#الحب_لم_يخلق_للجميلات_فقط
للكاتبة بان الأعرجي
البارت 4
فرغ البيت من الناس وعم الهدوء والدي وضعه ابد ميطمن كاعد ويانه بس فكرة بغير مكان...
سعيد: بابا بيك شي.
والدي: لا ماكو شي صدك اني التهيت ونسيت اسألك كملت التسجيل
سعيد: بابا اني قررت اعوف هاي السنه والسنه الجايه ان شاء الله اسجل
والدي: ليش ابني شنو صار شلون اضيع تعبك ابشربة ماي
سعيد : لا بابا ان شاء الله ميضيع السنه الجايه اسجل
والدي: زين ليش شنو السبب
ابتسام:والله يابه عليك اسوالف دخلي يكعد ويسكت وبعدين يا دراسه هاي والدنيا مكلوبه ومشعوله بالحرب والاوضاع مو زينه حصار وكوة امدبرين اللكمه
والدي: على الأقل انطيني سبب مقنع..
سعيد:مثل ما كالت اختي الأوضاع مو زينه وحصار وكل يوميه طالعه اشاعه شكل يوم احتلونه ايران ويوم ضربناهم كيمياوي واشكال الحجي..خليها هاي السنه واني هم انكطع واهسي بعد حادث حميد
ابتسام: هااا يعني راح اتذبهه براس اخوك كوة كوة تريد تلزكهه بي واتطلعه مو خوش
سعيد: لا اني خايف عليه لينعاد ويا نفس الحادث وخصوصا هسه هواي انتشرت السلابه والحراميه اهواي ناس عافت ابيوتها وشردت خافت من الحرب والاشاعات..والجيش ضعف وكلها بالجبهات يعني السبع هسة يحافظ على بيته وحلاله ويكعد ناطور (حارس ) عليه
والدي: ابكيفك بابا ولو اني جنت احسبلك يوم يوم اشوكت تكمل دراستك وتصير محامي..بس هاي بعد ماكو نصيب
سعيد: اعوضهه ان شاء الله هسه المهم منا ورايح اطلع وياكم وانتبه عالشغل..
جان الكل يباعون عليه بنظرات استحقار وغل يردون ياكلوني بعيونهم..حسيت حميد ما متأثر وساكت ما حجة شي..
والدي: براحتك بابا التشوفه.... واني هم عندي موضوع وياجن
ما انكر استغرابي من موقف بابا جنت متوقع راح يرفض قراري ويصر عليه اكمل دراسه بس الواضح قراري جان ابمحله وبابا محتاجني ويا ابغير مكان....
ايمان: خير بابا كول..
والدي: امكم وضعها تعبان ولازم اتبات بالمستشفى وخوالكم هم عدهم مشاغل وحايرين بعيشتهم ميكدرون يبقون وياهه دوم فخالكم يكول نتناوب عليه احنة والبنات شتكولن.
ابتسام: ابكيفك بابا
ايمان: اني اروح
ابتسام: او ليش مو اني
ايمان: جا منو يبقى يم حميد ويداري ويلزم البيت
حميد: ما محتاج واحد مابيه شي
سعيد: اني يمه اني ادير بالي عليه
ابتسام: لا يلة ميخالف مواقفه انتي ترحين واني ابقى بالييت
ايمان: خوش اتفقنه.. بابا اشوكت اروح
والدي:'باجر اذا الله راد .
وهو يكوم من مكانه..صاح حميد تعال....دخل والدي لغرفته وحميد وراه...
ابتسام: شكو ليش صاحه اكيد راح يرزلة سودة عليه يا خويه كله كلبه عالسيارة من رجع لسه
سعيد: انتي ليش تحجين هيج ابويه ايحبنه وعندة رجعت حميد تسوة املاكه كلها متشوفي حاله شلون صاير شنو نسيتي رجفته وخوفه على حميد انتي ليش اتزرعين الكره ابكلب حميد على ابويه..
ابتسام: هسة اعرفت ليش ابويه ايصيحلك المحامي....جان تنزع النعال من رجلهه وتشمرني بي..انجب واسكت لا الزمك اكطعك بالنعال طالعله السان العبد الاسود..
أنت تقرأ
الحب لم يخلق للجميلات فقط
Romanceتنمر المجتمع على شكل الانسان والاهتمام بالمظاهر وترك الجوهر الحقيقي ويأتي الحب الحقيقي و هو عشق الروح قبل الشكل 😊
