🔥🔞"في أحضان عزرائيل"🔞🔥(الجزء الثاني)

الحلقة 348

ﺳﻜﺮﺕ ﻋﻴﻨﻴﺎ ﺑﺎﻟﻘﺎﻭﻱ ... ﻭ ﺧﻠﻴﺖ ﺍﻟﻤﻄﺮ ﻳﺒﺮﺩﻧﻲ ... ﺣﻠﻴﺖ ﻋﻴﻨﻴﺎ ... ﻟﻘﻴﺘﻮ ﺭﻛﺐ ... ﺗﺒﺴﻤﺖ ﺑﻮﺟﻴﻌﺔ ... ﻣﺴﺘﺤﻴﻞ ﻧﺨﺴﺮﻭ ... ﻣﺴﺘﺤﻴﻞ .... ﻧﺨﻠﻲ ﺷﻲ ﻳﻔﺮﻗﻨﻲ ﻋﻠﻴﻪ ... ﻫﻮ ﻣﺘﺎﻋﻲ ﺍﻧﺎ ... ﻭ ﻛﺎﻥ ﻟﺰﻡ ﻧﺘﺤﺪﺍ ﻧﺎﺱ ﺍﻟﻜﻞ ... ﻋﻠﻰ ﺧﺎﻃﺮ ﺣﺒﻲ ﻟﻴﻪ ... ﺣﺒﻮ ﺑﺮﻙ ﺍﻟﻠﻲ ﻣﺨﻠﻲ ﺳﻮﺍﺭ ﺗﺎﻗﻒ ﻣﺮﺓ ﺍﺧﺮﻯ ... ﻭ ﻣﺨﻠﻲ ﺩﻧﻴﺰ ﺗﻜﻮﻥ ﻗﻮﻳﺔ ... ﻭ ﺗﻮﺍﺟﻪ ﺍﻟﻨﺎﺱ ﺍﻟﻜﻞ ﻣﻦ ﻏﻴﺮ ﺧﻮﻑ ... ﺧﺎﻃﺮ ﻧﻌﺮﻑ ﻟﻬﻮ ﻓﻲ ﺣﻤﺎﻳﺘﻲ ﻭ ﻣﺴﺘﺤﻴﻞ ﻳﺨﻠﻲ ﺣﺪ ﻳﺄﺫﻧﻲ ﻭ ﻻ ﻳﺪﻭﺭ ﺑﻴﺎﻟﻴﻠﺔ ﺑﺎﺭﺩﺓ ... ﺻﻮﺕ ﺍﻟﻤﻄﺮ ﻣﺴﻤﻮﻉ ﻣﻊ ﺻﻮﺕ ﺍﻧﻔﺎﺳﻨﺎ ... ﺩﻭﺭﺕ ﺭﺍﺳﻲ ﺷﻮﻳﺔ ﻏﺰﺭﺗﻠﻮ ... ﻳﺴﻮﻕ ﻭ ﻛﺎﺑﺲ ﺑﻴﺪﻳﻪ ﺯﻭﺯ ﻋﺎﻟﻔﻮﻟﻮﻥ ... ﻋﺮﻭﻕ ﺭﻗﺒﺘﻮ ﺗﺤﺴﻬﻢ ﺑﺎﺵ ﻳﻄﺮﺷﻘﻮ ... ﻋﺪﻳﺖ ﻋﻴﻨﻴﺎ ﻋﻠﻰ ﻭﺟﻬﻮ ﺍﻟﻜﻞ ... ﻭ ﺣﺒﺴﺖ ﻓﻲ ﺍﻟﻀﺮﺑﺔ ﻫﺬﻳﻜﺎ ... ﺣﺘﻰ ﻭ ﻫﻮ ﻣﻐﺸﺶ ... ﺍﻣﺎ ﻳﺎﺳﺮ ﻣﺤﻼﻩ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻭ ﺍﻧﺎ ﻧﺬﻛﺮ ﻓﻲ ﺍﻟﻴﻤﺎﺕ ﺍﻟﻠﻲ ﻋﺪﻳﺎﻫﻢ ﻣﻌﺎﻩ ﻓﻲ ﺩﺍﺭ ﺍﻟﺰﺭﻳﻌﺔ ... ﺍﻣﺎ ﺗﻮﺍ ﻛﻠﺸﻲ ﺗﺒﺪﻝ ... ﻛﻞ ﻳﻮﻡ ﻳﺘﻌﺪﺍ ... ﻗﺎﻋﺪﺓ ﻧﻔﻘﺪ ﺍﻟﺤﻖ ﻓﻴﻪ ... ﻓﻲ ﺍﻧﻲ ﻧﻤﻠﻜﻮ ... ﻭ ﻧﺨﻠﻴﻪ ﻳﻜﻮﻥ ﻟﻴﺎ ... ﺍﻟﻔﻜﺮﺓ ﻫﺎﺫﻱ ﺑﺎﻟﻈﺒﻂ ... ﺧﻼﺗﻨﻲ ﻧﺤﺲ ﺑﺒﺮﻭﺩﺓ ﻗﻮﻳﺔ ﻓﻲ ﺑﺪﻧﻲ ... ﻻﻭﻝ ﻣﺮﺓ ﻧﺤﺴﻮ ﻟﻬﻮ ﺑﺎﻟﺤﻖ ﺗﻐﺸﺶ ﻣﻨﻲ ﻟﺪﺭﺟﺔ ﻛﺒﻴﺮﺓ ... ﺗﻲ ﻣﻜﻠﻔﺶ ﺭﻭﺣﻮ ﺣﺘﻰ ﻳﺘﻠﻔﺖ ﻳﺸﻮﻓﻨﻲ ... ﺣﻀﻨﺖ ﺭﻭﺣﻲ ﺑﻴﺪﻳﺎ ... ﻭ ﺗﻜﻴﺖ ﻟﺘﺎﻟﻲ ... ﺣﻄﻴﺖ ﺭﺍﺳﻲ ﻋﺎﻟﺒﻼﺭ ... ﻧﺸﻮﻑ ﻣﻊ ﺍﻟﻤﻄﺮ ... ﻟﻜﻞ ﺷﻮﻳﺔ ﺗﻘﻮﺍ ﺍﻛﺜﺮ ... ﻛﻴﻒ ﻭﺟﻴﻌﺔ ﻗﻠﺒﻲ ... ﻣﻨﻌﺮﻓﺶ ﻗﺪﺍﺵ ﻋﺪﻳﻨﺎ ﻓﻲ ﺍﻟﺜﻨﻴﺔ ﺑﺤﻜﻢ ﺍﻻﻭﺗﻴﻞ ﺑﻌﻴﺪ ﺷﻮﻳﺔ ... ﺣﺴﻴﺖ ﻛﺎﻥ ﺑﺼﻮﺕ ﺍﻟﻔﺮﺍﻥ ... ﻫﺰﻳﺖ ﺭﺍﺳﻲ ﻏﺰﺭﺕ ﻟﻠﺒﻼﺻﺔ ... ﺟﺎﺑﻨﻲ ﻟﺪﺍﺭﻭ ... ﺗﻠﻔﺖ ﻋﻨﺪﻱ ... ﻏﺰﺭﻟﻲ ... ﻏﺰﺭﺓ ﺑﺎﺭﺩﺓ ... ﻛﻴﻤﺎ ﺍﻭﻝ ﻣﺮﺓ ﺷﺎﻓﻨﻲ ﺑﻴﻬﺎ ... ﻗﺪﺍﺵ ﻋﻨﺪﻱ ﻋﻼﻫﺎ ... ﻫﺰ ﺗﻠﻴﻔﻮﻧﻲ ﻓﻲ ﻳﺪﻭ ﻳﺤﻜﻲ
ﺯﻳﺎﻅ : ﺍﻟﻠﻴﻠﺔ ﺑﺎﺵ ﺗﺒﻘﻰ ﻫﻮﻧﻲ ... ﻭ ﻣﻦ ﻏﺪﻭﺓ ﻧﺮﺟﻌﻚ
ﺟﻴﺖ ﺑﺎﺵ ﻧﺤﻜﻲ ... ﻗﺺ ﻋﻠﻴﺎ ... ﻛﻴﻒ ﻓﺘﺢ ﺑﺎﺏ ﺍﻟﻜﺮﻫﺒﺔ ﻭ ﻧﺰﻝ ... ﺧﺬﻳﺖ ﻧﻔﺲ ﻭ ﺧﺎﻟﻄﺖ ﻋﻠﻴﻪ ... ﻧﻤﺸﻲ ﻭﺭﺍﻩ ... ﺭﻏﻢ ﺍﻟﺒﺮﺩ ﻟﻤﺤﺎﻭﻁ ﺑﻴﻨﺎ ﻣﺤﺴﻴﺘﺶ ﺑﻴﻪ ... ﺭﻏﻢ ﺍﻧﻲ ﻻﺑﺴﺔ ﺭﻭﺏ ﻫﺬﻳﻜﺎ ﺑﺮﻙ ... ﺍﻣﺎ ﻣﺤﺎﻭﻟﺶ ﻳﻐﻄﻴﻨﻲ ﻛﻴﻒ ﻋﺎﺩﺗﻮ ... ﻳﻤﻜﻦ ﺣﺘﻰ ﻫﻮ ﻳﺤﺐ ﻳﻌﺘﺎﺩ ﻋﻠﻰ ﺩﻧﻴﺰ ... ﻫﺰﻳﺖ ﺑﺮﺍﺳﻲ ﻻ ... ﻫﻮ ﻳﺤﺐ ﺳﻮﺍﺭ ﻭ ﻛﻬﻮ ... ﺣﺘﻰ ﺩﻧﻴﺰ ﻣﻌﻨﺪﻫﺎﺵ ﺍﻟﺤﻖ ﻓﻴﻪ ... ﻧﻬﺰ ﻓﻲ ﺭﻭﺣﻲ ﺑﺎﻟﺴﻴﻒ ... ﺳﺎﻗﻴﺎ ﺧﺎﻧﻮﻧﻲ ﺍﻟﻤﺮﺓ ﻫﺎﺫﻱ ... ﻧﺤﺐ ﻧﻘﺮﺏ ﻣﻨﻮ ... ﻧﻌﻨﻘﻮ ﻭ ﻧﻨﺴﻰ ﺭﻭﺣﻲ ﻣﻌﺎﻩ ... ﺍﻣﺎ ﻣﻨﺠﻤﺘﺶ ... ﻭﻗﻔﺖ ﻓﻲ ﺍﻻﺻﻮﻧﺼﻴﺮ ... ﻧﺸﻮﻑ ﻣﻌﺎﻩ ... ﻋﺎﻃﻴﻨﻲ ﺑﺎﻟﻈﻬﺮ ... ﻛﺎﺑﺲ ﻋﻠﻰ ﻳﺪﻭ ... ﻧﻔﺲ ﻣﺘﺎﻋﻮ ﻣﺴﻤﻮﻉ ... ﺷﻌﺮﻭ ﻣﺒﻠﻮﻝ ... ﺩﻭﺏ ﻓﺘﺢ ﺍﻻﺻﻮﻧﺼﻴﺮ ... ﻫﺰ ﺭﻭﺣﻮ ﻭ ﺧﺮﺝ ... ﺧﺬﻳﺖ ﻧﻔﺲ ﻭ ﺧﺎﻟﻄﺖ ﻋﻠﻴﻪ ... ﺑﻘﻴﺖ ﻭﺍﻗﻔﺔ ﻭﺭﺍﻩ ... ﺣﻞ ﺍﻟﺒﺎﺏ ... ﻭ ﺩﺧﻞ ... ﻣﺘﻠﻔﺘﻠﻴﺶ ﺟﻤﻠﺔ .. ﺑﻘﻴﺖ ﻭﺍﻗﻔﺔ ﻗﺪﺍﻡ ﺍﻟﺒﺎﺏ ... ﻧﺸﻴﻊ ﻓﻴﻪ ﺑﻌﻴﻨﻴﺎ ﻟﻴﻦ ﺑﻌﺪ ﻭ ﺩﺧﻞ ﻟﺒﻴﺘﻮ ... ﻧﺤﻴﺖ ﺍﻟﻜﻌﺐ ... ﺳﻜﺮﺕ ﺍﻟﺒﺎﺏ ... ﻭ ﻣﺸﻴﺖ ﻟﺒﻴﺘﻲ ﺑﺎﻟﺰﺭﺑﺔ ... ﺳﻜﺮﺕ ﺍﻟﺒﺎﺏ ﺑﻴﺪﻳﺎ ﺯﻭﺯ ... ﻭ ﺗﻠﻔﺖ ... ﺣﺴﻴﺖ ﻗﻮﺗﻲ ﻃﺎﺣﺖ ﻓﻲ ﺍﻟﻤﺎ ... ﺗﻜﻴﺖ ﻋﺎﻟﺒﺎﺏ ... ﻧﺰﻟﻮ ﺩﻣﻮﻋﻲ ﺑﺎﻟﻮﻗﺖ ... ﻟﻴﻦ ﻭﻟﻴﺖ ﻧﺒﻜﻲ ﺑﺎﻟﺸﻬﻘﺔ ... ﻃﺤﺖ ﻋﺎﻻﺭﺽ ... ﺣﻄﻴﺖ ﻳﺪﻱ ﻋﻠﻰ ﻓﻤﻲ ﻧﻜﺘﻢ ﻓﻲ ﺷﻬﻘﺎﺗﻲ ... ﻣﻨﻌﺮﻓﺶ ﺍﺻﻼ ﻋﻼﺵ ﻧﺒﻜﻲ ... ﻳﻤﻜﻦ ﺧﺎﻃﺮ ﺑﺎﻟﺤﻖ ﺣﺴﻴﺖ ﻻﻧﺎ ﺧﺴﺮﺕ ﺭﻭﺣﻲ ﺟﻤﻠﺔ ... ﻳﻤﻜﻦ ﺧﺎﻃﺮ ﻗﺎﻋﺪﺓ ﻧﻔﺮﻛﺲ ﻋﻠﻰ ﺳﻮﺍﺭ ﺩﺍﺧﻠﻲ ﻭ ﻣﻠﻘﻴﺘﻬﺎﺵ ... ﻛﻠﻤﺎﺗﻮ ﻣﺰﺍﻟﻮ ﻳﺮﻧﻮ ﻓﻲ ﻭﺫﻧﻲ ... ﻣﺴﺘﺤﻴﻞ ﻧﻜﻮﻥ ﺧﺴﺮﺗﻮ ... ﻣﺴﺘﺤﻴﻞ ﻳﻜﻮﻥ ﻛﺮﻫﻨﻲ ... ﺍﺻﻼ ﻣﺶ ﺑﺎﺵ ﻧﺴﻤﺤﻠﻮ ... ﻣﺴﺤﺖ ﺩﻣﻮﻋﻲ ﻛﻴﻤﺎ ﺟﺎ ... ﻫﺰﻳﺖ ﺭﻭﺣﻲ ﻭﻗﻔﺖ ﺑﺎﻟﺴﻴﻒ ... ﺧﺬﻳﺖ ﻧﻔﺲ ﻭ ﺣﻠﻴﺖ ﺍﻟﺒﺎﺏ ... ﻣﻌﺎﺩ ﺣﺎﺳﺔ ﺑﺤﺘﻰ ﺷﻲ ... ﻛﺎﻥ ﺩﻗﺎﺕ ﻗﻠﺒﻲ ﻟﻲ ﺗﻌﺎﻭﺩ ﻓﻲ ﺍﺳﻤﻮ ... ﻧﺤﺐ ﻧﺤﻀﻨﻮ ﻭ ﻧﻨﺴﺎ ﻛﻠﺸﻲ ... ﻣﻨﻌﺮﻓﺶ ﻋﻠﻰ ﺭﻭﺣﻲ ﻛﻴﻒ ﻭﺻﻠﺖ ﻟﺒﻴﺘﻮ ... ﻟﻘﻴﺖ ﺍﻟﺒﺎﺏ ﻣﻔﺘﻮﺡ ... ﺍﻭﻝ ﻣﺎ ﺩﺧﻠﺖ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ﺍﻟﻜﻞ ﻣﻠﻘﻴﺘﻮﺵ ... ﻛﺎﻥ ﺍﻟﻔﺎﺳﺖ ﻣﺘﺎﻋﻮ ﻟﻲ ﻣﻄﻴﺸﺔ ﻋﺎﻻﺭﺽ ... ﻭ ﺻﻮﺕ ﺍﻟﻤﺎ ﺟﺎﻱ ﻣﻦ ﺑﻴﺖ ﺍﻟﺒﺎﻧﻮ ... ﻗﺮﺑﺖ ﺑﺎﻟﺸﻮﻳﺔ ... ﻟﻴﻦ ﻭﻗﻔﺖ ﺑﺤﺬﺍ ﺍﻟﺒﺎﺏ ..