الحب لم يخلق للجميلات فقط

البارت الثاني والعشرين

#الحب_لم_يخلق_للجميلات_فقط

للكاتبة بان الأعرجي

البارت 22

_مبروك انتي حامل

فتحت اعيوني ما امصدكة الخبر..ششنو
صدوك دكتورة اني حامل..
_هههه اليشوف لهفتج ايكول هاي صارلهه عشرين سنه ما عدهه طفل..نعم انتي حامل..
_طايرة من الفرحه معقولة راح يصير عندي طفل واصير أم معقولة ياربي ما مصدكة..
_بس عندي كم ملاحظات الج لازم تلتزمين بيها..اريدج تنتبهين على صحتج يعني لتعبين نفسج اهواي لانج ابداية الحمل واقل خطر لا سامح الله ممكن اتفقدين الجنين..
_شهكت ابخوف...لا اسم الله راح انتبه على نفسي والله..
_تمام والشي الثاني اريد تنتبهين على غذائج حتى يولد الجنين بصحة جيدة..حاليا مراح اكتبلج شي بعد الشهر الثالث من الحمل تبدين تاخذين الفيتامينات..وهسة انتي المسؤله خلال هاي الفترة عن رعاية وتغذية الجنين..ماشي
_ان شاء الله دكتورة شكرا...

طلعت وبيدي نتيجة التحليل..فرحتي متنوصف ابهذا الخبر..ايام قليله من زواجي والله مَن علية ورزقني ابطفل..وراح اصير ام..بس خايفة حيل احس نفسي ابحرب ولازم أحارب و احمي طفلي من كلشي....كلام الدكتورة بقى ابالي وين ارتاح واني كل الشغل ابراسي يارب ساعدني ما اريد اخسر اول فرحتي ما عندي غيرك سند يا إلهي...

عمي:ها بوية بشري خو مابيج شي..

استحيت كوة حجيت دنكت وكتلة...
عمو طلعت حامل..متت من الخجل 🤦🏽‍♀️..خطية عمي فرحته متنوصف متحمل كعد عالكرسي..دمعت عيونه ومسحهن..وكال..
الف الحمد لله والشكر انطاني عمر وخلاني اسمع هيج خبر تستاهل بوية سعيد ان شاء الله ولدٍ صالح الف مبروك بنتي بالسلامة ان شاء الله..
_تسلم عمو الله يخليك النه وميحرمنة منك...

حميد:مبروك خوية..
_الله يبارك بيك يوم الالكم..
سراب ساكته ما حجت شي حتى مبروك ما كالت..
كال عمي خلي ننتظر نتيجة سراب وكلنه سوية  نرجع للبيت..
دقايق وصاحو باسمها..دخلت وحميد على اعصابة يفتر ابمكانه وينفخ ابتوتر...هففف وين صارت اتأخرت..

وطلعت سراب والضحكة تارسة الحلك...
_باركولي باركولي اني حامل..

عمي رفع ايديه لسما وهمس بكلمات..وكال الف الحمد لله والشكر على هاي النعمه مبروك ابني..
حميد حضن ابو وبوسه...
_بابا راح يجيني طفل راح اصير ابو...

حميد جان حيل فرحان..وكلش متأثر بالخبر اباوع عليه..الله ايهني ويتمم عليهم..على الأقل فرح ابهذا الخبر ...وانته يا سعيد راح اتصير ابو  ..وما عندك خبر..الله يرجعك بالسلامه ما اريد غير شي..اتمنيتك وياي وتفرح مثل فرحتي واكثرر...فرحتي ناقصة ابدونك...

رجعنا للبيت..وحميد طول الطريق خايف على سراب
ويكول لسايق امشي على كيفك ولتهز السيارة مرتي حامل...والسايق هم ما قصر انكلب سلحفاة 👌🤭..