🔥🔞"في أحضان عزرائيل"🔞🔥(الجزء الثاني)

الحلقة 290

ﺳﻮﺍﺭ : ﻣﻼ ﻋﻼﺵ ﺭﻳﺤﺘﻬﺎ ﻻﺻﻘﺔ ﻓﻴﻚ
ﺍﻧﺎ : ﺧﺎﻃﺮ ﺣﻀﻨﺘﻨﻲ
ﺳﻮﺍﺭ : ﻭ ﺍﻧﺖ ﺳﻤﺤﺘﻠﻬﺎ
ﺍﻧﺎ : ﻣﻤﻤﻢ ﻻ
ﺳﻮﺍﺭ : ﺑﺎﻫﻲ ﻭ ﺑﺴﺘﻬﺎ
ﺍﻧﺎ : ﺗﺤﻘﻖ ﻣﻌﺎﻳﺎ ﻳﺎﺧﻲ
ﺳﻮﺍﺭ؛ﺑﺴﺘﻬﺎ ﻣﺶ ﻫﻜﺎ ﻋﻠﻰ ﻫﺬﺍﻛﺎ ﻣﺘﺤﺒﺶ ﺟﺎﻭﺑﻨﻲ
ﺍﻧﺎ : ﺳﻮﺍﺍﺭ
ﻫﺰﺕ ﺍﻟﻐﻄﺎ ... ﻏﻄﺎﺕ ﻭﺟﻬﺎ ... ﺗﺤﻜﻲ ﺑﺼﻮﺕ ﻣﻐﻤﻮﻡ
ﺳﻮﺍﺭ : ﻣﻨﺤﺒﺶ ﻧﺴﻤﻌﻚ ﺑﺮﺍ ﻋﻨﺪﻫﺎ ﻛﻤﻞ ﻟﻲ ﺑﺪﻳﺘﻮ ... ﺍﻧﺎ ﻧﺤﺐ ﻧﺮﻗﺪ
ﺍﻧﺎ : ﻣﺘﺄﻛﺪﺓ
ﺳﻮﺍﺭ : ﻣﻴﻬﻤﻨﻴﺶ
ﺍﻧﺎ : ﺑﺎﻫﻲ ﻛﻴﻤﺎ ﺗﺤﺐ ... ﻟﻴﻠﺔ ﺳﻌﻴﺪﺓ
ﺧﻠﻴﺘﻬﺎ ﻓﻲ ﺑﻴﺘﻬﺎ ﻭ ﻧﺰﻟﺖ ﺍﻟﻠﻮﻃﺔ ... ﻓﺎﺩ ﻋﺎﻟﻠﺨﺮ ﻭﺻﻠﺖ ﻟﺼﺎﻟﺔ ... ﺗﺮﻣﻴﺖ ﻋﺎﻟﻔﻮﺗﺎﻱ ... ﻫﺰﻳﺖ ﺗﻠﻴﻔﻮﻧﻲ ﻏﺰﺭﺕ ﻟﺴﺎﻋﺔ ﺩﻳﺠﺎ ﻟﺤﻘﺖ 5 ﻣﺘﺎﻉ ﺻﺒﺎﺡ ﺳﻜﺮﺗﻮ ﻭ ﺭﻣﻴﺘﻮ ﻋﺎﻟﻄﺎﻭﻟﺔ ... ﺗﻜﻴﺖ ﻟﺘﺎﻟﻲ ﻧﺤﺐ ﻧﺮﻗﺪ ﻭ ﻛﻬﻮ ﻣﺘﻮﻗﻌﺘﺶ ﺟﻤﻠﺔ ﺍﻟﻠﻲ ﺑﺎﺵ ﻳﺼﻴﺮ ﺍﻟﻴﻮﻡ ﻣﺤﺒﻴﺘﺶ ﻧﻈﻐﻂ ﻋﻼﻫﺎ ﺍﻛﺜﺮ ... ﻧﻌﺮﻑ ﻟﻲ ﻣﺴﺘﺤﻴﻞ ﺑﺎﺵ ﺗﺴﻤﻌﻨﻲ ﺗﻮﺍ ﺍﺻﻼ ﻭ ﻻ ﻣﺮﺓ ﺑﺮﺭﺕ ﺍﻱ ﺷﻲ ﻧﻌﻤﻠﻮ ﺻﺤﻴﺢ ﻭ ﻻ ﻏﺎﻟﻂ ... ﺍﻣﺎ ﺍﻟﻠﻴﻠﺔ ﻣﻨﺠﻤﺘﺶ ﻧﺮﺍ ﺩﻣﻮﻋﻬﺎ ... ﻣﻨﺤﺒﺶ ﻧﺨﻠﻴﻬﺎ ﺑﻐﺼﺘﻬﺎ ﻣﻨﺤﺒﺶ ﻧﺸﻮﻓﻬﺎ ﻓﻲ ﺍﻟﺤﺎﻟﺔ ﻫﺬﻳﻜﺎ ... ﺣﻄﻴﺖ ﻳﺪﻱ ﺗﺤﺖ ﺭﺍﺳﻲ ﻭ ﺳﻜﺮﺕ ﻋﻴﻨﻴﺎ ... ﺍﻧﺎ ﺍﻛﺎﻛﺎ ﻭ ﻧﺤﺲ ﺑﻴﺪﻫﺎ ﻋﻠﻰ ﻭﺟﻬﻲ ... ﺗﻌﺪﻱ ﻓﻲ ﺻﻮﺍﺑﻌﻬﺎ ﺗﺤﺖ ﻋﻴﻨﻲ ﻟﻠﺤﻈﺔ ﺳﺘﺨﺎﻳﻠﺘﻬﺎ ﺣﻠﻤﺔ ... ﺣﻠﻴﺖ ﻋﻴﻨﻴﺎ ﻧﺸﻮﻑ ﻣﻌﺎﻫﺎ ... ﻗﺎﻋﺪﺓ ﻋﻠﻰ ﻃﺮﻑ ﺍﻟﻄﺎﻭﻟﺔ ... ﻭ ﻣﻄﺎﺑﺴﺔ ﻋﻠﻴﺎ ... ﺷﻌﺮﻫﺎ ﻃﺎﻳﺢ ﻋﻠﻰ ﺟﻨﺐ ... ﻋﻴﻨﻴﻬﺎ ﻣﻨﻔﻮﺧﻴﻦ ﻣﻦ ﺍﻟﺒﻜﺎ ﻋﻘﺪﺕ ﺣﻮﺍﺟﺒﻲ ﻭ ﺿﻴﻘﺖ ﻋﻴﻨﻴﺎ ﻧﺤﻜﻲ
ﺍﻧﺎ : ﺳﻮﺍﺭ
ﻗﺼﺖ ﻋﻠﻴﺎ ﻛﻴﻒ ﺣﻄﺖ ﺻﻮﺍﺑﻌﻬﺎ ... ﻋﻠﻰ ﺷﻔﺎﻓﻲ ... ﺗﺤﻜﻲ
ﺳﻮﺍﺭ : ﺑﺎﺳﺘﻚ ﻣﻦ ﻫﻮﻧﻲ
ﺟﻴﺖ ﺑﺎﺵ ﻧﺤﻜﻲ ... ﻧﺰﻟﺖ ﻋﻠﻴﺎ ﺍﻛﺜﺮ ... ﺑﺎﺳﺘﻨﻲ ﺑﻮﺳﺔ ﺧﻔﻴﻔﺔ ﺭﻭﻫﺠﺘﻨﻲ ﺑﻴﻬﺎ ﻭ ﻃﻠﻌﺖ ﺷﻮﻳﺔ ﺗﺤﻜﻲ
ﺳﻮﺍﺭ؛ﻋﻼﺵ ﺳﻤﺤﺘﻠﻬﺎ
ﺣﻄﺖ ﻳﺪﻫﺎ ﻋﻠﻰ ﺧﺪﻱ ... ﻋﺪﺍﺕ ﺻﻮﺍﺑﻌﻬﺎ ﺗﺤﺖ ﻋﻴﻨﻲ ﺗﺤﻜﻲ
ﺳﻮﺍﺭ : ﺑﺎﺳﺘﻚ ﻣﻦ ﻫﻮﻧﻲ ﺯﺍﺩﺓ
ﻫﺰﻳﺘﻠﻬﺎ ﺑﺮﺍﺳﻲ ﻻ ﺍﺻﻼ ﻣﺶ ﻓﺎﻫﻢ ﺗﺼﺮﻓﺎﺗﻬﺎ ﺟﻤﻠﺔ ﺗﻲ ﻣﻦ ﻋﺸﺮ ﺩﻗﺎﻳﻖ ﻛﺎﻧﺖ ﺗﺒﻜﻲ ﻭ ﻓﺎﺗﺤﺔ ﻣﻨﻮﺣﺔ ﺍﻟﻔﻮﻕ ... ﻧﺰﻟﺖ ﺑﺎﺳﺘﻨﻲ ﻣﻦ ﺍﻟﻀﺮﺑﺔ ﺳﻜﺮﺕ ﻋﻴﻨﻴﺎ ﺑﺎﻟﻮﻗﺖ ﻧﺰﻟﺖ ﺗﺤﻜﻲ ﻓﻲ ﻭﺫﻧﻲ
ﺳﻮﺍﺭ؛ﺍﻧﺖ ﻣﺘﺎﻋﻲ ﺍﻧﺎ ﻛﻬﻮ
ﺣﻠﻴﺖ ﻋﻴﻨﻴﺎ ... ﻫﺰﻳﺖ ﻳﺪﻱ ﺩﻭﺭﺗﻬﺎ ﻋﻠﻰ ﺟﻨﺒﻬﺎ ... ﺟﺒﺪﺗﻬﺎ ﻋﻨﺪﻱ ... ﺣﻀﻨﺘﻬﺎ ﺑﻜﻞ ﻗﻮﺗﻲ ﺩﻭﺭﺕ ﻳﺪﻳﻬﺎ ﺟﻨﺎﺑﻲ ﻭ ﻏﺮﺳﺖ ﺭﺍﺳﻬﺎ ﻓﻲ ﺭﻗﺒﺘﻲ ﺗﺤﻜﻲ
ﺳﻮﺍﺭ؛ﻣﺤﻼﻫﺎ ﺭﻳﺤﺘﻚ ﻫﻜﺎ ... ﺍﺣﺴﻦ ﺷﻲ ﺩﻭﺷﺖ
ﺗﺒﺴﻤﺖ ﻭﺣﺪﻱ ﺯﺍﻳﺪ ﻓﺮﺧﺔ ﺟﺒﺪﺗﻬﺎ ﻣﻦ ﻋﻨﺪﻱ ﺷﻮﻳﺔ ﻏﺰﺭﺗﻠﻬﺎ ﻧﺤﻜﻲ
ﺍﻧﺎ : ﻛﺎﻥ ﻋﺮﻓﺖ ﻛﻨﺖ ﺑﺎﺵ ﻧﺪﻭﺵ ﻣﻦ ﺍﻻﻭﻝ ... ﻣﺶ ﺑﻌﺪ ﻣﺎ ﻫﺪﻳﺖ ﻋﻠﻴﺎ ﺍﻟﺪﺍﺭ
ﺳﻮﺍﺭ : ﻣﻤﻤﻢ ﺗﻲ ﻛﺎﻥ ﺻﺎﺭ ﺑﻴﻨﻜﻢ ﺷﻲ .. ﻣﺴﺘﺤﻴﻞ ﻛﻨﺖ ﻧﺒﻘﻰ ﻣﻌﺎﻙ ﻫﻮﻧﻲ
ﺍﻧﺎ : ﻳﻌﻨﻲ
ﺳﻮﺍﺭ : ﻳﻌﻨﻲ ﺍﻧﻮ ﺍﻧﺎ ﻧﻮﺛﻖ ﻓﻴﻚ ﻭ ﻣﺼﺪﻗﺘﻚ
ﺟﺒﺪﺗﻬﺎ ﻋﻨﺪﻱ ﺷﻮﻳﺔ ﺑﺴﺘﻬﺎ ﻣﻦ ﺷﻔﺎﻓﻬﺎ ... ﻗﺮﺑﺖ ﻣﻨﻲ ﺍﻛﺜﺮ ... ﺗﺴﻄﺤﺖ ﻗﺪﺍﻣﻲ ﻟﺰﺕ ﻟﻴﺎ ﺍﻛﺜﺮ ﺗﺤﻜﻲ
ﺳﻮﺍﺭ : ﻧﺤﺐ ﻧﺮﻗﺪ ﻣﻌﺎﻙ ﻫﻮﻧﻲ
ﺍﻧﺎ : ﻣﺶ ﻋﻠﻰ ﺍﺳﺎﺱ ﺗﺤﺒﻨﻲ ﻧﻤﺸﻲ ﻋﻨﺪﻫﺎ
ﺳﻮﺍﺭ؛ﻫﺄﺓ ﻣﺶ ﺑﺎﺵ ﺗﻤﺸﻲ ﺍﻧﺖ ﻣﺘﺎﻋﻲ ﺍﻧﺎ ﻛﻬﻮ ... ﻣﻌﺎﺩ ﺗﻤﺸﻲ ﻟﺤﺘﻰ ﻭﺣﺪﺓ ﻓﻴﻬﻢ ﺑﺎﻫﻲ
ﻃﻠﻌﺖ ﺭﺍﺳﻬﺎ ﺗﺴﺘﻨﺎﻧﻲ ﻧﺤﻜﻲ ﺗﺒﺴﻤﺘﻠﻬﺎ ﻭ ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ .. ﺑﺎﺳﺘﻨﻲ ﻣﻦ ﺧﺪﻱ ﻭ ﻟﺰﺕ ﻟﻴﺎ ﺍﻛﺜﺮ ﻫﺰﻳﺖ ﺍﻟﻐﻄﺎ ﻋﻠﻴﻨﺎ ﺯﻭﺯ ﻛﺒﺴﺖ ﻋﻼﻫﺎ ﺍﻛﺜﺮ ﻧﺸﻢ ﻓﻲ ﺭﻳﺤﺘﻬﺎ ﺣﺴﻴﺖ ﺭﻭﺣﻲ ﻫﺪﻳﺖ ﺷﻮﻳﺔ ﻧﺰﻟﺖ ﺑﺴﺘﻬﺎ ﻣﻦ ﺭﺍﺳﻬﺎ .. ﻏﻤﻀﺖ ﻋﻴﻨﻴﺎ ﻭ ﻏﻄﺴﺖ ﻣﻌﺎﻫﺎ ﻓﻲ ﻧﻮﻡ ﺍﺻﻼ ﻣﻌﺎﺩ ﻧﺠﻢ ﻓﻲ ﺣﺘﻰ ﺷﻲ ﺍﺧﺮ ﻭ ﻻ ﻓﻲ ﺍﻟﻠﻲ ﺻﺎﺭ ﺍﻟﻴﻮﻡ ﺟﻤﻠﺔ