الحب لم يخلق للجميلات فقط

البارت الثامن والعشرين

#الحب_لم_يخلق_للجميلات_فقط

للكاتبة بان الأعرجي

البارت 28

_كم طفل عندج..
_عندي بس ابنيه
_جيد وراح تجيها اخت زغيرونه...

_ابتسمت وملامح الخوف بدت على وجهي كلت الحمد لله على هاي النعمه ...
اني ما اتبطر لو اضوج لن طلع بيه بنيه لا والله فرحتي متنوصف مثل ماجنت فرحانه بملاك فرحت ابنتي الثانيه بس جنت خايفه..خايفه من ردة فعل حمواتي وسراب ..اكيد راح يسممني ابكلامهن ويشمتن بيه..
طلعت من الدكتورة صارت عيني ابعين سعيد ابتسمت ابهدوء..اتقربت منه...
_امخلي ملاك ابحضني وكاعد انتظر زينه..طلعت وجانت مو على بعضها..رغم اتحاول اتبين كدامي هيه فرحانه بس اعرف بيها مهمومه وضايجه...
كعدت يمي والابتسامة مرسومه على شفافها...
_ها اشبيج طمنيني..خو مابي شي الطفل
_لا الحمد لله زين..اخذت ملاك وبستها...سعيد راح تجيك بعد وحدة بنوته وكحه خاف ملاك امقصرة 😅
_ياالله اشكد فرحت لمن عرفت راح تجيني ابنيه ثانيه.. اويلي فدوة راح تجيني اميرة ثانيه وراح يصير عندي توم ولج هيه وحده  وامطيرتني اشحال اذا صارن اثنين..حبيبتي مبروك الله يكومج بالسلامة زيونتي..
_اشكرك حبيبي..

طلعنه واحس زينه فكرها مو يمي ادري بيها ابشنو دتفكر ما اريد اضغط عليها واسئلها..وخاف تنحرج مني تركتها وقررت اغير مزاجها اشويه..
_ام ملاك الغاليه حبيبتي
_ها عيني
_شنو رايج نروح نشرب شربت(عصير)..
_يله ابكيفك..
_تدللين حبيبه..

اخذني سعيد لمحل عصير...ونزلي..عصير رمان وهو هم اما ملاك خبلتنه..شربت عصير رمان وكالت ايع مو طيب اريد غيرة..واخذت زبيب وكالت ما اريدة وانوب بطيخ...ما طلعت من المحل الا وهي امجربه كل النكهات😅 وسعيد على مايها ابد ما كللها لا شتريد ايسويلها...

لاول مرة اتمنى ما ادخل البيتي🥺💔...وصلت واني كلبي مكسور وفرحتي ضايعه ابملامح الخوف والحزن لبداخلي..

دخل سعيد وسلم على عمي واخوانه...
سراب: ها بشرو اشطلع..
سعيد:الحمد لله نعمه ثانيه شد حيلك حجي راح بجيك مساعد ويه ملاك ههه
سراب:يعني طلعت ابنيه...؟؟؟
_اي الحمد لله
_مبروك حبيبتي زينه تتربه ابعزكم ان شاء الله
عمي: الله يخليهم الك ان شاء الله وتشوف عل على وجهن كل الرزق والخير..

سراب وحميد جانوا تصرفاتهم غريبه..٢٤ ساعه كاعدين سويه ويه ابتسام وايمان. ويتهامسون..

مرة جنت دا اكنس وسراب وابتسام بغرفه ايمان ايقيسن الملابس..جان اسمع كلام ابتسام:
_ ولجن يمكن هاي بيها ولد ومتكول  وفرتها علينه علساس ابنيه ثانيه..
_لا ما اعتقد لن زينه متجذب اني متاكدة لو بيها ولد جان كالت
_اشمدرينا كلشي اتوقع منها هاي مسمومه مثل رجلها اذا صار عندة خير ايضم راسه. ومن عاشر القوم بعد 😏
_والله ما ادري شكلج
_اسمعي انتي لتاخذين سونار هسه..خوش لن بس تاخذين ويطلع بيج ولد اتحركج حرك بعيونها..وتحسدج وحتى الطفل ايروح منج
_لا يمه اسم الله لا ما اخذ هسه اصلا ميبين بعدني اربع اشهر..
_اي احسن وحتى لمن تاخذين ويطلع ولد لتكوليلها ايحسدوكم هيه ورجلها..
_لا عيني لا اكول ولا احجي..