الحب لم يخلق للجميلات فقط

البارت الأول

#الحب_لم_يخلق_للجميلات_فقط

للكاتبة : بان الأعرجي

البارت الاول...

مرحبا متابعيني الاعزاء نبدي وياكم قصتنا الجديدة وصلتني من احد المتابعات ان شاء الله تعجبكم....قصتنا حقيقيه لبنت عانت من التنمر المستمر من الأهل والمجتمع للأسف وهذا واقع موجود ويمكن قصة البطله اهواي من البنات عاشوا نفس التنمر والتجريح والمواقف الراح انشوفهه بالقصة اتمنى كل شخص يعاني من التنمر يشوف الجانب المشرق من القصة ويعيد بناء الثقه بنفسة ويكون قوي الشخصية وصاحب دور بالمجتمع ...وبالنسبه للطرف المتنمر حكمة عظيمه واحدة لشخص عظيم واحد...قال علي ابن ابي طالب عليه السلام: كما تدين تدان فالدهر يومان يوم لك ويوم عليك...اتمنى لكم متابعه ممتعه..لتنسون متابعه لحسابي حتى متضيع عليكم القصه وياريت تقدرون تعبي بتفاعلكم الحلو...🥰🥰

عائلة  تتكون من ام واب واثنين بنات واثنين ولد تؤام  لكن هالتوأم غريب وغير متطابق لا بالشكل ولا بالصفات..
سعيد وحميد ..سعيد اسم على مسمى انسان متفائل ويحب الخير لكل الناس حتى اعدائة..سعيد تؤام غير متطابق لحميد
سعيد صاحب بشرة سمراء وملامح سومرية جدا..اما اخوه حميد عكس سعيد تماما ايفضل نفسة على باقي الناس يحب يشتغل لمصلحته اكثر من غيرة...ابيض البشرة عيون عسلي شعر مايل للاشقر...
سعيد وحميد جانوا اخر العنقود...عدهم اختين اكبر منهم  ايمان. وابتسام...ومن حظ سعيد السعيد😅 ..العائلة كلها جانوا اصحاب بشرة بيضه وملامح عاديه ..اخوان سعيد جانوا يعاملون سعيد معامله خاصة بحيث كانوا يلعبون الإخوان ثلاثتهم بدون سعيد...
سعيد:ليش متخلوني العب وياكم
ابتسام: ماكو مكان الك هاي اللعبه ميصير بيها بس ثلاثه
سعيد:جا واني اشوكت العب
ابتسام: ماكو لعب العب وحدك
حميد:اوكف عندي فكرة
سعيد:شنو
حميد: روح اشتريلي واخليك تلعب بمكاني
سعيد: والله.
حميد:اي والله
سعيد:يلة راح اروح اشتريلك وتلعبوني وياكم..

سعيد راح يركض والفرحه مرسومه على وجهه اشترة مجموعه حلويات وكلبه مليان فرح ولهفه وهو يتسابق وي الهوى حتى يوصل للبيت دخل الحديقه جانوا اخوانه يلعبون...
سعيد: هاك حمودي يله لعبوني وياكم
حميد: صار..التفت على خواته..اني بطلت ما العب...ورجع اخذ علاكة الحلويات من سعيد وهو يضحك. ههههههه يله العبو ودخل للبيت.
سعيد: التفتت على خواتي..يلة نلعب
ابتسام.:افففف اني تعبت ما اريد العب..وهي تبعد وجهه تدخل للبيت
ايمان: اني هم اروح ارش السطح وافرش...راح يصير المغرب

سعيد وهو مكسور الخاطر يلتفت بكل مكان ماكو احد الكل دخل البيت وتركوه كعد على حافة الحديقه واخذ حجارة وبقه يرسم عالتراب والدمعه بطرف عينه ويحس بزعل جبير ومهضوم من موقف اخوانه وتعاملهم ويا..
وهو بهذا الحال دخل والدة...ها اشبي الذيب كاعد وحدة
سعيد: كل شويه تريد تنزل دمعتي وامنعهه وجان اسمع صوت  الشخص الوحيد الي اعتبرة بلسم لجروحي الشخص الوحيد الي اعتبرة سندي بالحياه والحقيقه اشوفهم همه الوحيدين بالدنيا ايحبوني نعم امي وابويه......سمعت صوته وطفرت لحضنه ولفيت اديه على ركبته ومتمسك بي ...
يضحك ويشاقيني شالني من الكاع ودخل بيه للبيت...