🔥🔞"في أحضان عزرائيل"🔞🔥(الجزء الثاني)

الحلقة 307

ﺍﺩﻡ : ﻣﻨﻌﺮﻓﺶ ... ﻛﻞ ﻳﻮﻡ ﺍﻟﺠﺮﺡ ﻗﺎﻋﺪ ﻳﻨﺰﻑ ... ﻭ ﻣﺤﺒﺶ ﻳﺘﺴﻜﺮ ﺍﻧﺎ : ﺗﺬﻛﺮ ﻗﺪﺍﺵ ﻛﻨﺖ ﻧﻐﻴﺮ ﻣﻨﻬﺎ ﺍﺩﻡ : ﻣﻤﻢ ﻧﺬﻛﺮ ... ﻭ ﻧﺬﻛﺮ ﺯﺍﺩﺓ ﻟﻲ ﺭﺟﻌﺘﻮ ﺻﺤﺎﺏ ... ﻭ ﻣﺘﻔﺎﻫﻤﻴﻦ ﻋﻠﻴﺎ ﺍﻧﺎ : ﻫﻬﻬﻬﻪ ﺍﻳﻪ ... ﻭ ﻛﻞ ﻳﻮﻡ ﻧﺘﺮﺍﻫﻨﻮ ... ﻋﻠﻰ ﺷﻜﻮﻥ ﺗﺤﺐ ﺍﻛﺜﺮ ﺍﻧﺎ ﻭ ﻻ ﻫﻲ ﺍﺩﻡ : ﺩﻳﻤﺎ ﻛﻨﺖ ﺍﻧﺖ ﺗﺮﺑﺢ ... ﻳﻤﻜﻦ ﻋﻠﻰ ﻫﺬﺍﻛﺎ ﻫﻲ ﺧﻼﺗﻨﻲ ﺍﻧﺎ : ﺍﻣﺎ ﺍﻟﻤﺮﺓ ﻫﺎﺫﻱ ﺧﺴﺮﺕ ... ﻫﻲ ﺧﺬﺍﺕ ﻣﻌﺎﻫﺎ ﺍﺩﻡ ﺍﻟﻘﺪﻳﻢ ... ﺧﺬﺍﺕ ﻣﻌﺎﻫﺎ ﺧﻮﻳﺎ ... ﺍﻧﺖ ﺣﺒﻴﺘﻬﺎ ﺍﻛﺜﺮ ﻣﻨﻲ ﻳﺎ ﺍﺩﻡ ... ﻭ ﺍﻟﺪﻟﻴﻞ ﺍﻧﻚ ﺗﺤﻜﻴﻠﻬﺎ ﻛﻠﺸﻲ ﺣﺘﻰ ﻭ ﻫﻲ ﺗﺤﺖ ﺍﻟﺘﺮﺍﺏ ﺍﺩﻡ : ﻋﻼﺵ ﺍﺧﺘﺎﺭﺕ ﺍﻛﺎ ﺍﻟﻄﺮﻳﻖ ... ﻛﻨﺖ ﻣﺴﺘﻌﺪ ﻧﺎﻗﻒ ﻣﻌﺎﻫﺎ ... ﻛﻨﺖ ﻣﺴﺘﻌﺪ ﻧﻌﻤﻞ ﺍﻱ ﺷﻲ ﻋﻠﻰ ﺧﺎﻃﺮﻫﺎ ... ﻋﻼﺵ ﺍﺧﺘﺎﺭﺕ ﺍﻟﻤﻮﺕ ... ﻋﻼﺵ ﺣﺮﻗﺘﻨﻲ ... ﻓﻲ ﺑﺎﻟﻬﺎ ﺑﺎﺵ ﻧﺨﻠﻴﻬﺎ ... ﻓﻲ ﺑﺎﻟﻬﺎ ﺣﺒﻲ ﻟﻴﻬﺎ ﺿﻌﻴﻒ ﻻﻛﺎ ﺍﻟﺪﺭﺟﺔ ... ﺑﺎﺵ ﺗﺨﺘﺎﺭ ﺍﻟﻤﻮﺕ ﻋﻠﻴﺎ ﺍﻧﺎ ... ﻋﻼﺵ ﻋﻤﻠﺖ ﻫﻜﺎ ... ﻋﻼﺵ ﻣﺤﺒﺘﻨﻴﺶ ﻛﻴﻤﺎ ﺣﺒﻴﺘﻬﺎ ... ﻋﻼﺵ ﻳﺎ ﺯﻳﺎﺩ ﻋﻴﻨﻴﺎ ﺩﻣﻌﻮ ... ﻣﻦ ﻛﻼﻣﻮ ﻟﻲ ﺧﺮﺝ ﺑﻮﺟﻴﻌﺔ ... ﻣﻦ ﺩﻣﻮﻋﻮ ﻟﻲ ﺷﺎﺩﻫﻢ ﺑﺎﺵ ﻣﻴﻨﺰﻟﻮﺵ ﻗﺪﺍﻣﻲ ... ﺩﻳﻤﺎ ﻳﺤﺐ ﻳﺒﻘﻰ ﻗﻮﻱ ﻗﺪﺍﻣﻲ ... ﻋﻠﻰ ﺍﺳﺎﺱ ﺧﻮﻳﺎ ﺍﻟﻜﺒﻴﺮ ﻭ ﻣﺎ ﻳﻬﺪﻭ ﺷﻲ ﻭ ﺣﺘﻰ ﺍﻧﺎ ﻧﺘﺤﻤﻰ ﺑﻴﻪ ... ﺣﺴﻴﺖ ﺑﻐﺼﺔ ﻭﺍﺣﻠﺔ ﻓﻲ ﺣﻠﻘﻲ ... ﻭ ﺍﻟﻜﻼﻡ ﻫﺮﺏ ﻣﻨﻲ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺗﺤﺒﻚ ... ﻭﺭﺍﺱ ﺧﻮﻳﺎ ﺗﺤﺒﻚ ﻛﻴﻤﺎ ﺗﺤﺒﻬﺎ ﻭ ﺍﻛﺜﺮ ... ﺍﻣﺎ ﺍﺣﻨﺎ ﺍﻟﻠﻲ ﻧﺤﺒﻮﻩ ﻳﻤﺸﻲ ﻭ ﻳﺨﻠﻴﻨﺎ ... ﻣﻨﻌﺮﻓﺶ ﻋﻼﺵ ﺩﻧﻴﺎ ﺿﻠﻤﺘﻨﺎ ﻟﻬﺪﺭﺟﺔ ... ﺍﻣﺎ ﺩﻳﻤﺎ ﺧﻠﻴﻚ ﻣﺘﺄﻛﺪ ﻟﻬﻲ ﺗﺤﺒﻚ ... ﺭﺩ ﺑﺎﻟﻚ ﺗﺸﻚ ﻓﻲ ﺣﺒﻬﺎ ﻟﻴﻚ ﺍﺩﻡ : ﺍﺻﻼ ﺍﻧﺎ ﻋﺎﻳﺶ ... ﻋﻠﻰ ﺧﺎﻃﺮﻫﺎ ﻫﻲ ... ﻣﺶ ﺑﺎﺵ ﻧﺮﺗﺎﺡ ... ﻛﺎﻥ ﻭﻗﺖ ﻧﺎﺧﻮ ﺑﺤﻘﻬﺎ ﺍﻧﺎ : ﻧﻌﺮﻑ ... ﻭ ﺍﻧﺎ ﻣﻌﺎﻙ ﻓﻲ ﺍﻱ ﺧﻄﻮﺓ ﺗﻌﻤﻠﻬﺎ ... ﺍﻧﺖ ﺑﺮﻙ ﻗﻮﻟﻲ ﻋﻠﻴﻪ ... ﻭ ﺍﻧﺎ ﺑﺎﺵ ﻧﺨﻠﻴﻪ ﻳﻨﻄﻖ ﺑﺎﻟﺴﻴﻒ ﻋﻠﻴﻪ ﺍﺩﻡ : ﻻ ... ﺑﺎﺵ ﻧﺎﺧﻮ ﺣﻘﻲ ﺑﻴﺪﻱ ﻭ ﺍﻻ ﻣﺴﺘﺤﻴﻞ ﻧﺮﺗﺎﺡ ﻭ ﻧﺮﺗﺤﻬﺎ ﻫﺰﻳﺖ ﻳﺪﻱ ... ﺣﻄﻴﺘﻬﺎ ﻋﻠﻰ ﻛﺘﻔﻮ ... ﻛﺒﺴﺖ ﻋﻠﻴﻪ ... ﻧﺤﻜﻲ ﺍﻧﺎ : ﺑﺎﺵ ﻳﺠﻲ ﺍﻛﺎ ﻧﻬﺎﺭ ﺻﺪﻗﻨﻲ ﻭﻗﺘﻬﺎ ﺑﺮﻙ ﺑﺎﺵ ﻧﺠﻤﻮ ﻧﺒﺮﺍﻭ ﺍﺣﻨﺎ ﺯﻭﺯ ﺍﺩﻡ : ﺑﻠﻜﺸﻲ ﺑﺎﻟﺤﻖ ﻭﻗﺘﻬﺎ ﻧﺒﺮﺍﻭ ﺍﻧﺎ : ﺻﺪﻗﻨﻲ ﺑﺎﺵ ﻳﺠﻲ ﺍﻛﺎ ﻧﻬﺎﺭ ﻭ ﻧﻠﻘﺎﻭ ﺷﻔﺎ ﻓﻲ ﺑﻌﻀﻨﺎ ﺗﻠﻔﺖ ﻏﺰﺭﻟﻲ ... ﺗﺒﺴﻤﺘﻠﻮ ... ﻛﺎﻥ ﻓﻤﺎ ﻭﺟﻴﻌﺔ ﻓﻲ ﻗﻠﺒﻲ ... ﺍﺩﻡ ﻭﺟﻴﻌﺘﻮ ﺩﻭﺑﻞ ﻋﻠﻴﺎ ... ﻗﺮﺑﺖ ﻣﻨﻮ ﺍﻛﺜﺮ ﺣﻀﻨﺘﻮ ﺑﻜﻞ ﻗﻮﺗﻲ ﻭ ﻫﻮ ﺯﺍﺩﺓ ... ﻭﺟﻴﻌﺘﻨﺎ ﻭﺣﺪﺓ ﻭ ﻋﺬﺍﺑﻨﺎ ﻭﺍﺣﺪ .. ﺍﻟﺰﻭﺯ ﻣﺤﺘﺎﺟﻴﻦ ﻟﺒﻌﺾ ... ﻣﺤﺘﺎﺟﻴﻦ ﺑﺎﺵ ﻧﺒﺮﺍﻭ ﻣﻦ ﺍﻟﻤﺎﺿﻲ ... ﺍﻟﻤﺎﺿﻲ .. ﻟﻮﺟﻌﻨﺎ ﻭ ﺧﻼﻧﺎ ﻧﺤﻘﺪﻭ ﻋﻠﻰ ﻧﺎﺱ ﺍﻟﻜﻞ ... ﺍﻟﻤﺎﺿﻲ ﻟﻜﻞ ﻣﺮﺓ ﻧﻬﺮﺑﻮ ﻧﻠﻘﺎﻭ ﺭﻭﺣﻨﺎ ﻧﻮﺍﺟﻬﻮ ﻓﻴﻪ .. ﺍﻟﻤﺎﺿﻲ ﻟﻜﻞ ﻣﺎ ﻧﻘﺮﺑﻮ ﺧﻄﻮﺓ ﻟﺤﻴﺎﺓ ﺑﺎﻫﻴﺔ ﻭ ﻧﻘﻴﺔ ... ﻳﺮﺟﻌﻨﺎ ﻟﺘﺎﻟﻲ .. ﻳﺮﺟﻌﻠﻨﺎ ﺑﺬﻛﺮﻳﺎﺕ ﺣﻠﻮﺓ ﻭ ﺧﺎﻳﺒﺔ ﻓﺮﺩ ﻭﻗﺖ ﻭ ﻧﻔﺴﻮ ﺍﻟﻤﺎﺿﻲ ﻫﺬﺍﻛﺎ ﻳﺤﺐ ﻳﺨﺒﺮﻧﺎ ﺍﻧﻮ ﺑﺎﺵ ﻧﻠﻘﺎﻭ ﺍﻟﺸﻔﺎ ﻓﻲ ﺑﻌﻀﻨﺎ