🔥🔞"في أحضان عزرائيل"🔞🔥(الجزء الثاني)

الحلقة 303

ﺣﺴﻴﺖ ﺑﺨﻄﻮﺍﺕ ﺧﻔﻴﻔﺔ ﺗﻘﺮﺏ ﻣﻨﻲ ... ﺭﻳﺤﺔ ﻣﺴﻚ ﻋﺒﺎﺕ ﺍﻟﺒﻼﺻﺔ ... ﺗﺒﺴﻤﺖ ﻋﻠﻰ ﺟﻨﺐ ... ﻭ ﺗﻠﻔﺖ ﻧﺸﻮﻑ ﻣﻌﺎﻩ ... ﻣﺎﺷﻲ ﻭ ﻳﻘﺮﺏ ﻓﻲ ﻳﺪﻭ ﺳﺒﺤﺔ ... ﻇﺎﻫﺮ ﺗﻮﺍ ﺧﺮﺝ ﻣﻦ ﺍﻟﺠﺎﻣﻊ ... ﺗﺒﺴﻤﺖ ﻭ ﻗﺮﺑﺖ ﻣﻨﻮ ﺑﺎﻟﺰﺭﺑﺔ ... ﻫﺰ ﻋﻜﺎﺯﺗﻮ ﺿﺮﺑﻨﻲ ﺑﻴﻬﺎ ﻋﻠﻰ ﻛﺘﻔﻲ ﺿﺮﺑﺎﺕ ﺧﻔﺎﻑ ... ﻭ ﻳﺤﻜﻲ ﻓﺮﺩ ﻭﻗﺖ ﺻﺎﻟﺢ : ﺍﺩﺩﻡ ... ﺍﺩﺩﻡ ﺍﻧﺎ : ﺍﻫﻼ ﻋﻢ ﺻﺎﻟﺢ ﺻﺎﻟﺢ : ﻓﻲ ﺑﺎﻟﻲ ﺿﻴﻌﺖ ﻃﺮﻳﻖ ﻟﻬﻮﻧﻲ ﺍﻧﺎ : ﻻ ﻭﺍﻟﻠﻪ ﺍﻣﺎ ﺍﻧﺖ ﺍﻛﺜﺮ ﺣﺪ ﺗﻌﺮﻑ ﻻﻧﺎ ﻻﻫﻲ ﻣﻊ ﺍﻟﺨﺪﻣﺔ ﺻﺎﻟﺢ : ﻭ ﺍﻟﺨﺪﻣﺔ ﺗﻠﻬﻴﻚ ﻋﻠﻴﺎ ﺍﻧﺎ : ﻣﺶ ﻋﻠﻴﻚ ﺻﺪﻗﻨﻲ ... ﺍﻣﺎ ﻗﺎﻋﺪ ﻧﺤﺎﻭﻝ ﻧﻬﺮﺏ ﻣﻦ ﺍﻟﺒﻼﺻﺔ ﻫﺎﺫﻱ .. ﻗﺪ ﻣﺎ ﻧﺠﻢ ﺻﺎﻟﺢ : ﺣﺘﻰ ﻭ ﻛﺎﻥ ﺑﻌﺪﺕ ﻣﻦ ﻫﻮﻧﻲ ﻻﺧﺮ ﺩﻧﻴﺎ ... ﺍﻟﻤﺎﺿﻲ ﺑﺎﺵ ﻳﺒﻘﻰ ﻳﻼﺣﻖ ﻓﻴﻚ ... ﺍﻟﻤﺎﺿﻲ ﻟﻘﺎﻋﺪ ﺗﺼﻠﺢ ﻓﻴﻪ ﺑﺎﻏﻼﻁ ﺍﺧﺮﻯ ﻭ ﻛﺒﻴﺮﺓ ﻧﺰﻟﺖ ﺭﺍﺳﻲ ... ﻏﻤﻀﺖ ﻋﻴﻨﻴﺎ .. ﻣﺎﻧﻴﺶ ﻏﺎﻟﻂ ... ﻭ ﻣﺴﺘﺤﻴﻞ ﻧﻜﻮﻥ ﻏﺎﻟﻂ ... ﻗﺎﻋﺪ ﻧﺎﺧﻮ ﻓﻲ ﺣﻘﻲ ﺑﻴﺪﻱ ... ﻭ ﻣﺴﺘﻌﺪ ﻧﻌﻤﻞ ﺍﻛﺜﺮ ﻣﻦ ﻫﻜﺎ ... ﻫﺰﻳﺖ ﺭﺍﺳﻲ ... ﻭ ﻏﺰﺭﺗﻠﻮ .. ﻫﻮ ﺍﻛﺜﺮ ﺣﺪ ﻳﻔﻬﻢ ﻭﺟﻴﻌﺘﻲ ﻭ ﻳﺤﺲ ﺑﻴﻬﺎ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻣﺎﻧﻴﺶ ﻏﺎﻟﻂ ﻳﺎ ﻋﻢ ﺻﺎﻟﺢ ... ﻭ ﻫﺬﻳﻜﺎ ﺍﻟﺒﺪﺍﻳﺔ ﺑﺮﻙ ﺻﺎﻟﺢ : ﻓﻲ ﺑﺎﻟﻚ ﻛﻲ ﻋﻤﻠﺖ ﺍﻛﺎﻛﺎ ﻓﻲ ﺍﻟﻄﻔﺔ ﺧﺬﻳﺖ ﺑﺜﺎﺭﻙ ... ﻗﻮﻟﻲ ﺭﺑﺤﺖ ﺷﻲ ... ﻭﺻﻠﺖ ﻟﺸﻲ ﺍﻧﺎ : ﺑﺎﺵ ﻧﻮﺻﻞ ... ﺑﺎﺵ ﻧﺨﻠﻲ ﺍﻛﺎ ﺍﻟﻜﻠﺐ ﻳﺨﺴﺮ ﻛﻠﺸﻲ ... ﻭ ﺍﻟﺪﻭﺭ ﻻﺣﻖ ﻟﻮﻟﺪﻭ ... ﺑﺎﺵ ﻳﻨﻄﻖ ﻭ ﻳﺨﺒﺮﻧﻲ ﺍﻟﺤﻘﻴﻘﺔ ﻛﺎﻣﻠﺔ ... ﻭ ﺍﻟﻠﻲ ﻗﺎﻫﺮﻧﻲ ﺍﻛﺜﺮ ﻣﻨﺠﻤﺶ ﻧﻘﺘﻠﻮ ﺗﻮﺍ ... ﺧﺎﻃﺮ ﺍﻟﺴﺮ ﺑﺎﺵ ﻳﻤﻮﺕ ﻣﻌﺎﻩ .. ﻋﻠﻰ ﻫﺬﺍﻛﺎ ﺑﺎﺵ ﻧﻌﻤﻞ ﻛﻠﺸﻲ ... ﻳﺨﻠﻴﻪ ﻳﺤﻜﻲ ... ﺑﺎﺵ ﻧﺨﺴﺮﻭ ﻓﻲ ﻛﻠﺸﻲ ﺑﺎﻫﻲ ﻓﻲ ﺣﻴﺎﺗﻮ ﻓﻬﻤﺘﻨﻲ ﻫﺰﻟﻲ ﺑﺮﺍﺳﻮ ﺍﻳﻪ ... ﻭ ﻋﻤﻠﻲ ﺑﻴﺪﻭ ﺟﺎﺳﺖ ... ﺑﺎﺵ ﻧﻤﺸﻮ ﻧﻘﻌﺪﻭ ... ﺟﺒﺪﺕ ﺭﻭﺣﻲ ﻭ ﻗﺮﺑﺖ ﻣﻦ ﺍﻟﻄﺎﻭﻟﺔ ... ﻗﻌﺪﺕ ﻋﺎﻟﻜﺮﺳﻲ ... ﻧﺸﻮﻑ ﻓﻲ ﺯﻭﺯ ﻛﻴﺴﺎﻥ ﺗﺎﻱ ﻓﺎﺭﻏﻴﻦ ... ﻏﺰﺭﺗﻠﻮ ﻧﺤﻜﻲ ﻭ ﻓﺮﺩ ﻧﺤﺎﻭﻝ ﻧﺨﺒﻲ ﺗﻮﺗﺮﻱ ﻟﻈﻬﺮ ... ﻭ ﻏﺸﻲ ﻟﺒﺪﺍ ﻳﺨﺮﺝ ... ﻣﻦ ﺍﻭﻝ ﻣﺎ ﺟﺒﺪﻟﻲ ﻋﻠﻰ ﺍﻟﻤﻮﺿﻮﻉ ﺍﻧﺎ : ﻳﺎﺧﻲ ﺷﻜﻮﻥ ﻛﺎﻥ ﻣﻌﺎﻙ ﺻﺎﻟﺢ : ﻭﺍﺣﺪ ﻣﻦ ﺍﻟﺤﻮﻣﺔ ﺍﻧﺎ : ﺑﺎﻫﻲ ﺻﺎﻟﺢ : ﺍﺗﻮ ﺗﻮ ﻳﻮﺻﻞ ﺗﺎﻱ ﻣﺘﺎﻋﻚ ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﻧﺸﻮﻑ ﻓﻴﻪ ﺷﺎﻭﺭ ﻟﻄﻔﻞ ﺟﺎ ﻳﺠﺮﻱ ﻣﻦ ﺍﻟﻘﻬﻮﺓ ... ﻫﺰ ﺍﻟﻜﻴﺴﺎﻥ ﻟﻲ ﻓﺎﺭﻏﻴﻦ ... ﻭ ﺭﺟﻊ ﺑﺰﻭﺯ ﺍﺧﺮﻳﻦ ... ﺣﻂ ﻭﺍﺣﺪ ﻗﺪﺍﻣﻲ ... ﺍﻣﺎ ﺍﻧﺎ ﻟﻠﺤﻈﺔ ﺳﺮﺣﺖ ﺑﻌﻴﺪ ... ﺳﺮﺣﺖ ﻭ ﺍﻧﺎ ﻧﺘﻔﺮﺝ ﻟﻠﺤﻮﻣﺔ ... ﻟﻠﻘﻬﻮﺓ ﻭ ﺍﻟﺠﺎﻣﻊ ... ﺗﺮﻛﺰﻭ ﻋﻴﻨﻴﺎ ﻓﻲ ﺯﻭﺯ ﻭﻻﺩ ﻳﻠﻌﺒﻮ ﻓﻲ ﺍﻟﻜﻮﺭﺓ ... ﻻﺧﺮ ﻗﺎﻋﺪ ﻳﻌﺎﻭﻥ ﻓﻲ ﺧﻮﻩ ﺧﺎﻃﺮ ﻃﺎﺡ ... ﺟﺎﺳﺖ ﺭﺟﻌﻨﻲ ﺑﺬﺍﻛﺮﺓ ﺳﻨﻴﻦ ﻟﺘﺎﻟﻲ ... ﺳﻨﻴﻦ ﻃﻮﻳﻠﺔ ﻭ ﻣﺴﺘﺤﻴﻞ ﺗﺮﺟﻊ ... ﺫﻛﺮﻳﺎﺕ ﺣﻠﻮﺓ ﻭ ﺑﺎﻫﻴﺔ ... ﺍﻣﺎ ﺫﻛﺮﺗﻬﺎ ﺑﻮﺟﻴﻌﺔ ﻛﺒﻴﺮﺓ