الحب لم يخلق للجميلات فقط

البارت الحادي عشر

#الحب_لم_يخلق_للجميلات_فقط

للكاتبة بان الأعرجي

البارت 11

نعمان: هههه والله وعايشه الدور انتي
ايمان:اشتقصد
نعمان: ...بقى يتلفت بكل مكان وهو يتأكد ماكو واحد..يسمعه..وكال...ايمان لتتزوجين..
ايمان: ليش وانته شعليك تدخل بحياتي..
نعمان: لن الديصير كله غلط انتي بعدج ازغيرة وينج وين الزواج والمسؤليه..
ايمان: اذا اكو شي غلط فهو وكفتي وكلامي وياك...
وتركته وطلعت من المطبخ...

دخلت علينه ايمان والوجه يريد ينفجر من العصبيه..
كعدت وهي متوترة وكلنه لاحضنه هالشي.. عليها بس  ولا واحد كدر يحجي..

فترة واندك الباب..ايمان كمزت من مكانها وهي تفرك بيدهه ..وترجف.
والدي: اشبيج بابا على كيفج راح توكعين..
عمتي: هههههه لعد بالعرس شراح تسوين
ايمان دنكت بخجل وابتسمت...

طلع بابا يستقبلهم واحنه واكفين ويا..دخلو زلم اهوايه افنديه ومعكلين..وسلمو علينه واحد واحد  حسيت بحركه يم الشباك التفتت واشوف خواتي وعمتي يباعون من الشباك وخاتلات ورى البردة..

دخل بهجت جان حيل انيق لابس افندي (قاط رسمي) لونه بيجي جان مؤدب وشخصيه ابشكل. سلم على بابا وحميد الجان كالب الوجه ويخزر بي..
وصل يمي مد ايدة وسلم عليه كال..شلونه رجال البيت..
سعيد : الحمد لله بخير تسلم...
حسيت عينه راحت عالشباك وابسرعه دنك وفات لداخل..
الكل دخلو دا ادخل وياهم جان يصحيني نعمان..سعيد..
نعمان: هو هذا الدكتور مو ..وهو يأشرعلى بهجت
سعيد: اي هو
نعمان: اي زين.... وعوج حلكه..خلي نشوف السيد بهجت منو..

يااخي ولا ارتاحله هذا نعمان انسان تافه ودمه ثكيل صدك مكروه ولا احبه  يمكن هاي الشغله الوحيده إلي اتشابه بيها ويه ايمان..😆..

...اني وحميد بدينا بالضيافه.. رايحين رادين كل شويه جايبين بارد لو ماي ونلم الفارغ  صرنه  عمال  كهوة ...
حميد: هو هذا العريس ابو اربع عيون..
ابتسام: يا حميد شنو هالحجي الفارغ عيب عليك 
حميد: هههه  لا بس ردت اتأكد منها اخاف متدري بي عندة اربع عيون وغشوهه كام يضحك هههههه
إيمان:بقت تخزر بحميد حاولت تسكت وتلزم اعصابهه متريد هوسه ومشكله..
سعيد: يله امشي راح تبدي المشيه اخذته وطلعت..

بدت مراسيم الخطوبه..
الشيخ: هذا ابنه الدكتور بهجت مثل متعرف هو يتيم الاب واكيد شرحلكم ضروفه..احنه جيناكم مشايه ونطلب ايد بتكم المصون لابنه بهجت على سنه الله ورسوله..
والدي: إلي الشرف وبهجت هو ابني ان شاء الله والرسول صلى الله عليه واله يكول زوجو من رضيتم دينهه وخلقه وبهجت نعم الأخلاق والتربيه..اني لا يهمني مال ولا جاه المهم يسعد بنتي ويحافظ عليها .
الشيخ: إن شاء الله ابنه  مراح ايقصر ابشي وياهه و بهجت اتعذب اهواي بحياته وبنتك راح اتعوضه عن كلشي..بحيل الله
والدي : بيها الخير ان شاء الله خلونه نقرة الفاتحة بنيه التوفيق للجميع...
الشيخ: احسنت يا الله..الكل.رفعو اديهم وهمه يقرون الفاتحه ما عدا شخصين ..نعمان وحميد...بقوا واكفين بمكانهم...واحدهم تنور ويفور..اقل كلمه ينفجرون..
وكملت ويانه...فجئه ونسمع صوت هلاهل..