🔥🔞"في أحضان عزرائيل"🔞🔥(الجزء الثاني)

الحلقة 184

ﺳﻮﺍﺭ ﺗﺤﻜﻲ :
ﻓﻘﺖ ﺍﻟﺼﺒﺎﺡ ... ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻧﺤﺲ ﻓﻲ ﺭﺍﺳﻲ ﺑﺎﺵ ﻳﻄﺮﺷﻖ ﻣﻦ ﺍﻟﻮﺟﻴﻌﺔ ... ﻭ ﺑﺪﻧﻲ ﻣﺪﻗﺪﻕ ﻭ ﻳﻮﺟﻊ ﻓﻴﺎ ﻛﺎﻧﻲ ﻭﺍﺧﺬﺓ ﻃﺮﻳﺤﺔ ... ﻋﺪﻳﺖ ﻳﺪﻳﺎ ﺯﻭﺯ ﻋﻠﻰ ﻭﺟﻬﻲ ... ﻭ ﻫﺰﻳﺖ ﺭﻭﺣﻲ ﺷﻮﻳﺔ ﺗﻘﻌﺪﺕ ... ﻛﻠﺸﻲ ﻗﺎﻋﺪ ﻳﺪﻭﺭ ﻗﺪﺍﻣﻲ ... ﺩﺍﻳﺨﺔ ﻋﺎﻟﻠﺨﺮ ... ﻏﺰﺭﺕ ﻟﻄﺎﻭﻟﺔ ... ﻟﻘﻴﺘﻬﺎ ﺩﺍﺧﻠﺔ ﺑﻌﻀﻬﺎ ... ﺍﻟﻤﻨﺸﻔﺔ ... ﻭ ﺍﻟﻤﺎ ... ﺳﻜﺮﺕ ﻋﻴﻨﻴﺎ ﻭﺭﺟﻌﺖ ﻓﺘﺤﺘﻬﻢ ... ﻫﺰﻳﺖ ﺭﻭﺣﻲ ﺑﺎﻟﺴﻴﻒ ﻭﻗﻔﺖ .. ﻧﻤﺸﻲ ﻭ ﻧﺘﻤﺎﻳﻞ ... ﺷﻌﺮﺓ ﻻ ﻃﺤﺖ ... ﺍﺳﺘﻨﺪﺕ ﺑﻴﺪﻳﺎ ﻋﺎﻟﺤﻴﻂ ... ﻟﻴﻦ ﻭﺻﻠﺖ ﻟﺒﻴﺘﻲ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﻫﺰﻳﺖ ﺭﺍﺳﻲ ﻏﺰﺭﺕ ﻟﺮﻭﺣﻲ ... ﻋﻴﻨﻴﺎ ﻭﺳﺎﻋﺖ ... ﺣﺎﻟﺘﻲ ﺣﻠﻴﻠﺔ ... ﻭ ﺩﺍﺧﻠﺔ ﺑﻌﻀﻲ ... ﺷﻮﻳﺔ ﻭ ﻣﻨﻌﺮﻓﺶ ﺭﻭﺣﻲ ... ﻳﺎﺧﻲ ﺷﺒﻴﻨﻲ ﻫﻜﺎ ... ﺗﻲ ﺣﺘﻰ ﻣﻦ ﻣﺎﺳﻜﺎﺭﺍ ... ﺑﻠﺒﺰﺕﻧﻲ ﺑﺎﻟﻜﻞ ... ﻫﺰﻳﺖ ﻳﺪﻳﺎ ﻛﺒﺴﺖ ﻋﻠﻰ ﺭﺍﺳﻲ ... ﻣﻔﻤﺎﺵ ﻧﺬﻛﺮ ﺑﻲ ﺻﺎﺭ ﺍﻟﺒﺎﺭﺡ ... ﺷﻲ ﻗﺪ ﻣﺎ ﺣﺎﻭﻟﺖ ﻣﻨﺠﻤﺘﺶ ... ﺍﺧﺮ ﺷﻲ ﻧﺘﻔﻜﺮﻭ ... ﻭﻗﺖ ﺩﺧﻠﻨﺎ ﻟﺪﺍﺭ ... ﺧﺬﻳﺖ ﻧﻔﺲ ... ﻫﺰﻳﺖ ﻳﺪﻳﺎ ﺑﺎﻟﺴﻴﻒ ... ﻧﺰﻟﺖ ﺍﻟﺮﻭﺑﺔ ﻃﺎﺣﺖ ﻋﺎﻻﺭﺽ ... ﻗﺮﺑﺖ ﻣﻦ ﺍﻟﺒﺎﻧﻮ ... ﻓﺘﺤﺖ ﺍﻟﺴﺒﺎﻟﺔ ... ﻭﺩﺧﻠﺖ ﺗﺤﺘﻬﺎ ... ﺣﺴﻴﺖ ﺭﻭﺣﻲ ﺗﻔﺮﻫﺪﺕ ﺷﻮﻳﺔ ... ﻣﻨﻌﺮﻓﺶ ﻗﺪﺍﺵ ﺑﻘﻴﺖ ﺗﺤﺖ ﺍﻟﻤﺎ ... ﻟﻴﻦ ﺣﺴﻴﺖ ﺭﻭﺣﻲ ﺗﺤﺴﻨﺖ ... ﻟﺒﺴﺖ ﺍﻟﻜﺎﺏ ﻭ ﺧﺮﺟﺖ ﻟﺒﻴﺘﻲ ... ﻫﺰﻳﺖ ﻣﻨﺸﻔﺘﻲ ﻧﺸﻴﺢ ﻓﻲ ﺷﻌﺮﻱ ... ﻭ ﻧﺸﻮﻑ ﻣﻊ ﺍﻟﻤﺮﺍﻳﺎ ... ﻗﺮﺑﺖ ﺷﻮﻳﺔ ﺷﻮﻳﺔ ... ﻧﺸﻮﻑ ﻣﻊ ﺭﻭﺣﻲ ... ﻧﺰﻟﺖ ﺍﻟﻤﻨﺸﻔﺔ ... ﻭ ﻫﺰﻳﺖ ﻳﺪﻱ ﻗﺮﺑﺘﻬﺎ ﻣﻦ ﺷﻔﺘﻴﻲ ﻟﻮﻃﺎﻧﻴﺔ ... ﻋﺪﻳﺖ ﺻﻮﺍﺑﻌﻲ ﻧﺘﺤﺴﺲ ﻓﻴﻬﺎ ... ﻳﺎﺳﺮ ﻣﻨﻔﻮﺧﺔ .. ﻭ ﺗﺮﺍﺹ ﺍﻟﻌﻀﺔ ﻣﺰﺍﻟﺖ ﻋﻼﻫﺎ ... ﺗﺒﺴﻤﺖ ﻭﺣﺪﻱ ﻭ ﺍﻧﺎ ﻥﺀﻛﺮ ﻓﻲ ﻟﻲ ﺻﺎﺭ ... ﻟﺘﻮﺍ ﻣﺶ ﻣﺼﺪﻗﺔ ... ﻻﻧﺎ ﻛﻨﺖ ﻗﺮﻳﺒﺔ ﻣﻨﻮ ﻻﻛﺎ ﺩﺭﺟﺔ ... ﻟﺪﺭﺟﺔ ﺣﻂ ﺷﻔﺎﻓﻮ ﻋﻠﻰ ﺷﻔﺎﻓﻲ ... ﻗﻠﺒﻲ ﺩﻕ ﺑﺎﻟﻘﺎﻭﻱ ﺑﺎﺵ ﻳﺎﻗﻒ ... ﻛﻴﻒ ﺫﻛﺮﺕ ﺑﻮﺳﺘﻮ ... ﺻﺤﻴﺢ ﺧﻔﻴﻔﺔ ... ﻭ ﺭﻏﻢ ﺍﻟﻮﺟﻴﻌﺔ ﻟﻜﻨﺖ ﻧﺤﺲ ﺑﻴﻬﺎ ﻓﻲ ﺷﻔﺎﻓﻲ ... ﺍﻣﺎ ﺣﺴﻴﺖ ﺑﻴﻬﺎ ﻭ ﻃﻴﺮﺗﻨﻲ ﻟﺴﺎﺑﻊ ﺳﻤﺎ ... ﺍﻭﻝ ﻣﺮﺓ ﻧﻌﻴﺸﻮ ﻟﻼﺣﺴﺎﺱ ﻫﺬﺍ ... ﺍﻭﻝ ﻣﺮﺓ ﻧﺠﺮﺑﻮ ﻭ ﻧﺤﺴﻮ ... ﺍﻭﻝ ﻣﺮﺓ ﺣﺪ ﻳﺒﻮﺳﻨﻲ ... ﻭ ﻳﻘﺮﺑﻠﻲ ﻟﻬﺪﺭﺟﺔ ... ﻭ ﻟﺤﺪ ﻫﺬﺍ ﻫﻮ ﺯﻳﺎﺩ ... ﺯﻳﺎﺩ ﻣﺶ ﺣﺪ ﻏﻴﺮﻭ ... ﻣﺶ ﻣﺼﺪﻗﺔ ﻟﺨﻼﻧﻲ ﻧﻌﻴﺶ ﺍﻻﺣﺴﺎﺱ ﻫﺬﺍ ... ﻭ ﻻ ﻣﺮﺓ ﻓﻜﺮﺕ ﺍﻧﻮ ﻧﻮﺻﻞ ﻧﻔﺮﺡ ﻟﻬﺪﺭﺟﺔ ... ﺑﻌﺪ ﻟﻲ ﺗﻌﺪﺍ ﻋﻠﻴﺎ ﺍﻟﻜﻞ ... ﻋﻀﻴﺖ ﺷﻔﺘﻲ ﺷﻮﻳﺔ ﺗﻮﺟﻌﺖ ... ﺳﻜﺮﺕ ﻋﻴﻨﻴﺎ ﻭ ﻛﺒﺴﺖ ﻋﺎﻟﻤﻨﺸﻔﺔ ﻓﻲ ﻳﺪﻱ ... ﻭ ﻋﻤﻠﺖ ﺩﻭﺭﺓ ﻛﺎﻣﻠﺔ ﻓﻲ ﺍﻟﺒﻴﺖ ... ﺑﺮﻏﻢ ﺍﻟﺨﻮﻑ ... ﻭ ﺍﻟﺤﺰﻥ ... ﻭ ﺍﻟﺴﺘﺮﺍﺱ ﻟﻲ ﻋﺸﺘﻬﻢ ﻟﻴﻠﺔ ﺍﻟﺒﺎﺭﺡ ... ﺍﻣﺎ ﻛﺎﻧﺖ ﺍﺣﻠﻰ ﻟﻴﻠﺔ ﻋﺪﻳﺘﻬﺎ ﻓﻲ ﺣﻴﺎﺗﻲ ... ﻭ ﺍﺣﻠﻰ ﺫﻛﺮﻯ ﻓﻲ ﺭﻭﻣﺎ ... ﻣﻨﻌﺮﻓﺶ ﺷﻨﻮﺓ ﻟﺒﺎﺵ ﻳﺼﻴﺮ ﻣﺒﻌﺪ ... ﻭ ﻣﻨﺤﺒﺶ ﻧﺨﻤﻢ ﻓﻴﻪ ... ﻳﻜﻔﻲ ﻟﻌﺸﺘﻮ ﻭ ﺣﺴﻴﺘﻮ ﻟﺒﺎﺭﺡ ... ﺗﻲ ﺣﺘﻰ ﻟﻴﻠﺔ ﺍﻟﻜﻞ ﻗﺎﻋﺪﺓ ﻧﺤﻠﻢ ﻻﻧﺎ ﺑﻴﻦ ﻳﺪﻳﻪ ... ﺗﺒﺴﻤﺖ ﻭﺣﺪﻱ ... ﻇﺎﻫﺮ ﻫﺒﻠﺖ ﻳﺎ ﺳﻮﺍﺭ ... ﻣﺸﻴﺖ ﺣﻠﻴﺖ ﺍﻟﺪﺭﺳﻴﻨﻖ ... ﺟﺒﺪﺕ ﺭﻭﺑﺔ ﻓﻲ ﺍﻟﺒﺎﺝ ﺧﻔﻴﻔﺔ ... ﻋﻨﺪ ﺍﻟﺮﻛﺒﺔ ... ﻟﺒﺴﺘﻬﺎ ... ﺷﻴﺤﺖ ﺷﻌﺮﻱ ... ﺣﻄﻴﺖ ﻗﻠﻮﺱ ﺧﻔﻴﻒ ... ﺍﻣﺎ ﺗﺮﺍﺹ ﺍﻟﻌﻀﺔ ﻣﺰﺍﻟﺖ ﺑﺎﻳﻨﺔ ... ﺧﺬﻳﺖ ﻧﻔﺲ ... ﻭ ﺧﺮﺟﺖ ﻣﻦ ﺍﻟﺒﻴﺖ ... ﻛﻴﻒ ﻣﺎ ﺳﻤﻌﺘﺶ ﺻﻮﺗﻮ ... ﻇﺎﻫﺮ ﻳﻜﻮﻥ ﺧﺮﺟﺖ ... ﺩﺧﻠﺖ ﻟﻠﻜﻮﺟﻴﻨﺔ ... ﻋﺒﻴﺖ ﻛﺎﺳﺔ ﺣﻠﻴﺐ ... ﻭ ﺧﺮﺟﺖ ﻧﻤﺸﻲ ﻭ ﻧﺸﺮﺏ ﻓﻴﻬﺎ ... ﻭﻗﻔﺖ ﻛﻴﻒ ﺷﻔﺘﻮ ﻭﺍﻗﻒ ﺑﺤﺬﺍ ﺑﺎﺏ ﺑﺮﺍ ﻳﺸﻮﻑ ﻣﻌﺎﻳﺎ ... ﻧﺰﻟﺖ ﻋﻴﻨﻴﺎ ﻭ ﺣﻄﻴﺖ ﺷﻌﺮﻱ ﻭﺭﺍ ﻭﺫﻧﻲ ... ﻣﻨﻌﺮﻓﺶ ﺷﺒﻴﻨﻲ ﺍﻭﻝ ﻣﺎ ﺷﻔﺘﻮ ﺩﺧﻠﺖ ﺑﻌﻀﻲ ... ﻭ ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻭﻭﺟﻬﻲ ﻧﺤﺴﻮ ﺑﺎﺵ ﻳﻄﺮﺷﻖ ﻣﻦ ﺍﻟﺤﺸﻤﺔ ... ﻧﺴﻤﻊ ﻓﻴﻪ ﻳﺤﻜﻲ