الحب لم يخلق للجميلات فقط

البارت الثامن والثلاثون

#الحب_لم_يخلق_للجميلات_فقط

للكاتبة بان الأعرجي

البارت 38

ملاك
كملت طريقي عادي واني احاول ابين انو الأمور طبيعيه ..هدى انتبهت على دخولي بس بقت على كعدتها وما بادرت ابشي...

دخلت الصف وكعدت بمكاني  ..طلعت كتابي دا اراجع المادة..بس كلبي نار..وتفكيري كله يم هدى ودموع هسه شنو دتسولف وياهه اكيد تتبلى علينه واتشوه سمعتي وسمعة اهلي...

دك الجرس...
ودخلت هدى للصف...تباوعلي وتبتسم..كعدت بمكانها..وكالت
_اشبيج وجهج مكلوب
_اني؟ لا مابيه شي
_ههه ضجتي لن دموع حجت وياي
_لا براحتج احجي وي اليعجبج ما مجبورة تبقين وياي..
جان تضرنبي على جتفي...انجبي ولج غير انتي صديقتي الاحبها...

دخلت علينه المدرسة ومكدرنه نحجي....

عذراء..
عانيت بوجود رسل وياي .. كاعدة بالصف والبنات كلهم ملتمين عليها وهمه متعاطفين وياهه  ونظرتهم الي باستحقار..هاي من غير الكلام الاسمعه عيب عليها ومتستحي وتكرها لن احلى منها...اي هيه هاي طبيعه البشر يعلقون على كلشي كدامهم بدون ميحاولون يفتهمون الاسباب الحقيقه😏👋

بقيت على هذا الحال ولا ابنيه تقبل تحجي وياي او تتقرب مني ابنظرهم اني وحده حاقدة وشريرة اذيت بت عمي وضربتها لن اغار منها...

سعيد..
فاجئني اليوم صديقنه بالشغل صاحب سكله مثلنا وكال...
_اليوم اجه اخوك حميد واشترى مني مواد بناء شنو ديبني بيت ...
_اتفشلت هسه شيكول علينه الزلمه..اي اثنينه دنبني ابيوتنه. تعرف بعد هاي سنه الحياة وجهالنه كبروا ويردون مكان ابوحدهم..
_اي طبعا حقكم..واني هم ما قصرت ويا كتله اخذ الي تريدة السكله كلها كدامك ولا يهمك..
_اشكرك ابو سمير متقصر
_تسلم عاد هو كال اريدهن بالدين كتله اني ما انطي بالدين بس لخاطر الحجي شتريد اخذ
_والله يا خويه الحجي ماله دخل..هاي السكله كدامه والحجي كله اخذ لتريدة ويتسجل عليك و هو ما قبل..وكله تشهد..
_صدوك؟...لعد اشلون يكول ابويه طردني وميقبل اخذ شي حتى بالدين..
_استغفر الله...روح اسئل كل المحلات همه يعرفون السالفه شنو  ..عالعموم بارك الله بيك فكيت ضيكته بس اني والحجي مالنه دخل باجر تجي اتكول حميد ضحك عليه حميد ما انطاني فلوسي ما مقبول ومالك شي يمنة...
_ها...لا ما اسمحله هيج يسوي بيه اصلا كال مرتي عدها سلفه مال موضفين وتطلع بعد شهرين ويسددني
_ان شاء الله المهم اني كتلك العندي والسلام...

حرك دمي حميد انوب ايريد ايشوه سمعتي وسمعه ابويه كدام العالم بس لو اعرف ليش هذا الحقد الف رحمه على روحج يمه لو جايبه جلب وهاي الخلفه..

ملاك..طلعنه بالفرصة..واني بس اريد اعرف دموع شتريد من هدى...
_اي اشرادت منج دموع..
_ ماكو..اني جنت كاعدة انتظرج جان تجي وتكعد يمي..اتعرفت عليه..كالت..