🔥🔞"في أحضان عزرائيل"🔞🔥(الجزء الثاني)

الحلقة 232

ﺯﻳﺎﺩ ﻳﺤﻜﻲ : ﻧﺸﻮﻑ ﻓﻲ ﺍﺩﻡ ﻭﺍﻗﻒ ﻣﻊ ﻳﺎﺳﺮ ... ﺻﺤﻴﺢ ﻧﻌﺮﻑ ﻟﻔﻤﺎ ﺑﻴﻨﻬﻢ ﺧﺪﻣﺔ ... ﺍﻣﺎ ﻣﺶ ﻟﺪﺭﺟﺔ ... ﻳﺘﻠﻘﺎﻭ ﻓﻲ ﺑﻼﺻﺔ ﻫﻜﺎ ... ﻭﺭﺟﺎﻟﻬﻢ ﻣﺤﺎﻭﻃﻴﻨﻬﻢ ... ﻧﻌﺮﻑ ﺍﺩﻡ ﺑﺎﻟﻘﺪﺍ ... ﺑﺎﺯ ﻓﻲ ﺭﺍﺳﻮ ﺣﺎﺟﺔ ﺍﻟﻔﺘﺮﺓ ﻫﺎﺫﻱ ... ﻭ ﻟﻘﺎﺋﻮ ﻣﻊ ﻳﺎﺳﺮ ... ﻣﺶ ﺍﻛﺎﻛﺎ ﻭ ﺑﺮﻙ ... ﺗﻜﻴﺖ ﻟﺘﺎﻟﻲ ﻧﺸﻮﻑ ﻣﻌﺎﻫﻢ ... ﻭ ﻧﺴﻤﻊ ﻓﻴﻬﺎ ﺗﺘﻨﻔﺲ ﺑﺎﻟﻘﺎﻭﻱ ... ﺣﺴﻴﺖ ﻟﻲ ﻓﻤﺎ ﺣﺎﺟﺔ ﻣﻘﻠﻘﺘﻬﺎ ﻣﻦ ﺻﻮﺗﻬﺎ ﻟﻲ ﻛﺎﻥ ﻣﻐﻤﻮﻡ ﺑﺎﻟﺒﻜﺎ ﻭ ﻋﻴﻨﻴﻬﺎ ﻟﻲ ﺣﻤﺮ ... ﺍﻣﺎ ﻣﻨﺠﻤﺘﺶ ﻧﺴﺄﻟﻬﺎ ... ﻟﺘﻮﺍ ﻣﺶ ﻣﺼﺪﻕ ﻟﻠﻔﺮﺧﺔ ﻋﺪﺍﺗﻬﺎ ﻋﻠﻴﻬﻢ ﻭ ﺧﺮﺟﺖ ﻣﻦ ﺩﺍﺭ ... ﻣﻦ ﺍﻟﺸﺒﺎﻙ ... ﺍﺻﻼ ﺍﻭﻝ ﻣﺎ ﻭﺻﻠﺖ ﻭ ﻋﺮﻓﺖ ﻟﻬﻲ ﻣﺶ ﻏﺎﺩﻱ ... ﺟﺎﺕ ﻋﻴﻨﻲ ﻋﺎﻟﺸﺒﺎﻙ ... ﻗﺮﺑﺖ ﻣﻨﻮ ... ﻗﺪﺭﺕ ﺗﺴﻮﻃﻲ ﺍﻟﻔﺮﺧﺔ ... ﻛﻨﺖ ﺑﺎﺵ ﻧﺮﺟﻊ ﻟﺘﺎﻟﻲ ... ﺍﻣﺎ ﻟﻘﻴﺖ ﺷﺮﻛﺘﻬﺎ ﻏﺎﺩﻱ ... ﺍﺣﺴﻦ ﺷﻲ ﻣﻀﻴﻌﺘﻬﺎﺵ ﻓﻲ ﺑﻼﺻﺔ ﺍﺧﺮﻯ ... ﺩﻭﺭﺕ ﺭﺍﺳﻲ ﺷﻮﻳﺔ ... ﻧﺸﻮﻑ ﻓﻴﻬﺎ ﻣﺘﻜﻴﺔ ﻟﺘﺎﻟﻲ ﺗﺸﻮﻑ ﻣﻌﺎﻋﻬﻢ ... ﺭﺻﻴﺖ ﻋﻠﻰ ﺳﻨﻴﺎ ﻧﺤﻜﻲ ﺍﻧﺎ : ﺷﻨﻮﺓ ﻋﺎﺟﺒﻚ ﺍﻟﻤﻨﻈﺮ ﻏﺎﺩﻱ ... ﻫﺎﻧﻲ ﺧﻠﻴﺘﻚ ﺗﻘﺎﺑﻠﻮ ﻭ ﺗﺸﺒﻊ ﺑﻴﻪ ﺳﻮﺍﺭ : ﻣﻨﺤﺐ ﻧﺸﻮﻑ ﺣﺪ ... ﺭﺟﻌﻨﻲ ﻟﺪﺍﺭ ﻭ ﻛﻬﻮ ﺍﻧﺎ : ﻓﺎﺵ ﻗﺎﻡ ﺳﻮﺍﺭ : ﺗﺎﻋﺒﺔ ﻋﺎﻟﻠﺨﺮ ﺍﻧﺎ : ﻫﺬﺍﻛﺎ ﻣﻦ ﺩﻭﺭﺍﻥ ﻣﻊ ¤¤¤¤ ﻣﺘﺎﻋﻚ ﺳﻮﺍﺭ : ﻣﺶ ﻣﺘﺎﻋﻲ ﻭ ﺩﻳﺠﺎ ﺍﻧﺖ ﻋﻼﺵ ﻣﺘﺤﺎﺳﺒﻬﺎﺵ ﻫﻲ ... ﻣﺶ ﻫﻲ ﺯﺍﺩﺓ ﺗﺨﺪﻡ ﻣﻌﺎﻙ ﺍﻧﺎ : ﺷﻴﻬﻤﻚ ﻓﻴﻬﺎ ﺍﻧﺖ ﺳﻮﺍﺭ : ﻭ ﺍﻧﺖ ﺷﻴﻬﻤﻚ ﻓﻲ ﻳﺎﺳﺮ ﺍﻧﺎ : ﻣﺰﻟﺖ ﺗﻘﻮﻝ ﻓﻲ ﺍﺳﻤﻮ ﺳﻮﺍﺭ : ﻳﺎﺧﻲ ﺷﺒﻴﻚ ﻣﺘﺤﺐ ﺣﺘﻰ ﺣﺪ ﺍﻧﺖ ﺍﻧﺎ : ﺷﻜﻮﻥ ﻗﻠﻚ ﺳﻮﺍﺭ؛ﻫﻜﺎ ﺍﺳﺘﻨﺘﺠﺖ ﻭﺣﺪﻱ ﺍﻟﺸﻴﻄﺎﻥ ﻣﺴﺘﺤﻴﻞ ﻳﺤﺐ ﺍﻧﺎ : ﻭ ﻛﺎﻥ ﻃﻠﻊ ﻳﺤﺐ ﺳﻮﺍﺭ : ﻭﻗﺘﻬﺎ ﺑﺎﺵ ﺗﺒﺪﺍ ﺍﻟﻌﺎﺻﻔﺔ ﺍﻧﺎ : ﺑﺪﺍﺕ ﺩﻳﺠﺎ ﺳﻮﺍﺭ : ﻣﺤﺴﻴﺘﺶ ﺑﻴﻬﺎ ﺍﻧﺎ : ﻋﻼﺵ ﺗﺤﺐ ﺗﺤﺲ ﺑﻴﻬﺎ ﺩﺍﺭﺕ ﻟﻴﺎ ﺑﺎﻟﻜﻞ ﺟﺎ ﻭﺟﻬﻲ ﻣﻊ ﻭﺟﻬﺎ ﺗﺒﺴﻤﺖ ﻋﻠﻰ ﺟﻨﺐ ﻭ ﻫﺰﺕ ﻳﺪﻫﺎ ﻋﺪﺍﺕ ﺻﻮﺍﺑﻌﻬﺎ ﻋﻠﻰ ﺧﺪﻱ ﺗﺤﻜﻲ ﺳﻮﺍﺭ : ﺍﻧﺎ ﻫﻲ ﺍﻟﻌﺎﺻﻔﺔ ﺑﺤﺪ ﺫﺍﺗﻬﺎ ﺯﻋﻤﺔ ﺍﻧﺖ ﺑﺎﺵ ﺗﻨﺠﻢ ﺗﻮﻗﻔﻨﻲ ﺗﺒﺴﻤﺖ ﻋﻠﻰ ﺟﻨﺐ ﻭ ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻳﺪﻫﺎ ﺟﺒﺪﺗﻬﺎ ﻋﻨﺪﻱ ﺍﻛﺜﺮ ... ﺣﻄﻴﺖ ﺧﺸﻤﻲ ﻋﻠﻰ ﺧﺸﻤﻬﺎ ﻧﺤﻜﻲ ﺍﻧﺎ : ﺍﻧﺎ ﻟﻲ ﺧﻠﻘﺖ ﺍﻟﻌﺎﺻﻔﺔ ﻫﺎﺫﻱ ﻣﻦ ﻧﺴﻤﺔ ﺧﻔﻴﻔﺔ ... ﺯﻋﻤﺔ ﺗﻨﺠﻢ ﺗﺘﻮﻗﻊ ﻛﻴﻒ ﺑﺎﺵ ﻧﻮﻗﻔﻬﺎ ﺳﻮﺍﺭ : ﺍﻟﻌﺎﺻﻔﺔ ﻓﻲ ﻳﺪﻙ ... ﻛﻞ ﻣﺮﺓ ﺗﻔﺘﺢ ﻳﺪﻙ ... ﺑﺎﺵ ﺗﺨﺮﺝ ﻏﺼﺒﺎ ﻋﻼﻫﺎ ... ﻭﻗﺘﻬﺎ ﻻ ﺗﻨﺠﻢ ﺗﻮﻗﻒ ﺍﻟﻤﻄﺮ ... ﻭ ﻻ ﺍﻟﺒﺤﺮ ﻗﺮﺑﺖ ﻣﻨﻬﺎ ﺍﻛﺜﺮ ... ﺣﻄﻴﺖ ﺷﻔﺎﻓﻲ ﻗﺮﻳﺐ ﻟﻮﺫﻧﻬﺎ ﻧﺤﻜﻲ ﺍﻧﺎ : ﺍﻧﺎ ﺍﻟﺸﻴﻄﺎﻥ ... ﺑﺤﺪ ﺫﺍﺗﻮ ... ﻭ ﺍﻧﺖ ﻓﻲ ﻗﺒﻀﺔ ﺷﻴﻄﺎﻥ ... ﻻ ﺍﻟﻤﻄﺮ ﻭ ﻻ ﺍﻟﺒﺤﺮ ﻳﻨﺠﻢ ﻳﻮﻗﻔﻨﻲ ﺳﻮﺍﺭ : ﺍﻧﺎ ﻓﻲ ﻗﺒﻀﺔ ﺍﻟﻤﺎﺿﻲ ... ﺯﻳﺎﺩ ... ﻣﻔﻤﺎ ﺣﺘﻰ ﺷﻲ ﻳﺴﻴﻄﺮ ﻋﻠﻰ ﺣﻴﺎﺗﻲ ﻛﻴﻔﻮ ... ﺍﻣﺎ ﺍﻧﺖ ﺣﻄﻴﺘﻨﻲ ﺑﻴﻦ ﺍﻟﻤﺪ ﻭ ﺍﻟﺠﺰﺭ ... ﻣﻦ ﺷﻴﺮﺓ ﺗﺤﺒﻨﻲ ﻧﻘﻮﻯ ﻭ ﻧﻘﺪﻡ ﺍﻛﺜﺮ ... ﻭ ﻣﻦ ﺷﻴﺮﺓ ﻗﺎﻋﺪ ﺗﺮﺟﻊ ﻓﻴﺎ ﻟﺘﺎﻟﻲ ... ﻭﻳﻦ ﺩﻓﻨﺖ ﺳﻮﺍﺭ ﺧﺬﻳﺖ ﻧﻔﺲ ﻣﻦ ﺭﻳﺤﺘﻬﺎ ﺳﻜﺮﺕ ﻋﻴﻨﻴﺎ ﻛﺒﺴﺖ ﻋﻼﻫﺎ ﺍﻛﺜﺮ ﻧﺤﻜﻲ ﺍﻧﺎ : ﻛﺎﻥ ﺑﺎﺵ ﺗﺒﻘﻰ ﻭﺭﺍﻳﺎ ﻣﺴﺘﺤﻴﻞ ﻧﺨﻠﻴﻚ ﺗﺮﺟﻊ ﻟﺘﺎﻟﻲ ﺳﻮﺍﺭ : ﻭ ﺍﻧﺖ ﺗﻌﺮﻑ ﻻﻧﺖ ﺳﻨﺪﻱ ﻫﻮﻧﻲ ... ﻟﻲ ﻳﻮﻓﺎ ﻛﻠﺸﻲ ﺍﻧﺎ : ﻣﺶ ﺑﺎﺵ ﻳﻮﻓﺎ ﺷﻲ ﻭ ﻣﻨﺤﺒﺶ ﻧﻌﺎﻭﺩ ﻛﻼﻣﻲ ﻣﺮﺓ ﺍﺧﺮﻯ ¤¤¤¤¤.... ﻫﺬﺍﻛﺎ ﺑﺎﺵ ﺗﻘﺎﺑﻠﻮ ﺑﻼ ﻋﻠﻤﻲ ... ﻭ ﺩﻳﺠﺎ ﻣﺶ ﺑﺎﺵ ﻧﻌﺪﻳﻠﻚ ﺍﻟﻔﺎﺯﺓ ﻣﺘﺎﻉ ﺍﻟﻴﻮﻡ .. ﺍﺗﻮ ﻧﻤﺸﻮ ﻣﻦ ﻫﻮﻧﻲ ﺑﺮﻙ ﻭ ﻧﻮﺭﻳﻚ ﺍﻟﻠﻌﺐ ﻋﻠﻰ ﻗﺎﻋﺪﺓ ... ﺗﺴﻮﻃﻲ ﻣﻦ ﺷﺒﺎﻙ ﻓﻲ ﺑﺎﻟﻚ ﺑﺎﺵ ﺗﺘﻌﺪﺍ ﻳﺎﺧﻲ