🔥🔞"في أحضان عزرائيل"🔞🔥(الجزء الثاني)

الحلقة 243

ﺑﻘﻴﺖ ﻭﺍﻗﻔﺔ ﻓﻲ ﻧﺺ ... ﻧﺮﺣﻲ ﻓﺎﻟﻐﺰﻭﻝ ﻭﺣﺪﻱ ... ﺣﺎﻭﻟﺖ ﻧﻬﺪﻱ ﺭﻭﺣﻲ ... ﻳﺎﺧﻲ ﺷﻴﺴﺘﺨﺎﻳﻞ ﻓﻲ ﺭﻭﺣﻮ ﺑﺎﺵ ﻳﺤﺒﺴﻨﻲ ﻫﻮﻧﻲ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ... ﻧﺸﻮﻑ ﻓﻲ ﺍﻟﻘﺰﺍﺯ ﻓﻲ ﻛﻞ ﺑﻼﺻﺔ ... ﻧﻔﺨﺖ ﺑﺎﻟﻘﺎﻭﻱ ... ﻭ ﻧﺰﻟﺖ ﻟﻤﻴﺘﻮ ﺍﻟﻜﻞ ... ﻏﺴﻠﺖ ﻣﺎﻋﻮﻥ ... ﺭﻛﺤﺖ ﺍﻟﻜﻮﺟﻴﻨﺔ ... ﺩﺍﺭ ﺑﻄﺒﻴﻌﺘﻬﺎ ﻧﻘﻴﺔ ... ﺭﺟﻌﺖ ﻟﺒﻴﺘﻲ ... ﻫﺰﻳﺖ ﺗﻠﻴﻔﻮﻥ ﻣﻦ ﻋﺎﻻﺭﺽ ... ﺟﺎﺏ ﺭﺑﻲ ﺷﻌﻞ ... ﺧﻠﻴﺘﻠﻮ ﻣﻴﺴﺎﺝ .. ﻭ ﺍﻋﺘﺬﺭﺕ ﻣﻨﻮ ... ﻫﺰﻳﺖ ﺭﻭﺣﻲ ﺑﺎﺵ ﻧﻤﺸﻲ ﻟﺼﺎﻟﺔ ... ﺍﻣﺎ ﺭﺟﻌﺖ ﺧﻄﻮﺓ ﻟﺘﺎﻟﻲ ... ﻛﻴﻒ ﺟﺎﺕ ﻋﻴﻨﻲ ﻋﻠﻰ ﺑﻴﺘﻮ ... ﻛﺒﺴﺖ ﻋﻠﻰ ﺗﻠﻴﻔﻮﻥ ﻓﻲ ﻳﺪﻱ ... ﻭ ﻗﺮﺑﺖ ﺷﻮﻳﺔ ... ﺣﻄﻴﺖ ﻳﺪﻱ ﻋﺎﻟﺒﻮﺍﻧﻲ ... ﻗﻠﺒﻲ ﺩﻕ ﺑﺎﻟﻮﻗﺖ ... ﻛﺒﺴﺖ ﻋﻠﻴﻪ ﺍﻛﺜﺮ ﻭ ﺣﻠﻴﺘﻬﺎ ... ﺳﻜﺮﺕ ﻋﻴﻨﻴﺎ ﻭ ﺭﺟﻌﺖ ﻓﺘﺤﺘﻬﻢ ... ﻗﺮﺑﺖ ﺧﻄﻮﺓ ﺩﺧﻠﺖ ... ﻋﺪﻳﺖ ﻋﻴﻨﻴﺎ ﻋﺎﻟﺒﻴﺖ ... ﺧﺬﻳﺖ ﻧﻔﺲ ﻭ ﺩﺧﻠﺖ ... ﺣﻄﻴﺖ ﺗﻠﻴﻔﻮﻧﻲ ﺩﺍﺧﻞ ﻣﻜﺘﻮﺑﻲ .. ﻭ ﻗﺮﺑﺖ ﻣﻦ ﺍﻟﻜﻮﺍﻓﻮﺯ ... ﻫﺰﻳﺖ ﺩﺑﻮﺯﺓ ﺑﺮﻓﺎﻧﺘﻮ ... ﺣﻠﻴﺘﻪﺍ ... ﻭ ﻗﺮﺑﺘﻬﺎ ﻣﻦ ﺧﺸﻤﻲ ... ﺧﺬﻳﺖ ﻧﻔﺲ ﻣﻨﻬﺎ ﺣﺴﻴﺖ ﺭﻭﺣﻲ ﺗﻔﺮﻫﺪﺕ .. ﺭﻳﺤﺔ ﺑﺮﻓﺎﻧﺘﻮ ﻛﻬﻮ ﻟﻲ ﺗﻬﺪﻳﻨﻲ ... ﻟﻠﺤﻈﺔ ﺣﺴﻴﺘﻮ ﻣﻌﺎﻳﺎ ﻭ ﻣﺤﻀﻨﻲ ... ﺣﻄﻴﺘﻬﺎ ﻣﻦ ﻳﺪﻱ ... ﻭ ﻋﺪﻳﺖ ﺻﻮﺍﺑﻌﻲ ﻋﻠﻰ ﺷﻔﺎﻓﻲ ... ﻣﺰﻟﺖ ﻧﺤﺲ ﺑﺸﻔﺎﻓﻮ ... ﻣﺰﻟﺖ ﻧﺤﺲ ﺑﺤﻀﻨﻮ ... ﺩﻭﺭﺕ ﺭﺍﺳﻲ ﺷﻮﻳﺔ ... ﻗﺮﺑﺖ ﻣﻦ ﺍﻟﻘﺎﺭﺩﺭﻭﺏ ... ﺣﻠﻲﺗﻬﺎ ... ﻧﺸﻮﻑ ﻣﻊ ﺩﺑﺸﻮ .. ﻣﻨﻈﻢ ﻋﺎﻟﻠﺨﺮ ... ﺣﺘﻰ ﻓﻲ ﺩﺍﺭ ﺍﻟﺰﺭﻳﻌﺔ ... ﻣﻨﻈﻢ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻴﻬﻢ ﺷﻮﻳﺔ ﺷﻮﻳﺔ ... ﻋﺪﻳﺘﻬﺎ ﻋﻠﻰ ﻛﻞ ﻗﻄﻌﺔ ... ﺧﺬﻳﺖ ﻧﻔﺲ ... ﻭ ﻗﺮﺑﺖ ﻗﻌﺪﺕ ﻋﻠﻰ ﻃﺮﻑ ﺍﻟﺴﺮﻳﺮ ... ﺭﻣﻴﺖ ﻳﺪﻱ ﻫﺰﻳﺖ ﺳﻮﺭﻳﺘﻮ .. ﻟﻜﺎﻥ ﻻﺑﺴﻬﺎ ﺍﻟﺒﺎﺭﺡ ... ﺧﻼﻫﺎ ﻣﻄﻴﺸﺔ ﻋﺎﻟﺴﺮﻳﺮ ... ﻛﺒﺴﺖ ﻋﻼﻫﺎ ... ﻭ ﻗﺮﺑﺘﻬﺎ ﻣﻦ ﺧﺸﻤﻲ ﻧﺸﻢ ﻓﻴﻬﺎ ... ﺭﻳﺤﺔ ﺑﺮﻓﺎﻧﺘﻮ ... ﻟﻲ ﻣﺨﻠﻄﺔ ﺷﻮﻳﺔ ﺑﺮﻳﺤﺔ ﺑﺮﻓﺎﻧﺘﻲ ... ﺧﻼﺕ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﺧﺎﻃﺮ ﺫﻛﺮﺕ ﻟﻲ ﺻﺎﺭ ﺍﻟﺒﺎﺭﺡ ... ﻧﺤﻴﺖ ﻛﻮﻧﻔﺎﺭﺳﻲ ... ﻭ ﻃﻠﻌﺖ ﻋﺎﻟﺴﺮﻳﺮ ... ﺣﻄﻴﺖ ﺭﺍﺳﻲ ﻋﻠﻰ ﻣﺨﺪﺗﻮ ... ﺣﺘﻰ ﻓﺮﺷﻮ ... ﻓﻴﻪ ﺭﻳﺤﺔ ﺑﺮﻓﺎﻧﺘﻮ ... ﻫﺰﻳﺖ ﻳﺪﻱ ... ﻋﺪﻳﺘﻬﺎ ﻋﻠﻰ ﺍﻟﻔﺮﺵ ... ﺳﻜﺮﺕ ﻋﻴﻨﻴﺎ ... ﻳﺪﻱ ﺭﻋﺸﺖ ﺑﺎﻟﻮﻗﺖ ... ﻟﻠﺤﻈﺔ ﺗﻌﺪﺍﺕ ﺍﻟﻠﻴﻠﺔ ﻫﺬﻳﻜﺎ ﺑﻴﻦ ﻋﻴﻨﻴﺎ ... ﺻﻮﺗﻮ ﻳﺘﻌﺎﻭﺩ ﻓﻲ ﻭﺫﻧﻲ ﺑﺎﻟﻜﻠﻤﺔ ... ﻣﻨﺠﻤﺖﺵ ﻧﺘﺤﺮﻙ ﻣﻦ ﺑﻼﺻﺘﻲ ... ﻧﺰﻟﻮ ﺩﻣﻮﻋﻲ ﺑﺎﻟﻮﻗﺖ ... ﻣﺴﺘﺤﻴﻞ ﻳﻨﺠﻢ ﻳﺨﻠﻴﻨﻲ ﻧﻬﺎﺭ ﻣﺮﺗﺎﺣﺔ ... ﻣﻨﻌﺮﻓﺶ ﻛﻴﻒ ﻧﺠﻢ ﻧﻨﺴﺎﻩ ﻭ ﻧﺘﻌﺪﺍ ﻛﻠﺸﻲ ... ﻣﻨﻌﺮﻓﺶ ﺍﺫﺍ ﺯﻳﺎﺩ ﺑﺎﻟﺤﻖ ﺑﺎﺵ ﻳﺎﻗﻒ ﻣﻌﻴﺎ ﻭ ﻳﺎﺧﺬﻟﻲ ﺣﻘﻲ ﻣﻨﻮ ... ﻭ ﻻ ﻣﺠﺮﺩ ﻛﻼﻡ ﺑﺮﻙ ... ﺯﻋﻤﺔ ﺑﺎﻟﺤﻖ ﺣﺎﺟﺘﻮ ﺑﻴﺎ ... ﺯﻋﻤﺔ ﺑﺎﻟﺤﻖ ﺑﺎﺵ ﻳﻨﺴﻴﻨﻲ ﻓﻴﻪ ... ﺑﺎﺵ ﻳﺤﺒﻨﻲ ﻛﻴﻤﺎ ﻧﺤﺒﻮ ... ﻛﻲ ﻫﻜﺎ ﺷﺒﻴﻪ ﻟﺘﻮﺍ ﻣﺠﺎﺵ ... ﻫﻮﻛﺎ ﺑﺪﺍﺕ ﺗﻈﻼﻡ ... ﻫﺰﻳﺖ ﻳﺪﻱ ... ﺟﺒﺪﺕ ﺗﻠﻴﻔﻮﻧﻲ ﺑﺎﻟﺴﻴﻒ ... ﺣﻄﻴﺖ ﻧﻮﻣﺮﻭﻩ ﻭ ﻃﻠﺒﺘﻮ ... ﻣﻨﻌﺮﻓﺶ ﻗﺪﺍﺵ ﺑﻘﻴﺖ ﻭ ﺍﻧﺎ ﻧﻄﻠﺐ ﻓﻴﻪ ... ﻫﺰ ﻋﻠﻴﺎ ﻳﺤﻜﻲ ﺯﻳﺎﺩ : ﺳﻮﺍﺍﺭ ﺷﻔﻤﺎ ﻳﺎﺧﻲ ﺩﻭﺏ ﺳﻤﻌﺖ ﺻﻮﺗﻮ ﻏﻠﺒﻨﻲ ﺍﻟﺒﻜﺎ ... ﺣﺴﻴﺖ ﺑﺨﻨﻘﺔ ... ﺧﺬﻳﺖ ﻧﻔﺲ ... ﻭ ﻛﺒﺴﺖ ﺻﻮﺗﻲ ﻧﺤﻜﻲ ﺍﻧﺎ : ﻭﻳﻨﻚ ﺯﻳﺎﺩ : ﻳﺎﺧﻲ ﻛﻠﻤﺘﻨﻲ ﻋﻠﻰ ﻫﺎﺫﻱ ﺍﻧﺖ ﺍﻧﺎ : ﺍﻧﺖ ﻋﻨﺪﻫﺎ ﻣﺶ ﻫﻜﺎ ... ﻣﺸﻴﺖ ﻋﻨﺪﻫﺎ ﺯﻳﺎﺩ : ﺳﻮﺍﺍﺍﺭ ﺍﻧﺎ : ﺑﺎﺵ ﺗﻌﺪﻱ ﻟﻴﻠﺔ ﻣﻌﺎﻫﺎ ﺯﻳﺎﺩ : ﻧﺎﻗﺺ ¤¤¤¤ ﻋﻠﻰ ﺭﺍﺳﻲ ﺗﻮﺍ ... ﺷﻴﻬﻤﻚ ﻓﻲ ¤¤¤ ﺍﻧﺖ ﺍﻧﺎ : ﻋﻨﺪﻙ ﺣﻖ ﺷﻜﻮﻥ ﺍﻧﺎ ﺑﺎﺵ ﻧﺪﺧﻞ ﻓﻴﻚ ... ﻛﻴﻒ ﺑﺎﺵ ﺗﺨﻠﻴﻬﺎ ﻫﻲ ﻭ ﺟﻲ ﻟﻮﺣﺪﺓ ¤¤¤¤ ﻛﻴﻔﻲ ... ﻣﺴﻬﺎ ﺷﻜﻮﻥ ﻗﺒﻠﻚ .. ﺑﺎﺯ ﺑﺎﺵ ﺗﻌﻴﻔﻬﺎ ... ﺷﻜﻮﻥ ﺍﻧﺎ ﺑﺎﺵ ﻧﻘﺎﺭﻥ ﺭﻭﺣﻲ ﺑﻴﻬﺎ ﺯﻳﺎﺩ : ﺳﻮﺍﺍﺭ ﺷﺒﻴﻚ ¤¤¤ ﻫﺒﻠﺖ ﺍﻧﺖ ... ﺷﺒﻴﻚ ﺗﺤﻜﻲ ﻫﻜﺎ ﺍﻧﺎ : ﻧﻘﻮﻝ ﻓﻲ ﺍﻟﺤﻘﻴﻘﺔ ... ﺍﺻﻼ ﺍﻧﺎ ﺍﻟﻐﺎﻟﻄﺔ ﺧﺎﻃﺮ ﻛﻠﻤﺘﻚ ... ﺑﻮﻧﻮﻱ ... ﺗﺘﻬﻨﻰ ﻣﻌﺎﻫﺎ ﺯﻳﺎﺩ : ﺳﻮﺍﺭ ﻣﺨﻠﻴﺘﻮﺵ ﻳﻜﻤﻞ ... ﻧﺰﻟﺖ ﺗﻠﻴﻔﻮﻧﻲ ... ﻭ ﻋﻠﻘﺖ ﻋﻠﻴﻪ ... ﻧﺰﻟﻮ ﺩﻣﻮﻋﻲ ﺑﺎﻟﻮﻗﺖ ... ﻟﻴﻦ ﺭﺟﻌﺖ ﻧﺒﻜﻲ ﺑﺎﻟﺸﻬﻘﺔ ... ﻛﺒﺴﺖ ﻋﻠﻰ ﺳﻮﺭﻳﺘﻮ ﺍﻛﺜﺮ ... ﻭ ﺳﻜﺮﺕ ﻋﻴﻨﻴﺎ ... ﻧﻌﺮﻑ ﻟﺒﺎﺵ ﻳﺒﻘﻰ ﻋﻨﺪﻫﺎ ... ﻧﻌﺮﻑ ﻟﻬﻲ ﺑﺎﺵ ﺗﺒﺎﺕ ﻓﻲ ﺣﻀﻨﻮ ﺍﻟﻠﻴﻠﺔ ... ﺍﺻﻼ ﺷﻜﻮﻥ ﺍﻧﺎ ﺑﺎﺵ ﻳﺨﻴﻠﻴﻬﺎ ﻋﻠﻰ ﺟﺎﻟﻲ ... ﻣﻨﺠﻤﺘﺶ ﻧﻬﺰ ﺭﺍﺳﻲ ... ﺧﺬﻳﺖ ﻧﻔﺲ ﻭ ﺍﺳﺘﺴﻠﻤﺖ ﻟﻨﻮﻡ ... ﻧﺤﺐ ﻧﻬﺮﺏ ﻣﻨﻮ ﻭ ﻣﻦ ﺭﻭﺣﻲ ... ﻧﺤﺐ ﻧﺮﺗﺎﺡ ﻭ ﻛﻬﻮ