الحب لم يخلق للجميلات فقط

البارت الواحد والعشرون

اعتذر جدا منكم على التأخير بسبب الضروف وان شاء الله اعوضكم بنشر يومي للبارتات الجاية 😘

#الحب_لم_يخلق_للجميلات_فقط

للكاتبة بان الأعرجي

البارت 21

سعيد:انتي زينه لو اني غلطان...

لمن سمعت اسمي..كمت ارجف عزا هذا منو اليعرفني ويعرف اسمي يمة بس لا الأمن راح ياخذوني..كمت اطك سن ابسن من الخوف بقيت ساكتة بس صوت أنفاسي تنسمع..
سعيد: صاح الووو..متردين اشبيج ساكته..
العبرة خانكتني كوة طلع صوتي انته منو شتريد مني...وطكيتها بجية 😭😭😭 كمت اشهك وابجي
سعيد: هههههههه خرب يومج خاب  اشمالج صدك تحجين اكو مرة متعرف صوت رجلها زين هالبجي عليمن ههههه
زينه:يااا منو سعيد
سعيد:اي سعيد رجلج يا حضي..
زينه :حبيبي سودة علية 😭 والله ما عرفتتك ما سامعه صوتك بالتليفون آسفة  وكمت ابجي..
سعيد:لج يمعودةكافي بجي ما عندي وقت اشلونج حبيبتي مشتاقلج يا عمري
زينه:سعيد اشوكت ترجع بس الله اليعلم اشكد مشتاقتلك فدوة ارجع
سعيد: ان شاء الله أيام واصير يمج..احجيلي خو ما بيج شي مرتاحه بالي كلة يمج زيونة..
زينه:حاولت ما ابين شي لسعيد..هم خطية اشغل بالة علية وهو ابعيد..كتلة لا حبيبي الحمد لله ابخير ما ناقصني غير شوفتك..
سعيد:ان شاء الله ما بقى شي..ابوية اخواني اشلونهم
زينة:كلهم ابخير زينين عمي قبل اشويه طلع جان حجيت ويا لو موجود
سعيد:اي اعرف هيج وكت طالع بس شسوي كوة اكدرت احصلكم. كلبي طاك عليكم حتى ربعي انقهروا عليه وحجو ويه الأمر مالتنه كوة وافق اتصل بيكم وكال بس هالمرة لن ممنوع..
زينة: والله ما امصدكة اسمعت صوتك انتبه لنفسك حبيبي
سعيد:ان شاء الله حياتي سلميلي على الكل وبالأخص ابوية مع السلامة
زينة:وداعت الله حبيبي مع السلامة

صوت سعيد ابهاي الدقايق القليله انطاني جرعة امل اكبيرة اكدر اضبط أعصابي واتحمل الايام الجاية
اتغيرت ابثواني وصار وجهي يضحك وحسيت ابنشاط وحيوية عكس العادة...

خلي اروح اخذلهم الماي والشاي..

خليت القوري عالنار..وحضرت صينية الجاي...اخذتلهم ماي بين ميصير الشاي ..

دخلت..ولكيت الغرفة مكلوبة عزا ومناحة ..ابتسام تبجي وعمتها تبجي...اشرتلي ايمان اخلي الماي اكبال عمتها...خليتة وطلعت حسيتهم متقيدين وميردون يحجون كدامي شي..

واكفه بالمطبخ انتظر الشاي..اتذكرت سعيد والسويته ويا كمت اضحك على روحي بلة شيكول عليه الزلمة.
واني هيج اضحك بيني وبين روحي..جان يدخل عليه حميد ومرته...
سراب: يااا هاي اشبيج زينة اتخبلتي  شو اضحكين وحدج..
زينة : انحرجت من الموقف..وبالأخص جان حميد يباوعلي ويضحك..صرت ابنص اهدومي من الفشلة
لا...ماكو شي بس فرحانة سعيد خابرني..
حميد:صدوك اشوكت
زينه: أي والله قبل اشوية وسلم عليكم كلكم..
حميد:االله يسلمة اشعجب خابر وشلون كدر ايحصل تليفون..
زينة:اللي افتهمتة عن طريق جماعته متوسطين عند الامر مالته وامخلي يتصل..
حميد:اي كلك عريس وخطية بس والله لو لاكفي ابغير علمهم الا ياخذ اعدام ويعلكوه عالتيل(عمود الكهرباء )