🔥🔞"في أحضان عزرائيل"🔞🔥(الجزء الثاني)

الحلقة 191

ﺳﻮﺍﺭ ﺗﺤﻜﻲ : ﺧﺬﻳﺖ ﻧﻔﺲ ﻃﻮﻳﻞ ... ﺩﻭﺏ ﺷﻤﻴﺖ ﺭﻳﺤﺔ ﺗﻮﻧﺲ ... ﺗﻔﺮﻫﺪﺕ ﻭ ﺗﺨﻨﻘﺖ ﻓﺮﺩ ﻭﻗﺖ ... ﺗﻔﺮﻫﺪﺕ ﺧﺎﻃﺮ ﻫﻮﻧﻲ ﻛﺒﺮﺕ ﻭ ﻋﺸﺖ ﻫﻮﻧﻲ ﺣﻴﺎﺗﻲ ﻫﻮﻧﻲ ﻣﻮﺟﻮﺩﺓ ﺍﻣﻲ ﻭ ﺗﺨﻨﻘﺖ ﻛﻴﻒ ﺫﻛﺮﺕ ﻛﻠﺸﻲ ﺗﻌﺪﺍ ﻋﻠﻴﺎ ﻣﻦ ﺍﻛﺎ ﻧﻬﺎﺭ ﻟﻠﻴﻮﻡ ﺭﻛﺒﺖ ﺑﺤﺬﺍﻩ ﻓﻲ ﺍﻟﻜﺮﻫﺒﺔ ﺣﻄﻴﺖ ﺭﺍﺳﻲ ﻋﺎﻟﺒﻼﺭ ... ﻧﺸﻮﻑ ﻣﻊ ﻃﺮﻳﻖ ... ﺍﻣﺎ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﺣﺘﻰ ﻣﻨﻮ ﻫﻮ ﺑﻘﺎ ﻃﻮﻝ ﺍﻟﺜﻨﻴﺔ ﺳﺎﻛﺖ ... ﺣﺘﻰ ﻓﻲ ﻃﻴﺎﺭﺓ ﻣﺤﻜﺎﺵ ﻣﻌﺎﻳﺎ ﺟﻤﻠﺔ ... ﻭ ﺍﻧﺎ ﺯﺍﺩﺓ ﺍﺧﺘﺮﺕ ﻧﻌﺎﻣﻠﻮ ﻛﻲ ﻳﻌﺎﻣﻠﻨﻲ ... ﻣﻨﺨﺒﺶ ﻧﻀﻌﻒ ﺍﻛﺜﺮ ... ﻓﻘﺖ ﻣﻦ ﺳﺮﺣﺘﻲ ﻛﻴﻒ ﺷﺪ ﺍﻟﻔﺮﺍﻥ ﺑﺎﻟﻘﺎﻭﻱ ... ﻃﻠﻌﺖ ﺭﺍﺳﻲ ﺷﻮﻳﺔ ﻋﻘﺪﺕ ﺣﻮﺍﺟﺒﻲ ﻭ ﺍﻧﺎ ﻧﺸﻮﻑ ﻓﻲ ﺍﻟﺒﻼﺻﺔ ... ﻓﻲ ﺑﺎﻟﻲ ﺑﺎﺵ ﻧﺮﺟﻌﻮ ... ﻟﺪﺍﺭﻧﺎ ... ﺍﺳﺘﺎﻧﺴﺖ ﻧﻘﻮﻝ ﻟﺪﺍﺭ ﺯﺭﻳﻌﺔ ﺩﺍﺭﻧﺎ ... ﺧﺎﻃﺮﻧﺎ ﻧﻌﻴﺸﻮ ﻓﻴﻬﺎ ﺍﺣﻨﺎ ﺯﻭﺯ ﻛﻬﻮ ... ﻋﻮﺟﺖ ﻓﻤﻲ ... ﻭ ﺗﻠﻔﺘﻠﻮ ﻧﺤﻜﻲ ﻣﻌﺎﻩ ﺍﻧﺎ : ﺷﻨﻌﻤﻠﻮ ﻫﻮﻧﻲ ﺯﻳﺎﺩ : ﺍﻧﺰﻝ ﺍﻧﺎ : ﺷﻨﻮﺓ ﻣﺮﺟﻌﻠﻴﺶ ﺣﻞ ﺑﺎﺏ ﺍﻟﻜﺮﻫﺒﺔ ﻭ ﻧﺰﻝ ﻧﺰﻟﺖ ﻓﻲ ﺟﺮﺗﻮ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻊ ﺍﻟﺒﻼﺻﺔ ... ﻳﺎﺳﺮ ﻣﻀﺨﻤﺔ ﻭ ﻇﺎﻫﺮ ﺍﻟﻠﻲ ﻋﺎﻳﺸﻴﻦ ﻫﻮﻧﻲ ﻛﺎﻥ ﺍﻟﻄﺒﻘﺎﺕ ﺍﻟﺮﺍﻗﻴﺔ ... ﺍﺻﻼ ﻭ ﻻ ﻣﺮﺓ ﺟﻴﺖ ﻫﻮﻧﻲ ﻭ ﻻ ﺗﻌﺪﻳﺖ ﻣﻦ ﻫﻮﻧﻲ ... ﺑﻘﻴﺖ ﻭﺍﻗﻔﺔ ﺑﺤﺬﺍ ﺍﻟﻜﺮﻫﺒﺔ ... ﻧﺸﻮﻑ ﻣﻌﺎﻩ ... ﻗﺮﺏ ﻣﻦ ﺑﺎﺏ ﻓﻴﻼ ﺻﻐﻴﺮﺓ ... ﺗﺤﻔﻮﻧﺔ ... ﻗﺒﻞ ﻣﺎ ﻳﻮﺻﻞ ﻟﺒﺎﺏ ... ﻓﻤﺎ ﺭﺍﺟﻞ ﻓﺘﺤﻮ ﻭ ﻗﺮﺏ ﻣﻨﻮ ﻳﺤﻜﻲ ﻫﻮ : ﻣﺴﻴﻮ ﺯﻳﺎﺩ ﺍﻫﻼ ﺑﻴﻚ ﺯﻳﺎﺩ : ﻋﻴﺸﻚ ﻣﻨﻌﺮﻓﺶ ﺷﻨﻴﺔ ﺷﺪ ﻋﻠﻴﻪ ﻭ ﺗﻠﻔﺘﻠﻲ ... ﻫﺰﻧﻲ ﻭ ﺣﻄﻨﻲ ... ﻭﺭﺟﻊ ﻏﺰﺭﻟﻲ ﻓﻲ ﻋﻴﻨﻴﺎ ﻳﺤﻜﻲ ﺯﻳﺎﺩ : ﺍﻳﺠﺎ ﻋﻮﺟﺖ ﻓﻤﻲ ... ﻭ ﻗﺮﺑﺖ ﻣﻨﻮ ﺩﺧﻠﺖ ﻭﺭﺍﻩ ... ﺩﻭﺭﺕ ﻋﻴﻨﻴﺎ ﻋﺎﻟﺪﺍﺭ ﻣﻦ ﺑﺮﺍ ... ﻋﺠﺒﺘﻨﻲ ﻋﺎﻟﻠﺨﺮ ... ﺗﻲ ﺣﺘﻰ ﻣﻦ ﺟﻨﻴﻨﺔ ﺩﺧﻠﺔ ﻛﺒﻴﺮﺓ ﻭ ﺑﺎﻫﻴﺔ ﻋﺎﻟﻠﺨﺮ ... ﻧﺸﻮﻑ ﻓﻴﻪ ﻓﺘﺢ ﺍﻟﺒﺎﺏ ﻭ ﺩﺧﻞ ... ﺧﺎﻟﻄﺖ ﻋﻠﻴﻪ ... ﻭ ﺳﻜﺮﺕ ﺍﻟﺒﺎﺏ ... ﺩﻭﺭ ﻋﻴﻨﻴﻪ ﻋﺎﻟﺪﺍﺭ ﻭ ﺩﺧﻞ ﻟﺼﺎﻟﺔ ﺍﺳﺘﻐﺮﺑﺖ ﺍﻟﻠﻲ ﻗﺎﻋﺪ ﻳﺼﻴﺮ ﻭﻗﻔﺖ ﻭﺭﺍﻩ ﻧﺤﻜﻲ ﺍﻧﺎ : ﺯﻳﺎﺩ ﻳﺎﺧﻲ ﻭﻳﻦ ﺍﺣﻨﺎ ... ﺩﺍﺭ ﺷﻜﻮﻥ ﻫﺎﺫﻱ ﺗﻠﻔﺘﻠﻲ ... ﺑﻘﺎ ﻳﺸﻮﻑ ﻣﻌﺎﻳﺎ ﺷﻮﻳﺔ ... ﻫﺰ ﻳﺪﻭ ﻋﺪﺍﻫﺎ ﻋﻠﻰ ﺷﻌﺮﻭ ﺑﺎﻟﺰﺭﺑﺔ ﻳﺤﻜﻲ ﺯﻳﺎﺩ : ﺩﺍﺭﻙ ﺍﻧﺎ : ﺷﻨﻨﻨﻮﺓ ﺷﺘﻘﺼﺪ ﺑﺪﺍﺭﻱ ﺯﻳﺎﺩ : ﻟﻲ ﺳﻤﻌﺘﻮ ﺍﻧﺖ ﻣﻦ ﺍﻟﻴﻮﻡ ﺑﺎﺵ ﺗﻌﻴﺶ ﻫﻮﻧﻲ ﺍﻧﺎ : ﻭ ﺍﻧﺖ ﺯﻳﺎﺩ : ﺷﻴﻬﻤﻚ ﻓﻴﺎ ﺍﻧﺎ ﺍﻧﺎ : ﺯﻳﺎﺩ ﻳﺎﺧﻲ ﺑﺎﺵ ﻧﻌﻴﺶ ﻭﺣﺪﻱ ﻫﻮﻧﻲ ﺯﻳﺎﺩ : ﻣﻼ ﺗﺤﺒﻨﻲ ﻧﺸﺪ ﻭﺟﻬﻚ ﻧﻬﺎﺭ ﺍﻟﻜﻞ ﺍﻧﺎ : ﻣﻨﻘﺼﺪﺵ ﻟﻲ ﻓﻬﻤﺘﻮ ﺍﻣﺎ ﻣﻨﺠﻤﺶ ﻧﻌﻴﺶ ﻭﺣﺪﻱ ﻧﺨﺎﻑ ﺯﻳﺎﺩ : ﺍﻟﺒﻮﻥ ﺑﺎﺵ ﺗﺒﻘﻰ ﻣﻌﺎﻙ ﻫﻮﻧﻲ ... ﻭ ﻓﻤﺎ ﺍﻟﺸﻮﻓﻮﺭ ﻟﺒﺮﺍ ... ﻭ ﺍﻟﻌﺴﺎﺱ ... ﻛﺎﻥ ﺍﺣﺘﺠﺖ ﺷﻲ ﺗﻠﻘﺎﻫﻢ ﻣﻌﺎﻙ ﺍﻧﺎ : ﻣﻨﺤﺒﺶ ... ﺧﻠﻲﻧﺎ ﻧﺮﺟﻌﻮ ﻟﺪﺍﺭ ﺯﺭﻳﻌﺔ ﻓﻤﺎ ﺍﺣﺴﻦ ... ﻣﻨﺤﺒﺶ ﻧﺒﻘﻰ ﻫﻮﻧﻲ ﺯﻳﺎﺩ : ﺳﻮﺍﺍﺍﺭ ﺍﻧﺎ : ﺳﻮﺍﺭ ﺷﻨﻴﺔ ﻳﺎﺧﻲ ﺍﻧﺎ ﻣﺴﺘﺤﻴﻞ ﻧﺒﻘﻰ ﻫﻮﻧﻲ ﻭﺣﺪﻱ ﺑﺎﻫﻲ ﺯﻳﺎﺩ : ﺳﻮﻭﺍﺍﺍﺭ ﺗﻲ ﺍﺳﻜﺖ ﺧﻠﻴﻨﻲ ﻧﺤﻜﻲ ﺳﻜﺖ ... ﻭ ﻫﺰﻳﺖ ﻳﺪﻱ ... ﺭﺟﻌﺖ ﺷﻌﺮﻱ ﻭﺭﺍ ﻭﺫﻧﻲ ... ﻧﺸﻮﻑ ﻣﻌﺎﻩ ... ﻗﺤﺮﻟﻲ ﻭ ﻧﻔﺦ ﺑﺎﻟﻘﺎﻭﻱ ﻳﺤﻜﻲ ﺯﻳﺎﺩ : ﺩﺍﺭ ﻻﺧﺮﻯ ﺑﻌﻴﺪﺓ ﻋﻠﻰ ﻫﻮﻧﻲ ﺑﺮﺷﺎ ... ﻭ ﺧﺪﻣﺘﻨﺎ ﺍﻟﻤﺮﺓ ﻫﺎﺫﻱ ﺑﺎﺵ ﺗﻜﻮﻥ ﻓﻲ ﺗﻮﻧﺲ ... ﻭ 6 ﺳﺎﻋﺎﺕ ﻟﻲ ﻧﻌﺪﻭﻫﻢ ﻓﻲ ﺛﻨﻴﺔ ﺭﺍﻳﺤﻴﻦ ﻭ ﺟﺎﻳﻴﻦ ﺑﺎﺵ ﻧﺴﺘﻐﻠﻮﻫﻢ ﻓﻲ ﺍﻟﺨﺪﻣﺔ ... ﺍﻟﻮﻗﺖ ﻣﺶ ﻟﺼﺎﻟﺤﻨﺎ ﺭﺍﻫﻮ ﺍﻧﺎ : ﻛﻲ ﻫﻜﺎ ... ﻣﻼ ﺷﺒﻴﻚ ﻣﺘﺴﻜﻨﺶ ﻣﻌﺎﻳﺎ ﻫﻮﻧﻲ ... ﻫﻜﺎ ﺑﺎﺵ ﻧﺨﺪﻣﻮ ﻣﻊ ﺑﻌﺾ ﻋﺪﺍ ﻳﺪﻭ ﻋﻠﻰ ﻭﺟﻬﻮ ﺑﺎﻟﺰﺭﺑﺔ ... ﺣﺴﻴﺘﻮ ﻓﺪ ﻣﻦ ﺍﻟﻜﻼﻡ ... ﺧﺬﺍ ﻧﻔﺲ ... ﻭ ﻏﺰﺭﻟﻲ ﻳﺤﻜﻲ ﺯﻳﺎﺩ : ﻣﻨﺠﻤﺶ ﻧﺒﻘﻰ ﻣﻌﺎﻙ ﻫﻮﻧﻲ ... ﻻﺯﻡ ﺣﺪ ﻣﺎ ﻳﻌﺮﻑ ﻃﺒﻴﻌﺔ ﻋﻼﻗﺘﻨﺎ ... ﺧﺎﺻﺔ ﻓﻲ ﺍﻟﻔﺘﺮﺓ ﻫﺎﺫﻱ ... ﺑﺎﺵ ﻧﻜﻮﻧﻮ ﺻﺤﺎﺏ ﻭ ﻛﻬﻮ ... ﻛﻨﺖ ﺷﺮﻳﻚ ﺑﻮﻙ ﻭ ﺍﻧﺖ ﻋﺎﻳﺸﺔ ﻓﻲ ﺍﻣﺮﻳﻜﺎ ... ﻣﺘﺒﺪﻟﺶ ﻛﻼﻣﻚ ... ﺧﺎﻃﺮ ﻓﻤﺎ ﺷﻜﻮﻥ ﻣﻦ ﻣﻌﺎﺭﻑ ﺍﻣﻴﺮ ... ﻛﻴﻤﺎ ﺗﻨﺠﻢ ﺗﺘﻠﻘﻰ ﺑﻴﻪ ... ﻳﻌﻨﻲ ﺣﻂ ﺍﻻﺣﺘﻤﺎﻻﺕ ﺍﻟﻜﻞ ﻓﻲ ﺭﺍﺳﻚ ... ﻭ ﺑﺎﻟﻨﺴﺒﺔ ﻟﻠﺨﺪﻣﺔ ... ﺗﻮ ﺍﻧﺎ ﻧﺪﺑﺮ ﺭﺍﺳﻲ ﺑﻘﻴﺖ ﻧﺴﻤﻊ ﻓﻴﻪ ... ﺩﺧﻠﺖ ﺑﻌﻀﻲ ... ﻳﻌﻨﻲ ﺧﺬﺍ ﻗﺮﺍﺭﻭ ﻭ ﺳﺎﻳﻲ ... ﻗﺮﺑﺖ ﻣﻨﻮ ﺧﻄﻮﺓ ... ﻭ ﻏﺰﺭﺗﻠﻮ ﻧﺤﻜﻲ ﺍﻧﺎ : ﺯﻳﺎﺩ ﺍﻣﺎ..