#الحب_لم_يخلق_للجميلات_فقط
للكاتبة بان الأعرجي
البارت 17
اليوم دخل قصتنا ابطال جدد راح ايضحكونا وراح ايبجونا والبعض راح نكره تصرفاتهم فلا اتحكمون على الاشخاص من البدايه..
بطلتنه المميزة والقريبه الى قلبي زينة..زوجه سعيد
حبيبتي هسه القلم الج واكتبي قصتج للمتابعين وخلينا نشوفج اشلون عشتي واتجاوزتي كل التحديات بحياتج اتفضلي......
اسمي زينة عشت بعائله بسيطه..مشكلتي كلش خجوله واستحي حيل من المقابيل وجبانه اشكد متتصورون اكو مثل عند اهالينه ايكول متعرف اتحل رجل الدجاجه 😅 هذا المثل ينطبق عليه حرفيا..
اليوم دخلت بيت جديد وراح اعاشر ناس كلشي ما اعرف عنهم وعن اطباعهم..لمن اتقدملي سعيد وشفت صورته انجذبت إله وكلبي دك شفت ابوجه كل الطيبة والمحنه ..ما اتبطرت ولا اتندمت على لونه بالعكس جنت اشوفه احلى واجمل رجال بالدنيا
سعيد..
اول ليله الي ويه زينة جنت خايف ومتوتر..بعد ما خلصت الهوسات والهلاهل...كل واحد منه اخذ عروسته ودخل لغرفته..
اول مرة بحياتي احجي ويه ابنيه واتقرب منها..كاعدة مدنكه وتفرك بديها...اجيت كعدت ابصفها..اريد افتح موضوع وياهه واكسر الخجل كتلها شنو اسمج(طبعا اكيد اني جنت اعرف اسمها ٠😅)
بهدوء صوت كوة اتسمعه كالت زززينه...
والنعم منج زيونه...ابتسمت ابخجل واني اتعرفين اسمي..هزت براسها بنعم...شنو اسمي بله...ابتسمت وما حجت...
معناهه متعرفي..
زينه: لا أعرفه
سعيد: كولي لعد
زينه: سكتت اشويه وكالت سعيد..
سعيد: واخيرا نطقتي اسمي...لزمت اديها وكتلها..
شوفي يا بنت الناس اني المرة التصوني وتحترمني واهم شي تحترم اهلي اخليها تاج على راسي واسعدها طول عمري واخلي كل النسوان تحسدها على عيشتها ..واني ما اكلج اني عصبي ولا هادئ هيه المرة بيدها اتخلي رجالها عصبي لو زين وياهه. وبالنسبه لاهلي ما راح اجذب عليج واعيشج بأحلام ورديه لا حبيبتي راح اتشوفين واتسمعين اشكال والوان كل الاريدة منج..اي شي يصير بالبيت ميطلع عتبت الباب وما اريد كال وكلت اريدج خرسه طرشه. واني ما راح اقصر وياج ابشي وادللج دلال انتي مرتي وحبيبتي وكلشي ابحياتي من بعد والدي..مفهوم...ورفعت وجهه بيدي
..وعيونها الحلوة بعيوني هزت براسها..نعم...خايفه وترجف....اتقربت منهاا ابهدوء وصارت زوجتي❤
بست راسها واخذت نيشانها وطلعت لاهلي..وانطيته لامها وعلت الهلاهل...ابنص الارتباك والضجة اجت عيني على خواتي إيمان جانت كاعدة وتباوع على ام زينه وعيونها دم والوجه احمر من البجي وابتسام جانت ضاربه البوز شبرين وتتعارك ويه ذبان وجهه..
ثواني وطلع حميد وبيده نيشان مرته..افرحتله كولش باركتله وطلعنه لوالدي والأهل الجانو حاضرين...
والدي: الف مبروك ولدي الذيابه..ان شاء الله يكتبلك الذريه الصالحة من هاي الليله
نعمان: امبين خالي مستعجل يصير جد
والدي: هاي سنة الحياة هسة دشوف حميد وسعيد راح يصيرون ابهات وانته بعدك عمرك صار بالثلاثينات وانته بعدك اتكول مو وكتها متكلي شمتاني اشوكت اتفضها
نعمان: الله كريم خالي عن قريب ان شاء الله
والدي: يا الله هيج ونفرح بيك تستاهل كل خير ابني
نعمان: الله يسلمك خالي بوجودك.
أنت تقرأ
الحب لم يخلق للجميلات فقط
Romanceتنمر المجتمع على شكل الانسان والاهتمام بالمظاهر وترك الجوهر الحقيقي ويأتي الحب الحقيقي و هو عشق الروح قبل الشكل 😊
