الحب لم يخلق للجميلات فقط

البارت الثامن

ممكن متابعه لحسابي بالفيس😊😊....وشكرا الكم ❤❤

#الحب_لم_يخلق_للجميلات_فقط

للكاتبة بان الأعرجي

البارت 8

بعد ما هددت ابتسام وايمان افضح كولشي واكول لابويه وحميد. وهنه داخلات انذار وصارن يتحذرن يحجن شي كدامي كلما ادخل عليهن لو يسكتن لو يغيرن الموضوع..وحتى باليل ابد ميسولفن شي..الضاهر كشفت نفسي الهن ٠.٠٠مو مهم هذا المهم إيمان تنخطب لبهجت وتنهي هاي المهزلة....سويتلهن حرب نفسيه اطب واطلع امغندب وتعاملي وياهن جاف...

بيوم من الايام رجعت للبيت..هدوء ماكو احد...دخلت للغرفه..لكيتهن كاعدات يقرن مجلات...
سعيد : ها انتو هنا
ابتسام: جا وين انروح
سعيد : هدوء  عبالي ماكو احد بالبيت ..
ابتسام: لا موجودين بس صديق حميد هنا
سعيد: يا صديق هذا ووينهم ما شفتهم برة..
ابتسام: واشمدريني اني..يمكن اخذه للسطح...

سعيد طلعت منهن وصعدت للسطح...اول مرة اندخل غريب لبيتنه بدون مناسبه..شنو معناهه حميد شلون يسوي هيج وهو يدري ابويه ميقبل  بهالوضع..
فتحت الباب ..وفعلا لكيته هو وصديقه بالسطح..كاعدين يم البرج..شافني حميد...صاح..

_ها...انته هنا تعال اكعد ويانه..
اقتربت وكعدت الولد اول مرة اشوفه مشايفه من قبل بالمنطقة وشكله ابد مو مريح وامبين اكبر من عدنه بالعمر...
سعيد: منو هذا ما عرفتنه..
حميد: هذا صاحبي..جواد من حي(....) اجه يشوف الطيور حتى يشتري منهن كم زوج..
سعيد: ها...اهلا وسهلا بيك جواد اتشرفنا
جواد: اشكرك..الشرف الي

بقيت اراقب كل حركاته وتصرفاته..ابد ما ارتاحيتله شكله واحد صاحب مشاكل ...وحميد دومه هيج يدور المشاكل ادوارة..اووف الله اليستر...بقى تقريبا للمغرب وهو نفس مكانه ونفس اسوالفه التافهه...جان اهمس لحميد...
_ يله اشوكت يروح مو راح يجي ابويه واذا شافه هنا يكسر البرج (قفص) على راسك..
حميد: ...يلا خويه كوم نروح نتعشة...واوصلك للكراج..
جواد: هههه يا كراج وبعدين اشبيك بعد وكت يا عشه دكعد
..
ما حبيت رده...وحميد يباوعلي ويستنجد بنظراته وهو خايف ليجي ابويه ويشوفه...ادخلت وجذبت لخاطر حميد 😒

سعيد : لا خويه اعذرنا بس جاينه خطار وزحمه صارت ابوجهك اعذرنا...
جواد:' كام وهو بنفض نفسه وامبين على وجهه الضوجه...لا ماكو مشكله...من رخصتكم..وراح للباب دينزل...بدون استأذان طار عقلي من وقاحته وصلافته...جان اعيط بي...
سعيد ': هيوووو جواد...وين نازل شنو عمي هيه تايهه دوكف خلي ناخذلك طريق اكو نسوان بالبيت....واخزر بي
جواد: ها العفو اني اسف...
نزلت وكلبي امجمر...ااخ منك حميد صدك لا كال ابويه فاهي وتبقى طول عمرك فاهي....نزلت اخذت طريق....ونزل جواد وراح هو وحميد....

سعيد: ابتسام جوعان اشوكت اتسون العشه..
ابتسام: منتظره ابوك نزل للولايه ويجيب مسواك لن كلشي ماعدنه ..
سعيد: سويلي جاي وخبز..جوعان..
ابتسام كامت للمطبخ اتسوي الجاي...اخذت الراديو..اكلب بالموجات..والصوت مشوش....والله ضوجه لوعدنا تلفزيون
.لازم اسئل على أسعارهن واشوف اكدر اشتري لو لا...كاعد احرك بالاريل حتى اضبط الصوت..طالعه اغنيه حلوة  سلامات  سلامات اريد ابعث سلامات ...كاعد واسمعها...