الحب لم يخلق للجميلات فقط

البارت الخامس والأربعين

#الحب_لم_يخلق_للجميلات_فقط

للكاتبة بان الأعرجي

البارت 45

ملاك..
سحبتني من ايدي بقوة .واحس تسولف بدون وعي هلكد ما ضايجه وامعصبة...
تحجي بحركة كلب ..انتي مو ملاك انتي شيطان وعايش ابينه  امسويه نفسج فقيرة واخلاق وانتي رب الخباثة والخيانه..
_مدا افهم عن شنو تحجين
_ها هسة صرتي ثولة مو..
_والله لا افضحج فضيحة وبكل مكان واخلي الما يشتري يتفرج عليج..
_غوركت عيوني بالدموع...شهد اشبيج اني شنو سويتلج
_وبعدج صلفه لج شنو من بشر انتي لج اشلون تاكلين واتشربين شلون تنامين مرتاحه وانتي امفرقه بين اثتين يحبون بعض حسبي الله ونعم الوكيل عليج..
بعد ما اتحملت كلامها نزلت ايدها عني ابقوة.وكتلها....لتحملين شخص ثاني نتيجه فشلج اذا عندج شي احجي ابكل وضوح وطالبي ابحقج ابصوت عالي بس لتتهمين الناس باطل...
_ ضحكت بأستهزاء..ههه اني فاشلة مو...دفعتني عالحايط جان تجي هدى ومروان يركضون..
مروان عاط بشهد وسحبها مني ودفعها حيل رادت توكع وهو يباوع عليه بعيون مليانه حقد وكال هاي اخر مرة اسمحلج تحجين وي حبيبتي اذا اتكررت  ثاني مرة احسبي نفسج انطردتي من الجامعه.

هدى حاضنتني وتهدئ بيه..وعاطت ابشهد
_يا حقودة ما اتحملتي مروان عافج مو اي طبعا ايتركج بعد كل هذا السم والحقد الشايلته حيل بيج وبعدج ما شفتي شي..
_خلت اديها على وجها وكامت تبجي..
بدو الطلاب يتجمعون يمنا يردون يعرفون شنو السالفه مروان اخذني من ايدي ابسرعه وطلعنه للكافي...

مروان..

دخلت الجامعة مشتاق لملاكي..اتفاجئت بهدى وهي خايفه و تركض عليه...

_الحك مروان شهد اتهجمت على ملاك فدوة ابسرعه امشي
_شنو؟؟؟؟

احس نار حارة تحرك ابصدري لمن سمعت ملاك ابخطر صعدت عندي الغيرة وبعد ما اشوف ابعيني والله لو ما شهد مرة جان مثلّت بيها ...هيج عندي استعداد اسوي اذا شخص اتقرب من ملاك..

لحكت على اخر لحظة وهي حاصرة ملاك بزاويه بعيد عن العيون وتريد تضربها سحبتها ابقوة جان اكسرت ايدها..وهددتها ان وصلت لملاك بعد اطردها من الجامعه كلها...

اخذت حبيبتي الي تحاول اتبين قويه من برة بس اعرف بيها متهشمة من الداخل وهذا اليعجبني بملاك بكل المواقف متبين ضعفها واتسيطر على دمعتها حتى اتبين قوتها...

كعدنه بالكافيه..
ملاك..احاول احبس دموعي اشكد ما اكدر ..طلبت ماي من مروان وراح يشتريلي...هدى حاضنتني وتواسيني..
_معليج بيها هاي كاتلتها الغيرة منج
_امنين عرفت وشلون راح اتخبل
_مو صعبه عليها تعرف..تدرين الجامعه كلها منتبها عليكم ولتنسين اصدقاء مروان علاقتهم قويه ابشهد وخصوصا ميثم يعني  اكيد مو صعب عليها تعرف بعلاقتكم 
_ااخ ما جنت اتمنى يعرفون بهاي الطريقه اكيد كل الجامعه عرفت اني ومروان ابعلاقه
_اذا طبهم مرض خلي يعرفون قابل شمسويه انتي
_الله اليعلم هسه شنو حجتلهم شهد وشنو اخذوا عليه من نظرة اااااه