🔥🔞"في أحضان عزرائيل"🔞🔥(الجزء الثاني)

الحلقة 244

ﺯﻳﺎﺩ ﻳﺤﻜﻲ :
ﻧﺰﻟﺖ ﺗﻠﻴﻔﻮﻥ ... ﻭ ﺭﺻﻴﺖ ﻋﻠﻰ ﺳﻨﺎﻧﻲ ... ﻧﺤﺎﻭﻝ ﻧﻬﺪﻱ ﺭﻭﺣﻲ ﻗﺪ ﻣﺎ ﻧﺠﻢ ... ﻛﻼﻣﻬﺎ ﺧﻼﻧﻲ ﻧﺮﻗﻞ ﻭﺣﺪﻱ ... ﺧﺎﺻﺔ ﺻﻮﺗﻬﺎ ﻟﺨﺎﺭﺝ ﺑﻐﺼﺔ ﻣﺘﺎﻉ ﺑﻜﺎ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻊ ﻣﻴﺮﺍﻝ ... ﻫﺎﺯﺓ ﻛﺎﺳﺔ ﻓﻲ ﻳﺪﻫﺎ ... ﻻﺑﺴﺔ ﻧﻮﻳﺰﺍﺕ ... ﻭ ﻛﺎﺏ ﻓﻮﻗﻬﺎ ... ﻗﻌﺪﺕ ﻗﺪﺍﻣﻲ ... ﺣﻄﺖ ﺳﺎﻕ ﻋﻠﻰ ﺳﺎﻕ ... ﻭ ﻗﺮﺑﺖ ﻣﻨﻲ ﺑﺎﺳﺘﻨﻲ ﻣﻦ ﺧﺪﻱ ﺑﻮﺳﺔ ﺧﻔﻴﻔﺔ ﺗﺤﻜﻲ
ﻣﻴﺮﺍﻝ : ﺗﻮﺣﺸﺘﻚ ... ﺗﻮﺣﺸﺘﻚ ﺑﺮﺷﺎ ... ﻋﻴﺸﻚ ﺧﺎﻃﺮ ﺟﻴﺖ ﻋﻨﺪﻱ ﻟﻴﻠﺔ
ﻣﺮﺟﻌﺘﻠﻬﺎﺵ ... ﺍﺻﻞﺍ ﺭﺍﺳﻲ ﻣﺶ ﻣﻌﺎﻫﺎ ... ﺗﻔﻜﻴﺮﻱ ﻣﻊ ﺍﻟﻔﺮﺧﺔ ﻻﺧﺮﻯ ... ﻫﺰﺕ ﻳﺪﻫﺎ ﺗﻌﺪﻱ ﻓﻴﻬﺎ ﻋﻠﻰ ﺻﺪﺭﻱ ... ﺩﻭﺭﺕ ﺭﺍﺳﻲ ﺷﻮﻳﺔ ﻧﺸﻮﻑ ﻣﻌﺎﻫﺎ ... ﻧﺰﻟﺖ ﻋﻠﻰ ﺷﻔﺎﻓﻲ ﻗﺒﻞ ﻣﺎ ﻧﺤﻜﻲ ﻛﻠﻤﺔ ... ﺟﺒﺪﺗﻬﺎ ﺷﻮﻳﺔ ... ﻏﺰﺭﺗﻠﻬﺎ .
.. ﻫﺰﻳﺖ ﻳﺪﻱ ﺑﻌﺪﺕ ﺧﺼﻼﺕ ﺷﻌﺮﻫﺎ ... ﻣﻨﻌﺮﻓﺶ ﻋﻼﺵ ﻣﺤﺴﻴﺘﺶ ﺷﻄﺮ ﻣﻦ ﺍﻟﻠﻲ ﺣﺴﻴﺘﻮ ﻣﻊ ﺳﻮﺍﺭ ... ﺧﺬﻳﺖ ﻧﻔﺲ ... ﻭ ﻫﺰﻳﺖ ﺭﻭﺣﻲ ﻭﻗﻔﺖ ... ﻭﻗﻔﺖ ﻓﻲ ﺟﺮﺗﻲ ﺗﺤﻜﻲ
ﻣﻴﺮﺍﻝ : ﺯﻳﺎﺩ ﺑﺎﺵ ﺗﻤﺸﻲ ﻳﺎﺧﻲ
ﺍﻧﺎ : ﻋﻨﺪﻱ ﺧﺪﻣﺔ
ﻣﻴﺮﺍﻝ : ﺧﺪﻣﺔ ﺷﻨﻴﺔ ... ﺯﻳﺎﺩ ﻳﺎﺧﻲ ﻣﻌﺎﺵ ﺣﺎﺟﺘﻚ ﺑﻴﺎ
ﺍﻧﺎ : ﻣﻴﺮﺍﻝ ﺗﺎﻋﺐ ﺭﺍﻧﻲ ... ﻓﻚ ﻋﻠﻴﺎ
ﻣﻴﺮﺍﻝ : ﻣﺶ ﺑﺎﺵ ﻧﻔﻜﻚ ... ﻣﺶ ﻗﺘﻠﻲ ﺑﺎﺵ ﺗﻌﺪﻱ ﻟﻴﻠﺔ ﻣﻌﺎﻳﺎ
ﺍﻧﺎ : ﺍﻭﻝ ﺷﻲ ﻣﻌﻨﺪﻛﺶ ﺑﺮﺷﺎ ﻋﻠﻰ ﻋﻤﻠﻴﺘﻚ ... ﻳﻌﻨﻲ ﻣﺴﺘﺤﻴﻞ ﻳﺼﻴﺮ ﺑﻴﻨﺎ ﺷﻲ ﺗﻮﺍ ... ﻭ ﺛﺎﻧﻲ ﺷﻲ ... ﻣﺶ ﺍﻧﺖ ﻟﻲ ﺗﻘﻮﻟﻲ ﺷﻨﻌﻤﻞ
ﻗﺮﺑﺖ ﻣﻨﻲ ﺣﻀﻨﺘﻨﻲ ... ﺩﻭﺭﺕ ﻳﺪﻳﻬﺎ ﻋﻠﻰ ﻇﻬﺮﻱ ﻭ ﺗﺤﻜﻲ
ﻣﻴﺮﺍﻝ : ﻧﻌﺮﻑ ﻟﻤﺶ ﺑﺎﺵ ﻳﺼﻴﺮ ﺷﻲ ﺑﻴﻨﺎ ﺗﻮﺍ ... ﺍﻣﺎ ﻧﺤﺐ ﻧﺒﻘﻰ ﻋﻨﺪﻙ ... ﻧﺤﺒﻚ ﺗﺤﻀﻨﻲ ﻭ ﻛﻬﻮ
ﺣﻄﻴﺖ ﻳﺪﻱ ﻋﻠﻰ ﻇﻬﺮﻫﺎ ... ﻣﻨﺤﺒﺶ ﻧﺠﺮﺣﻬﺎ ﺍﻛﺜﺮ ... ﻧﺰﻟﺖ ﻋﻠﻰ ﺳﻨﻴﺎ ﻧﺤﻜﻲ
ﺍﻧﺎ : ﻣﻴﺮﺍﻝ ﻧﻌﺮﻓﻚ ﻗﻮﻳﺔ ﻋﻠﻰ ﻫﻜﺎ ... ﺑﺮﺍ ﺍﺭﺗﺎﺡ ﺍﻟﻠﻴﻠﺔ ... ﻣﺘﻨﺴﺎﺵ ﻭﺭﺍﻧﺎ ﺑﺮﺷﺎ ﺧﺪﻣﺔ
ﻣﻴﺮﺍﻝ؛ﻧﻌﺮﻑ ... ﺍﻡﺍ
ﺍﻧﺎ : ﻫﻴﺎ ﻣﻴﺮﺍﻝ ... ﻭ ﻧﻘﺺ ﻣﻦ ﺍﻟﺘﻔﻜﻴﺮ ﺳﻠﺒﻲ ﻣﺘﺎﻋﻚ ﺟﻤﻠﺔ ... ﻧﺤﺒﻚ ﺗﺮﺟﻊ ﻛﻴﻤﺎ ﺍﻻﻭﻝ
ﻣﻴﺮﺍﻝ : ﺑﺎﻫﻲ
ﻃﻠﻌﺖ ﺭﺍﺳﻬﺎ ﺗﺸﻮﻑ ﻣﻌﺎﻳﺎ ... ﻧﺰﻟﺖ ﺑﺴﺘﻬﺎ ﻣﻦ ﺧﺪﻫﺎ ... ﺑﻮﺳﺔ ﺧﻔﻴﻔﺔ ... ﻭ ﻫﺰﻳﺖ ﺭﻭﺣﻲ ﺧﺮﺟﺖ ﻣﻦ ﻋﻨﺪﻫﺎ ... ﻧﻌﺮﻑ ﻛﺎﻥ ﻣﺠﻴﺘﻬﺎﺵ ﻟﻴﻠﺔ ﺑﺎﺵ ﺗﺮﺟﻊ ﺟﻴﻨﻲ ... ﺧﺪﻣﺖ ﺍﻟﻜﺮﻫﺒﺔ ﻭ ﻃﺮﺕ ﺑﻴﻬﺎ ... ﻛﻞ ﻛﻠﻤﺔ ﻗﺎﻟﺘﻬﺎ ﻗﺎﻋﺪﺓ ﺗﺘﻌﺎﻭﺩ ﻓﻲ ﻣﺨﻲ ... ﻣﻨﻌﺮﻓﺶ ﺷﺒﻴﻬﺎ ... ﺍﺻﻼ ﻛﻨﺖ ﺑﺎﺵ ﻧﺮﺟﻌﻠﻬﺎ ... ﺣﺴﻴﺖ ﺭﻭﺣﻲ ﺗﺨﻨﻘﺖ ... ﻧﺰﻟﺖ ﺍﻟﺒﻼﺭ ﺧﺬﻳﺖ ﻧﻔﺲ ... ﺍﻻ ﻣﺎ ﻧﻮﺭﻳﻬﺎ ﻟﻴﻠﺔ ... ﺿﺮﺑﺖ ﻋﺎﻟﻔﻮﻟﻮﻥ ﺑﻐﺰﻭﻝ ... ﻧﺒﻬﺘﻬﺎ ﺍﻛﺜﺮ ﻣﻦ ﻣﺮﺓ ﻣﻌﺎﺩﺵ ﺗﺠﺒﺪﻫﺎ ﺍﻟﺤﻜﺎﻳﺔ ﻫﺬﻳﻜﺎ ... ﻭ ﺗﺰﻳﺪ ﺗﻘﻮﻟﻬﺎﻟﻲ ﻟﻴﺎ ... ﺗﻲ ﻛﻲ ﻧﻔﻜﺮ ﻓﻴﻬﺎ ﻭﺣﺪﻱ ... ﻧﺨﺮﺝ ﻣﻦ ﻋﻘﻠﻲ ... ﺧﻠﻲ ﻛﻲ ﺗﻘﻮﻟﻬﺎﻟﻲ ﻫﻲ ... ﺩﻭﺏ ﻭﺻﻠﺖ ... ﺷﺪﻳﺖ ﺍﻟﻔﺮﺍﻥ ﺑﺎﻟﻘﺎﻭﻱ ... ﻣﻨﻌﺮﻑﺵ ﻋﻠﻰ ﺭﻭﺣﻲ ﻛﻴﻒ ﻭﺻﻠﺖ ﻟﻠﺒﺎﺏ ... ﺣﻠﻴﺘﻬﺎ ﻭ ﺩﺧﻠﺖ ... ﺩﻭﺭﺕ ﻋﻴﻨﻴﺎ ﻋﺎﻟﺪﺍﺭ ﻟﻘﻴﺘﻬﺎ ﻫﺎﺩﻳﺔ ... ﺳﻜﺮﺕ ﺍﻟﺒﺎﺏ ... ﻭ ﻗﺮﺑﺖ ﻣﻦ ﺑﻴﺘﻬﺎ ... ﻫﺪﻳﺖ ﻋﻼﻫﺎ ... ﻋﻘﺪﺕ ﺣﻮﺍﺟﺒﻲ ﻛﻲ ﻟﻘﻴﺘﻬﺎ ﻓﺎﺭﻏﺔ ... ﺣﺘﻰ ﺑﻴﺖ ﺍﻟﺒﺎﻧﻮ ﻣﻔﺘﻮﺣﺔ ... ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ ﺑﺎﻟﺰﺭﺑﺔ ... ﺩﺧﻠﺖ ﻟﺼﺎﻟﺔ ﻣﻜﺎﻧﺶ ... ﻛﻨﺖ ﺑﺎﺵ ﻧﻤﺸﻲ ﻟﻠﻜﻮﺟﻴﻨﺔ ... ﺍﻣﺎ ﺭﺟﻌﺖ ﺧﻄﻮﺓ ﻟﺘﺎﻟﻲ ... ﻛﻲ ﻟﻘﻴﺖ ﺑﺎﺏ ﺑﻴﺘﻲ ﻣﻔﺘﻮﺡ ﺷﻮﻳﺔ ... ﻋﻘﺪﺕ ﺣﻮﺍﺟﺒﻲ ... ﻭ ﻗﺮﺑﺖ ﻣﻨﻮ ﻛﻤﻠﺖ ﺣﻠﻴﺘﻮ ... ﻃﻠﻌﺖ ﺭﺍﺳﻲ ﻧﺸﻮﻑ ﻣﻌﺎﻫﺎ ... ﺭﺍﻗﺪﺓ ﻋﺎﻟﺴﺮﻳﺮ ... ﻗﺮﺑﺖ ﻣﻨﻬﺎ ﺷﻮﻳﺔ ... ﻧﺸﻮﻑ ﻣﻌﺎﻫﺎ ... ﻟﻠﺤﻈﺔ ﺣﺴﻴﺖ ﺭﻭﺣﻲ ﻫﺪﻳﺖ ... ﻗﺮﺑﺖ ﻗﻌﺪﺕ ﺑﺤﺬﺍﻫﺎ ... ﻧﺰﻟﺖ ﻋﻼﻫﺎ ﺷﻮﻳﺔ ... ﺣﻄﻴﺖ ﻳﺪﻱ ﻋﻠﻰ ﺧﺪﻫﺎ ﺭﺟﻌﺖ ﺷﻌﺮﻫﺎ ﻟﺘﺎﻟﻲ ﺷﻮﻳﺔ ... ﻧﺸﻮﻑ ﻣﻊ ﻭﺟﻬﺎ ﺍﺣﻤﺮ ﺑﺎﺵ ﻳﻄﺮﺷﻖ ... ﻇﺎﻫﺮ ﻟﻲ ﻛﺎﻧﺖ ﺗﺒﻜﻲ ... ﻧﺰﻟﺖ ﻋﻴﻨﻴﺎ ﺷﻮﻳﺔ ... ﻧﺸﻮﻑ ﻣﻊ ﺳﻮﺭﻳﺘﻲ ﻣﺤﻀﻨﺘﻬﺎ ﺑﻴﺪﻳﻬﺎ ... ﻗﻠﺒﻲ ﺩﻕ ﺑﺎﻟﻮﻗﺖ ... ﻣﺘﻮﻗﻌﺖﺵ ﻧﻠﻘﺎﻫﺎ ﻓﻲ ﺍﻟﺤﺎﻟﺔ ﻫﺎﺫﻱ ... ﻧﺰﻟﺖ ﻧﻌﺪﻱ ﻓﻲ ﺻﻮﺍﺑﻌﻲ ﻋﻠﻰ ﺧﺪﻫﺎ ... ﺗﻤﻠﻤﻠﺖ ﺷﻮﻳﺔ ... ﺩﻭﺏ ﺣﻠﺖ ﻋﻴﻨﻴﻬﺎ ... ﻧﺰﻟﺖ ﻋﻼﻫﺎ ﺑﺴﺘﻬﺎ ﻣﻦ ﺧﺪﻫﺎ ... ﻭﺟﺒﺪﺕ ﺭﻭﺣﻲ ﻟﺘﺎﻟﻲ ... ﺑﻘﺎﺕ ﺗﺸﻮﻑ ﻣﻌﺎﻳﺎ ... ﻫﺰﻳﺖ ﻳﺪﻱ ﺭﺟﻌﺘﻬﺎ ﻋﻠﻰ ﺧﺪﻫﺎ ... ﻧﻌﺪﻱ ﻓﻲ ﺻﻮﺍﺑﻌﻲ ﻭ ﻧﺤﻜﻲ ﻓﺮﺩ ﻭﻗﺖ
ﺍﻧﺎ : ﺷﺒﻲ ﺣﺎﻟﺘﻚ ﻫﻜﺎ