🔥🔞"في أحضان عزرائيل"🔞🔥(الجزء الثاني)

الحلقة 202

ﺍﻧﺎ : ﻋﻤﻠﺖ ﺷﻲ ﻏﺎﻟﻂ ﺍﻧﺎ ... ﻣﺶ ﻫﺎﺫﻱ ﺧﺪﻣﺘﻲ ... ﻧﺮﻛﺢ ﺍﻟﺮﺟﺎﻝ ﻻﻧﺖ ﺗﺨﺘﺎﺭﻫﻢ ... ﻭ ﺍﻫﻢ ﺷﻲ ﺗﻮﺻﻞ ﻟﻲ ﺗﺤﺐ ﻋﻠﻴﻪ ﻣﺶ ﻫﻜﺎ ... ﺍﻟﻤﻬﻢ ﺗﻮﺻﻞ ﻟﻲ ﺣﺎﺟﺘﻚ ﺑﻴﻪ ... ﻭ ﺍﻧﺎ ﻛﺎﻥ ﻧﻮﺻﻞ ﻟﺴﺮﻳﺮﻫﻢ ﻣﻴﻬﻤﻜﺶ
ﻋﺎﻟﻜﻠﻤﺔ ﻫﺬﻳﻜﺎ ... ﻗﺮﺏ ﻣﻨﻲ ﺍﻛﺜﺮ ... ﻧﺰﻝ ﻋﻠﻴﺎ ... ﺣﻂ ﻳﺪﻭ ﻋﻠﻰ ﻭﺟﻬﻲ ... ﻛﺒﺲ ﻋﻠﻴﻪ ... ﻭ ﻏﺰﺭﻟﻲ ﻧﺪﺭﺍ ﻛﻴﻒ ﻳﺤﻜﻲ
ﺯﻳﺎﺩ : ﻓﻤﻚ ﻫﺬﺍ ﺑﺎﺵ ﻧﻬﺪﻭ ﻛﺎﻥ ﻣﺰﻟﺖ ﻧﺴﻤﻊ ¤¤¤ ﺍﻟﻜﻼﻡ ﻫﺬﺍ ﻣﻨﻚ
ﺟﺒﺪﺕ ﻭﺟﻬﻲ ﻣﻦ ﻳﺪﻭ ... ﻭ ﻏﺰﺭﺗﻠﻮ ... ﻗﺤﺮﺗﻠﻮ ﻗﺤﺮﺓ ﻣﻮﺕ ﻧﺤﻜﻲ
ﺍﻧﺎ : ﻋﻼﺍﺍﺵ ﻣﺶ ﺍﻧﺎ ﻣﺴﺘﺎﻧﺴﺔ ﻣﻼ ﺷﻔﺎﻫﺎ ... ﻣﺶ ﺍﻫﻢ ﺷﻲ ﺗﺎﺧﻮ ﻟﻲ ﺣﺎﺟﺘﻚ ﺑﻴﻚ ... ﻭ ﺍﻟﻠﻌﺒﺔ ﻫﻜﺎ ﻭ ﻻ ﻫﻜﺎ ﺑﺎﺵ ﺗﻮﻓﺎ
ﻧﻔﺦ ﺑﺎﻟﻘﺎﻭﻱ ... ﻭ ﻋﺪﺍ ﻳﺪﻭ ﻋﻠﻰ ﻭﺟﻬﻮ ﺑﻌﺼﺐ ... ﻭ ﻧﺰﻝ ﺭﺍﺳﻮ ﻏﺰﺭﻟﻲ ﻳﺤﻜﻲ
ﺯﻳﺎﺍﺩ : ﻣﻼ ﻗﺘﻠﻲ ﻣﺴﺘﺎﻧﺴﺔ
ﺍﻧﺎ : ﻣﺶ ﻫﺬﺍ ﻛﻼﻣﻚ
ﺯﻳﺎﺩ : ﺑﺎﻫﻲ ﺍﻳﺠﺎ ﻣﻌﺎﻳﺎ ﻣﻼ
ﻧﺰﻝ ﻋﻠﻴﺎ ... ﺷﺪﻧﻲ ﻣﻦ ﻳﺪﻱ ... ﻭﻗﻔﻨﻲ ﺑﺎﻟﻘﺎﻭﻱ ... ﺣﻄﻴﺖ ﻳﺪﻱ ﻋﻠﻰ ﻳﺪﻭ ... ﻧﺤﺎﻭﻝ ﻧﺠﺒﺪ ﻓﻲ ﺭﻭﺣﻲ ﻭ ﻧﺤﻜﻲ ﻓﺮﺩ ﻭﻗﺖ
ﺍﻧﺎ : ﺯﻳﻴﺎﺩ ﺳﻴﺒﻨﻲ ﻓﺎﺵ ﺗﻌﻤﻞ
ﺯﻳﺎﺩ : ﻣﺶ ﺍﻧﺖ ﻣﺴﺘﺎﻧﺴﺔ ... ﻣﻼ ﺧﻠﻴﻨﻲ ﻧﺠﺮﺑﻚ ﻗﺒﻠﻬﻢ ﺷﺮﺍﻳﻚ
ﻋﻴﻨﻴﺎ ﻭﺳﺎﻋﻮ ﻣﻦ ﻛﻼﻣﻮ ... ﺍﻟﺪﻡ ﺟﻤﺪ ﻓﻲ ﻋﺮﻭﻗﻲ ... ﻭ ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﻧﺤﺲ ﺍﻟﻜﻼﻡ ﻫﺮﺏ ﻣﻨﻲ ... ﻣﺶ ﻣﺼﺪﻗﺔ ﻟﻲ ﺳﻤﻌﺘﻮ ... ﻭ ﻻ ﻫﻮ ﻗﺎﻝ ﻫﻜﺎ ... ﺑﻘﻴﺖ ﻧﺸﻮﻑ ﻣﻌﺎﻩ ... ﻓﻴﻘﻨﻲ ﻣﻦ ﺳﺮﺣﺘﻲ ... ﻛﻲ ﺟﺒﺪﻧﻲ ﻟﻴﻪ ... ﺿﺮﺑﺖ ﻓﻲ ﺻﺪﺭﻭ ... ﺣﺎﻭﻟﺖ ﻧﺠﺒﺪ ﺭﻭﺣﻲ ﻣﻨﻮ ﻭ ﻧﺤﻜﻲ ﻓﺮﺩ ﻭﻗﺖ
ﺍﻧﺎ : ﺳﻴﻴﺒﻨﻲ ﻓﺎﺵ ﺗﺤﻜﻲ ﺍﻧﺖ
ﺯﻳﺎﺩ : ﺷﻨﻮﺓ ﻣﺶ ﻫﺬﺍ ﻟﻲ ﺗﺤﺐ ﻋﻠﻴﻪ ﺍﻧﺖ ... ﻣﻼ ﻫﻴﺎ
ﺍﻧﺎ : ﺯﻳﺎﺍﺍﺍﺍﺩ ﺳﻴﺒﻨﻲ ﻧﻘﻠﻚ ... ﻣﺎ ﻧﺠﻲ ﻣﻌﺎﻙ ﻟﺤﺘﻰ ﺑﻼﺻﺔ
ﺯﻳﺎﺩ : ﻋﻼﺵ ﺷﻨﻮﺓ ﺯﺍﻳﺪ ﻓﻴﻪ ﻫﻮ
ﺍﻧﺎ : ﻳﺎﺧﻲ ﻫﺒﻠﺖ ﺍﻧﺖ ﺳﻴﺒﻨﻲ ﺯﻳﺎﺍﺍﺩ
ﻛﺒﺲ ﻋﻠﻴﺎ ﺍﻛﺜﺮ ... ﻗﺮﺑﻨﻲ ﻣﻨﻮ ... ﺣﺎﻭﻟﺖ ﻧﺪﺯﻭ ﺑﻴﺪﻱ ﻣﻨﺠﻤﺘﺶ ﻭﺟﻌﺘﻨﻲ ﻋﺎﻟﻠﺨﺮ ... ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﻫﺰ ﻳﺪﻭ ﺣﻄﻬﺎ ﻋﻠﻰ ﺷﻌﺮﻱ ... ﻳﺒﻌﺪ ﻓﻴﻪ ﻟﺘﺎﻟﻲ ﻭ ﻳﺤﻜﻲ
ﺯﻳﺎﺩ : ﺷﻨﻮﻭﻭﺓ ﺧﻔﺖ ... ﻛﻲ ﺍﻧﺖ ﻣﺶ ﻗﺪ ﻛﻼﻣﻚ ... ﻋﻼﺵ ﺗﺤﻞ ﻓﻲ ﻓﻤﻚ
ﺍﻧﺎ : ﺳﻴﺒﻨﻲ
ﺣﺴﻴﺖ ﺑﺪﻧﻲ ﺭﺧﻒ ... ﻣﻨﻌﺮﻓﺶ ﺷﺒﻴﻨﻲ ... ﻗﻮﺗﻲ ﺍﻟﻜﻞ ﻃﺎﺣﺖ ﻓﻲ ﺍﻟﻤﺎ ﻣﻦ ﻛﻼﻣﻮ ... ﻣﺘﻮﻗﻌﺘﺶ ﻟﻬﻮ ﻳﻮﺻﻞ ﺑﺎﺵ ﻳﺤﻜﻲ ﻣﻌﺎﻳﺎ ﻫﻜﺎ ... ﻳﻮﺻﻞ ﻳﺨﻠﻴﻨﻲ ﻟﻌﺒﺔ ﺑﻴﻨﻮ ﻭ ﺑﻴﻦ ﻣﻌﺎﺭﻓﻮ ... ﻏﺰﺭﺗﻠﻮ ﺑﺤﻘﺪ ... ﻭ ﺍﻧﺎ ﻧﺤﺎﻭﻝ ﻧﺠﺒﺪ ﻓﻲ ﻳﺪﻱ ﻣﻨﻮ ... ﻧﺰﻟﺖ ﻳﺪﻱ ﻻﺧﺮﻯ ﺧﺎﻃﺮ ﺷﻔﺖ ﺍﻟﺠﺮﺡ ﻟﺒﺪﺍ ﻳﻨﺰﻑ ﻭ ﺍﻟﺪﻡ ﺧﺮﺝ ﻣﻦ ﺍﻟﻔﺎﺻﻤﺔ ... ﻭ ﺳﺎﻗﻲ ﻣﻌﺎﺩﺵ ﻧﺠﻢ ﻧﺎﻗﻒ ﻋﻼﻫﺎ ... ﺍﻣﺎ ﺑﺎﻗﻴﺔ ﺷﺎﺩﺓ ﺭﻭﺣﻲ ﻗﺪﺍﻣﻮ ... ﻭ ﻣﻨﺤﺒﺶ ﻧﻀﻌﻒ ﺍﻛﺜﺮ ... ﻣﻨﺤﺒﺶ ﻧﺒﻜﻲ ... ﻳﺰﻱ ﻟﻲ ﺷﻔﺘﻮ ﻭ ﺳﻤﻌﺘﻮ ﻣﻨﻮ ... ﺑﻘﻴﺖ ﻧﺠﺒﺪ ﻓﻲ ﻳﺪﻱ ﻣﻨﻮ ... ﻣﻨﺤﺒﺶ ﻧﻔﻜﺮ ﻟﻬﻮ ﻗﺎﻝ ﻛﻼﻣﻮ ﺑﺎﻟﺤﻖ ... ﻧﻌﺮﻓﻮ ﻣﻴﻨﺠﻤﺶ ﻳﻌﻤﻠﻬﺎ ﻓﻴﺎ ... ﺳﺎﻗﻲ ﻭﺟﻌﺘﻨﻲ ﺍﻛﺜﺮ ... ﺣﺘﻰ ﻇﻬﺮﻱ ﻣﻦ ﺗﺎﻟﻲ ... ﻧﺤﺴﻮ ﻣﻘﺴﻮﻡ ﻋﻠﻰ ﺯﻭﺯ ... ﻏﺰﺭﻟﻲ ﻣﻦ ﻓﻮﻕ ﻟﻠﻮﻃﺔ ... ﺩﻭﺏ ﺷﺎﻑ ﺣﺎﻟﺘﻲ ... ﺭﺧﻒ ﻳﺪﻭ ﻋﻠﻰ ﻳﺪﻱ ... ﻭ ﻋﺪﺍﻫﺎ ﻋﻠﻰ ﻭﺟﻬﻮ ﺑﺎﻟﺰﺭﺑﺔ ... ﺟﺒﺪﺕ ﺭﻭﺣﻲ ﻣﻨﻮ ... ﻭﺧﺮﺕ ﻟﺘﺎﻟﻲ ﺑﺎﻟﺴﻴﻒ ... ﺧﻄﻮﺓ ﻧﻌﻤﻠﻬﺎ ﺑﻄﻠﻮﻉ ﺭﻭﺡ ... ﺍﺳﺘﻨﺪﺕ ﺑﻴﺪﻱ ﻋﻠﻰ ﺣﺮﻑ ﺍﻟﻔﻮﺗﺎﻱ .. ﻭ ﺗﻠﻔﺖ ﻧﺸﻮﻑ ﻣﻌﺎﻩ ... ﻗﺤﺮﺗﻠﻮ ﻧﺤﻜﻲ
ﺍﻧﺎ : ﻳﺎﺳﺮ ﻋﺎﻭﻧﻲ ﺑﺎﺵ ﺟﻴﺖ ... ﺧﺎﻃﺮ ﻃﺤﺖ ﻓﻲ ﺻﺎﻟﺔ ... ﻣﺶ ﻛﻴﻤﺎ ﺳﻴﺎﺩﺗﻚ ﻓﻬﻤﺖ ... ﻭ ﻣﺶ ﺍﻧﺎ ﻟﻲ ﻧﺨﻠﻂ ﺣﻴﺎﺗﻲ ﺍﻟﺸﺨﺼﻴﺔ ﺑﺨﺪﻣﺘﻲ ﺑﺎﻫﻲ