الحب لم يخلق للجميلات فقط

البارت الخامس والعشرين

#الحب_لم_يخلق_للجميلات_فقط

للكاتبة بان الأعرجي

بارت 25

سنة 1994 نورت الدنيا ملاك بطلة قصتنا الحقيقيه
ملاك...بنت عاشت قصة تحول اكبيرة ابحياتها
اشلون راح تكدر تتحدى الحياة وتنتصر على المجتمع المتنمر بطبيعته؟؟...
قصه ملاك مختلفه تماما عن قصة ابوها سعيد وامها زينة ويا ترى ملاك راح اتكون مثل امها وأبوها راح تسكت على التنمر  ابحقها لو راح تكلب الطاولة واتغير المعادلة الصارلهه اسنين مستمرة 😉❤ ؟؟

زينه:
اشكد اتفشلت واني اسمع سعيد يذكر اسم امه حسيت نفسي طفله وانضحك ما ادري ابنفسي هيج عقلي ازغير😅...

سعيد:اخذتها ابحضني وهي تتحرك بين اديه حسيت نفسي ملك وابين ادية كنز ثمين جنت خايف عليها من الهوى الطاير وخبلتهم هلكد ما اوصيهم ابملوكه..
وكل احتياجاتها جانت توصلها اول باول ومن احسن ما يكون رغم الوضع بالبلد جان حصار بس ما اتأخرت لحظة على عأئلتي وطلباتهم....

رجعت لبيتي بعد ٤٠ يوم وهاي جانت اول مرة ابتسام وايمان يشوفون ملاك...

اخذهه عمي ابحضنه: وهو يناغيها ويبوسها..
اتقربت منهم ابتسام حتى اتشوفها ..وكالت
_اي نفس ما اتوقعنه تشبه ابوها هسه لو اتشبهج هم ميخالف...شنو سميتوها..
_ملاك على اسم امج الله يرحمها
اني كلت هيج لو هنه اتخبلن عبالك سابتهن..ايمان وكفت على حيلها وصاحت...
_شنو على يا اساس اتسميها على اسم امي منو سمحلج..
_ما اعرفت شنو ارد...اني ما عليه سعيد سماهه هيج
_ابتسام..وهو ابكيفه سعيد افندي...وينه
عمي عاط بيهن:اشششش...اشبيجن اتخبلتن..شكو اشصار واذا سماهه على اسم امه على الاقل يذكرها ابشي مو مثلجن حركتن نفسجن وانتن ابفاتحه متذكرنها...
_سكتن بس كالبات الوجه وميباعن لا عليه ولا  على بنتي..

دخل سعيد الضاهر جان سامع كل الكلام...
(طبعا😆)

_ها خير صاير شي..اشبيكم صوتكم عالي
_طفرت ابتسام وهي متخصره وتحجي وتهدد ابسعيد...انته مال شنو اتسمي بنتك على اسم امي هو على كيفكم نمشي..
_ وليش شنو الضارج بالموضوع..
_مضارني شي بس باجر عكبه مرتك اتضل اتسب وتغلط على امي ابسبب اسم بنتك واني مراح اسمح ابهذا الشي...
_ها يعني انتي متقبلين على امي...
_طبعا
_لتنسين ابتسام انتي عاقه امي ماتت وهيه مراضيه عليج انتي ابحياتها ما جانت هامتج هسه وهيه ميته تردين اتراضيها وتصيرين البنت البارة..راحت فرصتج لتعبين نفسج..

_يابه دتسمعه اشلون يحجي وياي
_اي وعاشت ايدة مكال غير الحق..انتي العاقه امج ماتت وهيه مراضيه عليج.... عندج كلمة طيبه كوليها ما عندج انجبي وسكتي 

ايمان:وانتي على شنو ضايجه خلي يسميها هيج ترى امج اسمها مليكة مو ملاك...عبالهم اذا سموها هيج راح اتصير العزيزة مال البيت...بطرانيين...