🔥🔞"في أحضان عزرائيل"🔞🔥(الجزء الثاني)

الحلقة 314

ﻭ ﻧﻨﺴﻰ ﻛﻠﺸﻲ
ﺻﺎﺭ ﻭ ﺍﻟﻠﻲ ﺑﺎﺵ ﻳﺼﻴﺮ
ﺣﺴﻴﺖ ﺑﻴﺪﻳﻪ ﺗﺤﻄﺖ ﻋﻠﻰ ﻛﺘﺎﻓﻲ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻣﻦ ﻛﺒﺴﺘﻮ ﻋﻠﻴﺎ ... ﻋﺮﻓﺘﻮ ﺑﺎﺵ ﻳﺮﺟﻌﻨﻲ ﻟﺘﺎﻟﻲ ... ﺭﺧﻔﺖ ﻳﺪﻳﺎ ﺷﻮﻳﺔ ﺷﻮﻳﺔ ﻋﻠﻰ ﻇﻬﺮﻭ ... ﺟﺒﺪ ﺭﻭﺣﻮ ﻣﻨﻲ ... ﻏﺰﺭﻟﻲ ... ﺡﺍﻭﻟﺖ ﻧﻠﻘﻰ ﺷﻲ ﻓﻲ ﻧﻈﺮﺗﻮ ﻟﻴﺎ ... ﺍﻣﺎ ﻣﻨﺠﻤﺘﺶ ... ﻣﻼﻣﺤﻮ ﺑﺎﺭﺩﺓ ... ﻛﻴﻤﺎ ﺍﻭﻝ ﻣﺮﺓ ﻋﺮﻓﺘﻮ ﻓﻴﻬﺎ ... ﻏﺰﺭﺓ ﻭﺣﺪﺓ ... ﺧﻼﺗﻨﻲ ﻧﺠﻤﺪ ﻓﻲ ﺑﻼﺻﺘﻲ ... ﻣﻨﻌﺮﻓﺶ ﻛﻴﻒ ﻃﺎﻭﻋﻨﻲ ﺑﺪﻧﻲ ﻭ ﻗﺮﺑﺖ ﻣﻨﻮ ﺧﻄﻮﺓ ... ﻗﺒﻞ ﻣﺎ ﻧﻜﻤﻠﻬﺎ ... ﻭﻗﻔﻨﻲ ﺑﻴﺪﻭ .. ﻭ ﺗﺒﺴﻢ ﺷﻄﺮ ﺗﺒﺴﻴﻤﺔ ﻳﺤﻜﻲ
ﺯﻳﺎﺩ : ﺑﺎﻫﻲ ... ﻛﻴﻢﺍ ﺗﺤﺐ ... ﻣﻦ ﺍﻟﻴﻮﻡ ﺑﺎﺵ ﺗﻜﻮﻥ ﺩﻧﻴﺰ ... ﺍﻣﺎ ﺣﻂ ﻓﻲ ﺭﺍﺳﻚ ... ﺍﻧﻮ ﺩﻧﻴﺰ ﺗﻤﺸﻲ ﺑﻜﻼﻣﻲ ﺍﻧﺎ ﻛﻬﻮ
ﺳﻜﺖ ﺷﻮﻳﺔ ... ﺿﻴﻘﺖ ﻋﻴﻨﻴﺎ ﺷﻮﻳﺔ ... ﻫﺰ ﻳﺪﻭ ﻓﻲ ﻭﺟﻬﻲ ﻭ ﻛﻤﻞ ﻳﺤﻜﻲ
ﺯﻳﺎﺩ : ﻣﻦ ﺍﻟﻴﻮﻡ ﺧﺪﻣﺘﻚ ﻭﻓﺎﺕ ﻣﻊ ﻳﺎﺳﺮ
ﻋﻴﻨﻴﺎ ﻭﺳﺎﺍﻋﺖ ﻣﻦ ﺍﻟﺼﺪﻣﺔ ... ﻣﺴﺘﺤﻴﻲﻝ ﻣﺶ ﺗﻮﺍ ... ﺍﺻﻼ ﻣﻨﺠﻤﺶ ﻧﺒﻌﺪ ﻋﻠﻴﻪ ﺗﻮﺍ ... ﻳﺎﺳﺮ ﻫﻮ ﺍﻟﻠﻲ ﺑﺎﺵ ﻳﻮﺻﻠﻨﻲ ﻻﺩﻡ ... ﻣﻨﻌﺮﻓﺶ ﻛﻴﻒ ﺧﺮﺝ ﺻﻮﺗﻲ ﻭ ﺟﺎﻭﺑﺘﻮ
ﺍﻧﺎ : ﺷﻨﻨﻮﺓ
ﺯﻳﺎﺩ : ﺷﺒﻴﻚ ﺗﻔﺠﻌﺖ ... ﻗﺼﻴﺖ ﻋﻠﻴﻚ ﻳﺎﺧﻲ
ﺍﻧﺎ : ﻳﺎﺧﻲ ﻓﺎﺵ ﺗﺤﻜﻲ ﺍﻧﺖ
ﺯﻳﺎﺩ : ﻟﻲ ﺳﻤﻌﺘﻮ ... ﻳﺎﺳﺮ ﺗﻨﺴﺎﻩ ﺟﻤﻠﺔ ... ﻣﻜﺎﻧﺶ ﻭﻗﺘﻬﺎ ﺑﺎﺵ ﻳﻜﻮﻥ ﻋﻨﺪﻱ ﺗﺼﺮﻑ ﺍﺧﺮ ﻣﻌﺎﻙ ... ﻣﻤﻢ ﻗﺒﻞ ﻣﺎ ﻧﻨﺴﻰ ... ﻫﻮ ﺯﺍﺩﺓ ﻣﺶ ﺑﺎﺵ ﻳﺘﻌﺪﺍﻟﻮ ﻟﻲ ﻋﻤﻠﻮ ... ﺭﺍﻗﺐ ﻟﻲ ﺑﺎﺵ ﻳﺼﻴﺮ ﻓﻴﻪ
ﺗﺒﺴﻢ ﻧﺪﺭﺍ ﻛﻴﻒ .. ﻇﻮ ﺗﻠﻔﺖ ﻋﻄﺎﻧﻲ ﺑﻈﻬﺮﻭ ... ﺑﺎﺵ ﻳﺨﺮﺝ ... ﻣﺘﻮﻗﻌﺘﺶ ﻟﻬﻮ ﺑﺎﺵ ﻳﺘﺼﺮﻑ ﻫﻜﺎ ... ﺍﺻﻼ ﻛﺎﻥ ﻗﺎﻝ ﻛﺒﻤﺔ ﻣﺴﺘﺤﻴﻞ ﻳﺮﺟﻊ ﻓﻴﻬﺎ ... ﻭ ﺯﺍﺩﺓ ﻳﺎﺳﺮ ﻣﺎ ﻋﻨﺪﻭ ﺣﺘﻰ ﺫﻧﺐ ... ﺗﻲ ﺷﻴﻌﺮﻓﻮ ﻟﻬﻲ ﻟﻌﺒﺔ ... ﻭ ﻋﻼﺵ ﺑﺎﺵ ﻳﺤﺎﺳﺒﻮ ﻫﻮ ... ﺍﻓﻜﺎﺭﻱ ﺩﺧﻠﺖ ﺑﻌﻀﻬﺎ ... ﻭ ﺍﻧﺎ ﻧﺸﻮﻑ ﻓﻴﻪ ... ﺧﺎﺭﺝ ﻣﻦ ﺍﻟﺒﻴﺖ ... ﺍﻭﻝ ﻣﺎ ﻭﺻﻞ ﻟﻠﺒﺎﺏ ... ﻭﻗﻔﺘﻮ ﻧﺤﻜﻲ
ﺍﻧﺎ : ﺯﻳﻴﺎﺍﺍﺩ ﺭﺩ ﺑﺎﻟﻚ ﺗﻌﻤﻠﻮ ﺷﻲ
ﻭﻗﻒ ﻋﻠﻰ ﻛﻼﻣﻲ ... ﻣﻨﻌﺮﻓﺶ ﻛﻴﻒ ﻗﻠﺖ ﺍﻛﺎﻛﺎ ... ﻣﻨﻌﺮﻓﺶ ﺍﺫﺍ ﺧﻔﺖ ﻋﻠﻰ ﻳﺎﺳﺮ ... ﻭ ﻻ ﻋﻠﻴﻪ ... ﻭ ﻻ ﻋﻠﻰ ﺭﻭﺣﻲ ... ﺧﺎﻃﺮ ﺑﺎﺵ ﻧﺨﺴﺮ ﻃﺮﻑ ﺍﻟﺨﻴﻂ ﻟﻲ ﻳﺨﻠﻴﻨﻲ ﻧﻌﺮﻑ ﺑﺮﺷﺎ ﺣﺎﺟﺎﺕ ﻋﻠﻰ ﺍﺩﻡ ... ﺗﻠﻔﺖ ﻏﺰﺭﻟﻲ ... ﻧﻈﺮﺓ ﺗﺮﻋﺐ ... ﻛﻠﻬﺎ ﻏﺶ ﻭ ﺍﺳﺘﻐﺮﺍﺏ ﻭ ﺻﺪﻣﺔ ... ﻧﻌﺮﻑ ﻟﻲ ﺻﺪﻣﺘﻮ ﺑﻜﻼﻣﻲ ... ﺗﻲ ﺣﺘﻰ ﺍﻧﺎ ﺗﺼﺪﻣﺖ ﻓﻴﻪ ... ﻧﻌﺮﻑ ﻟﻲ ﺑﺎﺯ ﺑﺎﺵ ﻳﻔﺴﺮﻭ ﻛﻴﻤﺎ ﻓﻬﻢ ﻫﻮ ... ﺧﺬﻳﺖ ﻧﻔﺲ ... ﻭ ﻗﺮﺑﺖ ﻣﻨﻮ ... ﻭﻗﻔﺖ ﻗﺪﺍﻣﻮ ﺑﺎﻟﻈﺒﻂ ... ﻫﺰﻳﺖ ﻳﺪﻱ ... ﺣﻄﻴﺘﻬﺎ ﻋﻠﻰ ﻳﺪﻭ ... ﺑﺎﺭﺩﺓ ﻋﺎﻟﻠﺨﺮ ... ﻛﺒﺴﺖ ﻋﻼﻫﺎ ... ﺟﻴﺖ ﺑﺎﺵ ﻧﺤﻜﻲ ... ﺟﺒﺪ ﻳﺪﻭ ﻣﻦ ﻳﺪﻱ ... ﻋﺮﻓﺘﻮ ﻭﺻﻞ ﻟﺘﻮﺏ ﻭ ﻣﻌﺎﺩﺵ ﻓﻴﻪ ... ﻭ ﻗﺒﻞ ﻣﺎ ﻳﺤﻜﻲ ... ﻭ ﻳﻄﺮﺷﻖ ﻓﻲ ﻭﺟﻬﻲ ... ﻭﻗﻔﺘﻮ ﻧﺤﻜﻲ
ﺍﻧﺎ : ﻣﺶ ﺗﻮﺍ ﺯﻳﺎﺩ ... ﺭﺩ ﺑﺎﻟﻚ ﺗﻌﻤﻠﻮ ﺷﻲ