الحب لم يخلق للجميلات فقط

البارت الثالث عشر

#الحب_لم_يخلق_للجميلات_فقط

للكاتبة بان الأعرجي

البارت 13

بعد مرور ٤٠ يوم....

اليوم مر أربعين يوم على فراق امي..الله يرحمها
الأيام جانت كفيله بعلاج جرحي..التهيت بالشغل
اكيد ما نسيناهه مستحيل بس الله صبرنه عليها
لازم شغل ابويه من الألف إلى الياء كله بيدي اما حميد ابويه يكلفه بالاشياء البسيطه..اني ما احجي ويا من وقت المشكله..بس بابا يحجي ويا...حيل كلبي محروك عليه ومشتاقلة اهواي بس تصرفاته اتنرفز وميحترم واحد...

اليوم متوجهين للنجف لزيارة قبر والدتي..اخذنه
سيارة بهجت  بيها ايمان  واني والسيارة الثانيه نعمان وابويه وعمتي وحميد وابتسام..وخوالي بسيارة...

الطريق طويل تقريبا اربع ساعات..خليت راسي على جام السيارة وغمضت عيوني...

بهجت: امونه حبيبتي...شو باعيلي..
ايمان: بهمس اشبيك بهجت منا سعيد ليسمعك..ويسوي مشكله..

بهجت: اول شي اخوج نايم وثانيا انتي مرتي ترى يعني ما امسوي شي غلط..
ايمان: اسفه عمري لتزعل مني اني هليام امخربطه وضعيتي وما اعرف شحجي وشتصرف..اعذرني

بهجت: ااااه ...ايمان اني تعبت حيل..وبعد ما اتحمل..اريدج يمي كافي عاد..هاي صارلي وياج سنه وشهرين. لشوكت يعني..
ايمان: والله اعرف...بس ما اكدر صعبه عليه بهجت شلون تريدني افرح واسوي عرس قبل سنوية امي شتكول علينه الناس
بهجت: منو رايد عرس..اني رايدج الج وبس..مو كتلج انسوي بيناتنه وهدوء بدون هوسه..
إيمان: شلون يعني بدون عرس شنو قابل امعرسه قبل حتى هسه اسوي بيناتنه..اصبر بهجت لخاطري فدوة والله الأيام منحس بيها تركض ركض ومتشوفني غير واني بغرفتك..
بهجت:اوووف منج إيمان وتكليلي ليش مستعجل هو العندة هذا الجمال شلون يصبر..
ايمان: هههههه حبيبي الله يخليك الي طول العمر..يعني قنعت هسه
بهجت: محد يكدرلج دومج امقنعتني..هاي هيه عمري لتردي يصير...

😑😑😑((الموقف جان محرج إلي حيل كل اشويه وارد اطفر عليهم بس اسكت مهما كان يبقى رجلها ومن حقه كلشي يسوي..بس جنت فرحان بحبه الها فعلا بهجت يعشقها لايمان ))

وصلنه ..والكل دينزل من السيارات...جان اشوف حميد ينزل وامخلي ايدة على بطنه ويتلوة...كلبي يمه بقيت اباوع عليه وخايف هذا اشبي..يمشي بهدوء آخر واحد...واني وراه....فجئه كعد بالكاع وصار يتقيئ...بدون وعي مباشرة ركضت عليه..
سعيد: ها اشبيك وهو لازمه من اديه..
حميد: مابيه شي روح منا....وصار يتقيئ..
سعيد: ما اهتميت لكلامه اخذت ماي وغسلت وجهه
شافني نعمان واجه علينه..
نعمان: ها اشبيك.
سعيد: يتقيئ وبطنه توجعه..
نعمان: هاي من الطريق والسيارة مو كلك ابوك اشتريلك شي مقبلت وهسه شلون شنسويلك..
حميد: مابيه شي بس خلي اكعد استراح اشويه ..