🔥🔞"في أحضان عزرائيل"🔞🔥(الجزء الثاني)

الحلقة 265

ﺭﻛﺒﺖ ﻓﻲ ﺍﻟﻜﺮﻫﺒﺔ ... ﻣﻨﻌﺮﻑﺵ ﻗﺪﺍﺵ ﺑﻘﻴﺖ ﻓﻴﻬﺎ ... ﻛﻠﻤﺖ ﻭﺍﺣﺪ ﻣﻦ ﺭﺟﺎﻟﻲ ... ﺧﺒﺮﺗﻮ ﻳﺴﺒﻘﻨﻲ ﻟﻠﻜﻠﻴﻨﻴﻚ ... ﻭ ﺧﺎﻟﻄﺖ ﻋﻠﻴﻪ ... ﺩﻭﺏ ﻭﺻﻠﺖ ﻟﻘﻴﺘﻮ ﻏﺎﺩﻱ ... ﺧﺒﺮﺗﻮ ﻳﻠﻬﻲ ﻳﺎﺳﺮ ﺑﺎﻱ ﻃﺮﻳﻘﺔ ... ﻭ ﻻ ﻳﺸﺪﻭ ﺑﺎﻟﻜﻼﻡ ﻋﻠﻰ ﺍﺩﻡ ﺍﻟﻤﻬﻢ ﺍﻧﻮ ﻳﺒﻌﺪﻭ ﻣﻦ ﺑﻴﺖ ﺳﻮﺍﺭ ... ﺩﻭﺏ ﺷﻔﺘﻮ ﺧﺮﺝ ... ﻫﺰﻳﺖ ﺭﻭﺣﻲ ﺩﺧﻠﺖ ... ﻭﺭﻳﺖ ﺍﻟﻔﺮﻣﻠﻴﺔ ﺍﻟﻜﺎﺭﺕ ﻣﺘﺎﻋﻲ ... ﻭ ﺩﺧﻠﺖ ﻋﻨﺪﻫﺎ ... ﻭﻗﻔﺖ ﻋﻨﺪ ﺍﻟﺒﺎﺏ ﻧﺸﻮﻑ ﻣﻌﺎﻫﺎ ... ﻻﺑﺴﺔ ﺭﻭﺑﺔ ﻣﺘﺎﻉ ﻛﻠﻴﻨﻴﻚ ... ﻟﺤﻘﻮ ﻳﺒﺪﻟﻮﻟﻬﺎ ... ﺭﺍﻗﺪﺓ ﻭ ﻣﺶ ﺣﺎﺳﺔ ﺑﺸﻲ ... ﺣﺎﻃﻴﻨﻠﻬﺎ ﺳﻴﺮﻭﻡ ﺍﻛﺴﺠﻴﻦ ﺑﺎﺵ ﺗﻨﺠﻢ ﺗﺘﻨﻔﺲ ... ﻣﻜﻨﺘﺶ ﻧﺤﺐ ﻧﺸﻮﻓﻬﺎ ﻓﻲ ﺍﻟﺤﺎﻟﺔ ﻫﺎﺫﻱ ... ﻗﺮﺑﺖ ﻣﻨﻬﺎ ﺍﻛﺜﺮ ... ﻗﻌﺪﺕ ﻋﻠﻰ ﻃﺮﻑ ﺍﻟﺴﺮﻳﺮ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻰ ﺧﺪﻫﺎ ... ﻭ ﻧﺰﻟﺖ ﺑﻴﻬﺎ ﻟﺸﻌﺮﻫﺎ ﻟﻤﻐﻄﻲ ﺍﻟﻤﺨﺪﺓ ... ﺗﺒﺴﻤﺖ ﻋﻠﻰ ﺟﻨﺐ ... ﺷﺪﻳﺘﻬﺎ ﻣﻦ ﻳﺪﻫﺎ ... ﻃﻠﻌﺘﻬﺎ ﻋﻨﺪﻱ ﺑﺴﺘﻬﺎ ﻣﻨﻬﺎ ... ﻭ ﻧﺰﻟﺖ ﻋﻼﻫﺎ ﺍﻛﺜﺮ ... ﻗﺮﺑﺖ ﻣﻦ ﻭﺫﻧﻬﺎ ﻧﺤﻜﻲ ﺍﻧﺎ : ﺳﻮﺍﺭ .. ﻳﺎ ﺭﻭﺣﻲ ... ﺳﺎﻣﺤﻨﻲ ﻣﻨﻘﺼﺪﺵ ﻟﻲ ﺻﺎﺭ ﻓﻲ ﺍﻟﺤﻔﻠﺔ ... ﻛﺎﻥ ﻋﺮﻓﺖ ﻟﺒﺎﺵ ﻳﺼﻴﺮ ﻓﻴﻚ ﻫﻜﺎ ... ﻣﺴﺘﺤﻴﻞ ﻛﻨﺖ ﻧﺨﻠﻴﻚ ... ﻣﺴﺘﺤﻴﻞ ... ﻭ ﺭﺍﺱ ﺣﺒﻲ ﻣﺎ ﻧﺨﺬﻟﻚ ﺣﻘﻚ ﻣﻨﻮ ... ﺍﻧﺖ ﺑﺮﻙ ﻓﻴﻖ ﻭ ﻗﻮﻟﻲ ﻋﻠﻴﻪ ... ﺍﻻ ﻣﺎ ﻧﺪﻣﻮ ﻋﻠﻰ ﻛﻠﺸﻲ ... ﻧﻮﻋﺪﻙ ﻳﺎ ﺭﻭﺣﻲ ﺟﺒﺪﺕ ﺭﻭﺣﻲ ﻣﻨﻬﺎ ﺷﻮﻳﺔ ... ﻏﺰﺭﺕ ﻟﺸﻔﺎﻓﻬﺎ ... ﻧﺰﻟﺖ ﺑﺴﺘﻬﺎ ﻣﻨﻬﻢ ﺑﻮﺳﺔ ﺧﻔﻴﻔﺔ ... ﻗﺺ ﻋﻠﻴﺎ ﺻﻮﺕ ﺍﻟﻤﻴﺴﺎﺝ ... ﻋﺮﻓﺖ ﻟﻴﺎﺳﺮ ﺑﺎﺵ ﻳﺮﺟﻊ ... ﺭﺟﻌﺖ ﺑﺴﺘﻬﺎ ﻣﻦ ﺷﻔﺎﻓﻬﺎ .. ﻭ ﻃﻠﻌﺖ ﺑﺴﺘﻬﺎ ﻣﻦ ﺭﺍﺳﻬﺎ ﻧﺤﻜﻲ ﺍﻧﺎ : ﺍﻧﺎ ﻣﻌﺎﻙ ﻫﻮﻧﻲ ... ﺍﻧﺖ ﺑﺮﻙ ﻓﻴﻖ ﺟﺒﺪﺕ ﻳﺪﻱ ﻣﻦ ﻳﺪﻫﺎ ... ﻭﻭﻗﻔﺖ ... ﺑﻘﻴﺖ ﻧﺸﻮﻑ ﻣﻌﺎﻫﺎ ﻟﻴﻦ ﻭﺻﻠﺖ ﻟﻠﺒﺎﺏ ... ﺧﺬﻳﺖ ﻧﻔﺲ ﻭﺧﺮﺟﺖ ... ﺍﻭﻝ ﻣﺎ ﺩﺭﺕ ﻭﺻﻞ ﻳﺎﺳﺮ ... ﺧﺮﺟﺖ ﻟﺒﺮﺍ ... ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ ... ﻓﻲ ﺑﺎﻟﻲ ﻭﻗﺖ ﻧﺸﻮﻓﻬﺎ ﻧﺮﺗﺎﺡ ... ﺍﻣﺎ ﻛﻴﻒ ﺷﻔﺖ ﺣﺎﻟﺘﻬﺎ ﻛﻤﻠﺖ ﻋﻠﻰ ﺭﻭﺣﻲ ... ﻫﺰﻳﺖ ﻛﺮﻫﺒﺘﻲ ... ﻭ ﺩﺭﻳﻜﺴﻴﻮﻥ ﻟﺪﺍﺭﻫﺎ ... ﺣﻠﻴﺖ ﺍﻟﺒﺎﺏ ﻭ ﺩﺧﻠﺖ ... ﻟﻘﻴﺖ ﺍﻟﺒﻮﻥ ﻏﺪﻳﻜﺎ ﺗﺴﺘﻨﺎ ﻓﻴﻬﺎ ... ﻗﺮﺑﺖ ﻣﻨﻲ ﻣﻔﺠﻮﻋﺔ ﺗﺤﻜﻲ ﺭﺍﺿﻴﺔ : ﺯﻳﺎﺍﺍﺩ ﻭﻳﻦ ﺩﻧﻴﺰ ﺍﻧﺎ : ﻓﻲ ﻛﻠﻴﻨﻴﻚ ﺭﺍﺿﻴﺔ : ﻭﻩ ﻋﻠﻰ ﺑﻨﺘﻲ ﻣﺶ ﻣﺸﺎﺕ ﻟﻠﺤﻔﻠﺔ ﺷﺼﺎﺭ ﻳﺎﺧﻲ ﺍﻧﺎ : ﺍﻣﺎﻧﻚ ﺭﺍﺿﻴﺔ ﻣﺶ ﻭﻗﺖ ﺍﺳﺌﻠﺔ ﺗﻮﺍ ... ﺑﺮﺍ ﺣﻀﺮﻟﻬﺎ ﺷﻮﻳﺔ ﺩﺑﺶ ﻭ ﺣﻀﺮ ﺩﺑﺸﻚ ﺍﻧﺖ ﺯﺍﺩﺓ ﺑﺎﺵ ﺗﺒﻘﻰ ﻣﻌﺎﻫﺎ ﺭﺍﺿﻴﺔ : ﺑﺎﻫﻲ ﺗﻮ ﻧﺮﺟﻊ ﺍﻧﺎ : ﺑﺎﻫﻲ ﺑﻘﻴﺖ ﻧﺪﻭﺭ ﻓﻲ ﺻﺎﻟﺔ ... ﺟﺎﺕ ﻋﻴﻨﻲ ... ﻋﺎﻟﻔﺎﺳﺖ ﻣﺘﺎﻋﻬﺎ ﻋﺎﻟﻔﻮﺗﺎﻱ ... ﻫﺰﻳﺖﻫﺎ ﻓﻲ ﻳﺪﻱ ... ﻗﺮﺑﺘﻬﺎ ﻣﻦ ﺧﺸﻤﻲ ﻧﺸﻢ ﻓﻲ ﺭﻳﺤﺘﻬﺎ ... ﺳﻜﺮﺕ ﻋﻴﻨﻴﺎ ﺑﺎﻟﻘﺎﻭﻱ ... ﺗﻤﻨﻴﺖ ﻛﺎﻥ ﺟﺎﺕ ﺑﻴﻦ ﻳﺪﻳﺎ ﺗﻮﺍ ﻣﺴﺘﺤﻴﻞ ﻛﻨﺖ ﻧﺴﻤﺢ ﻳﺼﻴﺮ ﻓﻴﻬﺎ ﻟﻲ ﺻﺎﺭ ... ﻛﺎﻥ ﻋﺮﻓﺘﻬﺎ ﻣﻦ ﻗﺒﻞ ﻣﺴﺘﺤﻴﻞ ﻛﻨﺖ ﻧﺴﻤﺤﻠﻮ ﻳﻘﺮﺏ ﻣﻨﻬﺎ ﻭ ﻻ ﻳﺤﻂ ﻳﺪﻭ ﻋﻼﻫﺎ ... ﻓﻘﺖ ﻣﻦ ﺳﺮﺣﺘﻲ ... ﻋﻠﻰ ﺻﻮﺕ ﺧﻄﻮﺍﺕ ﺭﺍﺿﻴﺔ ... ﺧﺬﻳﺖ ﻧﻔﺲ ﻭ ﺣﻄﻴﺖ ﺍﻟﻔﺎﺳﺖ ... ﻗﺮﺑﺖ ﻣﻨﻬﺎ ﻫﺰﻳﺖ ﺍﻟﻔﺎﻟﻴﺰ ﻣﺘﺎﻉ ﺳﻮﺍﺭ ﻋﻼﻫﺎ ﻭ ﺧﺮﺟﺖ ... ﺣﻄﻴﺘﻬﺎ ﻓﻲ ﺍﻟﻜﺮﻫﺒﺔ ... ﻭ ﺍﺳﺘﻨﻴﺘﻬﺎ ﻟﻴﻦ ﻭﺻﻠﺖ ... ﺑﻘﻴﺖ ﻃﻮﻝ ﺍﻟﺜﻨﻴﺔ ﻭ ﺍﻧﺎ ﺳﺎﻛﺖ ... ﻧﺤﺲ ﻓﻲ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﻣﺘﻮﻗﻌﺘﺶ ﺍﻻﺣﺪﺍﺙ ﻫﺬﻭﻣﺎ ﺍﻟﻜﻞ ﺑﺎﺵ ﻳﺼﺮﺍﻭ ﻓﻲ ﻟﻴﻠﺔ ﻭﺣﺪﺓ ... ﺍﻭﻝ ﻣﺎ ﻭﺻﻠﻨﺎ ... ﺭﻛﻴﺖ ﺍﻟﻜﺮﻫﺒﺔ ﻭ ﺗﻠﻔﺘﻠﻬﺎ ﻧﺤﻜﻲ