣﺮﺗﺒﻄﻴﻦ ﻓﻴﻬﺎ ... ﻗﺮﺑﺖ ﺧﻄﻮﺓ ... ﻏﺰﺭﺕ ﻟﺼﻮﺭﺓ ﺛﺎﻟﺜﺔ ... ﺻﺎﺑﺮ ﻣﺨﺘﺎﺭ ... ﻟﺘﻮﺍ ﻣﺘﻠﻘﻴﺘﻮﺵ ... ﻣﻨﻌﺮﻓﺶ ﻭﺍﺣﺪ ﻛﻴﻔﻮ ﺷﻴﻌﻤﻞ ﻣﻊ ﺍﻟﻤﺠﻤﻮﻋﺔ ﻫﺎﺫﻱ ... ﺗﻲ ﻇﺎﻫﺮ ﻓﻴﻪ ﻣﺤﺘﺮﻡ ... ﻋﻮﺟﺖ ﻓﻤﻲ ... ﺗﻮ ﻣﺒﻌﺪ ﻧﻌﺮﻓﻮ ﺣﻜﺎﻳﺘﻮ ... ﻭ ﻛﻤﻠﺖ ﻟﻴﻦ ﻭﺻﻠﺖ ﻻﺧﺮ ﺻﻮﺭﺓ ... ﻭﻗﻔﺖ ﻋﻼﻫﺎ ... ﺑﻘﻴﺖ ﺑﺮﺷﺎ ﻭ ﺍﻧﺎ ﻧﺸﻮﻑ ﻣﻌﺎﻫﺎ ... ﻣﻼﻣﺤﻮ ﻳﺎﺳﺮ ﻫﺎﺩﻳﺔ ... ﻛﻴﻒ ﺯﻳﺎﺩ ﺑﺎﻟﻈﺒﻂ ... ﺍﻣﺎ ﺯﻳﺎﺩ ﺍﺣﻠﻰ ﻣﻨﻮ ... ﺗﺒﺴﻤﺖ ﻋﻠﻰ ﺗﻔﻜﻴﺮﻱ ... ﻫﻮ ﺍﻟﻮﺣﻴﺪ ﻟﻲ ﻣﺎ ﻧﻌﺮﻑ ﻋﻠﻴﻪ ﺣﺘﻰ ﺷﻲ ... ﻭ ﺯﻳﺎﺩ ﻣﻴﺤﺒﻨﻴﺶ ﻧﻘﺮﺏ ﻣﻨﻮ ... ﺯﻋﻤﺔ ﺷﻜﻮﻧﻮ ... ﺧﺬﻳﺖ ﻧﻔﺲ ﻭ ﺗﻠﻔﺖ ﻟﻄﺎﻭﻟﺔ ... ﻧﻔﺮﻛﺲ ﻓﻲ ﺩﻭﺳﻴﺎﺕ ... ﺍﻟﻜﻞ ﻟﻲ ﻫﻮﻧﻲ ﻋﻨﺪﻫﻢ ﺻﻠﺔ ﻣﻊ ﺑﻌﻀﻬﻢ ... ﺍﻣﺎ ﺍﺳﻢ ﺍﻛﺎ ﺍﻟﻬﻢ ﻣﺶ ﻣﺬﻛﻮﺭ ﺑﻴﻨﻬﻢ ... ﻭ ﻻ ﺻﻔﻘﺔ ﻭ ﻻ ﻓﻲ ﺣﺘﻰ ﺩﻭﺳﻲ ... ﻛﻲ ﻫﻜﺎ ﺷﻴﻌﻤﻞ ﻣﻊ ﻳﺎﺳﺮ ... ﺍﻟﻠﻲ ﻣﺘﺄﻛﺪﺓ ﻣﻨﻮ ﺍﻧﻮ ﻫﻮ ﻣﻨﻬﻢ ... ﻭ ﺑﺮﺷﺎ ﻗﻀﺎﻳﺎ ﻭﺭﺍﻩ ... ﻓﻤﺎ ﺗﻔﺴﻴﺮﻳﻦ ﺯﻭﺯ ﺑﺮﻙ ... ﺍﻻﻭﻝ ﺯﻳﺎﺩ ﻳﺤﺐ ﻳﺠﺒﺪﻭ ﻣﻦ ﻫﺬﺍ ﺍﻟﻜﻞ ... ﺧﺎﻃﺮﻭ ﺧﻮﻩ ﺑﺎﻟﻄﺒﻴﻌﺔ ... ﻭ ﺍﻟﺜﺎﻧﻲ ﻳﻤﻜﻦ ﻳﻜﻮﻥ ﺷﺮﻳﻜﻮ ﻓﻲ ﻛﻠﺸﻲ ﻗﺎﻋﺪ ﻳﺼﻴﺮ ... ﻭ ﻫﺬﺍ ﺍﻟﻠﻲ ﻣﻨﺠﻤﺶ ﻧﺼﺪﻗﻮ ... ﺧﺎﻃﺮ ﻛﺎﻥ ﻃﻠﻊ ﻓﻤﺎ ﺍﺣﺘﻤﺎﻝ ﻭ ﻟﻮ ﺻﻐﻴﺮ ﺍﻧﻮ ﺯﻳﺎﺩ ﺷﺮﻳﻚ ﺍﺩﻡ ﻓﻲ ﺍﻟﻠﻲ ﺻﺮﺍﻟﻲ ... ﺑﺎﺵ ﻧﻘﺘﻠﻮ ﺑﻴﺪﻱ ﻭﻗﺘﻬﺎ ... ﺧﺬﻳﺖ ﻧﻔﺲ ﻭ ﺧﺮﺟﺖ ﻧﺠﺮﻱ ﻣﻦ ﺍﻟﺒﻴﺖ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ﻟﻲ ﻟﻮﻃﺔ ... ﺗﺮﻛﺰﺕ ﺑﻴﺪﻳﺎ ﻋﺎﻟﺮﺧﺎﻣﺔ ... ﻧﺸﻮﻑ ﻣﻊ ﺭﻭﺣﻲ ... ﻭﺟﻬﻲ ﺍﺻﻔﺮ ... ﺣﻠﻴﺖ ﺍﻟﺴﺒﺎﻟﺔ ... ﻏﺴﻠﺖ ﻭﺟﻬﻲ ... ﻭ ﺑﻠﻴﺖ ﺭﻗﺒﺘﻲ ..