🔥🔞"في أحضان عزرائيل"🔞🔥(الجزء الثاني)

الحلقة 309

ﻳﺎﺳﺮ : ﻣﺰﺍﻝ ﻣﻜﻤﻠﺘﺶ ﻛﻼﻣﻲ
ﺍﻧﺎ : ﻣﻔﻤﺎ ﺣﺘﻰ ﺷﻲ ﻧﺤﻜﻮ ﻓﻴﻪ
ﻳﺎﺳﺮ : ﻋﻼﺵ ﻋﻨﺪﻙ ﺷﻜﻮﻥ ﻓﻲ ﺣﻴﺎﺗﻚ
ﻫﺰﻳﺖ ﺭﺍﺳﻲ ﻏﺰﺭﺗﻠﻮ ... ﻗﻠﺒﻲ ﺩﻕ ﺑﺎﻟﻮﻗﺖ ... ﺍﻳﻪ ﻓﻤﺎ ﺯﻳﺎﺩ ﻭ ﻛﻬﻮ ... ﻧﺤﺐ ﻧﻘﻮﻟﻮ ﺍﻟﻜﻼﻡ ﻫﺬﺍ ﺍﻣﺎ ﻣﻨﺠﻤﺘﺶ ... ﺍﻟﻜﻼﻡ ﻭﺣﻞ ﻓﻲ ﺣﻠﻘﻲ ... ﺣﺒﻲ ﻟﺰﻳﺎﺩ ﺳﺮﻱ ... ﻭ ﻣﻨﻌﺮﻓﺶ ﺍﺫﺍ ﺑﺎﺵ ﻳﺨﺮﺝ ﻟﻨﺎﺱ ﺍﻟﻜﻞ ... ﻭ ﻻ ﺑﺎﺵ ﻳﻤﻮﺕ ﻣﻌﺎﻧﺎ ﺯﻭﺯ ... ﺧﺬﻳﺖ ﻧﻔﺲ ... ﻭ ﻗﺤﺮﺗﻠﻮ ﻧﺤﻜﻲ
ﺍﻧﺎ : ﻳﺎﺳﺮ ﺍﺑﻌﺪ
ﻳﺎﺳﺮ : ﺟﺎﻭﺑﻨﻲ ﺳﺎﻋﺔ
ﺍﻧﺎ : ﻣﺶ ﺑﺎﺵ ﻧﺠﺎﻭﺑﻚ ﻋﻠﻰ ﺷﻲ ... ﻧﺤﺐ ﻧﻤﺸﻲ ﻣﻦ ﻫﻮﻧﻲ ﺗﻮﺍ
ﻣﺮﺟﻌﻠﻴﺶ ... ﻧﺰﻝ ﻋﻠﻴﺎ ﺍﻛﺜﺮ ... ﺣﺴﻴﺖ ﺑﺎﻟﻨﻔﺲ ﻣﺘﺎﻋﻮ ﻋﻠﻰ ﻭﺟﻬﻲ ... ﻗﻠﺒﻲ ﺩﻕ ﺑﺎﻟﻮﻗﺖ ... ﺣﻄﻴﺖ ﻳﺪﻱ ﻋﻠﻰ ﺻﺪﺭﻭ ... ﻧﺮﺟﻊ ﻓﻴﻪ ﻟﺘﺎﻟﻲ ... ﺩﻭﺭﺕ ﻭﺟﻬﻲ ﻋﻠﻴﻪ ﺷﻮﻳﺔ ... ﻛﺎﺑﺲ ﻋﻠﻰ ﻳﺪﻱ ﺑﻜﻞ ﻗﻮﺗﻮ ... ﺍﻭﻝ ﻣﺮﺓ ﻳﺘﺼﺮﻑ ﻣﻌﺎﻳﺎ ﺑﺎﻟﻄﺮﻳﻘﺔ ﻫﺎﺫﻱ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ﺍﻟﺼﺎﻟﺔ ﻓﺎﺭﻏﺔ ... ﻭ ﻣﻔﻤﺎ ﺣﺪ ﻏﻴﺮﻧﺎ ... ﻧﺤﺲ ﻓﻲ ﻗﻠﺒﻲ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﺑﺎﻟﻌﺎﺩﺓ ﺯﻳﺎﺩ ﻫﻮ ﺍﻟﻠﻲ ﻳﻤﻨﻌﻨﻲ ﻣﻦ ﺍﻟﻤﻮﺍﻗﻒ ﻫﺬﻭﻣﺎ ... ﺍﺻﻼ ﻣﻨﺠﻤﺶ ﻧﺨﻠﻲ ﺍﻱ ﺣﺪ ﺍﺧﺮ ﻏﻴﺮﻭ ﻳﺤﻂ ﻳﺪﻭ ﻋﻠﻴﺎ ... ﻣﻨﻌﺮﻓﺶ ﻛﻴﻒ ﻧﺠﻤﺖ ﻧﺤﺎﻓﻆ ﻋﺎﻟﺒﺮﻭﺩ ﻣﺘﺎﻋﻲ ﻭ ﻗﻮﺗﻲ ﻗﺪﺍﻣﻮ ... ﻧﻔﺲ ﻣﺘﺎﻋﻮ ﻗﻮﺍ ﻓﻲ ﻭﺟﻬﻲ ... ﺩﻭﺭﺕ ﺭﺍﺳﻲ ... ﺟﺎ ﻭﺟﻬﻲ ﻣﻊ ﻭﺟﻬﻮ ... ﻏﺰﺭﺗﻠﻮ ﺑﻜﻞ ﺗﺤﺪﻱ ... ﻭ ﻧﺤﻜﻲ ﻓﺮﺩ ﻭﻗﺖ
ﺍﻧﺎ : ﻳﻬﻤﻚ ﺑﺮﺷﺎ ﺗﻌﺮﻑ
ﻳﺎﺳﺮ : ﻣﻤﻢ
ﺍﻧﺎ : ﻣﻤﻤﻢ ﻫﺎﻧﻲ ﺑﺎﺵ ﻧﻄﻤﻨﻚ ﻣﻔﻤﺎ ﺣﺘﻰ ﺣﺪ ﻓﻲ ﺣﻴﺎﺗﻲ ﺍﻣﺎ
ﻗﺮﺑﺖ ﻣﻨﻮ ﺍﻛﺜﺮ ... ﻟﻴﻦ ﻣﻌﺎﺩﺵ ﻓﻤﺎ ﻣﺴﺎﻓﺔ ﺑﻴﻨﺎ ... ﻗﺮﺑﺖ ﺷﻔﺎﻓﻲ ﻣﻦ ﻭﺫﻧﻮ ﻧﺤﻜﻲ
ﺍﻧﺎ : ﺻﻌﻴﺐ ﺑﺮﺷﺎ ... ﻧﺨﻠﻲ ﺣﺪ ﻳﺪﺧﻞ ﻟﺤﻴﺎﺗﻲ
ﻳﺎﺳﺮ : ﻭ ﺍﻟﺴﺒﺐ
ﺍﻧﺎ : ﻳﻤﻜﻦ ﺧﺎﻃﺮ ﻣﻨﺠﻢ ﻧﻌﻄﻲ ﻓﺮﺻﺔ ﻟﺤﺪ ﺍﻧﻮ ﻳﻬﺪﻧﻲ ﻓﻲ ﺍﻻﺧﻴﺮ ﺍﻧﺎ ﺩﻧﻴﻴﺰ ... ﻭ ﻣﺶ ﺍﻱ ﻭﺣﺪﺓ
ﻳﺎﺳﺮ : ﻋﻠﻰ ﻫﺬﺍﻛﺎ ﻧﺤﺒﻚ ﺗﻜﻮﻥ ﻟﻴﺎ
ﺟﺒﺪﺕ ﺭﻭﺣﻲ ﻣﻨﻮ ... ﺗﺒﺴﻤﺖ ﻋﻠﻰ ﺟﻨﺐ ... ﻻﺯﻡ ﻧﺴﺎﻳﺮﻭ ... ﻭ ﻧﺘﻌﺎﻣﻞ ﻣﻌﺎﻩ ﻋﺎﺩﻱ ... ﻭ ﺍﻻ ﺑﺎﺵ ﻳﺸﻚ ﻓﻴﺎ ... ﻗﺮﺏ ﻣﻨﻲ ﺍﻛﺜﺮ ... ﻛﺒﺴﺖ ﺭﻭﺣﻲ .. ﻣﻨﺤﺒﻮﺵ ﻳﺒﻮﺳﻨﻲ ﻭ ﻻ ﻳﻌﻤﻞ ﺍﻱ ﺷﻲ ﺍﺧﺮ ... ﻳﺨﻠﻴﻨﻲ ﻧﻌﻴﻒ ﺑﺪﻧﻲ ... ﻭ ﻧﻨﻘﻢ ﻋﻠﻰ ﺭﻭﺣﻲ ... ﻓﻲ ﻟﺤﻈﺔ ﺩﺧﻞ ﻭﺍﺣﺪ ﻣﻦ ﺭﺟﺎﻟﻮ ... ﺗﻠﻔﺖ ﻏﺰﺭﻟﻮ ... ﺟﺒﺪﺕ ﻳﺪﻱ ﻣﻨﻮ ... ﺗﺤﺮﻕ ﻓﻴﺎ ﻣﻦ ﻛﺒﺴﺘﻮ ﻋﻼﻫﺎ ... ﻗﺤﺮﻟﻮ ﻗﺤﺮﺓ ﻣﻮﺕ ﻭ ﻗﺮﺏ ﻣﻨﻮ ﺑﺎﺵ ﻳﺤﻜﻲ ﻣﻌﺎﻩ ... ﻣﺨﻤﻤﺘﺶ ﻣﺮﺗﻴﻦ ... ﻫﺰﻳﺖ ﺻﺎﻛﻲ ﻭ ﺍﻟﻔﺎﺳﺖ ﻣﺘﺎﻋﻲ ... ﻭ ﺗﻌﺪﻳﺖ ﻣﻦ ﻗﺪﺍﻣﻬﻢ ﺧﺮﺟﺖ ﺑﺎﻟﺰﺭﺑﺔ ... ﻧﺴﺎﺑﻖ ﻓﻲ ﺍﻟﺨﻄﻮﺍﺕ ﺑﺎﺵ ﻧﻮﺻﻞ ﻟﻠﺒﺮﻛﻴﻨﻎ ... ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻣﺶ ﻣﺼﺪﻗﺔ ﻟﻲ ﺻﺎﺭ ... ﺍﺻﻼ ﻣﺘﺄﻛﺪﺓ ﻛﺎﻥ ﺯﻳﺎﺩ ﻳﻌﺮﻑ ﺑﺎﺵ ﻳﻘﻠﺐ ﺩﻧﻴﺎ ﻋﻠﻰ ﺭﺍﺳﻲ ... ﻭ ﺑﺎﺯ ﺑﺎﺵ ﻳﻌﺮﻑ ... ﻣﺶ ﺑﺎﺵ ﻳﺨﻔﻰ ﻋﻠﻴﻪ ﺷﻲ ... ﺍﻭﻝ ﻣﺎ ﻭﺻﻠﺖ ﻟﻠﻜﺮﻫﺒﺔ ... ﺣﻠﻴﺘﻪﺍ ﻭﺭﻛﺒﺖ ... ﺭﻣﻴﺖ ﺻﺎﻛﻲ ﻗﺪﺍﻣﻲ ... ﺣﻄﻴﺖ ﻳﺪﻳﺎ ﻋﺎﻟﻔﻮﻟﻮﻥ ... ﺯﻭﺯ ﻳﺮﻋﺸﻮ ... ﻣﻨﺤﺒﺶ ﻧﻮﺣﻞ ﺭﻭﺣﻲ ﻓﻲ ﺩﻭﺍﻣﺔ ﻛﻴﻤﺎ ﻫﺎﺫﻱ ... ﺩﻭﺏ ﺷﻔﺘﻮ ﻣﺨﺎﻟﻂ ﻋﻠﻴﺎ ... ﻃﺮﺕ ﺑﺎﻟﻜﺮﻫﺒﺔ ... ﺧﺮﺟﺖ ﻟﻄﺮﻳﻖ ... ﻧﺴﻮﻕ ﺑﺴﺮﻋﺔ ... ﻧﺴﻤﻊ ﻓﻲ ﺗﻠﻴﻔﻮﻧﻲ ﻳﻨﻮﻗﺰ ... ﻣﻐﺰﺭﺗﻠﻮﺵ ﺟﻤﻠﺔ ... ﺍﻭﻝ ﻣﺎ ﺑﻌﺪﺕ ﻋﺎﻟﻨﺎﺩﻱ ... ﺭﻛﻴﺖ ﺍﻟﻜﺮﻫﺒﺔ ﻋﻠﻰ ﺟﻨﺐ ... ﻭ ﺗﻜﻴﺖ ﻟﺘﺎﻟﻲ ... ﻧﺘﻨﻔﺲ ﺑﺎﻟﺰﺭﺑﺔ ... ﻋﺪﻳﺖ ﻳﺪﻳﺎ ﺯﻭﺯ ﻋﻠﻰ ﻭﺟﻬﻲ ... ﻛﺎﻥ ﻳﺎﺳﺮ ﺍﻟﻠﻲ ﻣﻔﻤﺎ ﺣﺘﻰ ﺷﻲ ﺑﻴﻨﺎ ... ﻣﺘﺤﻤﻠﺘﺶ ﻗﺮﺑﻮ ﻣﻨﻲ ... ﻛﻴﻒ ﺑﺎﺵ ﻧﺘﺤﻤﻞ ﺍﺩﻡ ... ﻛﻴﻒ ﺑﺎﺵ ﻧﺎﺧﻮ ﺛﺎﺭﻱ ﻣﻨﻮ ... ﻭ ﺍﻧﺎ ﺣﺘﻰ ﺍﻧﻔﺎﺳﻮ ﻣﻨﺠﻤﺶ ﻧﺘﺤﻤﻠﻬﺎ ... ﺭﻣﻴﺖ ﻳﺪﻱ ﺟﺒﺪﺕ ﺩﺑﻮﺯﺓ ﺍﻟﻤﺎ ﻣﻦ ﺻﺎﻛﻲ ... ﺷﺮﺑﺖ ﻣﻨﻬﺎ ... ﻧﻬﺪﻱ ﻓﻲ ﺭﻭﺣﻲ .. ﻭ ﻧﺤﻜﻲ ﻭﺣﺪﻱ ﻓﺮﺩ ﻭﻗﺖ "... ﺍﻫﺪﺍ ﺳﻮﺍﺍﺍﺭ ... ﻣﺎ ﺻﺎﺭ ﺷﻲ ... ﺍﻧﺖ ﺍﻗﻮﻯ ﻣﻦ ﻫﻜﺎ ﺑﺒﺮﺷﺎ ... ﺷﺘﻮﺻﻞ ﻟﻲ ﺗﺤﺐ ﻋﻠﻴﻪ ... ﻭ ﺗﺎﺧﻮ ﺣﻘﻚ ﻣﻨﻮ ﺑﺎﻟﻜﻞ ... ﻻﺯﻣﻚ ﺗﻜﻮﻥ ﻗﻮﻳﺔ .. ﺍﻧﺖ ﻭﻋﺪﺕ ﺍﻣﻚ ... ﻭﻭﻋﺪﺕ ﺭﻭﺣﻚ "
ﻗﺺ ﻋﻠﻴﺎ ﺻﻮﺕ ﺗﻠﻴﻔﻮﻧﻲ ﻟﻲ ﻳﺮﺟﻊ ﻳﻨﻮﻗﺰ ... ﻫﺰﻳﺘﻮ ﻓﻲ ﻳﺪﻱ ... ﻟﻘﻴﺘﻮ ﺯﻳﺎﺩ ﻳﻄﻠﺐ ... ﻗﻠﺒﻲ ﺩﻕ ﺑﺎﻟﻮﻗﺖ ... ﺷﻲ ﻣﻦ ﺍﻟﻮﺣﺶ ... ﻭ ﺷﻲ ﻣﻦ ﺍﻟﺨﻮﻑ .. ﺧﻔﺖ ﻛﺎﻥ ﻳﺴﻤﻊ ﺑﺎﻟﻠﻲ ﺻﺎﺭ ... ﻧﻌﺮﻑ ﻏﺸﻮ ﺧﺎﻳﺐ ... ﻛﻨﺖ ﺑﺎﺵ ﻧﻬﺰ ... ﺍﻣﺎ ﺫﻛﺮﺕ ﻻﻧﺎ ﻣﻌﺎﺩﺵ ﻧﺤﻜﻲ ﻣﻌﺎﻩ ... ﻋﻠﻘﺖ ﻋﻠﻴﻪ ... ﻭﺭﻣﻴﺖ ﺗﻠﻴﻔﻮﻥ ﻋﺎﻟﻜﺮﺳﻲ ... ﺧﺬﻳﺖ ﻧﻔﺲ ﻃﻮﻳﻞ ﻧﻬﺪﻱ ﻓﻲ ﺭﻭﺣﻲ ... ﺟﻴﺖ ﺑﺎﺵ ﻧﺮﺟﻊ ﻧﺨﺪﻡ ﺍﻟﻜﺮﻫﺒﺔ ... ﻭﻗﻔﻨﻲ ﺻﻮﺕ ﺍﻟﻤﻴﺴﺎﺝ ﺍﻟﻠﻲ ﻭﺻﻞ .. ﺭﺟﻌﺖ ﻫﺰﻳﺖ ﺗﻠﻴﻔﻮﻧﻲ ... ﺣﻠﻴﺘﻮ ﻧﻘﺮﺍ ﻓﻴﻪ ... ﻋﻴﻨﻴﺎ ﻭﺳﺎﻋﻮ ﺑﺎﻟﻮﻗﺖ ".